الجوع , الجرح , الكآبه ..!!

(****) · #1 11-12-2010, 12:38 PM

الجوع , الجرح , الكآبه ..!!

الجوع , الجرح , الكآبه ..!!

الجوع , الجرح , الكآبه ..!!

السلام عليكم ورحمة الله وبركاته ...

أسهل من الفرح /جرح/ آكون .. تكوينه
...................وأصعب من الـ جرح ، ياجرحي مداواته
اقسى من البعد ، كلمة ... صاحبك وينه..؟!
...................واجمل من القرب ... بعدي عن نهاياته..!
صاحبك ..؟ حاضر غيابك ... بينك وبينه
...................يا من غيابك . حضور لـ كل مأسآته
ما كنّك انت المهاجر....عن نظر عينه
...................ما كنّه ،، الا المهاجر عنه .... من ذاته
صاحبك .. والجوع ينهش في شرايينه
...................تخيّل الجوع ..!! حتى الجوع يقتاته..!!
ينهش يدينه (طغى) ويقبّل يدينه
...................مسكين صاحبك ..دوبه دوب نياته
صاحبك والحرف ويّا البعد وسنينه
...................(الكل) يرمي على (الكل) انكساراته
البعد...؟ عيّا على خاطر مجانينه
...................لا الجرح .. جرحه .. ولا الآهات آهاته
الحرف ..؟ هاجر ..وهو يلعن شياطينه
...................صاحبك..؟ قاعد يسب ويلعن أبياته..

تبي تشوف الضياع بصورته ..؟ شفني
...............شف يا(عيوني)..
عيوني ..تعرف اوضاعي
من دون داعي ، تعانق دمعتي جفني
وشلون لا صار يوم وداعك الداعي؟!
( الجرح ) يعطش..؟
.........وانا الاوجاع تنزفني؟!
ما يعطش الجرح دام الساقي اوجاعي
تزرعني الريح بـ انفاسك ..
...............وتقطفني
وآروح معها ، مثل ما روّح شراعي !
هذي (ذراعي) إذا ..حبيت، تخطفني
تحضن ذراعي .. أو انك تلوي ذراعي!
ما دامني معك ،
...............خل الظلم ينصفني!
كل ما تجيبه سماك.. تعيش به قاعي
خذني لحن من ( زمان الصمت) واعزفني!
وآصير انا الناي ..لا.. والذيب والراعي
...............ميل وتمايل قبل ما الدمع يذرفني
وان ضاقت الارض ، تحتك ...
...............هذي اضلاعي
العب طرب فوق هذي العوج ..
....................................وارجفني
اطرب عيوني ،قبل لا تطرب اسماعي
وان شفتني آتساقط ..
.............................لا توقفني
واعيك ...(غافي حزن) يالغافي الواعي!
اجهلك.. واعرف ..
كثر ما اجهلك ..تعرفني
الحزن طبعي ..واشوفه أجمل اطباعي
الجرح يظما ؟
وانا الاوجاع تنزفني؟!
وشلون يظما وانا (الما) يشرب اوجاعي

ان كتمت الجرح.. من طيبي.. ولـ عيون الأخوّة
وان ;كتبته.. ما كتبته غير.. لعيون الكتابة
الكتابة؟..جرح..
...................يا جرحي. وضعفٍ فيه قوّة
والكآبة..؟
..............غيب فيني.. تعرف حدود الكآبة
والمشاعر لو ابخفيها،
........................غصب عنّي، تفوّه
والقصيد يدق بابي...
...............لو... ما دقيت بابه
غارقٍ (حضرة جنابي).. في هوى (حضرة سموّه)!
وفي هوى (حضرة سموّي).. غارقٍ (حضرة جنابه)
والاجابة ..،
يالسؤال اللي تسميها .مروّة
أي مروّة.. وانت حاديني على..،( مرّ الإجابة)
هو أنا اللي ..من عذابه يرفق بحاله عدوّه؟!
والا انا اللي.. دون فرحه وقّفوا كل القرابة!؟
هو انا ذاك (الصغير)..
........اللي بدنيا الحب توّه؟
والا انا من(ضاع عمره) بالهوى وافنى شبابه؟
هو انا اللي ..عن (سيوف البرد) قام وشب ضوّه
ما درى إلا وناره احرقت زاهي ثيابه
والا أنا ذاك اليتيم الجاهل ابمعنى الابوّة..؟
إنجرح صوته. وهو يسأل..
.........................ولا حيٍ درابه
من عذابه.. يسأل امه. كيف غاب؟ و وين هوّه؟
يسأل امه من عذابه، هو متى ينهي غيابه؟!
كل فرح ،
..........وكل جرح/ن/
..........في طرف عيني.. تشوّه
ضحكتي فيها. (غموض) ودمعتي فيها (غرابه) !
سو فيني يا زماني كل ما تبغيه سوّه
والا انا (ماعاد تفرق)..
..........دامها الاشيا تشابه
والسؤال اللي من اسبابه لقى(المجروح جوّه) !
انتثر همّه حروف وعاد (لجنون الكتابة)
وارجع آقول
.................الكتابة.. جرح( ضعف) وجرح (قوّة)
والكآبة غيب فيني (تعبر) حدود الكآبة

عبدالله الكايد ...

بوحميد الكعبي

مما راق لي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الخرج...هل فيه مصنع لقوالب الثلج فى مدينة الخرج	محروم.كوم	منتدى أخبار المواقع والمنتديات العربية والأجنبية	0	09-08-2010 09:30 PM
صرخة الجوع	محروم.كوم	منتدى أخبار المواقع والمنتديات العربية والأجنبية	0	04-18-2010 12:50 AM
علاج الكآبه بالكلام	محروم.كوم	منتدى أخبار المواقع والمنتديات العربية والأجنبية	0	07-09-2009 01:40 AM
صانع الجوع	محروم.كوم	منتدى أخبار المواقع والمنتديات العربية والأجنبية	0	05-13-2009 01:50 PM
الجوع هو الحل؟؟	همس الحراآير	الحوار والنقاش - الرأي والرأي الآخر	5	03-04-2008 09:08 PM