ماهو خطأ لاقلت ( تامر على شي )

فتنـۂ الـڪِوטּ · #1 11-16-2010, 08:43 PM

حيل الله اقوى مابقى في يـدي شـيّ
مافيه حل ٍ فـي يـدي .. ماذخرتـه

حاولت .. لكن المحاصيل هيّ هـيّ
الطير طـار ولا بقـى الا شجرتـه

وقفّت اشوف شويّ واغمّض شـويّ

واللي انكسر في خاطـري ماجبرتـه

لين الحقت شمسي على بارد الفـيّ

وشفت ان كل اللي جمعته خسرتـه

من كثر ماعزيت ريقي عـن المـيّ

ملّ الصبر من كثر صبـر ٍ صبرتـه

كم هقوة ٍ ضاعت على سكـة الغـيّ

وكم حلم فـ( تراب ) الحقيقه قبرتـه

واقف .. وطعنات الزمن كلهـا فـيّ

وساقي لو انه كلّ منـي / كسرتـه

بعد ماعاش اليأس في احساسي الحيّ

اخوي .. لو هو صد عنـي عذرتـه

مدري عن اللي كنت احسبه بقى ليّ

اللي حزمت ابه الضلـوع وذكرتـه

اللي طوى حالي بحكم الهـوى طـيّ

قصّر .. وانا كل الطريق اختصرتـه

ماهو خطا لاقلت ( تآمر على شيّ )

الا الخطا .. لا اشتقت له وانتظرته
__DEFINE_LIKE_SHARE__

(****) · 11-16-2010, 09:35 PM

السلام عليكم ورحمة الله وبركاته

من كثر ماعزيت ريقي عـن المـيّ
ملّ الصبر من كثر صبـر ٍ صبرتـه

كم هقوة ٍ ضاعت على سكـة الغـيّ
وكم حلم فـ( تراب ) الحقيقه قبرتـه

صح لسانه الشاعر وسلمت يد نقلتها كلمات قمه في الروعه

اجدتي الاختيار يعطيج العافيه وبانتظار الاجمل

لا خلا ولا عدم __DEFINE_LIKE_SHARE__

مـ » آنسـﮯ هۈآڪ « · 11-17-2010, 12:37 AM

آبيآت حلوة ،
صح لسآن قآيلـ هآ
تسلم يمنآج فتنة آلكون
دآيمـآ ذوق رآقيَ فآلطرح
يعطيج آلعآفيهَ
لـآ تحرمينآ من يديدج

__DEFINE_LIKE_SHARE__

فتنـۂ الـڪِوטּ · 11-17-2010, 09:12 PM

مشكورينَ ع المـــِر و ر الطيبَ . . * __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ماقلت ابي قربك ولا قلت مابيك	محروم.كوم	منتدى أخبار المواقع والمنتديات العربية والأجنبية	1	07-26-2010 06:01 AM
ماقلت أحبك	راعي النيسان 97	شعر و خواطر	11	08-22-2009 11:00 PM
لو شفت ما شفناه ماقلت عادي	محروم.كوم	منتدى أخبار المواقع والمنتديات العربية والأجنبية	0	07-04-2009 06:50 PM
ماقلت ميت لجل تعزيني	قـلب دبـي	الشعر المنقول	6	06-08-2008 03:06 AM
ماقلت لك ياقلب تحلم على قدي..!!	بوالجازي	المسنجر وملحقاته , توبيكات , ماسنجر بلس , msn	12	03-30-2008 06:14 PM