وطتّ رجليّ علىً دربه و لآآإ آإدريّ وشّ نؤوى فيني .! - الصفحة 169

عيناوية 77 · 05-28-2011, 11:56 PM

الذين يشاهدون محتوى الموضوع الآن : 35 ( الأعضاء 25 والزوار 10) ‏عيناوية 77, ‏ąℓ ∑ȥǻʝчɐɧ, ‏ملاك الغلا, ‏الحب المتيم, ‏الصدى, ‏colouR, ‏برستيج بدويه, ‏بنـــ المناصير ـــت, ‏دمعة المشتاق, ‏حموـودي, ‏حزيــ بوظبي ــن, ‏دودى الحلوه, ‏lody, ‏miss 6r6ration, ‏شموع عمري, ‏شف محروق ~, ‏سفيير الحب, ‏Siamya, ‏عيناوية بكيفي, ‏غرك غرورك, ‏فلالالانه, ‏فرفوشة, ‏فوفو الدبه, ‏« jяσǿ7 . яσǿ7Џ !, ‏«••يخفـ♡̷̴̬̩̃̊اٌّلعقول••» __DEFINE_LIKE_SHARE__

عيناوية 77 · 05-28-2011, 11:58 PM

يى عاد ضحيووووه .....

حرااام عليج جوفي كم عضو / ه

كلهم قاعدين يتريونج تنزلين البارت __DEFINE_LIKE_SHARE__

ąℓ ∑ȥǻʝчɐɧ · 05-29-2011, 04:51 PM

شو هيدا وينووو البااااارت __DEFINE_LIKE_SHARE__

«ضَحِيًة حِبُيًبُيً ..}● · 05-29-2011, 05:26 PM

.

.

السلآم عليكم ورحمه الله وبركآته

السموحه عالتآخير . .

بس مثل ماتعرفون آنآ سنه التخرج . .

والحين بآقيلي آخر آسبوعين وبخلص آن شآء الله

ف عندي ضغط كبييير فالبروجكتآت والتقآرير والمشآريع النهآئية !

فآتمنى ترآعون هالششي ّ . . آسبوعين آبي آشهد فيهن حيلي وآضغط ع روحي عسب آتخرج بمعدل حلو . .

مغ آني بزي وآيد فالتقآرير بس كتبت بآرتين عشآن آرضيكم . .

دعوآتكم لي بآلتوفيييق . .

والسموح ـه مره 2 . . : ) . .

__DEFINE_LIKE_SHARE__

«ضَحِيًة حِبُيًبُيً ..}● · 05-29-2011, 05:30 PM

.

.

.

البارت الـ 69

مهره من الصبح لين الظهر وهيه قاعده ع السرير بعباتها بنفس الوضعيه ! وسيف قاعد ع الكرسي الهزاز ما يتكلم ولا يقول شي . . بس يهز هالكرسي ويطالع الدريشه !

قامت مهره وسارت صوبه وحبت راسه : انا اسفه . .

سيف : . . .

مهره تبوس راسه مره ثانيه . . : والله اسفه . . " تبوس يبهته " سامحني . .

سيف يطالعها ويحط عينه بعينها : صدمتيني فيج . .

مهره تعض ع شفايفها بحسره : والله ماقصد ولا كان في شي في بالي . . يا في بالي الاتفاق وبس مول ما حطيت اشياء ثانية في بااااااالي ولا اقصد اي شي . .

سيف يطالعها وهيه تتكلم . .

مهره تحط ايدها ع بطنها : عششان هداوي . .

سيف : قومي عن ويهي مالي خاطر اشوفج . .

مهره حست قلبها عورها من قال هالكلام ومشت بتروح بس مسك ايديها : تعالي يا كريهه . .

وسحبها بشويش وقعدها ع ريله وحظنها . .

مهره حطت ايدينها ع صدره : والله ماقصد شي وماحسيت بالشي . . انا اسفه من قلبي . .

سيف : مسامحنج حبيبي . . لا تعيدينها . . انا رريلج وعيب تطلعين من غير لا تقولين لي . . ومصدقنج . . ادري عشان الاتفاق اتلخبطتي . . بس حطيها ف بالج مره ثانيه

مهره : ان شاااء الله . .

سيف يبوس راسها : شاطره حبيبي . .

مهره تبتسم بلؤم : يعني خلاص اتصل فيهم يردون ؟

سيف : والله انتي ماتستحين ترى

مهره : هههههههههههه " تبوس خده " امزح معاك . .

سيف : كريهه وحده . . يالله قومي خلينا نطلع . . ما بفوت كشختج ع خير . .

مهره : وين بتوديني .

سيف : بنحوط . .

مهره : شكله الاتفاق احطه ف ماي وملح واعقه فالبحر . .

سيف : بعد الي صار اليوم مش فالحسبان !!! ماعليج باقي 5 ايام . .

مهره تبتسم : انزيين . .

سيف : يالله سيري صلي . . وانا بروح المسيد بصلي وبرجع . . وعقبها بنظهر . . زين

مهره تبتسم : انزين . .

سيف يطالعها بخبث . .

مهره ادزه : برع برع . .

سيف : ههههههه . . وايه فديتهم . .

.

.

.

حصيص كانت فالصالون يالسه تتمكيج . . تحس بروحها راضيه عن عمرها وراضيه عن زواجها . . صح انه كان فالبدايه غصب . . بس الامور كلها تسسهلت . . وبدت ترتاح لريلها وايد وتحبه . . مع ان الفتره الي عرفته فيها وايد بسيطه . .

.

.

.

عذاري بعد يالسه تتمكيج مكياج عراايس ! وطلبت ان يستشورون شعرها ويسوونه مموج بشكل خفيف مع باف . .

سلطان : ماخلصتي ؟

عذاري : اهني ما سويتييه عدل . . عدليه شوي . . " ترد ترمس " الحين بخلص من شعري وبطلع . .

سلطان : وايد هاملتني اليوم ترى . .

عذاري : لالا . . لاتحطين اسبريه . . انا عندي فالبيت اسبريه نوع ثاني بحطه اول ما اوصل . . الوو . .

سلطان : افف . .يالله برايج . .

عذاري : انزين شسوي ملتهيه اهني

سلطان : خلج ف ملتهاج . . باي

وبند . .

عذاري : ياربي مننننننننه . .

.

.

.

عنود ادق الباب : مهور ؟

مهره تفتح الباب : هلا . .

عنود : سيفو اهني ؟

مهره : لا . . دششي . .

ودخلت

عنود : ووووووايد وايد اسستانست وياها . . ماشاء الله عليها حبووووبه وسوالفها حلوه والطلعه معاها ما تنممممل . . .

مهره تبتسم : وين رحتوو عاد ؟

عنود : الحمرا مول . . وقعدنا ف شكسبير نششرب قهوه ورى قهوه وسالفه ورا سالفه وكيكه ورا كيكه . . وها لين ما اذن الظهر . . اتصلت امايا وعطتني من الزين . . جان تردني . . لوو انتي وياي جان خلتني لكنج حممممممممماره . . خونتي

مهره : ششسوي يختي . . اخوووج

سيف يدش : شوه فيه اخووها هاه .؟

عنود : اقوولج خلي سيفو يودينا الصالون . .

سيف : صالون شحقه بعد . .

عنود : عرس حصيص . .

سيف : حصيص منو

مهره : اوووووه نسيت الموضوع انا . . " تطالع سيف " بتودينا ؟

سيف يطالعها : لا والله . . " بقهر " زين بوديكم . .

عنود : يالله خل اصصصلي بسرعه . . لا تخووونون عااد . .

وراحت

مهره تقوم : والله نسيت حبيبي سالفت العرس . . حررام! هاي يارتنا وربيعت عذوور الروح بالرووح وماقصرت ف عذور دوم تينا البيت وتساعدها عسب تفلح فالمدرسه . .

سيف : وانا ؟ منو بيطلع وياي ؟ مافكرتي فيني يعني

مهره : جي ولا جي انا ما كنت بشوووفك عشان الاتفاق . . تخيلني فالبيت . .

سيف بقهر : خلاص صخي عني . .

مهره تمسك ايده : يالله عاد حياتي . . قول لي لا تروحين وخلاص مابروح

سيف يطالعها : لاتروحين

مهره : انزين لييييش حبي حرام

سيف ابتسم غصب : هبله انتي . . ؟

مهره : ما بطول صدقني . .

سيف : شو الفاده اطولين ولا ماطولين . . " يشوف الساع ـه " الحين الساعه 1 ونص . . طبعا ما بخليج تروحين الصالون بدون اكل . . ف لين نتغدى يبالج نص ساعه . . وفالصالون تقريبا تقريبا 4 سااااعات . . وعقبها بتيني بتلبسين وبتروحيييين . . " عاقد حياته " وبتيلسين ساعتين ولا 3 . . بعد شوووه الفايده ؟ تراااج اليوم بكبره بتكونين محد عني . . ما بطوول اونه

مهره : خلاااص سويت قصه . . ما بسير مكاان . .

سيف : بلا هالحركاات . .

مهره : عيل شتبيني اقولك ما عرفتلك . .

سيف يقرص خدها بقوه : قومي فكينا عشان ما اغيير رايي . . يالله نشي تغدي خل اوديكم . .

ابتسمت بانتصار . . ونزلو يتغدون وعقبها وداهم الصالون . .

.
. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM