وطتّ رجليّ علىً دربه و لآآإ آإدريّ وشّ نؤوى فيني .! - الصفحة 57

حرم سهيل · 02-22-2011, 01:39 PM

|[ وينج ضحوؤوؤوي؟؟؟

نتريآآآآآ البآآآرت }..~ __DEFINE_LIKE_SHARE__

special_heart · 02-22-2011, 04:27 PM

بلـآآآه حمد اتخبل جيييي,><

مهرووه حيآتي ما تستاهل اللي يصير لها ,

ان شاء اللـ‘ه تتصلح الامور امبينهمْ ,

نتريآآ البارت الييآآي __DEFINE_LIKE_SHARE__

«ضَحِيًة حِبُيًبُيً ..}● · 02-23-2011, 01:42 PM

.

.

.

البارت الـ 42

بو خالد عاتب سيف على تأخيره بس سرعان ما هدى وهو يذكر ولده الي مات .! وانششغل بالناس والعززا . . سيف كان يسلم ب جسسد بس . .. عيوؤؤنه على حممد الي كان صارم ولا مرتبك ولا جنه مسسوي شي .! حطو الغدا وتغدو النآإسس وعقبها بدت الناس تخف شوي . . قام حمد من مكانه وراح يقعد حذال سيف . .!

اتنهد سيف ب ضيج يوم شافه قريب منه . .

حمد : لازم نتكلم . .

سيف يطالعه بحسره : حسسافه . . خنث ثقتي فيك . . مأمننك وخليتك ف بيتي . . وكنت تخوني ويا حرمتي . .

حمد عاقد حياته : انته شو من طينه تحسبني عشان اسويها . .

سيف مبتسم : خل عنك هالرمسه حممممممد . .

حمد : لاتتحراني ششراتك . . بسير برقد وياحرمه وعقب باخذها. . مهره حششيم وانا حششيم ماسويت الي انته سويته بالحرام .! ولو بغيت صدقني مافي شي بيمنعني . . تراني دارس برا وكنت اروم اسوي العجججججب . . وانت ادرى بهالشي . .

سيف يغمض عينه ب عصبيه : شوه الي تباه الحين شوه . .

حمد : ماباك تظلمها . . تراها ماسوت شي يستاهل انك تمد ايدك . .

سيف يطالعه باستهزاء : خايف عليها . ؟

حمد : هيه . . اقولك اياها بصراحه . . خايف عليها مووت . .

سيف كان بيعطيه بكسس بس نزل ايده يوم انتبه للناس اطالعته . .

محمد ولد عمهم استغرب من الحركه ويا صوبهم . .

محمد يكلم سيف : شوه فيك ؟

سيف عاقد حياته : مافي شي . . . ممكن تخلينا روحنا . .

محمد : انزين . . ويوم بتخلص " بنظره صارمه " انا اباك برمسه بعد . .

سيف بدون اهتمام : مش مشكله . .

سار عنهم محمد . . .

حمد يتنهد : اذا كان ودك تضرب حد انا الي لازم انضضرب . . هي مالها خص ف شي . .

سيف يقوم : مابا اسمع شي . .

حمد يقوم وراه : لاااااااازم تسسسمع . . لو ما تبا تسمع طللللقها ولا تعذذذبها . .

سيف يطالعه : ها الي تباه صح . . لكن حامض ع بوزك . .لين اذلها ذل واعذبها عقب بفرها فره جلاب وكيفك لو بتششلها . .

حمد بعيون ضيجه : اقص ايدك لو فكرت . . محد بيذلها وانا حي . .

سيف : بنششوف . .

طلع سيف من العزا وهو معصصب . . دش صاله الحريم والكل استغرب من تصرفه كيف يدش جي . .

وقف ع طرف وهو يقول : مهره . . . . " رفع عينه وشاف ميثا وابتسمت له "

سيف مبتسم وفخاطره " هذا وقتج . . ييبتي ف الوقت المناااسسب "

سيف يكمل : ميثا . . تعالو فوق . .

الكل صد صوبه مسستغرب . . . وام خالد صدت صوبه ب حيره . . .

قامت ميثا على طول وسارت صوبه . . . مهره تمسكت ف امها ما بغت تنش . .

من الفششله والتلوم من الناس قامت ام خالد وسارت صوب ام عبدالله . .

ام عبدالله تطالع مهره : شو فيج امايا . . قومي ريلج يباج . .

ام خالد : مهره " تمد ايدها " تعالي امايه ويايه . . .

ام عبدالله حاطه ايدها ع قلبها: شوه مستوي ؟

ام خالد مبتسمه : ولا شي يالغاليه . . اظن ريلها يبانا ف سسالفه . .

ام عبدالله : امنوه الحرمه الي عداله ؟؟

ام خالد : علمي علمج . .الحين بنعرف

ام عبدالله تقوم وياهم وتقوم مهره الي كانت راصه ع امها وما تبا تقوم . ..

قامت عنود وصعدت وياهم فوق . . دخلو غرفه عنود لان غرفه سيف كلها شعررر ولايثه فوق تحت !

ام خالد وهيه تقعد ع الكرسي : منو هذي يا سيف . .

سيف يطالع ميثا : هاي حرمتي امايا . .

ام عبدالله حطت ايدها ع قلبها: شششووه . .

سيف : امايا . . عمووه . . اسمحولي ما خبرتكم . . " يفكر ف جذبه " آآآ . . هآي حرمتي قبل مهره . . وانا خبرت مهره وفدييتها مول ما عارضت ولا قالت شي . . وانا تراني عادل امبينهم ومش مقصر ف ولا وحده فيهم . . . والشرع حلل 4ماظن فيها شي . .

ام خالد ب عصبيه : حسبي الله عليك . . لومتني . .

ام عبدالله : بنتي مش محتاجه اتم عندك دامك عندك حرمممممه . . " مهره يلست ع الارض وحاطه راسها ع ريل امها "

سيف يقوم ويسسحب مهره من ايدينها : ليش عموه . . مهره راضيه . . وانا ومهره نحب بعض . . " يرص ع ايدها ب عنف من غير محد يلاجظ" صصح مهوور ؟

مهره تبلع ريجها وتبتسم : هيه . .

ام خالد : مهررره راضيه تعيشين وريلج يتششارك ويا حرمه ثانيه . .

مهره تهز راسها ب معنى هيه . .

ام عبدالله تقوم : بس انا مارررررررررضى . . اختار يا بنتي يا مييثا ..

سيف : عموه ليش تكبرين السالفه . انا وبنتج متفقين . . ماله داعي تفرقين بينا ..

"يقرمش مهره عشان ترمس "

مهره : اممايا خلاص . . انا اباه وماباا اطلق . . دخيلج . . دامني راضيه لا تحااتين . .

ام عبدالله تطالع ام خالد : ماتوقعت يا ام خالد مول ما توقعت . .

ام خالد : الله شاااهد اني ماعرف شي فديتج . . انتي تدرين ب غلات بنتج عندي . . والله لو ادريبه هالهرم معرس ما اخلي بنتي تي صوبه . . حمد اولى به منها . .

سيف فار من سسسمع هالرمسه وصارخ : يلعن حمد وطاري حمممممممممممممد . . . انا رريلها وممحد له الحق يتكككككككككككككككككككلم دامها راضيه تسسسمعون . . " يطالع مهره " شلي اغراضج بنرد دبي . .

ام عبدالله تحط ايدينها ع قلبها : واي بنتي . .. خل بنتي ف حالها . .

سيف ب صوب واطي : سيري سكتي امج . .

هد ايدينها وسارت عند امها وهيه قابضه روحها عشان ما تصيح . . وبصوت مسموع . .

مهره : امايا لا تحاتيني . . انا لو مش مرتاحه جان قلتلج عشان تسساعديني . . لكن صدقيني يا امايا انا سعيده . . وهو مش مقصر علي في شي . . وقلتلج تراه عادل امبيناااا . . مافي شي امايا . . من جدامي معرس احسن من ما يكون من ورايه . . لا تحاتيني . . انا بخيير . . " تبتسم " انا مستانسه ف حياتي . . محد مثلي محظوووظ ف هالدنيا. . محححد . .

ام عبدالله وقلبها مقروص وتحط ايدينها ع ويه بنتها : هذا قرارج يا اميه ؟

مهره : هيه امايا . . وصدقيني مابندم عليه " تبوس ايد امها " ابا رصاج بس . . اباج تكونين راضيه عني عششان اتوفق . .

ام عبدالله ودمعتها تنزل : رووحي يا امي روحي . . انا راضيه عليج دنيا واخرره . . الله ييسر لج امورج ويوفقج يا اميه . .

عنود كانت ساكته وتصيح ب هدوء . . تصيح على كل شي . .

مهره سارت عند عنود ومسكت ايدها بقوه : لا تصيحين . . . قوي قلبج . . ادعي ل اخوج بالرحممه . . ترحميله . . مايفيد الي تسوينه . .

عنود تقوم وتحظنها : اصيح عليج يا مههوور . . اصيح عليج . .

مهره بصوت واطي : لاتخافين علي . . من يومي ذيبه . .

عنود تبلع ريجها : انتي ريشه . . اي ذيبه يا بنت الحلال . .

مهره تبتسم وتطلع من الغرفه عشان تشل لها كم غرض. .

ام خالد تطالع سيف ب لؤم : قلبي مش راضي عليك يا سيف . . قلبي مش راضي . .

سيف يتنهد . .

ميثا : عممموه . .

دخلت مهره وعينها ع ميثا . .. .

تقاطعها ام خالد : تعمعمت حنووونج . . . لا عمتج ولا اتششرف فيج . . رووحي ولاتفكرين تيني وتطبين بيتي مره ثانيه . .بيتي يتعذر ع اشكال وصخه مثلج ومثله . .

سيف ب قهر : ماتقصصصرين الوالده ماتقصرين . . " يرمس مهره " بسسرعه يلاا

مهره ب نبره تقطع القلب : انا جاهزه . . !

ام خالد تطالع ام عبدالله : حتى مافيه ادب ييلس ف عززززى اخوه . . .والله انه ما يستحي . . الي مثله لا مرووه ولا مستحىى . .

طلع سيف من البيت وماسك ميثا بايدينه اليمنى . . حبت مهره راس امها وعمتها . . وباست عنود وودعتها ولحقتهم . .

طلع بسسرعه من غير ما يشوف حد . . . شافه حمد وهو طالع . . استغرب اكثر يوم شافه قابض ايدين ميثا و مهره تمشي وراه .. انعصصر قلبه وسار على طول عنده ب عصبيه . .

سيف اول ما شافه تقرب تم يشوف مهره ب عين ضيجه وفيها عصبيه . .

سيف : اركبي السسسسياره بسرعه . .

ركبت السياره ورا ، لان ميثا قعدت جدام . .وووصل حمد صوبه . .

حمد : انتتتتتتتتته حيوان " يدزه على جتفه بقوه " شششششو الي تفكر تسويه خبرني . .

سيف : انته ما تبااها ؟؟ خلاص بييب لك اياها مشلله . . وانت تحمل منها عاد عقبها . .

حمد ماسك رقبته بعصبيه : والله اننننننن مسسيت شعره من شعرها .

سيف يدزه بقوه ويطيحه ع الاررض : ليش هو بقالها شعر . . زيروو قريبا ان شاء الله . .

وركب السياره وسسسسسرع !

ميثا تمسك ايده : حبيبي خلاص لا تعصب . .

فر ايدها ب قوه : فكييييييني انتي بعد . . " وسرعان ما يت فكره ف باله ورد سحب ايدها " اسف حبيبي . . اسف . . بس ناس **** تخلي الواحد يعصصب وما يتحمل . . ناس ملوثه . .

ميثا تتنهد : ما يسوى انك تسوي بروحك جي . . خلهم يولون حبيبي . .

سيف يطالعها . . : حطي راسج اهني . . " ياشر ع جتفه "

حطت راسها ع جتفه وتمت قابضه ايده بقوه . . : فديتك حبيبي . . هد اعصابك خلاص . .

مهره كانت تطالع الموقف وتحس بروحها تظظظظظهر . . ماقادره تتحمل . . . حطت راسها ع الجامه وتمت مغمضه وتسمع حوار الحب الي يدور بينهم . .وووبعد مرور نص ساعه فالدرب حست الدنيا كلها ادور فيها وطاحت . . كانو توهم واصلين الشارجه . .

قامت ميثا وصدت ورا . . . دزتها ب شويش : مهره . . مهره . . . " تطالع سيف " ماترد . .

سيف : يعلها تتتتتتتتتتموت وما تبقالها رؤؤؤؤؤؤؤؤح ان شاء الله . .

ميثا عاقده حياتها : انته مينون . . عقب بيعقونها علينا . . وبيقولون احنا الي جتلناااها . .

سيف يتنهد وعكس دربه وسار صوب المستشفى . . . اول ما وصلو بطل الباب الوراني وكان يضربها ب قوه عشان تقوم بس ماشي تجاوب .! بدى يتوتر شوي وشلها . .

ميثا : انا بتم فالسياره اتريا . .

مارد عليها وشل مهره وسار المستشفى . .

ع طول يتها الدكتوره وشافتها . ..

عقبها ب ربع ساعه . . . طلعت له الدكتوره برا : كيف حرمه حامل مايدخل شي ف بطنها ل يوم كاامل . .؟؟

سيف عاقد حياته : حاممل ؟

الدكتوره : هيه حامل .!!! ماتعرف ؟

سيف والشيطان يلعب فراسه : حاممل من امنوه ؟

الدكتوره : عفوووا ؟؟

سيف : ابا اسوي تحليل وابا اعرف جينات الولد الحين . . الحين ابا تحليل

الدكتوره مصدومه منه . . بس الي سوته انها سارت للسستر وقالتلها تسوي التحليل . .

عقبها ب نص ساعه من انتظار يته ميثا . .

ميثا : وووايييد تااااخرت ؟؟

سيف : اتريا تحليل الـ دي ان ايه

ميثا باستغراب : ليييييييييش ؟؟؟

سيف : حامل . . وابا اعرف من امنوه . .

ميثا : حاامممل .؟ ليش انت . . . .

سيف يطالعها : مش وقتج . . .

ميثا ب قهر : اكيد مش منك . .

سيف غمض عينه بقوه . .

ميثا: خلنا نخليها اهني ونرؤؤؤح . . .

سيف يطالعها .

ميثا : وايد تتحرا الولد منك يعني ؟ يالله خل نروووح وخل اتم فالمستشفى . .

سيف : مش قبل ما اشوف النتيجه . .

ميثا ب عصبيه : النتيجه ما تطلع ف نفسسسسس اليوم . . . يبالها يومين ع الاقل . . خلها اهني اتم يهتمووووون فيها احسسن . . منو بيداريها اهنااااك . . كفايه ان الولد اكيد مش ولدك . . . اذا تاكدت بيتصلون فيك وتعال شششلها . .

سيف ب تردد : تقولين يعني . .

ميثا تسحبه : اكيد حبيبي . . يالله . .

تبعها سيف ومشو . . النيرس يت تبا تكلمه بس طلع !

.

.

.
__DEFINE_LIKE_SHARE__

roro12345 · 02-23-2011, 03:01 PM

ميثآآ يبآلهآ طرآق يأدبهآ .. ><

و سييف ويآهآ بععد ..

ومهرة آلله يكون فعونهآ !! __DEFINE_LIKE_SHARE__

R-Y-B · 02-23-2011, 03:40 PM

سيف :@ ثانكس اختي عالبارت d= __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM