وطتّ رجليّ علىً دربه و لآآإ آإدريّ وشّ نؤوى فيني .! - الصفحة 121

«ضَحِيًة حِبُيًبُيً ..}● · 04-16-2011, 04:05 PM

.

.

.

البارت الـ 58

ميثا عاقده حياته : طلقتني سيف .؟

سيف يقوم ويطالعها : شلي اغراضج من اهني . . وسيري الشقه الثانيه . . بخليها لج . . سوي فيها الي تبينه وعيشي مع الي تبينه . .

ميثا تاشر على بطنها : وهذا ؟

سيف : ما ابيه منج . .

ميثا : يعني شو ؟؟ تبيه يموت ؟

سيف يطالعها : طلعي برا . .

ميثا تطالعه بعيون مصدومه . .

سيف : سمعتيني ؟

ميثا مشت عنه بسرعه مايعرف ليش قاعد يلحقها . . يحس انه مش قادر يضبط روحه . . طلعت من الشقه وسارت صوب الدري ولحقها بسرعه جنونية !!

ميثا تجابله : ليش تلححححححححقني ؟

سيف وعيونه تلمع : ماعرف . . والله ماعرف . .

ميثا تغمض عيونها وتعق عمرها ع الدري . . تمت تصرخ وتصرخ وتتجلب لين ما راح حسها ! مهره سمعت الصوت وطلعت من الغرفه وشافت الباب مفتوح . . طلعت بدون شيله ولا شي يغطيها تربع صوب مصدر الصوت وشافت الدري الي قريب منهم سيف واقف ويطالع الارض . . والدري مليان دم . .

مهره ماسكه جتف سيف : واقف تطالع شوووووووووووووو . . اتصصصل فالاسسسعاف سوو شي تحرررك . .

نزلت وسارت صوب ميثا بخوف وهيه تدق على ويهها . . : مييثا . . مييثا . .

سيف كان واقف مكانه ما يسوي شي . . مهره تمت تزاعق عليه عششان يتصل فالاسعاف بس ماقدر يتحرك . .

خلت ميثا ع الارض وردت تصعد الدري وتسير الشقه واتصلت ع الاسعاف وما كملو 10 دقايق ووصلو شلوها !

.

.

.

بعد ساعتين . .

مهره وسيف فالصاله قاعدين . . كانت تطالعه بغضضضب ! ودها تصارخ وتضربه وتسسبه وتسفل فيه . .

>>> ليييش انا الي انهززب وانضرب واهيا لاء . . لاخر لحظة ما يقدر يقاومها ولا يقدر يسويلها اي شي . . تعامله معاها بادب واخلاق وهدوء لكن انا لاء . .ليييييييش وشمعنى ؟ ؟

ألف فكرة وكلام ف بالها ودها تنطق بس ما تقدر . . وضع سيف ما يسمح ابد ان الواحد يتكلم ف موضوع مثل هذا الحين . .

سيف يطالعها : انا وايد تعبان . . وايد . . " تنزل دموعه بغزره ويعض ع شفايفه بقهر "

قلبها انعصصر بالحيل . . كان ودها ترووح وتحظنه وتخفف عنه بس شي فيها منعها . . ماتعرف شو هالشي . . هل هو غيره لانه يصيح ع غيرها ؟ او انه تعب من كل شي شافته من هالريال . . ماتعرف . . كل الي سوته دخلت الغرفه وصكت على عمرها الباب . . قعدت عند الباب وحطت راسها عليه وتمت تصيح وهيه تسمع صياحه بدى يزيد ويزيد . .

مهره : ماقدر . .سامحني . . انا تعبت بعد . . والله انا تعبت . . لاول مره بقسى يا سيف . . بقسى وما بيييك . . سسامحني .. الي فيني اكبر من اني اييك واشيلك بحظني . .

قامت من مكانها وسارت السرير . .تلصقت فالمخده بالحييييييل وتمت تنوح بتعب . .

.

.

.

منصور يدق ويهها بقوه : قووووووووووووووووووووومي . .

عذاري تبطل عيونها : سلطان

منصور : ههههههههههههههههه خوش خوش والله . .

عذاري حطت ايدها ع قلبها : اوبس . . الحمدلله انت . . اتحريت ابوي . .

منصور عاقد حياته : وانا مش مالي عينج شوه .

عذاري: شفيك ما قلت شي انا

منصور يحط ايده ع قلبه : سسلطان . .

عذاري : انزين سلطان ربيعك عليه امتحان وكنت ادعيلي وادعيله قبل لا انام . .

منصور : انتي خبله . ؟؟ مش صاحيه

عذاري تثاوب : شمعنى انت ترمسني عن سلامه وانا مارمسك عن سلطان ؟ ياخي وين تحصل اخت صريحه مثلي . . ما يالسه اسوي شي من وراك . . قاعده اصارحك شفييك . . والله ماعرفنالكم يالرياييل . .

منصور مبتسم : نشي نشي يالله . . الساعه 7 . .

عذاري تصارخ : شووووووووووووووووووووووووووووووووووووووووووووووووو وووووووووووووووووووووو . .

وتررربع من مكانها وتسير فوق تتتغسل وتلبس . . 5 دقايق ونزلت تحت . .

منصور كان ماسك التوست بياكل وانصدم يوم شافها نازله : بل . .

عذاري تي صوبه وتشل التوست من ايده وتخشه فحلجها مره وحده : يلا قوووووووم وصلني . .

منصور : خلي الدريول انا وراي ششغل

عذاري تمسكه من ايده بقوة وتقومه : يلاااااااااااااااااااا . .

ام عبدالله : عذاري !

عذاري صكت الباب بقوة وطلعو من البيت ما لحقت تسمع امها . .

ام عبدالله : الله يهديج يا بنيتي ويوفقج ويسهل عليج الامتحااان يارب . .

عبدالله : راحت ؟

ام عبدالله تبتسم : هيه راحت الله يحظفها . . مش صاحيه هالبنت . .

عبدالله يبتسم ويبوس راس امه : كنت بوصلها . .

ام عبدالله : شلت منصور وياها .

عبدالله : يالله زيين . . امايا انا بسافر السعوديه اليوم . . عندي كمن شغله اهناك . .ان شاء الله اسبوع وراد . .

ام عبدالله : وانت ما بتخلص من هالسفرات ياوليدي . .

عبدالله : شو اسوي امايا . . خبري روضه . .

ام عبدالله : حتى لو ماخبرتها . . فديتها شاله العيال شل . .

عبدالله تبتسم : من غلات اخوها حبت العيال . .

ام عبدالله : هيه والله

عبدالله : يالله امايا تامريني ع شي . .

ام عبدالله : سلامتك يا روح امك . . الله يحفظك ويردك لي بالسلامه ان شاء الله . .

راح عنها . . وقعدت ام عبدالله ع الغنفه تمسح دموعها وهيه تفكر بضناها الي بعيد عن العين وما يسال . . .

.

.

.

حصيص : مرحبا السساع . .

عذاري : مرحبا ملاييين . . هلا بالزييين . .

منصور يتحرقص ويطالع عذاري وياشر منو . .

حصيص : ششوه النفسيه طمنيني . .

عذاري متجاهلة منصور : والله عال العال . . دارسه عدل . . وببيض الويه

حصيص : فديتج والله حتى الكورس الي طاف قلتيها وبيضتي الويه وسدحتي نسية 60 . .

عذاري : عايريني عايريني . .

منصور : والله زين تسوي فيج . .

عذاري تطالعه : اقوووول برمسج يوم برد من الامتحان . .

حصيص : انزين انا بس بغيت اسالج شريتي فستان لعرسي ولا ؟؟؟

عذاري : اوووووه . . والله نسيت موضوع "بتعمد " العرسسسس . .

حصيص : اوكي عذور مشكورة وماتقصرين . .

عذاري: انتي تعرفيني مستحيل انسى !ّ! ان شاء الله اليوم بخلي منصور يوديني وبشتري احلى فسستان لعيونج . .

حصيص : فعيينج باجر وراج امتحان . . مابي اخرب عليج . . عقب ماتخلصين دراسه سيري . .

عذاري: اكيد اكيد . .

منصور قلبه منقبض ومركز فالسواه ما يتكلم . .

حصيص : يالله حبيبتي موفقه ورمسيني طمنيني اول ما تطلعين . .

عذاري : ان شاء الله . .فمان الله . .

منصور يطالعها بعيون ضيجه : منو الي بتعرس

عذاري : ربيعتي . .

