وطتّ رجليّ علىً دربه و لآآإ آإدريّ وشّ نؤوى فيني .! - الصفحة 145

«ضَحِيًة حِبُيًبُيً ..}● · 05-08-2011, 07:28 PM

.

.

.

البارت الـ 64

يطول ع الاغاني ويغني . . : إلي ما يحن عليه انا ما احن له . . ترى ترى ترى تر ترى ما تفيد ب شي ترى . . ليش احب إلي مآ يحححححبني وان نسسساني اتذكره

عنود تقصر ع الصوت : احنا سايرين مستشفى مش مرقصصصص

اما محمد مش مسسولها سالفه ويطول اكثر ويغني ويطالعها شوي وشوي ع الشارع ويحرك ايدينه صوبها : تذكر انته من زعلت . . عني انت شقد غبببت . . شششششهر ما قلتلي حبيبي !! وحتى احبك ما قلت . . البعد صدقني فررصصه ! لا تسوي الفرقى قصة . . انا راح اكتب بدايه واكتب انته التكمله . . انسى كل شي وغييب عني ! مني ازعل ما يهمني . . " يسوي بايده كش " حتى لو سلمت انا ! لا تقلي انت هلا . .

عنود تطالعه : هلا !!

تقصر ع الصوت . .

محمد : ارتبشي شوه فيج جذه

عنود : اذكر الله مش زين والله . . بدال لاتحط قرآن ! تضمن روحك فالسيارة انته !! منو كان يتوقع خالد يموت وبحادث وفجاه وبهالسسرعه

نزلت راسها . .

محمد بند المسجل : زين خلاص خلاص . . بندته

ماردت عليه

محمد : بنننننننننندته انا

عنود تطالعه : ادريييي انزيين

محمد : لاتصارخين عليه لا انزلج فالشارع احين . .

عنود ماردت

محمد : خل ارد البيت احسن . .

عنود : لالالا خلاص خلاص . .

محمد يبتسم : هيه جذه . . اعتدلي . .

عنود تعدل الشيله : معتدله

محمد سرح فالسواقه . . وعنود سرحت فالشارع . . لين وصلو المستشفى

نزلت ونزل معاها . . استحو اثنينهم من القرب الي كانو فيه . .

محمد يحاول يلطف الجو : وخري شوي . . جنج حرمتي وانتي لاصقه جذه

عنود : بستوي حرمتك جريب " تبتسم " وبلصق . .

محمد يطالعها : اوه اشوف انجلب الحال . الحين انتي الي مشتطه هاه

عنود : ابي اداريك واهتم فدوااااك ومتى تاخذه ومتى

يقاطعها ويوقفها : يعني بس عششان دوايه؟ بس عشان عرفتي اني مريض

عنود تطالعه بحيره

محمد يطالعها بنفس النظرة : جاوبي

عنود : لاء . . " تنزل راسها " لاني انا اابا . .

محمد : تبين شو

عنود تطالعه : اباك تكون ريلي . .

ابتسم محمد وابتسمت وراه ومشو ويا بعض . . دخلو عند الدكتور الي عطا عنود معلومات كافيه بلي تبيه وطلعو . .

محمد : هااا ارتحتي الحين . . " يركب السياره "

ركبت السياره : هيييه وايد " تصك الباب "

محمد : اسميج لعوزتيينا . . لو ها الي كنتي تبين تسالينه جان قلتيلي كنت بقوولج

عنود عاقده حياتها : وأثق فكلاممممممممممك ؟ انت نص كلامك مصخره ماينعرف المزح من الجد

محمد : وين تبيني اوديج الحين

عنود : البيت طبعا " تطالع الساعه " الحين امايا نششت . . وبتعصب لو شافتني مطوله

محمد يطالعها : زحمه وقبلنا 10 مرضى . .

عنود تبتسم : لا والله . . ما بجذب على امي

محمد : مره وحده ماتضر

عنود : لاء يعني لاء . . ردني البيت

محمد : انا مادري ليش مسولج قدر و آخذ بـ شورج . .

عنود : لا حمممود لاتسوي حركات مالها لزمه . . عن سيف يعصصب بعد لانه فالبيت

محمد يطالعها : طالعه وياريلج شفييييها يعني

عنود تبتسم : يوم بتستوي ريلي قول هالكلام

محمد : ماعليه ياعنودوه بييييج يوم . .

عنود : يالله ردني

محمد : لا ما بكسر كلمتي ع الفاضي . . شوي بس صوب الكورنيش بنسير بناخذ لفه وبنرد . .

.

.

.

تمت ادور نسكافيه ما حصلت الا كابتشينو . . تمت تسويله بتفنن واخر شي قدرت ترسم قلب . . صح ان القلب مش ضابط لكن طالع وايد بسيط وحلو . . شلته وسارت فوق وتمت ادور منصور عشان تعطيه لكن منصور محد ! فـ عطته الخدامه وطرشته الميلس . .

5 دقايق ووصلها مسسج

" حرام عليج تبيني اتسمم ؟ تبيني امموت ؟ شو ها السم ! "

عذاري قفطت وتلومت . . لييييييييكون حطيت ملح بدال السكر !! لاء مسسسسسستحيل" تحط ايدها ع ويهها " المره الاولى كيكه تلوع الجبد والحين كابتشينو . . وين بيعجب فيني ويين . .

مارامت ترد عليه تمت فاحبااااط قاعده فالمطبخ . . شوي جان تي

الخدامه ويايبه الكوب ف ايدها : ماماه صديق بابا منصور يقول سوي مره 2

ابتسسسسسمت من الخاطر وطرشتله مسج " حممار "

وسوتله مره 2 لكن فكوب ثاني ! وفكوبه سوتلها . . عطت الكوب الخدامه عشان ترد توديله

اما هيه شلت الكوب الي هو كان شارب منه وسارت فوق تشرب بحيا ومتشققه . . صورت ايدها وهيه ماسكه الكوب الي هو كان شارب منه وطرشتله وسايط . .

فتح المسج وتم مبتسم وفخاطره " هالمينونه صدق ميته فيني " بس مارد عليها وتم يدرس . . وهيه يوم شافته طول فتحت الكتاب وتمت تحاول تدرس

.

.

.

جسوم ينط عـ بطن مهره بقوه وفايده لعبه ثجيله دققها ع بطنها اكثر عن مره: عممممممموووه

مهره حست بعوق فظيع : حبيبي . . " وشلته وقومته عنها " شوي شوي على عموه . .

جسوم يصيح : انا اثثثف . .

مهره تبوس خده : عادي خبيبي عادي . . لا تصييييح . . " ترد ع فونها الي يرن " هلا شوقي . .

شوق : وووووووووووينج نشششي اذن المغرب . . انا توني واصله بيتكم !!

مهره بألم : دشي وتعالي غرفتي . . آآآه . .

شوق : شووووووفيج مهوور

مهره ودرت الفون ماقدرت تتكلم وتمت تتلوى من الالم . . وجسوم خاف وطلع من الغرفه

روضة وشوق يدخلون . .

روضة : شفيييييييج مهاري اتكلمي شو يعورج

مهره تبتسم :ماشي لا تحاتين . .

شوق ترمس روضة : وين عباتها . . يالله لبسيها بوديها العياده

لبسوها بسرعه . .

روضه : انا ماقدر اي " تصيح " اليهال ماعندهم حد وعذور تدرس فوق . .!!! وامايا قبل شوي طلعت ويا ابويه . . ومنصور ويا ربيعـه

عذاري تنزل : شو فيها مهاري . . شو فيكم ليش تصارخووون . .

شوق : لاتحاتيييين روووضه انابقوم فيها لكن انا ما ادل اي مستشفى اهني

عذاري سحبت عباه من عبي مهاري ولبستها بسرعه : انا بي وياج يالله بسرعه

روضة : انا بتصل ف ريلها الحين

مهره : لاااا . . لا تتصلين فيه . .

ماردو عليها وسحبوها بشويش لين السياره

روضة : طمنننننننننيني دخيلج شوووق . . عذور لا تخلوني احاتي

شوق : ان شاء الله فديتج ان شاء الله ..

وحرركت . .

دلتها عذاري المستشفى ودقايق ووصلو

.

.

.

محمد يمد ايده : اندوج . .

عنود سحبت الايسكريم وتلامست ايدها ف ايده

محمد شعر ينبه وقف وعنود قفطت . .

محمد يطالعها : اقولج حركات مراهقين ودريها عنج

عنود بحيا : والله بدوووووووووون قصد انزيين

محمد : لا تسويلي فيها بدون قصصصد

عنود : ايييييه لا تصدق روحك وايد

محمد يرن فونه . . ويشوف المتصل : سيفوووو اخوج

عنود حطت ايدها ع قلبها : اححححححححححلف

محمد يرد ع الفون : هلا ابويه . . الحمدلله بخيير الله يعافيك . . ههههه هيييه والله . . ششفت عاد . . ان شاء الله . . بخبرك التفاصييل عقب . . اوكي فديتك . . سسلم ع امايه . . اوكي فمان الكريم

عنود تقرصه : تقص عليه . .

محمد : انتي شو منجرفه . . ؟ اول مره تشوفين ريال .. ؟ مش مصدقه كل شوي تلمسيني . .

عنود : مابرد عليك .

محمد : لاردي ردي . . اباج تردييييين

عنود : حمووووود ردنا البيت يالله . . من العصر واحين اذن المغغغغغرب

محمد : حشرتيييينا . . البيت والبيت .. الي يسمع قصر اوباما. .

عنود طنشته وتمت تاكل الابسكريم

محمد : اعوذ بالله . . فالاكل ماتعرف حد . .

عنود تطالعه بنص عين

محمد : لا اله الا الله . . مماشاء الله . . ما حسدناج . .

عنود : عقب شوو . . عقب ما صبيتني ف عين . . اخر ششي بتعوق وانت السبب

محمد : شو ابا فيج حزتها ؟ بفرج بيت ابوج . .

عنود ودرت الايسكريم بهدوء وتمت تطالعه : والله حمود ؟

محمد : هيه بعد شو . . ؟ شو ابا فيج وانتي متجسحه ومافيج حيل

عنود تفاجئت وتمت منذهله وما قالت شي . . ابتسمت بدون نفس وحطت الايسكريم ف الكيس بدون لا تكمله . .

محمد يطالعها : شفيج جلبتي

عنود : ماشي سلامتك

محمد يصد ومركز ما يطالع الشارع : شفييج كلميني

عنود تطالعه : شوف الشارع عشان انت الي ما تتعوق وتتجسح

محمد يبتسم : انسسسسسولف انزين .. الواحد ما يسولف وياج

عنود : سوالفك ثجيييييله

محمد : انزين شليها

عنود تطالعه بعصبيه

محمد : ببل اسسف اسف . .

عنود ماردت عليها وتمت تطالع سيده . .

محمد : يازعلان ياززززعلان . . خليت قلبي حيران . . " يعلي صوته " ما قلتلك ياحبيبي بطل دلع من زمان

عنود طاف !

محمد : عنودوه مابردج البيت ترى والله

عنود اتجاهلته وصدت صوب الدريشه وبصبعها مسحت دمعه نزلت من عينها بدون لاتحس . .

على طول انتبه محمد وقلبها انققرص بالقو . . كان جريب من المول . . وقف ف باركنات المول وصد صوبها بحنية . .

عنود بعصبيه : ليش يايبني اهني بعد . . قلتلك ردني البيت

محمد يسحب ايدها وهيه تسحب ايدها : لا تلمممممسني

محمد رد سحب ايدها بقوة : طالعيني . .

ماردت عليه

محمد بجدية سحب ايدها الهنتين وخلاها تجابله : انا كنت اسولف !!

عنود تطالعه : باين

محمد فاج عينه : والله كنت اسولف .. شفيج يا اميه شفيج . . انتي لو كنتي بقرة بحبج وبتحدا الكل وباخذج . . حتى لو الثور معجب فيج

عنود ماردت . .

محمد يبوس ايدها وتام بايس ايدها ومايتحرك .!!

1

2

3

4

5

6

7

8

9

10 ثوواني وعنود سحبت ايدها : بسسسس

رد مسك ايدها ويطالعها بصدق : ماتصدقيني ؟ قلتلج اسولف

عنود تبلل شفايفها بتوتر : قهرتني

محمد : احسن . .

عنود عاقده حياتها

محمد : عششان تحسين فيني شوي .. تحسين بلي يممر فيني كل يوم بسسبتج . . من شفتج من مات اخوج الله يرحمه وانا هاايم فيج وانتي تتغلين وتدللين ؟؟

عنود : لاني ماحبك

محمد : تتتتتحبيني . . والله تحبيني " يرص ع ايدها بقوه " اليوم عرفت وتاكدت انج تحبيني . . وتموتين فيني بعد وتخافين علي . . " يطالع عيونها بتركيز " لاتزعلين مني . . اموت ولا تزعلين مني

عنود : بسم الله عليك . . ينقص لسانك لو عدت هالرمسه مره ثانيه

محمد يبتسم : شفتي انج تحبيني

عنود تسحب ايدها : بسك هدني

محمد : مابهدج لين تقولين . .

عنود : شقققققول

محمد : قولي انج تحبيني !!

عنود : اول ما نملج بقولها . .

محمد : باجر نملج . .

عنود تضحك : هههههههههههههههه

محمد يبتسم : فديت هالضحكه . . هيه خلج جذه . . " يرد يبوس ايدها " ماننحرمشش

سحبت ايدها واعتدلت فاليلسه واعتدل هو بعد وحرك السيارة . .

عنود تطالعه : بتصدقني لو قلتلك اني ابا اعرس الحين

محمد : لااا . . اثبتيييلي . .

عنود : انتتتتتتتتتتت منحرف

محمد : عيل ماصدقج

عنود : لا تصدق

محمد : قولي رمسه وكوني قدها . . طلعتي خرطييي اصلا

عنود : انا خرطي ؟؟؟ اوووووووووكي حمود بتشوف

محمد : خلج قد كلامج اول عقب قولي بتشوف . .

يوم وصلو البيت

عنود : حمممود شوف اهناك " صد بانتباه "

تقربت صوبه باست خده جريب من اذنه وقالت : احبك . .

ونزلت من السيارة بسسرعه . .

اما محمد !!!

بـ ذهول تم مكاااااااااانه ولا رام ينطق ولا يقول ولا ششششششي . .

بطلت باب السيارة وقالتله : منو الخرطي الحين ؟

وسكرت باب السيارة وخلته فـ حاله الذهول الي فيه . .

مشت وتمت تمشي فالحوي وهيه مبتسمه شافت سيف بطل باب البيت وطلع وهو يركض

عنود ترمسه وتصارخ : وين راااااااايح ؟؟ شفيييك شو مسسستوي

سيف مارد عليها وركض وركب السيارة . .

عنود ع طول اتصلت فيه مره ومرتين وثلاث بس محد رد . .

شوي وياها محمد وشافها متوتره وماسكه الفون وادقدق فيه

محمد عاقد حياتها : شوه فيييييج

عنود ماردت عليه ودخلت البيت ودخل وراها

عنود تطالع حمد . .حمد كانت عييينه حححححمرا موت . .

عنود : شوه السالفه خبروووني

حمد يحاول يبين انه عادي : ولد اخت مهره دق ع بطنها بقوه بلعبه وتم ينطط عليها وتعبت ومودينها المستشفى . .

عنود : شووووووووووووووووووو

محمد يطالع عنود : شفييج لا تصارخين . . سيري طالعي امج وابوج ولا تقولين لهم شي

سمعت الكلام وسارت . .اما محمد سار عند حمد

حمد : ان كنننننننننت ياي تقولي شي ف وفره الحييييييين دخيلك

محمد : ما بقولك شي . . بس بقولك انه باين انك صايح !! قوم اغسل ويهك

جمع حمد ايدينه الهنتين ف ويهه وطلق العنان بهدوءءءء تام . .

محمد يتنهد : ليكون جدام سيف قلت شي

حمد مسح ويهه : لاء ما قلت شي . . ماقدر حمود ماقدر . . انا احبها

محمد : ادري انك تحبها والله ادري وصعب انك تنساها بهالسسسهوله . .بس حاول . اعتبرها فالبدايه شرات اختك وعود نفسسك على هالشي وبتقدر صدقني . .

حمد يعض ع شفايفه : لو كانت عندي ما كنت بودرها ف بيت اهلها دقيقه . . كيف سيف يخليها ويرقد وهو يعرف انها حامل . . المفروض مايودرررررررررها دقيقه

محمد : لا تقول لو ولو . ! عييب عليك حمد . . حرمت اخوك لا تفكر مجرد تفكير بهالرمسه

حمد : دخيلك حمود قلتلك وفر هالكلام لنفسك . . انا قاعد ابين اني بارد وانا من داخلي احتتتتتتتتتتترق محد حااسسس محد . .

محمد : صدقني حاس فيك . . والله حااسسّ! صعبه من عقب ماكنت تتخيلها حرمتك وحبيبت قلبك تصير ف دقيقه اختك . . صعبه . . لكن عششان سيف تسهل ! عششان اخوك الي ياااك وكلمك وطيب بخاطرك وورد وثق فيك . . حاول

حمد : انا قد ثقته ! وعمري ماراح اقرب صوبها لاني بتهووور . . لكن " يبلع ريجه " صدقني ماقدر امنع نفسي من حبها . .

محمد : بتقدر مع الايام بتقدر . .

حمد : وخوفي عليها " يطالعه بألم " كيف اتم اهني وهيه بالسه تتالم برووووحها

محمد : منو قالك بروحها ؟ اكيد خواتها وياها وهكو سيف الحين طلع وبيروحلها . . وان شاء الله ماعليها شر . . عقب نص ساعه انا بتصل لسيف وبنطمن عليها . . هد بااالك يا ريال ولا تبين شي جدام اختك . .

سلامه سكرت باب الغرفه بصدمه . .

سلامه : الحين عرفت كل شششي . . !! معقوله يا حمد معقوله . . شوهالحب الي فقلبك . . يا حسرت قلبي عليك يالغالي . .

.

.
__DEFINE_LIKE_SHARE__

«ضَحِيًة حِبُيًبُيً ..}● · 05-08-2011, 08:19 PM

.

.

البارت الـ 65

سيف يمسح ع ويهها ويمسح الدمعه الي مغرقه عينها : انتي بخيير حبيبي انتي بخير . .

مهره تبلع ريجها : لا مش بخير

سيف : اششش . . ارتااحي . . قلتلج انتي بخير ومافيج شي

مهره تحط ايدها ع بطنها . .

سيف يبتسم : بخيير مافيه شي . .

مهره : قول والله

سيف يبتسم : والله العظييم الياهل مافيه شي . . الله سستر وهو بخييبر

مهره تغمض عينها بتعب : عيل ليش ما اطلعوني من اهني

سيف يمسح ع ويهها : شوفي . . فتحي عينج . . اول ما يخلص المغذي على طول بيطلعونج . .

مهره : ليش المغذي وانا مافيني شي

سيف : الدكتوره قالت . . لانج حماره وماتهتمين فروحج وماتاكلين عدل . .

مهره : الي فبطني شفيه

سيف : قلتلج والله مافيه شي . . اقصد " يبتسم " والله مافيها شي

مهره تطالعه باهتمام : بنووته ؟

سيف : وبتكون احلى بنوته فالدنيا

مهره تبتسم بتعب : اللــــه . .

سيف يمسح ع شعرها : هيييه الله . . اليوم بنيلس نفكر ف أسم لها . .

مهره : بسميها على ماما . . هدى ..

سيف يبتسم : يآ‘ سسلام . .

مهره تبتسم وتغمض عينها وتمسك ايده : لاترووح

سيف : ما بروح حبيبي . . بتم عندج

ترد تفتح عينها : وينهم . . عذاري وشوق . .

سيف : يالسين برع . . من شافوني ييت عندج طلعو . . تبيني ازقرهم ؟

مهره : هيه . . ابي اكلم عذور . .

سيف بضيج : زين . .

قام عنها وزقر شوق وعذاري . .

شوق : الحممممددلله ع سلامتج حبيبتي

عذاري : خوفتيني عليج . . والله لو رسبت باجر يويلج . .

مهره تبتسم : شووق رديها خليها تدرس

عذاري : اسولف ياحممماره .. تولي الدراسه اهم شي انتي . .

مهره : لا عذوؤر كله ولا دراستج . . ثانويه عامه لازم تيبين نسبه وترفعين راسنا . . الله يخليج ردي ودرسي عدل عششان ما اتلوم لو ما حليتي

عذاري بدفاشه خفيفه : تتلومين ليش ان شاء الله ؟؟؟؟ تسسستهبلين . . طاع ويهج يالخسفه ! الحمال مخسسفنج اصلا

شوق تضحك : ههههه جذابه والله الحمال محلنها . . "تمسك خدود مهره " شوفي خديدااتها شحلاتها . .

عذاري : لا تجاملينها بعدين بتخق علينا

مهره تبتسم : جي ولا جي ببتردين البيت وبتدرسين الحين

عذاري : انزين بروح بروووح . .

مهره : شوق اسمحيلي . . اوني بطلع وياج وبنغير جو . .

شوق : ماعليج مالج مفر . . انا تامه 4 ايام اهني . . بطلعهم من عيونج . .

مهره تبتسم . .

عذاري تبوس راس اختها : يالله مهور . .بروح وبطمنهم كلهم يحاتون . . روضة ديايه ماتعرف تجذب ع امايا وامايا قايمه الدنيا اهناك تبا تي وابويه مش مخلنها . .

مهره : قوووليلها ما يحتاي ساعه او اقل بطلع ان شاء الله

شوق تبتسم : يالله حبيبتي بكلمج باجر ان شاء الله ويوم بطرشلج مسج ردي علي عشان اطمن

مهره : ان شاء الله . .

وراحو عنها . .

سيف يوم شافهم راحو دخل عليها الغرفه وتم عند الباب متساند ولام ايدينه الهنتين كامله ومربعنهم ع بطنه . .

مهره تطالعه : ليش واقف بعيد عني

سيف : كنتي تبينهم ما تبيني

مهره تبتسم بتعب : حرام عليك . .

سيف يقرب منها وييلس ع السرير ويطالعها : شبعتي منهم ؟

مهره تمسك ايده : كنت ابا عذور ترد البيت وتدرس . .

سيف : جان قلتيلي بقولها

مهره : ما بتسويلك سالفه . .

سيف يحج راسه : هيه صح نسيت انها تكرهني

مهره : ماتعرفك . . يوم بتعرفك بتحبك . .

سيف : استاهل الكره منها ع ـلى الي سويته فيج

مهره تحط ايده ع ويهها : انت ما سويت شي . . انا غلطت لاني ما صارحتك من البدايه . .

سيف : وانا غلطت لاني ما تقبلت الشي مع انه جديم . .

مهره مبتسمه : اهم شي متفقين احين

سيف : غصصبن عليج بتوافقيني دوم

مهره : لا والله . .

سيف يبتسم : شوه تحسين الحين

مهره : وايد احسن . . " مبتسمه " استانست انا . .

سيف : لان عرفتي بنت هاه . .

مهره : وانت ما ستانست يعني

سيف : ولد . . بنت ! كل شي منج ابااه . .

مهره : خل عنك هالرمسه وخبرني الصدق

سيف : والله اسستانست . . انا بغيت ولد يشييل اسمي فالبدايه . . بس يوم عرفت انها بنت استانست وايد . . ماتوقعت بستانس لهالحد . .

مهره تحط ايدها ع بطنها . . وسيف حطا ايده فوق ايدنها : يالله متى تيبينها هالشيطانه

مهره تضربه ع ايده بخفيف : لا تقول عن بنتي شيطانه . .

سيف : ايييوووا . .بدينا بهالشششغل من احيييين !!!

مهره : مارضى عليها

سيف : كلي تبن انتي وياها . .

مهره تبتسم . .

سيف : مش جنه انتي انسحبتي وكنسلتي الاتفاق الي بينا

مهره : لالا انا ماكنسلت شي . . انت بروحك تعنيت ويييت لين عندي يعني انت الخسران

سيف : لا الشي استوا غصب عني . . والشي الي صار فيج حتى غصب عنج يعني شي مش مخططين له . .

مهره : يعني

سيف : يعني بنكمل ال 6 ايام الباقيه وبنششوف منو الي بينسحب قبل يا عنيده

مهره : بنشوف يا قوي " تطالع المغذي " ما خلص ؟

سيف : مليتي مني . .

مهره : حشى عليه . . ما امل منك . !!

سيف : بايين عشان جي كل شوي تطالعين المغذي . .

مهره : ماحب المستشفيات ولا احب قعدتها . . " تنزل راسها ع الارض " واخاف منها

سيف يطالعها باهتمام : ليش تخافين منها حبيبي ؟

تم يطالعها وتمت تطالعه وماقدرت تقول شي وعلى طول ذكر يوم ودرها ف المستشفى وراح . . ودرها وخلاها بعناها تصيييح بخوف وماتعرف شو تسوي وكيف تتصرف ماقدر يقول شي . . بلع ريجه بغصه ورص ع ايدينها بقوه . .

سيف : انا معاج . . ما بخليج . .ولابروح عنج ممممكان . . " يقرب منها ويبوس خدها وراسها وايدها " سامحيني على هاك اليوم سسامحيني . .

مهره : مسسامحتنك حبي والله . .

سيف يطالعها : حبي . .ياحلوها منج . .

مهره تبتسم وتبوس ظهر ايده : وانت كل شي منك حلو . .

سيف : تحبيني . .؟

مهره بنظرة صادقة : وايـد . .

سيف يحط ايده ع قلبها : قلبج يدق بقربي ؟

مهره سكتت وخلته يسمع كيف قلبها يدق . .

سيف : الله لا يحرمني منج ام هدى . .

مهره بحيا ابتسمت . .

سيف : هههه شو يا هبله ؟ شفيج

مهره : حسيت اني كبرت

سيف : هيه خلاص عيوز انتي الحيين

مهره تضرب بخفيف : عيوز ترفسك ياحمار . .لاتقول عيوز . .

سيف : انزييين انزين . . شوفي خلص مغذيج . .

مهره : والله ؟ توه واصل النص !

سيف : شفتي كيف الوقت يركض وياي . .

مهره تبتسم : شفتي . .

سيف : احبج . .

مهره ابتسمت : وانا احبك . .

سيف يقرص خدها . .

مهره : حبيبي

سيف يغمض عينه : عيووونه . . " يفتح عينه " |آمري تدللي . .

مهره : صدق الحمال مخسفني . ؟

سيف قابض ضحكته : وايد حبيبي وايد . . بس انا ما اقولج

مهره بوزت . .

سيف يبتسم ويقرص خدها هالمره بقو : والله محلنج ومخلنننج قممر . . وكل ما كبر بطنج كل ما حلويتي اككثر . .

مهره : عيل ليش تقولي عذور اني مخسفه . .

سيف : تغار منج . .

مهره : لااا ماتغار قالتها جي بسرعه

سيف : عيل تستهبل . . ماعليه دواها عندي . .

مهره : بروحها تكرهك بعد شو ناوي تخليها تجتلك مثلا

سيف : اقصصص لها راسها . . تهبي وتعقب . . ماعرفتني بعدها . . لاتخليني اخليج ضحيه عشان تعرف كييف تحترمتني

مهره تبتسم : لا الله يخليك . .

سيف : هيه اصطلبي احسن لج . .

مهره تاشر لها انها سكرت حلجها وما بتنطق . .

ابتسم لها وقام يزقر الدكتوره عشان تشوف مهره وترخصهم . . ووتمت توصيها عاد الدكتوره وايد ومن عقبها طلعو . .

.

.

.

ف هالوقت كان سلطان حارق تلفون عذاري الي محوله الفون سايلنت وفارتنه فالشنطه ولا تدري

وصلتها شوق لين الباب وسلمو ع بعض ونزلت عذاري . .

تمت عذاري واقفه لين راحت شوق وتمت تسويلها بيبااااي وشاقه الحلج !

سلطان من وراها : من وين يايه الشيخه

عذاري حطت ايدها ع قلبها وصدت عشان تجابله : بسم الله الرحمن الرحيم

سلطان عاقد حياته : شايفه ابليس ؟ انطططقي

عذاري " يّ لبى هالويه وهالطله . . ياربيه انا كيف بتحمل "

سلطان مسك جتفها ورص عليها : ارمممسج

عذاري ردت لوعيها : هاااه . .

سلطان بعصبيه وبصوت خفيف : شوو الي هااااه وين كنتي ياحيوانه

عذاري : آآآي عورتني . .

سلطان وخر ايده . . : ما بترمسين

عذاري : شو فيك مععععصب علي انزين

سلطان يعض شفايفه بقهر : ليش ما قلتيلي انج طالعه اصلا

عذاري : لان استوى الموقف فجاه

سلطان : اي موقف يخلييييج شاقه الحلج وتصارخين بصوت عالي باي وباي ؟؟ خبرييييني

عذاري تمت تطالع تفاصيل ويهه وهو يكلمها ومعصب ووايد استانست لانه معصب وهيه سبت عصبيته ! وابتسسمت

سلطان : ليش تبتسمين ان شاء الله ؟ تتحريني اسوووولف وياج ولا امزج معاج . !!! شوفي حركات اليهال هاي انا مول ماحبها وتعععععععععععقدت منها وشفتها من غيرج لين لاعت جبدي

اتلاشت ابتسامه عذاري وبهدوء : كيف يعني شفتها من غيري

سلطان : ماشي

وودرها ومشى صوب سيارته . .

اما عذاري لحقته وووقفت عند باب السيارة قبل لا يركب : خبرني شوه الي شفته من غيري

سلطان بعصبيه : كل شي يلوع الجبد شفته

عذاري : من منو

سلطان :من الي كنت احبها

عذاري اتجمدت . . حست بروحها جثثثه . . ماتقدر تنطق بـ ولا شي . . تمت تطالعه بعيييون مفتوحه وفخاطرها " انا قوية . . دمعتي ما بتنزل جدامه " . .

كل الي سوته مششت عشان توصل البيت !! كان سلطان يرمس ويزقرها ويتحرطم بس ماكانت تسمع ولا ششي . . تمشي لين وصلت غرفتها وعقت عمرها ع السرير وهيه ف بالها جمله وحده

" من الي كنت احبها " . .

حطت راسها بهدوء وغمضت عينها وتمت تصيييح بدون صوت . . سلطان يتصل ويتصل ويتصل ! لكن عذاري ما ترد . .

.

.

.
__DEFINE_LIKE_SHARE__

ٍ•مج’ـٍنونك الح’ـٍساس•ٍ · 05-08-2011, 08:21 PM

رووووووووووعه
مشكووره ضحيوو عالباارتت
مسمووحه المهم انج نزلتييه __DEFINE_LIKE_SHARE__

قلب نازف · 05-08-2011, 08:59 PM

هلا واللــــــــــــــــــــــــــــــــــــــــــــــ ـــــــــــه

شحالج ضحيووووووووووووووو
بتصدقين لو قتلج أني شاركت فالمنتدى عشان روايتج

البارتين ولا أروع
تسلـــــــــــــــــــــــــــــــــــم أيـــــــــــــــــــــــــــــــــــــــــــدج __DEFINE_LIKE_SHARE__

miss 6r6ration · 05-08-2011, 10:21 PM

يــــــــــــــا لبيـــــــــــــى حلو البارت حده حلــــــو

بس صراحة سلطان صدمني ما توقعت انه يكـــون جي

فديـــــــــتـــــ عنــــود و حمووود ...........بس طلعت عنــــــود قويـــــــــة

و مهرة يأأأأأأأي كيووووووت طلعت حامل فبنوتة حلوة

بس حراام غمضني حمد يوم كاان يصييح بس بعد فالنهاية غلطتة و انشاالله يحصل البنية اللي يحبها وتنسييه مهوور

و لا طوليين علينا ضحووي ولا تحرمينا من يديدج

.....تقبلي مرووريــــــــــــــــى.....
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM