وطتّ رجليّ علىً دربه و لآآإ آإدريّ وشّ نؤوى فيني .! - الصفحة 32

«ضَحِيًة حِبُيًبُيً ..}● · 01-26-2011, 03:11 PM

حرم سهيل

الله يسلمج فديتج . .
تسلمين لي ع التعليق الطيب . .
وبعدج ما شفتي شي هههه

.
.
.

سكيره من الخاطر

تسسلمين لي والله

.
.
.

لا تتعب ضنونك

الله يسلمج غلاي
وخلي عنج ردود الاستفهام لول . .
لاني يوم احس اني اقدر او تطلع افكار اكتب . .
لكن يوم مافي شي اكتبه اتاخر عليكم لين ييني الالهام . .
بتعرفين حصوه من خطبها جريب . .

.
.
.

سبيشل هارت . .

انتي الارؤؤع غلاي
تسلمين لي

.
.
.

ورده العين

العفوو فوديتج
وان شاء الله شوي وبنزل بارت

.
.
.

Lamar

مممم توقعاتج حلؤؤه بس بتعرفين الحين اذا توقعاتج صح او لا . .
وتسلمين لي ع الرمسه الحلوه

.
.
.

احلى بنوته

الله يسلمج يارب
ههه الحين بنزل بارت

.
.
.

فوق مستواك
الله يسلمج يارب . .
هههههه ياويلي انا . .
الحين بتعرفين لو تجذب عليه او لا

.
.
.

__DEFINE_LIKE_SHARE__

«ضَحِيًة حِبُيًبُيً ..}● · 01-26-2011, 03:18 PM

.

.

.

البارت الـ33

مهره عند باب الشقه مصدومه .!!!

>> طلعني اناا ؟؟ انا الي طلعت !!! . . هيه الي تمت داخل واناا الي طلعت . .. " ابتسمت ب عذاب " معقووله . . لهالدرررجه . . . خلاني اظهر جييه !!! بلا شيله ولا عباه حتتتتى . . .

دمووعها تنننزل ب غزززرره . . ما ح ـست بروحها الا وهيه عند شقه شوق وادق الجرس !

شوق تشوف مهره ب هالحاله وتشهق : شووووووووووه فيج . . شوووه ياج . .

سحبت مهره داخل وهدتها . . تمت تحظنها وخلتها اطلع كل الي فخاطرها ب نواح . . تنووح من قلب . .

قعدتها ع الغنفه وراحت يابت لها ماي وشربتها . .

شوق : يا حبيبتي يا مهور . . يا قلبي والله . . شووووه الي صار لج ؟ خبريني خليني افهم . .

مهره تحس انها ما تشوف من كثر ما دموعها مغرقه عيونها . . . غمضت عينها وتمت تصييح وتصيح وتصيح . . .

شوق : شسووا فيج تكلمي ؟؟؟؟

مهره ابتسمت ودموعها سيلان : طلعني برا ! طلعني جذي " تأشر على عمرها من فوق لين تحت " تخيلي . .

شوق ب قهر : وليش . . كيف يسوي جيي . . هاا خايس والله انه خايس ومايستح ـي .. حتى لو ما يحبج المفروض ما يسويها . .اي قلب فيه هذا ؟

تمت مهره ساكته وتصيح . . قامت شوق من مكانها وسارت الغرفه ادور فونها . . من ذاك اليوم الي كلمت فيه حمد سيفت رقمه . . اتصلت فيه بس للاسف محد رد . . . ماعرفت شو تسوي . . ردت عند مهره وتمت تواسيها وتهديها . . .

>

<

سيف : ارتحتي الحين ؟

ميثا بعدها معصبه : يعني علششان طلعتها برا تباني ارتاح ؟ ماتهمممني هيه لو طلعت او دشت . . خبرني ليششش قاطعني . . ليش جذبت علي وقلتلي ان عندك مشاكل وماتباني اتصل . ..

سيف : يا مييثثثثا والله اني ماطرشتلج شي . . اصلا تلفوني ضاايع . . وسويجي وياه . . دوري برووحج لو حصلتي اي شي بسويلج الي تبينه . .

ميثا الي بدت تهدى : كيف يعني ؟ حتى لو فونك مسروق منو الي بيتعنى وبيطرشلي هالمسج . .

سيف الي على طول يا في باله حمد !! قعد ع الكرسي الهزاز وهو يقول : الحين عرفت منو . .

ميثا : منووو ؟؟ مههره ؟؟

سيف يطالعها : لا .. حمد اخوي ..

ميثا : وهو شوو يخصه ؟؟؟ ليش يطرش

سيف : اظن يبا يعدل الي بيني وبينها . .. وما لقى غير هالحل . .

سكت شوي وعقب قام . .

سيف: مهره وين راحت ؟ .

ميثا تمسك ايده : تزوول يا سيف . . ليش بديت تهتم لها ؟؟؟

سيف مستغرب : ميثا انتي من البدايه كنتي طيبه معاها .. شو الي غيرج ؟

ميثا ب حززم : كنت بس ابيك تعاملها ب طيب . . مااااا بيك تقسى عليها . . كنت ابيك تعاملها كـ اخت وانا عاملتها على هالاساس . . بس ما ضنيتها بتاخذك مني !!! والي ياخذك مني ياسيييف اذذذذذبحه تعرف شووه اذبحه . . انت تعرف اني اغار وما اتحمل . .

سيف : وانا مششش مهتم لها . . من قالج اني مهتم . . من قالج انها بدت تاخذني عنج . .

ميثا ب صوت مبحوح : شووف نفسك . . . شوف افعالك وتصرفاتك . . !!! شووف كيف بديت تتغيير يا سيف . . انته مش حاس بروووحك ترى .!!

سيف الي يسحبها ل حظنه : تعالي اهني . .

اتلصقت فيه ب قوه : انا مااتحمل حد ياخذك عني . . بستخف . . بتخببل . . .

سيف ينهد : محد ياخذني عنج يالغاليه . . انتي الي ف قلبي بس . . محد غييرج . .

.

.

.

روضة : شوو فيه ناصر ؟

عذاري تتنهد : لا تسالين عن اي شي الحين . . .

سحبت تلفون البيت ودقت ع بيت حصيص . .

رد عليها اخوها الصغير . . سلمت وطلبت انها تكلم حصوه . . دقايق ويت شلت السماعه . .

حصيص : عذوور ؟

عذاري : ليش ما قلتي لي . .

حصيص تبلع ريجها : عذور والله اني مادري . . انتي تعرفيني اقولج كل شي . . والله اني مادري . . هم مخططين ومحد مخبرني ب اي شي . . انتي تعرفينهم اهلي . . عمرهم ما خذو ب شورنا بالزواج . .

عذاري : انتي تعرفين حالت اخوي كييف تعرفييين ؟؟

حصيص ب عصبيه : وانتي تدرين ب حالتي شوه وانا مجبوره اخذ واحد ماعرف الا اسمه ؟؟ تعرفين هالششعور او لا. . . او لان هذا اخوج عششان جي تناسييتي اني ربيعتج . . .وبعدين انا ماضربت اخوج ع ايده وقلتله حببني . . انتي ما فكرتي ليش انا صديته وماكلمته ؟؟؟ او حتتى ماعطيته ربع مجال ؟ لاني اعررف ان هاليوم ممكن يي ب أي لحظه . .

عذاري : كنتي تقدرين تخبريني . .

حصيص: توقعتج ربيعتي وتدرين بهالشي . . بحكم انج كنتي معاي يوم عرست مريوم اختي !! وتدرين كيف انغصبت وترجت ابوي بس محد سوالها سالفه . . وعلى فكره كنت اتشكالج من اخوج وايد كنتي ترومين تمنعيينه . . انا ماغلطت ف شي عشان تكلميني ب هالنبره وبهالاسسلوب . . والحين بخليج انا ببند . . وقبل لا بند تراج بتبقين اختي ومعزوممه باجر ع الملجه لو بغيتي تحظرين . .

وبندت !!

دخل ناصر ب حاله لا ييرثى لها وماسك ريييل عذاري .!!!

عذاري مصدومه ما تتحرررك وهيه تششوفه يصييح ع ريلها وصوته مبحوح . . ماتفهم شو قاعد يقول . .

روضه حاطه ايدها عـ شفاتها ومسستغربه !! شوو فيه بسم الله عليه .ّ!

سارت صوب غرفه امها بسرعه وزقرت امها . .!

ناصر يمسك ريل عذاري ب قوه : الله يخلييييييييج . . . " يصيح " سوي اي شي لا تخلينها تتزوج . .

عضت عذاري ع شفايفها ب قوه : بس نصوور لا تسوي ف روحك جيييه . .

دش عبدالله وهو يشوف اخوه جي : شووه فيك . . ؟ قووم يالله " بنبره عصبية "

قام ناصر من مكانه وتم واقف . .

يت ام عبدالله بسرعه : نااصصر اميه شوو فيك .. . ليش تصيييح . . شوو مستوي ؟؟؟

عبدالله عاقد حياته : شوارب ع الفاضي . . استح ع ويهك تصيح ع بنت جييه . .

ناصر يطالع عذاري ب نظره مقصدها هو شو دراه ؟ وعذاري تردله النظره ومقصدها مادري !

عبدالله : قوؤؤؤم اغسسل ويهك وتعال لي الميلس . .

طلع ناصر من الصاله عشان يسسوي الي قاله اخوه . .

ام عبدالله حاطه ايدها ع قلبها : يا حسره قلبي ع وليدي . . " تطالع عذاري " منو ف خاطره يبا منووو ؟

عذاري تتنهد : يبا حصيص ربيعتي . . وهي بتملج باجر وبتعرس عقب شهرر . .

ام عبدالله تضرب عذاري ع جتفها بدون لا توقف : كله منج يا مسوده الويه . . يبتي بنت الناس بيتنا وخليتي قلب ولدي يتعلق فييييها . .

روضه تسير تهدي امها : امممممممايا . . عذووور شو يخصصها . . شووي شوي عليها . .

ام عبدالله تطالع روضه : شوي شوي عليها وقلب ولدي يحتتتتتتتتتتتتترق ؟؟ بنت الناس بتعرس عقب كم يوم و ولدي البنت فخااطره . . تبينه يمووت . . .

قامت عذاري من مكانها وسارت فوق . .

اما ناصر عقب ما غسل ويهه سار عند اخوه الميلس وهو حاط غترته ع جتفه . .

عبدالله يطالعه : مش عيب عليك هالحركات ؟ مش عيب عليك تبوس ريل اختك عشان بنيه .؟

ناصر ب نبره حاده : هالبنيه انا احبببها . . هالبنييه ف خاطري . .

عبدالله : اي حب المخابيل هذا ؟؟ انت تعرف ليش زوجوووها اهلها ؟؟؟ ما عتقد انك تعرف . .

ناصر يطالع عبدالله باهتمام وبنظرة تركيز عشان يكمل . .

عبدالله : اخوها عبيد اتصل بي . . وانت تعرف عبيد . . محترم وريال كبيير ماعنده خرابيطك الي تسويها . . . اتصل فيني الصصبح !! كنت توني بروح الدوام واستغربت من اتصاله . . وقالي انك عند باب بيتهم مبركن السياره وراقد . . . بالله هاي حركات ريال محتتترم يسويها . .؟؟؟

ناصر قبض ايدينه الهنتين ب قوه . . يكتم اعصابه . .

عبدالله : رديت ع الريال وقلتله البنت ف خاطره واحنا ان شاء الله ب اقرب وقت بنخطبها . . لكن انت المينون اتصيح ويلات عند بيتهم و معروف عنك مسود الويه ف الفريج . . وين حد يبا يناسسبك ؟ عشان يسكتني اتصل بي عقبها ب يوم وقالي قول لاخوك لا ييي صوب بيتنا البنت انخطبت . . حااولت فيه كييف وليش وطلع لي اعذار ان البنت محييره من زماان . . . لكن السبب الرئيسي واحد . . حركاتك محد يباها ولا حد يتشرف فيها . . تصرفاتك الطايشه ومال اليهال هذذي لا تتوقع ان كل حد بيفهمها انك انت ميت عليها وتحبها . . انت احمد ربك ما خسف فيك وضربك ب نعال وانت كل يوم مبركن عند بيتهم وراقد . . حششمني انا وحشم ابوي لانه يعرفنا وسكت . .

نزل ناصر راسه ب يأس . . يقبض دموع بتخونه وبتنززل . .

سار عبدالله صوب اخوه وقعد حذاله و ربت ع جتفه . . : الي خلقها خلق غييرها . . مالك نصيب فيها يا اخويه . . وها درس لك عشان تثقل وتودر عنك هالحركات ويوم بدش ف خاطرك بنيه اوصل لها عند الباب مش عند الدرايش . . اقل شي جان رمست امك وخبرتها ترمس اهلها . . لكن كل شي مكتووب . . ومثل ما هالشي يعور لكن صدقني بيكون درس عمرك ما بتنساه . . " يربت ع جتفه ب قوه " حاس فيك . . . ما بيدك غير ترضى ب الامر الواقع . . .

وقام عبدالله من الميلس وطلع . ..

تم نآإصصر مكانه ما يتحرك . . . يطالع الارض ودموعه تننزل !

.

.

.
__DEFINE_LIKE_SHARE__

حرم سهيل · 01-26-2011, 03:56 PM

|[ وحليييييييييييييلهـ نــآصر حبهآآآ من خآآطرهـ =(

ومهررررررررررهـ آآلي تقطع آلقـلب , سيف رآغهآ على شي مآيستآآهل ,

تسلمييييييييييين غلآآآيهـ آلبــآآرت وآآيد يعووور آلقلب لكن آحدآآثهـ حلوووهـ آرقب آلبـآرت آليـآآي }..~ __DEFINE_LIKE_SHARE__

λ7łά βαиōŦắ . . ! « · 01-26-2011, 04:19 PM

الله حـللو البأرت

اتمنـى من شوق تتصل لحمد وتخبره

تسلمين

.، __DEFINE_LIKE_SHARE__

لاتتعب ضنونك · 01-26-2011, 09:20 PM

وحليله ناااصر..يقهر

وممم وشخبااار مهـره وسيــف

وحمــــد؟؟

تسلمين الغاليه ع البااارت

نبآآ بـعد^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM