وطتّ رجليّ علىً دربه و لآآإ آإدريّ وشّ نؤوى فيني .! - الصفحة 106

Bebo ~ · #1 04-08-2011, 04:14 PM

تسلمييييين عالبارت الروعة ~

نتريا التكملة ...

^_^ __DEFINE_LIKE_SHARE__

لاتتعب ضنونك · 04-08-2011, 05:03 PM

حبيــــــت البارت بس قصيير..

ونررقب البااارت اليااي ع نـآآر

نبا نعرف اخبار مهر وسيف وميثا ...؟؟ __DEFINE_LIKE_SHARE__

«ضَحِيًة حِبُيًبُيً ..}● · 04-08-2011, 05:44 PM

.

.

.

البارت الـ 55

على الساعه 12 . . روضه تتصل ف مهره بس ما ترد . . اتصلت فوق الـ 10 مره وانقبض قلبها . . دقت على سيف . .

سيف : ممرحبا ؟

روضه : سيف شحالك . ؟ انا روضة . .

سيف: هيه عرفتج . . بخير ربي يعافيج . .

روضة : اتصل على مهوور من ربع ساعه فوق العشر مرات وماترد . . خفت عليها . . ابي اكلممها ؟

سيف يخوز عن ميثا : آآآ . . ممم . . " تم يتمتم فالرمسه " انا فالمستشفى ويا حرمتي الثانيه . . هيه فالبيت راقده . .

روضة سكتت . .

سيف : مافيها شي لا تحاتين . .راقده . .

روضة : ليش انت شفتها وهي راقده ؟

سيف مارد . .

روضة : خلاص مع السلامه وسوري ع الازعاج

بندت ماتريت منه باي !

روضة تمت تدور رقم شوق تبي تطمن ع مهره بأي طريقه بس جسوم تم يصيح وسارت صوبه ترقده

.

.

.

عنود نزلت من فوق . . تشوف الساعه 12 ونص . . الكل راقد والليتات مبنده . . بغت تسير ترقد ويا سلامه بس تحس بكتمه وطلعت برا . . بتقعد ع الكراسي الي ف الحوش . . انتبهت ل محمد قاعد ع الكراسي ويدووخ ويطالعها . . تنهدت وعكس دربها بترجع ، لين سمعته يرمسها

محمد : تعالي خذي راحتج انا بسير داخل . . ووولاتكدرين روحج . . من الصبح بطلع لعمي خرطه وبرد بيتي ان شاء الله . . ماله داعي تقلبين روحج عششان واحد مثلي . .

صدت تتتحراه يمزح مثل كل مره بس شافته قام ويمشي ساير صوب الملحق . .

قفطت بالقو وماعرفت شو تقول . .

عنود بصوت واطي : انا شسويت . .

مشت وراه ويوم سمع صوت مشيتها جابلها . .

عنود : انا ما قلتلك اطلع من البيت

محمد يبتسم : سمعت كل حرف قلتيه لأبوج

عنود تلووووووووومت

محمد : هههههههه عادي شفيج . . انا لوح ماحس . .

فر الزقاره وداسها وطلع غيرها . .

عنود : انا اسفه ماقصد . .

محمد تم يدوخ وهو متساند ع اليدار وهيه واقفه مجابلتنه وبينهم مسافه بسيطه . .

تساندت ع العمود الي وراها وتمت تطالع الارض . . ماتعرف كيف تصلح الوضع وتستسمح منه . .

محمد : انزين ليش مارقدتي ؟ مماعندج دوام باجر ؟

عنود : بلى . .

محمد : روحي رقدي يالله عشان ماتسلطين اهناك وتحولين ماتسوين اوراق الناس عدل

عنود تطالعه بنظرة جادة : انا والله اسفه ماقصد . .

محمد فر الزقارة بقوة وداسها : لاتتاسفين ع شي . . هاي مش غلطتج . . هاي غلطتي انا " وياشر ع نفسه " انا جي عنود . . الكل يحبني اعرف ويحب خفت دمي ويحب وجودي . .! الا الناس الي انا اهتم لها وابيها ترتاحلي !! سسبحان الله . . اكون مبغوووض عندهم بدرجه فظيعه . . " يبتسم " لاتعورين راسج . . قومي نامي وعيني من الله. . " يطنز " جنج سيلانيه . . شيله وردية وبجاما حمرا ونعال اخضر . . سيري شلي المكنسه وخممي . . يالله جلدي

عنود : ممايضحك . .

محمد يبتسم : يالله دشي داخل . . الجو بارد . .

ياي يمشي بيدش جان تمسك ايده . . حس ان تكهرب من لمستها :. .

عنود : لا تشل فخاطرك علي . . الله يخليك . . ماتعودت اشوفك جي ولا ابي اشوفك جي . . رد نفس قبل . . وانا اسحب كل كلمه قلتها لك .. والله من قلبي اسسحب كل شي قلته . .

محمد ينزل ايدها بشويش : تقولين جي لانج تلومتي وقفطتي هاااه . . ولا خايفه من عمي يصلخج بالخيزارنه باجر يوم يشوفني محد . .

عنود ترد تمسك ايده : ارمس جد لو مره في حياتك . .

محمد : قاعد ارمس جد وعم وخال وابيض

عنود ابتسمت غصب

محمد : حلووه صح . . قوي انا دخلت اثنين في واحد . . " بشوف ايدها " شفيج ماسكتني . . ماعندي فلوس حجيه . . .

عنود نزلت ايدها . . : مابي اقوم الصبح وماشوف شيفتك ع الطاوله . .

محمد يبتسم من ورى خاطره : من هالعيين . .

عنود : الله يخليك انسسى كلامي . .

محمد : قلتلج انا ماحطيته في بالي ونسيته اصلا ماذكر شو قلتي . . شو قلتي انتي اصلا ؟

عنود . . ها ما منه فايده بيتم جي ولا بيقول شي . . : زين عراحتك . .

محمد : هالكلام الحلوو . . يالله سيري وطي راسج . .

عنود : تصبح ع خير . .

محمد : وانتي من اهله . .

تم يراقبها لين دخلت داخل عقب تم يدوخ ودخل الملحق ..

.

.

.

سيف : شوي شوي حبيبي . .

ميثا تمسك ايده . .

سيف : اسبقيني . . حطي راسج لين أي . .

ميثا : بتروحلها ؟

سيف : لا . . بس برمس اربيعي اهني شوي . .

ميثا : من متى تخش عني مكالماتك ويا ربعك ؟

سيف : حبيبي مش سالفت اخش . . مابي ازعجج . . ابيج ترتاحين وتحطين راسج بس لين اخلص . . انزين ؟

ميثا مبتسمه : انزين . .

وسارت الغرفه وسكرت الباب . .

اما سيف بطل الغرفه على مهره من غير لا يدق الباب . . وشافها منسدحه وراقده . . حطا ايده على راسها وشافها دافيه . . شغل المكيف . . ولحفها عدل . . وقعد ع السرير تم يطالعها . . انتبه لتلفونها وشاف مس كولات من روضة واخر مكالمه كانت ل شوق . . حطا ايده ع ويهها وبشويش فتحت عينها . .

سيف بنبرة حنونة : فيج شي ؟

مهره نزلت ايده من ويهها بهدوء وعطته ظهرها وتلحفت عدل اكثر . .: خ ـلني بروحي

سيف : لييش .؟ شفيييج رمسيني . .

مهره : مافيني شي

" تحط اللحاف ع ويهها "

سيف مبتسم وينزل عنها اللحاف : رمسيني عاد . .

مهره : سيف قلتلك مافيني شي . .

حطا ايده ع شعرها وتم يمسح عليه

مهره : اطلع برع وخلني بروحي

سيف : اشش خلاص

مهره : خلاص قلتلك اطلع برا

سيف : انزيين ليـش

مهره تصارخ : اطلع براااااااااااااااااا

سيف : خلاص خلاص اهدي !! بطلع

طلع من الغرفه وسار عند ميثا . .

ميثا طايحه : يالله حبيبي تعال نرقد . .

سيف : انا بطلع بسير عند واحد من الربع وبرد . . ما بتاخر . . رقدي انتي

ميثا باستغراب : الحين تروحله ؟

سيف : هيه !! عندج مانع

مييثا : لا حبيبي ع راحتك . . رد علي يوم بدقلك . .

سيف : انزين . .

وشل سويجه وبوكه وطلع . .

اما مهره من سمعت صوت الباب يتسكر بقوه عرفت انه طلع من الشقه

قامت من مكانها وسارت الحمام " الله يعزكم" وتمت ترجع وترجع . .

من بعد ما رجعت ارتااحت وايد . . والي فيها خف . . طلعت من الغرفه وسارت قصت لها ليمونه وتمت تاكلها ببشهية . . خلصت من الاولى ويابت الثانية والثالثة والرابعه . . حطت القشور في صحن و شلت الخامسه وسارت صوب البلكونة . . بطلت البلكونة وقعدت ع الكراسي وتشوف السمما . . غمضت عينها وتنهدت ودعت ربها بكم شي فخاطرها .!

سيف : تتوحمين على ليموون !

مهره فتحت عيونها بخوف وصدت له . .

سيف : بسم الله عليج شفيج . . انا سيف !

مهره تنهدت وتمت تاكل . .

يا سيف وقعد ع الكرسيي الي حذالها وشل عنها الليمونة . .

سيف : بسس خلاص مش زين . . انتي الي ماكله الي فالصحن اهناك ؟

مهره بدون نفس : هيه

سيف : مش زين فديتج

مهره تبتسم بدون نفس : انا عارفه شقاعده اسوي . . لاتعب روحك . . يكفيك شخص واحد تهتم فيه

سيف بخبث: تغارين

مهره : اغار ؟؟؟ هذا الي طلع ممممعاك ؟؟؟ اغاار !!! انت تششوف نفسك كيف مقصصر فيني ؟؟ تشوف نفسك كل ما احتاااجك ما احصلك .. ع الاقل سو واجباتك كااامممله خل الغييره ع صووب . . انا من اول ما عرفتك وانا اقولك انت مافيك ذره احسساس . . والحين ارد اقولك اياها . . انت مافيك احساسس مووول

سيف سحب ايدها وشل عنها اللوومي . . : خلاص بس . . قلتلج مش زين . .

ما قالت شي . . ولا ردت عليه . . قامت من مكانها بتدش داخل بس سيف سحب ايدها وسارو على طرف البلكونه ! قعد سيف ع الارض ونزلها بايده عشان تقعد حذاله . . الي داخل مايقدر يشوفهم لانهم على طرف . . والستارة متسكرة من داخل ع الاطراف

سيف يشوفها وحطا ايدها ع قلبه : تسمعين ؟ يالمينونه تسمعين . .؟

مهره تطالعه وماتقول شي . .

.سيف : انا مينون فيج يابنت .. !!! انا يوم اشوفها احس اني اشوووووووفج . . والله اغمض عيني مره ومرتين وثلاث ويوم افتحها بعد اشششوفج . . انتي متخيله المرحله الي انا وصلت لها ؟؟؟ وصلت اني اشوفها انتي !!!!! انا ماعرف ليش قاعد اميزها عليج . . مممماعرف . . بس الي اسويه لها احسه واجب ما احس اني اسويييه لان قلبي يباني اسويه . . اما انتي . . كل شي اسوييه قلبي يقووله . . !!! اتلذذ يوم اشوفج غيرانه . . احب اشششوف غيرتج علي وضيقج لانج تغااارين . . احححححب اشوفج مهتمه فيني وتعاتبيني لاني ماهتم فيج. . ماطلب منج تعيصبين وتضيقيين . . انا اتخبل . . اتخخخخخبل يوم اشووفج ضيقااانه . . ماتجحممل اشوف ضيقج . . الي اسويه بس لاني ابيج تعترفين لي بحبج وتقولين لا سسيف لا تسوين جي انا اغار عليك . . سيف لا تروحلها انا ابيك اتم عندي . . ابي اسمع هالكلام منج . . ابي اسمع احبك كل شوي . . ابي اسمع حبيبي وحياتي . .ابي اسمعج ادلعيني واداريني . . ابيج تخطفييييني كلي منها . . انا خلاص ما اكن لها مشاعر . . قلبي ما ينبض لها بشي . . احس اني اهتم في خالتي ولا عمتي ما احس اني اهتم ف حرمممتي . .انتي حرمتي . انتي حبيبتي . .انتي تاج راسي . . " باهتمام وبنظرة صارمة " انا تخبلت وانت السبه . . الي يصير فيني عمره ما صاار . . انتي مش اول حب لكن انتي الحب الي غربلني . . الي خلاني اهللووسسس !! " يتنهد " انتي فاهمه الي اقوله ؟ فاهممممه ؟

مهره : وانا شدراني بكل هذا . . الي تسويه ما يدل انك تحبني وتبيي تشوف كل شي مني . . عالاقل لمح لي . . انت تعذبني وتتتلذذ بلي تسويه لكن انا لاء .!!!! ماقادرة اتنفس والسبه فعايلك . . حرام عليك حس فيني . . انت بعد مش اول حب لكن انت الحب الي انا ابا اسكر فيه ابواب قلبي واخليك انت بس فيه . . "بنبره حنونه ممزوجه بتعب " انت ريلي .. " سيف غمض عينه " انت الي له القلب يرتاح وينبض . . انت بس الي انا افكر فيه وشاغل بالي .. انت الي فعايلك تسم القلب وتألمه وتسهر لاجلك العيييين . . انت ماتحس بكل هذا ؟؟ كل هذا ما يبين فيني ؟

سيف يقبض ايدها بقوه : يبين . . بس ابي اششوف اكثر . . انا طمممعان فالاكثر . . ابي اشوف منج انتي كل شي . . ابييج تشييلين قلبي وتحتويني من كل الجهات . . مابي غيرج!!!

مهره : وانا مابي حد يششاركني فيك .. خلاص قلبي ما يتححمممل اكثر . .

سحبها لحظنه بقوووه . .: انا مينون فهالكلام . . ابي اسمعه دووم . . دووم . . سمعيني اياه لا تقصرين علي . . احب اسمعه منج

ميثا طلعت من الغرفه وتمت تحوس فالصاله ادور سيف . . : سيييف ؟؟؟؟

.

.

.
__DEFINE_LIKE_SHARE__

شموع عمري · 04-08-2011, 06:15 PM

رووووعه البارت

يالله كملي القصه حلووووه __DEFINE_LIKE_SHARE__

miss 6r6ration · 04-08-2011, 06:45 PM

ضحوووي البااااارت رووووعة حده طرطريشن

وانشاالله دوووم يكوووون سيف جي

وهاي ميثوووو ياربي شو تقهررر

مممم ونبا نعرف اكثر عن عنوووووووووود ومحمد

وبلييييييز لا طولين علييينا مرة ثانية
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM