وطتّ رجليّ علىً دربه و لآآإ آإدريّ وشّ نؤوى فيني .! - الصفحة 46

R-Y-B · 02-06-2011, 12:56 AM

thanks el'3alia 3l parts <3 tw83ati saif y6lg meitha w y7b mahra w salama nsht inshalla w na9r y'3m'9 __DEFINE_LIKE_SHARE__

Ŀάмάя · 02-06-2011, 09:13 AM

ما توقعت سلامة تموت .. ابدا

سيف يحب مهره .. بس ما بيطلق ميثا

الا اذا طرحت .. لانها حامل ما يقدر يطلقها

تسلمين عالبااارت الغلا ولا اطوليين __DEFINE_LIKE_SHARE__

«ضَحِيًة حِبُيًبُيً ..}● · 02-07-2011, 08:39 PM

.

.

.

البارت الـ 39

طلع الدكتور من غرفه العنايه وهو مبتسم . .

الدكتور : الحمدلله على سلامتها . . صحت من الغيبوبه . .

ام خالد : ألف شششكر لك يآرب . .

مهره + حمد : الحمممممدلله يآإآإرب " طالعو بعض لانهم قالوها مع بعض "

سيف : وشو صحتها دكتوور خبرني . . .

الدكتور : ان شاء الله كل شي له علاج . . هيه ما بتقدر تمشي الوقت الحالي الا بـ كرسي . . بس ان شاء الله خل ترتاح اليوم وبردو شوفتكم فيها و اهم شي انها صحت من الغيبوبه وكل شي بنتكلم فيه بعديين بـ أذن الله . . .

ام خالد وهيه تدمع : يعني بنتي بترووووم تمشي ؟

الدكتور مبتسم ويطمنها : بتروم لو عندها إراده

مهره : يعني مش شي كبيير دكتوور . .؟؟؟

الدكتور : مش كبير . . لكن يباله وقت طوييل لين تتعافى وتقدر تمشي . . انا بترخص الحين . .

حمد : لحظه دكتووور . . . نقدر نشوفها الحين ؟؟

الدكتور : بتطلع لكم النيرس بتقولكم متى تقدرون تشوفونها . . " ويبتسم " ويروح عنهم ..

مهره تحط ايدها على قلبها : الحمدلله يارب . .

صارت الساعه 4 ونص وسيف يحس ب تعب فظيع . . قعد على الكرسي ولام ايدينه الهنتين على راسه . .

ام خالد تمسح دموعها : قوم يابويه سير البيت و ود حرمتك . .

حمد يي صوبهم : اماييا انتي بعد ردي .. مالج حايه اتمين اهني . . خلاص سياره الاسعاف بتوديهم صوب المسيد الي بنصلي فيه عليهم عقب شويه . .

ام خالد تحط ايدها ع قلبها : برايه . . " تصيح " بترياكم فالسياره . .

سيف عاقد حياته : وين تترينا اماايا جدام الريياييل . .

ام خالد تطالع سيف : برايكم . . مااابركب وياااكم " تغطي ويهها بـ الشيله وتصيح بهدوء " بقول حق بو خالد . .

حمد يطالع سيف ب نظره عشان يسكت . .

سيف يتنهد ويصد شوي بعيد يشوف مهره واقفه صوب غرفه سلامه وتطالع الارض . .

قام سار صوبها . .

انتبهت له ورفعت راسها . .

سيف يبتسم ب تعب : تعبانه صح ؟

مهره من غير ما تحس تحط ايدينها ع ويهه : انت الي تعبان . . " حست ب روحها ونزلت ايدها "

اما هو رد رفع ايدينها وحطاهم ع ويهه وغمض عيونه ثوواني . . فتح عيونه وهو يتنهد . .

مهره : قضاء وقدر . .قو قلبك . .

سيف : الله يرحمهم ب رحمته . .

مهره : اميييين يارب . .

سيف : يالله قومي بوديج البيت . .

مهره : لـآ برآيه بتم قاعده . .ابا اششوف سلامه . .

نزل ايدينها الي كانت ع ويهه

سيف : لالا . . ما بخليج اهني روحج . . نحن بنروح عقب شوي بنصلي عليهم ويا منو بتيلسين اهني . .؟

مهره بـ عيون ضيجه تترجا : الله يخلييك . .والله ابا اشووفها . .

سيف باصرار : لا . . ماشي . .

بوزت . . ما عطاها سالفه وسحب ايدينها ومششى صوب امه . .

سيف : امايه انا بودي حرمتي البيت ووو " حط ايده على راسه "

ام خالد تقوم : بسم الله عليك .. شوووه فيك انت بعد ..

مهره تقبض ايدينه ب قوه : شووه بلاااك

سيف يفتح عينه ب صعوبه : ماشي .. ماعرف . ." يرد يغمض عينه " راسي . .

وخر ايدينه عن امه ومهره وراح يقعد ع الكرسي ويساند راسه ع اليدار وهو مغمض . .سارت صوب وقعدت حذاله وتطالعه ب عيون خايفه . . كان حمد يراقب الموقف من بعيد من غييير ما يدخل لين شاف سيف يلس . .

حمد سار ييبله ماي ورد عطاه مهره الي شلت الماي بسرعه . .

مهره : اشرب ماي شوي . .

سيف يفتح عيونه وشربته الماي كله . .

ام خالد : لالا انا ما بخليك تسسووق جيه . . ما بنفد عيالي كلهم . . " تطالع حمد " قوم ود حرمت اخوك . .

مهره ارتبكت وايد : لا عموه . . بييلس ويا سيف . .

ام خالد : انا عنده اميه لا تحاتين . .

مهره تمسك ايدين سيف بقوه . . وحمد شافها ب قههر وصد الصوب الثاني . .

سيف يطالعها ب تعب : ماعليه روحي الحين . . يالله . .

مهره : الله يخليك . . خلني معااك . .

سيف : اشش . . يالله اشوف قومي ردي البيت . .

مهره تبلل شفايفها : ابي اتم معاك . .

سيف عاقد حياته : اسمعي الرمسه . . يالله قومي . .

مهره تنزل راسها وتتنهد بـ قوه . . . تبي تتمسك فيه لاخر لحظه عششان ماتركب ويا حمد . . تبي تمنع نفسسها وتتجنب كل شي . .

سيف يطالع حمد :يالله حموود . .

حمد يطالع مهره : يالله . .

مهره بعدها يالسه وتمسك اصابعه ب قوه . .

سيف يمسك ايدينها : برد البيت انا . . شوي وبرد . . يالله فديتج . .

تنهدت بضيج وقامت باست عمتها ع راسها . . ومشت ويا حمد إلي كان مكتفي بالسكوت . .

اول ماطلعو من المستشفى دش بو خالد وسلم على مهره وعقب سارو صوب السياره . . احتااارت وين تقعد . . جدام ولا ورى . . شافت عمرها عند الباب الجدامي وبطلته وقعدت . .

وحمد ركب السياره واكتفى بالسكوت . .

من عقب سكوت طوييل صدالها . .

حمد : مرتاحه ؟

مهره : الحمدلله . .

حمد : مبين عليج . .

مهره تطالعه : مبين شوه ؟

حمد يطالعها : الراح ـه . .

مهره تطالع سيده : ممم . .

حمد : الله يسعدج ان ششاء الله . .

مهره ماردت عليه . . اتصل سيف حزتها ورد عليه حمد . .

حمد : هلا سواف . .

سيف : ويينك ؟

حمد : احين واصلين البيت . .

سيف : يالله نحن احين بنركب سياره الاسعاف وسايرين المسيد . . تعال اهناك . .

حم ـد : خلاص تمام . .

سيف : مهره اهني ؟

حمد : هيه بعدها مانزلت . .

سيف : عطني اياها شويه . .

حمد يمدلها التفلون : سيفو بيرمسج . .

مهره بصوت حنين : الووه . .

سيف يحس قلبه يدق : مع انه مش وقته . . بس والله وحشتيني . . احس قلبي مجلوع وعيني كل شوي ادور عليج . .

مهره تتنهد وسكتت . . نزلت من السياره : شو صحتك الحين ؟

سيف : احسن شوي . . ريحي روحج انزين . . من اخلص برد ان شاء الله . .

مهره : ان شاء الله . .

سيف يبتسم : الله يحفظج غناتي . .

انقرص قلبها ب قوه وبندت . . يايه بدش البيت بس ردت بطلت باب السياره

وحطت تلفونه ع السيت / مهره : ثانكس . .

حمد يطالعها ويمد لها مفاتيح بايدينه . .

شلت المفاتيح عنه ولمست اصابعها ايدينها سحبت المفتاح بسرعه ووو سكرت الباب ودشت داخل . . اما هو من سكرت الباب راح بسرعه جنونيه . .

دخلت البيت وهيه تحس انها مدودهة . . ماتعرف شو الي يصير وهيه احساسها وين بالضبط . .

اول مادخلت شافت عنود ع الغنفه الي انصدمت من مهره وركضت لها بسرعه . . تمت عنود تصييح بقووه . .

مهره : لا تصيييحين عنووودوه . . دخيلج لا تسوين جي ف روحج . .

عنود : راااحو اخواني مهور راحو . .

مهره : لا ان ششاء الله . . حمد مافيه شي " اضايجت لانها طرته قبل سيف ، تجاهلت وكملت " وسيف مافيه الا العافيه . . وسلامه الحمدلله نششت . .

عنود تقوم من حظنها : سسسسلامه نشششششت ؟؟؟

مهره مبتسمه : هيه نششت . .

عنود رفعت ايدينها من قلب : الحمدللله لك ياااااااااااااااارب . . الحممدلله . .

مهره : قوي روحج حبيبتي وتصصبري . .

عنود تتنهد : مع انه علاقتنا ويا خالد مش ذاك الزود . . لكن والله قلبي منعصصر موت . .

مهره : حاسه فيج . . مهما كان اخوو . .

عنود تمسك ايدينها : انتي شحالج . . شخبارج . . شو الي يالس يصير فيييج . .

مهره تطالعها باستغراب : شو الي صاير ؟

عنود : تخشين عني ؟

مهره بـ ارتباك بسيط : بتخليني وااقفه اهني . .

عنود تسسحبها ويلسوون صوب الغنفه . .

عنود : ادري ب كل شي انا . .

مهره تطالعها : شوه تدرين ؟؟

عنود : انج ما رحتي شهر العسل وان سيف متزوج عليج . . وان حمد اخوي كان يحبج وتحبينه . .

مهره مسكت ايد عنود بقوه : دخيييييييلج " تصد يمين يسار " سكتي عن حد يسمع . .

عنود : محد فالبييت . . " تمسح دموعها " ليشش جي صار خبريني ليش . .

مهره : ماعليج من ليش او غييره . . اهم شي انا الحين مرتااحه . . ماكان وياي زيين مول . . مراوني الويل . . بس والله مش مقصر عليه الحين . . وايد تغيير عن قبل . .

عنود : كييف ما خبرتيني عن علاقتج ب حمود . . كيف وانا ربيعتج الروح بالرووح .

مهره : غصصبن عني والله غصصبن عني . .

عنود : حمد يتعذب كل يووم يا مهور . . اتصصلبي مره وانهاار جدامي مارمت اسويله ششيّ . . كيف الوضع هذا بيستمر كييييف ؟

مهره : ان شاء الله بيلاقيله بنت الحلال الي تسعده . .

عنود بيأس : ماظن مول . . مااظن . .

مهره : انتي شحالج شخبارج ؟ " تبتسم " محلؤؤه . .

عنود : الحلا من صوبج عرووستنا . . . " تبتسم ب تعب "

مهره تثاوب . .

عنود : قوومي بوديج غرفتج عشان ترييحين . .

مهره : لا ماعليه بنتريا الصلاه . .

عنود تتنهد : مهور تدرين سلامه حاولت تنتحر . .

مهره ب صدمه : ششششششششوه ؟؟

عنود : دخلت عليها الحمام الله يعزج وشفتها طايحه وشفت الديتول مصبوب وطايح ع الارض . .وعقبها خبرت خالد عشان يوديها المستشفى وصار الي صار . . " تطالع مهره " تدرين اني كنت بسير وياهم ؟ لكن خالد منعني وقالي لا قعدي . . وسموي الي قالت انها بتروح بدالي ..

مهره تغمض عينها : سببحان الله . . يومهم . .

الله اكبر الله اكبر . .

مهره : الله اكبر واعظم . .

عنود : قومي خلينا بنصلي عشان ترتاحين عقب . .

مهره تنش : يالله . .
__DEFINE_LIKE_SHARE__

special_heart · 02-07-2011, 10:30 PM

ثآآآآآآآآآآآآآآآنكس ضحوويـ‘ه ع البااارت الروعـ‘ه
الحمدللـ‘ه سلـآمـ‘ه نشت

سيف ومهره انشاللـ‘ه يتموون ويا بعض ,

وحمد انشالله ينسى مهره ويبدا حياه يديده‘

..*، __DEFINE_LIKE_SHARE__

بنـــ المناصير ـــت · 02-07-2011, 10:40 PM

ثآنكس حياتي ع بارت الغآويي ^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM