وطتّ رجليّ علىً دربه و لآآإ آإدريّ وشّ نؤوى فيني .! - الصفحة 54

Bebo ~ · 02-16-2011, 05:12 PM

حراااااام عليه حمد >_<

ان شاء الله يتفاهمون ويصير كل شي اوكي ..

ننتظرج فديتج ~ __DEFINE_LIKE_SHARE__

roro12345 · 02-16-2011, 06:04 PM

آتوقع سيف ومهرة بيردون لبعض وكل شي بينحل .. =)

نتريآج حبوبة __DEFINE_LIKE_SHARE__

6amoOh · 02-17-2011, 01:03 AM

حرآاآاآاآاآم لــيـ،ـــْـش جــِـــي ْ!!! ><"

بنتظــآرْ إلبـــآرتْ عـ،ـلى أحًر منْ ألجًمــرْ .. __DEFINE_LIKE_SHARE__

«ضَحِيًة حِبُيًبُيً ..}● · 02-17-2011, 05:35 PM

.

.

.

البارت الـ 41

رقد سيف من كثر مآ فكر مآ حس بروحه . . ورقدت مهره ع الارض من التعب الي فيهآ .! النآس تجمعت للعززا . . . البيت مشلول فوق تحت من كثر الحريم . . . ام خالد وبو خالد كانو وايد صبورين وراضين بـ قضاء الله وقدره . . عنود نفسيتها تعبانه حييل ماتعرف تصيح على اخوها ولا على اختها الي ف المستشفى ولا على حال سيف ومهره وحمد . . افكارها متشتته وتبي تصلح الوضع بس مش عارفه كيف . . كانو اهل مهره كلهم موجودين ف العزى ويسالون عن مهره وسيف بس ما يحصلون جواب ! ميثا سمعت بالخبر واحتارت تي العزا ولا ماتي .! اخر خلاف صار بينهم ما يخليها تستجرأ تتصل فيه . . لكن على قولتها " الواجب واجب وانا ببقى حرمته وبروح العزا ! "

قامت عنود من مكانها وقعدت ادور الخدامه . . تحجبت عدل وتلثمت وطلعت برا عشان تدورها . . انتبهت لـ كندورة حممد اخوها واقف قبال البيت . . تجدمت له بسرعه ومسكت كندورته . .

عنود : حمممود . . " تسحب الكندوره " دش داخل ابا اكلمك . . بسسسرعه دش . . !

عطته ظهرها ومشت . . ولحقها حموؤد لـ وين ما تمشي . . سارت الميلس الي برا كان خالي . .

دخلت ودخل وراها وانصصدمت من الي شافته . ّ!

عنود عاقده حياتها : انت . .

محمد مبتسم : انتي !

عنود توترت : سوري حسبالي حمود اخويه . .

محمد مبتسم : ماعليه طلعت حمود ولد عمج . . . " يمد ايده " شحالج ؟

عنود مدتله ايدها : الحممدلله . .

محمد : عظم الله اجرج . .

عنود : الدوام لله . .

محمد يضغط ع ايدها بقوه : كبرتي عنوود بسرعه . .

عنود تطالع ايدينها . .لين حس محمد ووخر ايدها . .

محمد : ليش طالعه برا . . ماتدرين كله رياييل .؟

عنود : كنت ادور ع الشغاله . .

محمد بعيون ضيجه : متاكده ع الشغاله ؟ . ولاكنتي تبين تشوفين حد معين . .

عنود تطالعه بارتباك : بطالع منو مثثثثلا ؟

محمد مبتسم : يمكن حد مني مناك . .

عنود عاقده حياتها : مطول وانت اهني .. ؟

محمد يبتسم : بيت عمي ليش ما اقعد . . وبخليج تزقرين عموه بعد وبعززيها . .

عنود بدون نفس : بسير ازقرها . .

محمد : لحظظظه . .

عنود صدت له . .

محمد : خليها لـ باجر احسن . .

عنود : عراحتك . . " ومشت عنه "

ناظرها لين طلعت من الميلس وابتسم . . . وطلع مره ثانيه برا . .

اول ماطلع شاف وحده فويهه . .

ميثا ارتبكت . .

محمد عاقد حياته ويطالع يمين ويسار عن حد يشوف . . : انتي شو تسوييين اهني ؟؟

ميثا : يايه احضر العزا . .

محمد : وبصصفتج شوه ؟؟؟ رربيعت سيفو !

ميثا عاقده حياتها : حرمممته . . !

محمد يبتسم باستهزاء : انتي وايد قاصه على عمرج . .

ميثا مبتسمه : انا وسيف تزوجنا . . وانا حامل بعد . . ابششرك . .

خلته ف صدمته وراحت عنه داخل ! اسستغربوو الحريم من الي داخله . . . كلهم اهاليه وكلهم يعرفون بعض .! لكن الي دخلت محد عرررفها .! سسلمت على ام خالد وقعدت حذالها . .

ميثا : عظم الله اجرج عمموه . .

ام خالد استغربت منها بس ماحبت تسال . . : الدوام لله يا بنيتي . .

تمت تسستغفر وتدعي وتجاهلت وجود ميثا . .

لاحظت ميثا الشبه الكبير بين عنود وسيف . . قامت من مكانها وسارت تقعد حذال عنود الي كانت تمسح دموعها ..

ميثا : احسن الله عزاج . . .

عنود تقوملها وتسلم عليها : يزاج الله خير . .

ميثا تقعد حذالها : انتي عنود صح ؟

عنود مبتسمه : هيه عنود . .

سمعت تلفون البيت يرن ! قامت عنود بترد عليه . .

عنود ترمس ميثا : بروح وبردلج . .

عنود : ألووو ؟

محمد : عنود ؟

عنود باستغراب : منو ؟

محمد : انا محمد ولد عمج . . البنت الي دخلت توه خلييييييها تطلع من اهني الحين. .

عنود بصوت واطي : اي بنت ؟؟

محمد يتنهد : الي دخلت تتتتتتوا . .

عنود : كيف اطلع بنت من بيتنا تسستبهل . . البنت يايه تعززي . .

محمد بـ عصبيه وبصوت واطي : انتو مش محتاجين لوث يعزونكم . .

عنود : استغفر الله شو هالرمسسه استح ع ويه . .

محمد : يااااااا عنود هاي عار لو دششت هالبيت . .

عنود بـ استغراب : والله انك ما تستحي . . لو شو ماكانت طينت البنت هيه يايه وتسوي الواجب . . يالله ببند انا . .

وبندت فويهه وحاولت ما تبين عصبيتها للناس . .

ردت مكانها وقعدت حذال ميثا ب فضول وهيه تبي تعرف منو تكون .!!!

ميثا مبتسمه : وايد تشبهين اخوج . .

عنود تصدلها : حمود ؟

ميثا : لا سسيف ..

عنود : كيف تعرفينه ؟

ميثا: انا حرممته . .

عنود فجت عينها ع وسعهن بصدمه وبلعت ريجها .

ميثا مبتسمه : اسسمي ميثا . .

عنود زخت ايدها ب قوه وقومتها من الصاله . . استغربت ميثا من حركتها وتمت تمشي وياها لين صعدو فوق ..

دخلتها غرفتها وعلامات الصدمه فيها . .

عنود : شششششششوه تسوين اهني . .؟؟ تبين ادمرين كل شي . .

ميثا : هدي اعصابج . . انا مايايه اسوي مشاكل . . ولا بقول لحد . .!!!

عنود : دخيلج ميثا روحي .!

ميثا باستغراب : ماراح ارمس . . انا يايه بعزي وبس . .

عنود بـ تلوم : ما ينفع اتمين اهني . . اخاف يصير شي . .

ميثا تقوملها وتبتسم :لا تحاتين ما بيصير شي . . واذا حد سال عني قوليلهم اني ربيعتج وخلاص .!

عنود خايفه وماعرفت شو ترد عليها .. بس اقتنعت ب كلامها وردو نزلو تحت !

.

.

.

فـ عزا الريياييل الكل كان يسأل عن سيف ! لين ما عصب بو خالد واتصل على ام خالد عشان تقومه وتخليه يي العزا . . زقرت ام خالد عنود ووصتها تسير فوق وتشوفهم ! قامت عنود وهيه خايفه وماودها يصير شي . . . دقت الباب عليهم وايد لين نقزو اثنينهم وقامو . .

قام سيف وفتح لها الباب وخلاها تدخل . .

انصصصصدمت من الي شافته . . شعر مهره طايح ف كل الغرررفه ! والغرفه مقلوبه فوق تحت . . صدت لمهره وسسارت صوبها بسرعه ..

سيف بـ عصبيه : عنود !!!!!!!

عنود متجاهلتنه وتمسك شعر مهره الي كان طوييل والحين مما بقى منه شي .. يا دووب لين تحت اذنها . . وعلامات ع ويهها حممرا ودم متيبس ع يبهتها . .

تنزل دمعه عنود ب قوه : حبيبتي مهور . . .

ابتسمت لها مهره : مافيني شي لا تحاتيني . .

سحبتها عنود لحظنها وحظنتها وتمت تصيح . .

عنود : حسبي الله عليك ياسيييفوه . . . ظلمت البنت . .

سيف يقعد ع السرير : شو تبين يايه اهني . .

عنود تمسح دمعه مهره الي نزلت . . ومسحت دموعها وصدت ل سيف ب حقد . .

عنود : ابوي يباك تنزل الحين وتسير الخيمه برا . . الكل يسال عنك . .

سيف يتنهد : اطلعي برا . .

عنود باصرار : ما بطلع . .

سيف ب عصبيه : بلبسسسسسس . ّ!

عنود تقوم بتطلع برا : اوكي . . بترياك عند الباب . . وصدقني بخبر امايا كل شي لو حاولت تقفل الباب عليها وتروح . .

سيف يبتسم باستهزاء: روحي روحي . .

عنود تقوم مهره : قومي بنروح غرفتي . .

سيف بصوت مرتفع : عنووووووووووووود . . لاتخليني انزل تحت وانششر سواد ويهم اثنينهم بين كل الناس الي برا . .

مهره تمسك ايد عنود : خلاص حبيبتي رووحي . . ماعليج مني . . دخيييلج روحي . .

قامت عنود ب عصبيه وطلعت برا . . تمت واقفه عند الباب تترياه يخلص . . بيصارخ بيفضخ خل يفضح . .

سيف سار صوب مهره ب عنف ومسك شعرها : لو نطقتي ب حرف واحد حق اي حد بـ ألي صار . . لاتلومين الا نفسج . . حتى هالشعر الي ماسكنه بسسحته لج . . سمعتيني . .

هزت راسها ب معنى هيه . .

فر راسسها وخلاها . . تغسل ولبس كندورته وطلع . . .

قال ب صوت عالي : درب درب . .

لين رخصته امه وطلع . . من عقب ما راح على طول دخلت لها عنود وسحبتها وودتها غرفتها . .

عنود : ادخلي اسبحي . . وبطلع لج شي طويل تلبسينه عشان ما يبين علامات ضربه . .

ما ردت عليها مهور وسوت الي قالته . . طلعت ولبست لها جلابيه عاديه ولبست فوقها العباه . . حطتلها عنود كريم اساس وبودره فويهها ع اماكن الضربه . . حاولت قد ما تقدر تخفيه لها . .

تعطرو اثنينهم ونزلو للحريم . . سلمت مهره ع الكل لين وصلت عند ميثا وانصصدمت . .

لاحظت عنود عيون مهره المصدومه . . ابتسمت لها ميثا ب لؤم . .

عنود تأشر لها : يلسي حذالي . .

مهره بـ تعب : لا بقعد عند امايا . .

راحت مهره عند امها وحطت راسها عـ جتفها .. غطت ايدينها بويهها وتمت تصيح ب هدوء عشان محد يلاحظ . .

.

.

.
__DEFINE_LIKE_SHARE__

Ms8o3a · 02-17-2011, 06:17 PM

الله يرحمه .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM