البارت الـ 140



فهد : ها مستعده ؟؟

روضة مبتسمه : هيه ..

فهد : احس انج حاامل اصلا . . من خمولج كله تنامين كله تنامين . .

روضة تطالعه وقلبها يدق . .

فهد فاج عينه : خايفه . . ؟؟

روضة : هيه اكيد . .

فهد : ههههههه من شو خايفه ؟

روضة : من النتيجه . .

فهد يبتسم : حامل . .

روضة : ان شاء الله . .

زقرتهم الدكتوره ودشو داخل . .

الدكتوره تطالع فهد : زوجها ولا اخوها ؟

فهد : زوجها . . بشري دكتوره اكيد حامل صح

الدكتوره تطالعه : لا . . مش حامل " تطالع روضة " بوصفلج شويه ادويه واضبي عليها لان عندج شويه مشاكل تمنع الحمل . . " تطالع فهد عشان يستحي ع ويهه ويطلع "

فهد : بخليكم . . " يطالع روضة " بتريياج برع . .

دقايق وطلعت روضة . .

فهد مسك ايدها وتمو يمشون بيركبون السياره من غير ما يتكلم ولا واحد فيهم . .

اول ما ركبت السياره جمعت ايدينها الهنتين وحطتهم فويهها وصاحت . .

فهد مسك ايدها على طول ونزلها : صيحي جدامي . . عادي مافيها شي .. انتي بعدج صغيره وان شاء الله بتحمممملين عقب

روضة : صعب احمل . . صععب . .

فهد : ما بسألج شو قالتلج . .بترياج تهديين وتخبريني

روضة تقاطعه : صعععععععب احممممل فهددددد . . انا يمكن ماقدر اييييييب عيااال اصلا

فهد : يا روضضضضة اهدي شويه . .

نزل من السياره وسار بطل باب السياره صوبها ومسك ايدينها الهنتين

فهد : احنا عندنا عيال . . ريم بنتج وعيال اخوج اثنين ربي يحفظهم . . ما يسدوووووون ؟

روضة : ياهل من بطني غير

فهد : معقوله هايييل الي ماطلعو من بطنج ماتحسينهم عيالج ..

روضة : بلى والله عيااالي . .

فهد : خلاص . . خل نربيهم لين يكبرووون واذا الله رزقنا بياهل بنحمده وبنشكره ولو مارزقنا ترانا ربينا 3 عيال . . صح ولالاء ؟

روضة تهز راسها بالموافقه . .

فهد : يالله عاد . . مابيج تصيحين . . اصلا كله مني .. انا زرعت الفكره في بالج وخليتج تفكرين انج حامل . . مادري ليش يا هالشي في بالي .. اسف والله الغلط مني . .

روضة : لالا . . انت ما غلطت في شي . .

فهد : والله الغلط مني لاني لو ماقلتلج جيه جان ما يبتج لين اهني وزرعت فكره الحمل فيييج . .

روضة : . .

فهد : انا اسسسسف . . . والله اسف ، متلوووم فيج حييل

روضة تمسح دموعها : لا تتلوم ما صار ششي . .

فهد : تأكدي . . "يمسك ايدها " اني انا بتم معاج . . بعيال ولا بدون عيال . . لاني انا " يبتسم وبنبره حنان " احب هالمخلوقه الي جدامي . . وبحبها بكل حالاتها . . بطفل ولا بدون . .

روضة تنزل راسها . .

فهد : استحيتي . .

روضة صدت الصوب الثاني . .

فهد يسحب ويهها ويخليها تشوفه : انزين انا احبج . . انتي وايد طيبه ووايد تدخلين القلب بسرعه . .

روضة ما تتكلم . .


فهد: وانتي ؟ ماتحبيني ؟ اوو . . ما حبيتيني ؟

روضة تهز راسها : بلى . .

فهد يبتسم : صدق ولا مجامله . .

روضة : صدق . .

فهد شق الحلج وتقرب منها باسها عخشمها . . : لاتصيحين . . العمر جدامنا باذن الله . .

روضة : ان شاء الله . . .

حب راسها . . .وسكر الباب . . وسار عشان يسوق . . متوجه بيت روضة . .

.

.

.

عنود : بطلي البااب " ادقه بقوه "

سلامه : بلااااج " بطلت الباب " كنت اسببببح . .

عنود تدخل الغرفه وتسكر الباب بقوه : وين كنتي . .

سلامه : شتبين فيني .؟؟؟ كنت ويا منصور

عنود تصارخ : جذااابه . .

ام خالد تدخل عليهم : بلاااااااااكم ؟؟ ليش تصاااااارخووون ؟

عنود : أسسسسألي بنتج من وين يااايه . .

ام خالد عاقده حياتها : من وين يايه ؟

سلامه : اماااااايا كنت نايمه في حجره سسيف . . وهيه تتحراني ككنت محد . " تطالع عنود بنظرات ترجي "

ام خالد تطالع عنود : شوي شوي على اختج انتي بعد . . كانت راقده فوق شو تبينها . .

عنود : . . .

سلامه : خلاص امايا " تبوس راسها " انتي سيري ارتاحي وخليني معاها . .

ام خالد :. الله يهديكم ان شاء الله . .

وسارت . .

عنود : وين كنتي ؟؟

سلامه : شفيج انتي ؟؟؟ كنت ويا منصور

عنود تصفعها كف : يا حقيره يا جذابه منصور متصصصصل فيني يسأل عنننج

سلامه : . ..

عنود : بترمسين ولا انا اتصل في منصور واقوله انج كنتي برا البيت

سلامه : يعني منصور يعرف اني في البيت ؟؟؟؟؟؟؟؟؟؟

عنود : انا الغبييييييييه اضاربت ويا ريلي عشانج . . عشان استر عليج يالخايسه . . منصور اتصل فيني وقلتله انج راقده تعبانه واني راقده معاج . . خلصصصصصصصيني قوليلي وين كنتي

سلامه تصيح : . .

عنود : لاااااا تسكتيني بدموعج خلصيني وين كنتي . .

سلامه : كنت في بيت مهره . .

عنود : شو تسوين اهناك ؟؟

سلامه : كنت ابا ارمس ام منصور عشان تسامح منصور . . مستويه مشاكل بينهم ومنصور وايد تعبان وكنت ابا احل الموضوع . . خليت منصور ينزلني بيت ربيعتي قصيت عليه قلتله في وحده مطوعه تقرا على الي في بطني ورااح وبعدين خليت ربيعتي توديني بيتهم واهناك " تصيح " شرشحوني . . تمو يغلطون علي ويعقون علي السبب . .

عنود : منو الي غلط علييييج . .. ؟؟ مهره البارحه ماكانت في البيت اصلا

سلامه : عذاري اختتتتتتها .. امها وناااااااصر .. حتى روووضه . . تمو يعقون علي كلام يعووووور

عنود : وبعديييييين

سلامه : اتصلت في ربيعتي عشان ترد تشششلني . . وماكنت ابا اشوف منصور واخبره لانه يعرفني وبيتم يحلفني اقوووول وماباه يحقد على اهله اكثر عن جيه . . فتميت فـ بيت عليا ربيعتي وقلتله اني برقد عندها وانت خلك في بيتنا . . بس هو شكله ما يا . . " تمسح دموعها "

عنود يلست ع السرير : خس الله ابليسج . . فكره تودي وفكره تيب . . الف وسواس تم فراسي . . " عقدت حياتها " لكن محمد . .

سلامه بخوف : بلاه . .

عنود تذكر كلامه !!!

محمد: عنود لا تسسسسسسستفزيني اكثر عن جيه . . اسمعي الكلام وخلاص .. اختج ما تتورطين وياها من اليوم ورايح . . اختج يالسه توطي روحها فالقاع ما راح اسمحلها تسسحب حرمتي وعرضي معاها . . اختج سوالفها خررررررررررررا ترى . .

عنود > ليش قال انها خرى . . . ؟ وانها توطي روحها فالقاع . . محمد عممممممممره ما شفته يغلط على حد .. ولا حتى على ربعه . . كيف بيرمس عن بنت عمه جيه . . . اكيد لانه كان معصب وايد لانها مارقدت فالبيت وقال هالكلام . . اكيد . .

سلامه تمسك ايدها : يالسه ارمسج . . بلاه محمد ؟

عنود : ماشي . . " تقوم " يالله بخليج عيل . . ورمسي ريلج وقوليله انج بخير . .

سلامه : اوكي بس لا تخبرين حد اي شي . .

عنود : لاتوصين . .


سلامه : حتى عن الي صار في بيت مهره لا تطرين شي

عنود : انزين

وتروح عنها . .

سلامه تحط ايدها ع قلبها . . : واي واي . .

سارت وقفلت الباب . . واتصلت لمنصور الي رد من اول رنه

منصور : حياتي ..؟؟؟؟

سلامه : هلا حبيبي . . سووري

يقاطعها : لا حبيبي عادي عادي . . طمنيني عنج انتي بخير ؟

سلامه : هيه بخير الحمدلله . . لا تحاتيني انا وايد زينه . .

منصور : الحمممممدلله ..

سلامه : منصور . .

منصور : امري فديتج

سلامه : ............

منصور : شوفيج اتكلمي

سلامه : انت اتحبني وايد ؟

منصور : احبج موت . . محد يحبج كثر ما احبج والله . .

سلامه : . ..

منصور : ليش تسألين

سلامه : اطمن على مكانتي للحين محفوظه عندك . .

منصور: وبتم محفوظه طول العمر

سلامه : طول العممر . .

منصور : اتشكييين فكلامج

سلامه : لاء . .

منصور : انا اهم شي عندي اطمنت عليج غلايه

سلامه : خلاص خلك في شغلك وانا بخير لا تحاتي . .

منصور: ردي ارتاحي نامي . . بعدها الساعه 9 . . ارقدي لا تنشين

سلامه : ان شاء الله حبيبي

منصور : تامريني على شي ؟

سلامه : لا فديتك . .

منصور : يالله الغاليه مع السلامه

سلامه : مع السلامه . .

.

.

.

مهره تتصل فيه مره ومرتين وثلاث . . يشوف المكالمه ويتجاهلها . .

المره الرابعه رد عليها . .

سيف : هلا مهره . .

مهره : انته وينك ليش ما ترد علي

سسيف : شتبين . . ؟

مهره تحط ايدها ع قلبها : اخ قلبي . . معقوله تكلمني جيه . .

سيف يتنهد . .

مهره : لا يقسى قلبك علي . . انا ماصدقت تصير لي سيف يديد بطباع بديده حبيتها فيه . . لا تصير شرات قبل الله يخليك . . لا تصصير شرات قبل ترى انا وايد عانيت لا تخليني اعاني بعد بقساك . .

سيف : . .

مهره : انا اسفه لو غلطت . . مع اني والله العظيم ما قلت شي . . شو قلت انا سيف ؟ اولا انا ما كنت بقول اي شي . . لوكنت ابا اقول شي جان قلت من زماااااااااااااااااااااااااااااان . . من زمااان يا سيف . . ولو ابا ارمس اصلا ما برمس في شي تافه مثل هذا . .برمس في اشياء حيل كبيره انا اعرفها لكني سكت مش عشان شي والله . . عشان اخويه وعشانك . . عشان ما اخسسرك . . وبعدين انت اصريت وتميت تقول لي ارمسي وقولي . . وعلى فكره لو هالشي التافه الي رمست فيه جرحك مادري لو قلتلك السالفه بصدقها شو بيصير فيك . . سيف انا قلتلك بأبسط الطرق لاني مابا اجذب عليك . . لو قلتلك السالفه بحقيقتها جان انته ذبحت سلامه . . انا قلت بكل بساطه انه هو يحببببها وعشان هالحب طلعها من البيت بسسس . . !!!! لان هي ما ارتاحت فالقعده معانا ومااااا حبببببببتنا !!! هالكلام ما يزززعل . .شو الي يزعل فيه ؟ انا قلت انها ما حبتنا والحببببب مش غصصصصب . . ولانها مااحبتنا منصور ابتعد عنا عشان ما يزعلها بقربه معانا . .

سكتت شويه تقول فخاطرها " والله اني بعدني ادافع عنج يا سلامه وانتي ما تستاهلين . . لو اقوله شسويتي فينا وشسويتي في اهلي وكيف كنتي تتبلين علي وعلى امي وعلى الاكل حتى الي نسويلج اياه . . لو اقوله شكثر كرهتتتتتتتتي اخوي فينا وفي بيتنننننا وفي كل شي يخصنا . . لو اقوله شكثر خليتي احسن ريال عندنا يجححححححد على امه ويقسى قلبه على امه وما يتعنالها لا باتصال ولا بسلام . . لو اقولك يا سيف كل شي شو بتقول حزتها . . "

سيف : صح انتي ما قلتي شي غلط حبيبي . . انتي خبريتيني بلي صار بس . . انا مادري ليش انفعلت . .

مهره : الله يخليك مابي موضوع سلامه يأثر فيننننننا . . دخيلك

سيف : . .

مهره : انا وايد خايفه . . مش مطمنه والله

سيف يبلع ريجه . : انا بنزل الحين بيتنا . . بريح شويه وبرقد وان شاء الله من انش بيخوز عني الانفعال وبكلمج . . زين حياتي ؟

مهره تغمض عينها : زين حياتي . .

سيف : مع السلامه . .

وبند . . !

.

.

.

مشكووورة الغلاا ع الباااارت ..


هذه سلااامه تنقع صووااريخ صرااحة .. الكذب ماا عند حد ..خخ
خاطري اذبحهاا ..

الله يعطيج العـــاافيـــه ..