تم الهدوء عام المكان لين ما وصلت المدرسة . . ودرت تلفونها فالسيارة وشلت كم وراقه بتراجع منها ووالقلامه وبطلت الباب بتنزل : دعواااتك اخوي . .

ابتسملها : موفقه يارب . .

تعرف ان منصور ما بيروح لين ما تدخل المدرسه ويشوفها داخله ويتريا بعد شوي وعقب يروح . .

فـ، مشت خطواتها وسارت صوب دريشته ودقت الباب ونزل الجامه باستغراب . .

عذاري : ترى كنت اكلم حصوه . .

منصور ياي يسحبها من خشمها بيضربها بس ركضت ودشت المدرسه . .

منصور وهو يبتسم براحه : والله حيوانه . . ماعليه يا عذووووور . .

صد يسار يشوف تلفونها بخبثث وحرك السيارة ..

.

.

.

على الساعه 11 الصبح . .

قامت مهره مفزوعه من حلم مخيف ! على طول طلعت من الغرفه ودورت سيف . . انتبهت له منسدح ع الغنفة ونايم . . وعلى ويهه دموع جفت !

حطت ايدينها ب حنان على ويهه وبصوت يادوب ينسمع : ليتني اشيل التعب الي فيك . .

فتح عينه : تخليتي عني امس . .

مهره : دومك تتخلا عني . .

سيف يغمض عينه : ماتعودت هالشي منج . .

مهره : وانا ماتعودت لكن البارحه كان شي غصب عني . .

سيف يفتح عينه بتعب : كنت محتاجلج بقربي . . محتاجلح تخففين عني . .

مهره : انا اسفه . . اسفه لاني ماكنت موجوده لك . . لكن انا بعد تعبت . . والله تعبت من كل شي . .

سيف يحط ايده ع ويهها ويلمس ملامح ويهها . . نزلت دمعه منها . .

مسك ايدها عشان تصعد ع الغنفه وتنام حذاله . . سايرته بهدوءء . . وغمضت عينها ع صدره . . صاحت بهدوءءء وصاح بهدوء . .

سيف : كل شي بيتصلح . . كل شي . . اوعدج . . " يغمض عينه " لاتصيحين حبيبي . . لا تصيحين . .

.

.

.
__DEFINE_LIKE_SHARE__

«ضَحِيًة حِبُيًبُيً ..}● · 04-16-2011, 04:09 PM

.
.
.

ثانكس ع الرمسه الطيبه والتشجيع . .
وان شاء الله بكممل الاحداث عراحتي . . ما بخرب القصه على نهايتها . .
الي مستعد ينتظرني انا بششكره من قلبي وبيكون ع راسي . .

والي ما يبي على راحته ما بجبر حد يتم معاي ويكمل . .
وبعدني اشوف ردود ترفع الضغط !!

وسوري البارحه ما نزلت شي لان نفسيتي ما كانت نفسيه كتابه . .
ووو بسس . .

واحب اشكر كل الي طرشلي رساله خاصه يهديني ويقولي كلام حلو ههه . .
الله يجبر بخاطركم . . ما رديت لان وايد رسايل وو في بعضهم بغيت ارد بس ما استوى ! يطلع لي كله خطأ فالارسسال . .

وبسس . ..

اح ـبكؤؤؤؤم . .*
__DEFINE_LIKE_SHARE__

الحب المتيم · 04-16-2011, 04:23 PM

كشخه كشخه

وربي جنان البارت
والله يوفقج ف دراستج ودنيااج ياربي

ونتريااج يوم تفضين نزلي البارت الي عقبه ما نريد نضغط عليج

والسموحه منج والله قصتج جناان وما عليهاا كلام __DEFINE_LIKE_SHARE__

جنتل بوظبي.,! · 04-16-2011, 04:42 PM

وييييينج ضحوووي بطيييتي علييناا واااايد ..,!
آكييييد مزهبتلنا 10 بارتااات صححح هه =) __DEFINE_LIKE_SHARE__

Bebo ~ · 04-16-2011, 04:54 PM

روعة البارت تسلمــــــــــــــــــــين فديتج ~

ننتظر البارت الياي ...
ربي يوفقج ان شاء الله ^^

تقبلي مروري
^_^
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM