يعني أعطيك الثقه وتردها بـ<لوي الذراع>

الدمانية · #1 01-08-2009, 02:53 PM

السلام عليكم ..

شحالكـــــ ؟؟؟؟ ـــــم ؟؟؟

هذي قصيدة قويه حبيت أحطها لكم ...

لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..

بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..

البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..

بيض الله وجهك اللي ساتره تحت القناع..
ورايتك بيضا معاي وياعسى عمرك طويل..

يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..

مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..

كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..

جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..

والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..

كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..

كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..

إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..

صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..

إنفجر راسي من التفكير..وإزداد الصداع..
كيف أنا بفتك من جرحك؟؟ودوشة<<قالٍ وقيل>>..

صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..

رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..

لاغدى <مستقبلي والماضي> أطراف النزاع..
وصفحة الماضي سواد وشيء من هذا القبيل..

فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..

وطالما إن الهجوم أفضل وسيله للدفاع..
مستحـــــــــيل أرضخ لو إن الحمل ياربعي ثقيل..

والبخيل اللي نساني وإشترى فيني.. وباع..
يـــــــــــذلف الله لايرده.. والله بجرحي كفيل..

وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

طالما كان السبب في قوتي.. قبل الوداع..
بلغــــــــــوهـ أقل شيء بخالص الشكر الجزيل..

و لا تحرمونا من ردودكم الغاويه شراتكم ... __DEFINE_LIKE_SHARE__

мisŝ~ƒ๏σŝнџ · 01-08-2009, 03:00 PM

قويهـ القصيدهـ

يسلموو حبوبهـ على الطرح...

ولا تحرميناا من يديدج,,

ملاحظهـ: الموضوع مب في مكانه المناسب... __DEFINE_LIKE_SHARE__

الدمانية · 01-08-2009, 03:08 PM

المشاركة الأصلية كتبت بواسطة мisŝ~ƒ๏σŝнџ

قويهـ القصيدهـ

يسلموو حبوبهـ على الطرح...

ولا تحرميناا من يديدج,,

ملاحظهـ: الموضوع مب في مكانه المناسب...

تسلمين مس فوشيه ع الرد ..

فديتج انقليه وين ما تبين تنقلينه .... __DEFINE_LIKE_SHARE__

♕ وليد الجسمي ♕ · 01-08-2009, 08:47 PM

صح لساانـــج

وما شاء الله ع الابدااع الغااويه

ان شاء الله الى الامام دوووووم

اشكررررررررررررررفننننج ع القصيده الغاااااويه وصح السانج الشااعرة

والله يعطيج العافيه ونتظر منج زوود

كلمات فى قمة روعة

وتقبل مرورى __DEFINE_LIKE_SHARE__

الدمانية · 01-09-2009, 08:23 PM

[quote=وليد الجسمي;1070864]صح لساانـــج

وما شاء الله ع الابدااع الغااويه

ان شاء الله الى الامام دوووووم

اشكررررررررررررررفننننج ع القصيده الغاااااويه وصح السانج الشااعرة

والله يعطيج العافيه ونتظر منج زوود

كلمات فى قمة روعة

وتقبل مرورى[/quote]

صح بدنك الغالي الروعه و الابداع مرورك نورت الصفحه و ما عليك زود وليد الجسمي ... يعطيك الف الف الف الف عافيه ... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور متواضعة من سحابة الزلفي وبردها مساء الأربعاء	محروم.كوم	منتدى أخبار المواقع والمنتديات العربية والأجنبية	0	05-06-2010 11:20 AM
صور متواضعة من سحابة الزلفي وبردها مساء الأربعاء	محروم.كوم	منتدى أخبار المواقع والمنتديات العربية والأجنبية	0	05-06-2010 11:20 AM
الاردن :قطع اراضي للبيع في الذراع الغربي	محروم.كوم	منتدى أخبار المواقع والمنتديات العربية والأجنبية	0	02-17-2010 02:40 PM
الاردن :قطع اراضي للبيع في الذراع الغربي	محروم.كوم	منتدى أخبار المواقع والمنتديات العربية والأجنبية	0	02-09-2010 08:40 PM
يعني أعطيك الثقة وتردها بـ (لوي) الذراع	ماتـهـاب	الشعر المنقول	7	10-14-2008 02:37 PM