وطتّ رجليّ علىً دربه و لآآإ آإدريّ وشّ نؤوى فيني .! - الصفحة 115

~صوتكــ نعيمــ~ · 04-14-2011, 12:10 AM

من طوول الغيباات يااب الغناايم .. عسى أخير ذي الأنتضاار كله تبين لناااا أكيد بيكوون حلوووو بس لاازم يكووون طوويل ..^^

×
×
×
×
×
×
×
×
×
×
×
الذين يشاهدون محتوى الموضوع الآن : 11 ( الأعضاء 10 والزوار 1) ‏~صوتكــ نعيمــ~, ‏ṡakḙᴙa ᵐᵑ ḁḹ5ạ6ʀ, ‏6ăβ3y 3nξξD, ‏آلاهيب اليوف, ‏ghram al3ashgen, ‏حلوه الاحساس, ‏jroo7 mjroo7, ‏Siamya, ‏فرفوشة, ‏كاتمة العبرات

نتريااااج..~ __DEFINE_LIKE_SHARE__

şнмởỡ5 · 04-14-2011, 02:24 PM

يلآ حبيبتــي آليــوم آلخمييــس ومتحمسسسـه حييييييييل

للبآإرت عإد نبيــــه طويييــل . . )~>َ!
__DEFINE_LIKE_SHARE__

«ضَحِيًة حِبُيًبُيً ..}● · 04-14-2011, 02:37 PM

.
.
.

رساله للاعضــاء الي يطرشون لي اهني ورسايل خاصه اني انزل بارت . .

تراني قلتلكم . . ما راح انزل الا فالويكند

يعني حتى لو اي حد عاتب وعق علي كلام ما راح انزل . . وانا ماجبرت اي حد يتريا .!!

هذا احسساس . . مش مني والدرب امسك اللاب واكتب !! لازم ييني الاحساس الي اقدر اكتب فيه

بصراحه وايد ضقت ! وماتوقعت لهالدرجه يعني . .

ادري ان في ناس متحمسه وتبي تعرف شو بيصير . . لكن في اسلوب ..

وانا شرحت ظروفي . .

واسمحولي الي طلبو اني اكمل القصه!

انا بنهيها ف اقرب وقت . . تعبت من الناس الي تتحراني يالسه ع كرسي هزاز وماعندي شغله ابد . .

تراني حالي حالكم عندي ظروف وششغل وامور ماقدر اتركها عشان هوايه . .

الكتابه مجرد هوايه .!!! مش شي ألزامي علي . .

راعو شوي . . ويا ريت الي عنده كلام مثل وينج و وينج يوفره على نفسه ولا يكتب لي . .

الشي بـ زياده زاد عند حده ومابي اتم اقراه . !!

واعذروني ع اسلوبي بس الي قريته وايد علي . .

والسموحه !

.
.
. __DEFINE_LIKE_SHARE__

«ضَحِيًة حِبُيًبُيً ..}● · 04-14-2011, 02:43 PM

.

البارت الـ 57

على دقات المطر الي تضرب المكيف بطلت عينها عذاري . . بطلت الدريشه وهيه مصدومه من المطر الي يطيح . . متى طاح وكيف الدنيا غرقانه !! تمت تدع ــي وتدعي وتدعي . . انتبهت للساعه . . الوقت 3 الفيـر . . طلعت من الغرفه وشلت وياها كتبها . . حطت فبالها تراجع لان من شوفت سلطان ماركزت عدل . .

.

.

.

عنود تنزل بهدوء وتردد . . بطلت الباب البراعي وتمت توايق .!

شافته بعده قاعد ع الدري الصغير الي يدخل على ملحقه . . وفوقه طبعا مثل مظلة . .

تجدمت بهدوء لين وصلت نص الحووش وحززتها شافت البرق وسمعت الرعد . . ركضضت بسرعه من الخوق ووقف محمد لا شعوريا لان من قوت صوت الرعد خاف عليها وقام . . دشششت فحظنة وهيه ترجف . .

لحظة هدوء .!

1

2

3

4

5

6

7

8

9 ثواني . .! حسست بعممرها وخازت عنه . .

عنود تطالعه وعيونها تلمع : انا . . اناا . . كنت خايفه قسم بالله . . الشي يخوف . . كنت امشي ف نص الحوي وفجاه الدنيا انقلبت من ظلام لـ برق ومع الصووت خففففت والله

محمد يحط صبعه ع شفايفها : خلاص . . مما صاارشي . .

حس على عمره على طول ونزل ايدينه . . فر الزقارة وارتبك . .

محمد : آآآ . . انتي ايه . . الشيطان ثالثنا >> " ها الي طلع وياك يا محمد "

عنود : انزيين اعررف >> " طلعتي اخس يا عنود "!

محمد : انزين شو تتريين روووحي . .

عنود : مابي ارووووح مكان !

محمد استغرب . .

عنود تطالع الزقاير المفرورة : بس هاي حياتك ؟

محمد يبتسم : بالذات لو نكد علي غالي . .

عنود رافعه حياها : هه . . قصر من عمرك انا شو يخصني ؟

محمد : تراج قلتيها انتي شو يخصج ؟

عنود بقهر : دوخ لين تموت

محمد اطالعها بعيون حنونة : من عيونـــــــي " ياشر ع عينه اليمين " هذي " ياشر ع عينه اليسار " قبل هذي . .

عنود : انت ليش تاخد كلامي كله بمحمل الجد

محمد : بيوم وليله انقلبتي عنووود ؟ البارحه مشتطه وماتبيني فالبيت والحين تقولين لي ليش تاخذ كلامي بمحمل الجد ؟ ان شاء الله بجرب اخذها بمحمل اليده بشوف شو بيطلع وياي . .

عنود تبتسم : سخييف . .

محمد يبتسم : بعد شسويييلج . .

عنود تنزل راسها : انا جد ندمانه ع الكلام الي قلته وابيك تشله من قلبك . .

محمد ينزل راسه بحيث يشوفها : انشل

عنود ترفع راسها : بهالسهوله

محمد يرفع راسه ويقرص خدها : عششان تعرفين كيف انا طيب

عنود ابتسمت . .

محمد : انتي اييه . . لا تبتسمين تخبليني . .

عنود : هههههههه . .

محمد : لا وتضحكين بعد .. تبين تسويني شرايح بيتزا

عنود : شمعنى بيتزا

محمد يحط ايده ع بطنه : يوعان والله

عنود : اسير اسويلك شي تاكله

محمد عاقد حياته : هاه

عنود : مش عششان شي !! لاني زعلتك اليوم بس . .

محمد يبتسم بخبث : لو جي كل يوم زعليني . .

عنود : انت مش ويه . .

محمد يقاطعها : خلاصصصصصصصصص خلاص . .موافق ..

عنود : شتبي تدح . .

محمد : عثثثثثثثره هذا اسلوب اعنبوه

عنود تمشي ويمشي محمد وراها

عنود تصد ورا تطالعه: خلصصصني شتبي تاكل

محمد يبتسم بخبث ويمشي وراها: كل شي فيييج حلو . .

عنود ماسمعت وصدتله : ها ؟

محمد : كل شي من ايدج حلو ! شو صمخه انتي ما تسمعين

دشت عنود المطبخ ودش محمد معاها . . تم ساكت ويطالعها وهيه تحوس فالمطبخ شوي يمين وشوي يسار وتفر السجينه اهني وشوي تفر اهناك . . عقب كل المعركه طلعت بـ سندويشتين بيض مع جيز وعليهم مخلل مقطع . . وحطت له عصير برتقال جدامه . .

عنود : تصبح ع خير . .

وششردت عنه قبل لا يقول اي شي . .

عنود >> ليش استمتعت بلي سويته ؟ وليش قلبي احسس فيه شي ينبض " ابتسمت " لا مستحيل الا محمممد يا عنود !!

.

.

.

سلطان يفتح عينه على رنة المبايل . . يشوف الرقم ويتنهد بـ ضيق . .

سلطان : الو ؟

:: ممرحبا . .

سلطان : كيف اقدر اخدمج .؟

:: سلطان ليش تعاملني جييييه

سلطان عاقد حياته : كيف تبيني اعاملج !ّ منال قلتلج لا تردين تتصلين فيني

منال : بس انا احبك

سلطان : تحبيني ؟؟ هه . .

منال : والله اني احبك . . وندمانه وايد

سلطان : ندمانه على شو بالضبط

منال : ع كل شي قلته

سلطان : ما يفيد ندمج الحين

منال : حد دخل حياتك . .؟

سلطان : ماعتقد لج الحق تسالين

منال : سلطان

سلطان يصارخ : خلااااص لا تزقريني . . كرهت اسمممممممممي وانتي السبب

فر التلفون ع اليدار وانكسر جدام عينه وتطاير كل شي ف مكان

سلطان يعض ع شفايقه بقهر ويسمع صوت المطر . . غمض عينه ودعى ورد انسدح وهو يذكر ! . .

سلطان تنزل دموعه ويمسك ايدينها : لاتروحين

منال : لازم اروووح . .

سلطان : بس انتي ماعندج شي ف لندن ليش تروحين

منال تنزل راسها . .

سلطان : انا وقفت دراسه مابي اكممل . . بتسلف وبنملج وبشتغل ع طوول . .

منال : حياتي ف لندن سلطان . .

سلطان : وانا مش حياتج ؟ حرام عليج لا تخليني

منال تمسح دمعته : مابيك تصيح

سلطان : حبنا وين راح ؟ ليش تتخلين عني

منال بدموع مليانه : ماع ـرف شقولك

سلطان يعض ع شفايفه بقوة . .

منال : مش مقدر لنا نكون لـ بعض

سلطان : انتي حكمتي هالشي

منال : تعال معاي لندن

سلطان : منال قولي كلام منطقي . . انتي بتروحين مع امج و ابوج . . انا شسوي وانا درهم ماعندي ؟

منال : انا بعطيك

سلطان عاقد حياته : ولين متى بتمين تعطيني خبريني لين متى

منال : العمر كله . .ششو يعني سلطان !! شو يعني خبرني . .انا وانت وااحد

سلطان : واهلي وداري . . انا ماقدر اهد البلاد . .

منال : وانا ماقدر اتم فالبلاد . . ابوي سفير ف لندن . . انا وامي مالنا حايه انتم اهني

سلطان : بس عطووووج القرار . .!!!

منال : وانا ماقدر احرم امي من ابوي . . انا لو مارحت راح اجبر امي تقعد معاي .!! تراني صبرت 3 سنوات . .

سلطان : اصبري بعد شوي . . قلتلج ودرت الدراسه وبستلف وبيمع المهر وبنملج وعلى طول بدور لي شغله . . وابوي الحين داخل مشروع كبييير . . وانا ضامن انه بيحصل ارباح كبييره !! بحتاجه اول الفتره وبعدين بكون نفسسسي . . " يمسك ايدها بقوه " دخييلج . . لا تروحين

" النـــــــــــــداء الاخيــــــــر لرقم الرحله 23111 . ."

ميثا تترك ايده وتوقف : سامحني

سلطان يوقف ويمسك ايدها : بعدني متمسك فيج ولاخر لحظه . .

ميثا تشل شنطتها : بروح

سلطان : بسس . .

ميثا : خلاص . . " تنزل دمعتها " انا قررت وخلاص . .مع السلامه سلطان . . مع السلامه يا احلى حب ف حياتي . .

مشت عنه خطوتين . .

سلطان : منال !!!!!!

منال تصد له ..

سلطان : لو رحتي . . لا تفكرين تردين مره ثانية . .

منال : شو تقصد

سلطان : انسيني بالمره . . انسي سلطان . .

منال تبلع ريجها

سلطان : انتي اخترتي هالشي . . اخترتي فراقي . . وانا ما راح انتظرج . . لا ترجعيين !! واذا رجعتي . . انسي انج عرفتيني .. لاتفكرين مجرد تفكيير . . تردين لي لاني راح اصدج بقوه

تنهد تنهيدة ضيييج وقام من مكانه وشل كتبه وقعد ع المكتب يراجع للامتحان

.

.

مهره ماسكة ايده : تكلم قوول شي . . اتشكالي

سيف يطالعها بنظرات حايرة

مهرة : طلع حرتك فيني . . اضربني بس لا توصل لهالمرحله الي اتم فيها سساكت دخيلك

سيف يطالعها وهيه تتكلم وحط ايدينه على خدها بحيرة ورد نزل ايده ونزل راسه . .

مهره تمسك ويهه بايدينها الهنتين : طالعني . . طاااالعني

رفعت راسه عشان يشوفها لكن راسه مرفوع وعينه نازلة تحت

مهره : دخيييييييييييييلك لا تسسوي جي يا سيف ماتحمممل اشوفك جي ماتتتتحمممل

dnaميثا تي صوبهم وتعطي سيف ورقة . . خذا عنها الورقة بهدوء وفتحها . . كان تحليل الـ

مهره تشوف معاه الورقة . .

سيف يطالع ميثا من غير ما يرمس . .

ميثا: ها تحليل مهره . . حامل منك . . " تمد ايدها " وهذي تحليل ثاني يثبت اني حامل منك . .

سيف عاقد حياته : مش فاهم ؟

ميثا تطالعه عين بعين : انا صح رقدت ويا ربعك . . لكني حامل منك . . المره الي ييتني فيها قبل لا تاخذ مهره

مهره تقوم : بسسسسسسس خلاص سسسسكتي

ميثا بهدوء ومطنشه وجود مهره : انا حبيتك سيف . . وحبيتك وايد . .

سيف يقوم ويجابلها : عيل ليش ؟ انا اعتبرتج كل شي في حياتي ؟ ليش خنتيني

ميثا : انا كنت وفيه لك من عرفتك . . الا يوم رفض ابوك يزوجك . .

سيف بعيون حايره يطالعها : انا كنت مستعد اموت عشان اتزوجج وانتي تعرفين هالشي . . " يأشر ع مهره " انا تزوجتها بس عشان اقدر اخذج . . انا اتزوجتها وفي شهر عسلنا خذذذذذتج . .

مهره من قوت كلامه قعدت مارامت توقف . .

ميثا تنزل راسها . . : خالد اخوك عطاني بيزات عشان اخونك

مهره حطت ايدها ع شفاتها

سيف بصدمه : وضحي اكثر

ميثا : من بعد الليله الي يييتني فيها وقللتلي ان ابوك ما رضى انه نتزوج وانت انفجرت عليهم اهناك وقلتلهم انك تبيني ومحد رضى . . وقالولك بعد مهره انت حر . . خالد عقب ما رحت اتصل فيني وقال انه يبي يشوفني . . عطاني 200 ألف كااش ! وقالي اخونك . .

سيف : ووافقتي ؟ عششان فلوس وافقتي ؟

ميثا : كنت محتايه ادفع ديون ابوي واطلعه من السجن . .

سيف : وانا وييييييييين رحت ؟؟ كيف ماطلبتي منيييييييي

ميثا : سيف انا كنت اتشكاااالك دووووووووووم وانت ما جااملتني وقلتلي بعطيج حتى لو بسوالف . . كيف تبيييني اقولك شي مثل هذا ؟؟

سيف : كمملي

ميثا : من بعدها فنفس الليله عقب كل الي صار سرت شقة ومادري انهم ربعك وو سكرت وسويت كل شي يخطر عبالك بدون تفكير . . لين ما شافني محمد وضربني ضرب وهددني علشان اودرك لكنك عقبها طلعت لي بفكرة انك بتتزوجني اكيد بعد ما تاخذ مهره . .

سيف يغمض عينه . .

ميثا : كانت هذه المره الوحيدة الي اخونك فيها . .

سيف : جذابة . .

ميثا سكتت . .

سيف : انا شفت تلفونج وشفت مسجاتج مع واحد . .

مهره بقهر : ووووووووووسكت ؟ وانا على غلطه ماسويتها ضربتني ضرب واهنتني !!!

سيف يطالع ميثا : جذبت عيوني ولا صدقت انج تسوينها . . نسيت اني شفته علشانج . . وجذبت روحي ولا جذبت الي جدام عييييني

ميثا تبلع ريجها . .

سيف : ليش بعدج تكلمين غيري ؟

ميثا : لانك بديت تحبها ومشاعرك تجاهي انعدمت . .

سيف حاط ايده عراسه ومهره وايد استغربت من رده فعله . . كانت عكس الي توقعته بالضبط !!! ابد ماتوقعت انه يكون بهالبرود وبهالصدمه ورده فعله تكون هاديه لهالدرجه !!!! ماقدرت تتحمل وقامت ودخلت غرفتها وسكرت الباب بقوة . .

ميثا : لك الخيار . . اني اطلع من الشقه واطلقني . . لك الخيار اطيح الي ف بطني مع انه ولدك . .

سيف يطالعها : ليش قلتي انه مش ولدي وليش قلتي كل الي قلتييه لمهره قبل شوي

ميثا : بغيت اقهرها . . بغيت اعيشها ف وسسسسواس . . " تعلي صوتها " خذتك مني بكبرررك

سيف : وليش قلتيلي انج رقدتي ويا محمد ؟ ليش جذبتي واتبليتي عليه

ميثا : بغيت اجرحك مثل ما تجرحني كل يوم وانت طايح فحظنها وتعطيها كل شي تعطيني اياه . .

سيف : وما لقيتي تجرجيني الا بهالطريقه

ميثا : ها الي قدرت عليه . . كنت عارفه اني بتفاهم معاك واخبرك كل شي بعدين . بس بغيييييت اجرررررحك شوي واحسسك بـ ربع الجرح الي احس فيه

سيف : ما يخصه ف بعض يا ميثا شقاعده تقولين . .

ميثا ماردت . .

سيف يطالعها وعيونه تبرق من الدموع : وهنت عليج تسوين فيني كل هذا

ميثا : مااهنت . . الله شاهد ما هنت . . بس ماكان بيدي شي . .

سيف : كل شي بايدج . . ماقصرت عليج ف شي

ميثا : بغيتك لي بكبري محد يشاركك فيني

سيف: كنتي تقدرين تقولين لي وماكنت بقصر

ميثا نزلت دموعها : خفت اذا قلتلك تتركني لاني اكتشفت انك تحبها وماتحبني . .خفت اسهل لك السالفه كلها . .

قام لها سيف ومسح دموعها . .

ميثا تطالعه بعيون حايره . . تتريا منه شي . .

سيف دموعه تنزل بعذاب : ميثا انتي طالق . . طالق . . طالق . .!

.

.

.
__DEFINE_LIKE_SHARE__

roro12345 · 04-14-2011, 02:43 PM

آنآ مرآعتنج ضحيووه ..
ومرآعية ظروفج ..
ومتى مآ تبين تنزليين نزلي حتى لو عقب سنة >~ خخ وآيد مصختهآ

'' ''

و آسمحييلنآ إذآ غثينآج و لآ غلطنآ عليج
و نحن فإنتظآر آلبآرت ^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM