أحَاولْ أبْتِسِمْ وأنْسَى ولكنْ وشْ ينسيني ..؟!

♕ وليد الجسمي ♕ · #1 01-11-2009, 01:20 AM

تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني ..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم ي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي .. يا كِلْ الحُبْ والتقدير

تعَاااااالْ : إنْ كان لِي عِندِكْ مَعَزَّه وكان تغليني

تعَالْ : إنْ كِنتْ تعشقني وإذا فِعلاً تبي لي خير
تعَالْ : ومِدْ لِي .. كَفْ الوَصِلْ .. وآمِدْ كَفيني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد ينهيييني __DEFINE_LIKE_SHARE__

( همس الليالي ) · 01-14-2009, 06:38 PM

صح السان كاتبهآ وتسلم يمين نآقلهآآ
.::.
يعطيك العافيه اخوي ع الطرح

قصيده رآآئـعه __DEFINE_LIKE_SHARE__

اسير العذاب · 01-14-2009, 08:54 PM

صح لسانك وتسلم اخوي والله يعطيك العاااااااااافية __DEFINE_LIKE_SHARE__

noteyaah · 01-15-2009, 11:58 AM

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي .. يا كِلْ الحُبْ والتقدير
تعَاااااالْ : إنْ كان لِي عِندِكْ مَعَزَّه وكان تغليني

طرررررررر

صح لساان قايلها

وتسبم يميينك ع النقل __DEFINE_LIKE_SHARE__

ra3ie alvtc · 01-15-2009, 09:53 PM

تسلم أخووَيه

ع الطرحّ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مين ينصحني بـe52	محروم.كوم	منتدى أخبار المواقع والمنتديات العربية والأجنبية	0	09-24-2009 06:50 AM
مين ينصحني ابدل نوكيا 5800 بسامسونجsamsung f480	محروم.كوم	منتدى أخبار المواقع والمنتديات العربية والأجنبية	0	09-22-2009 09:30 PM
مين ينصحني ابدل نوكيا 5800 بسامسونجsamsung f480	محروم.كوم	منتدى أخبار المواقع والمنتديات العربية والأجنبية	0	09-22-2009 09:30 PM
أحبهآ / أحبهـ ْ ,, ولكنْ لنْ أتزوجهآ /أتزوجهـ ....	منو قديـ	الإستراحه العامة	17	06-10-2009 11:25 AM
من ينصحني؟	محروم.كوم	منتدى أخبار المواقع والمنتديات العربية والأجنبية	0	04-27-2009 09:10 PM