موضوع دراسة بنت البلاد في الخارج بدون محرم ؟؟

طالب هندسة · 11-13-2010, 08:20 AM

المشاركة الأصلية كتبت بواسطة ღ الــــجـــــــــود ღ

آلسلآم عليكم ورحمه الله وبركآته
مسـآء آلخير ,
درآسه آلبنت خآرج آلدوله !
بصرآحه آنآ آؤيد , دآمهآ هي عآرفه ليش سآيره هنآك فليش لآ ؟
لين متى بتم نظرتنآ محدوده وفي مجآل معين ؟ شوف بنآت آلوآفدين يدرسن
برآ وينآلن آعلى آلشهآدآت وآعلى آلمرآكز , ونحن ! بعدنآ بين معآرض ومؤيد لدرآسه آلبنت
في آلجآمعآت آلي فآلدوله , نحن شبآبنآ الله بآلهبه جآن وصلوآ هنآك ,
وبعدهم ! مب متقبلين سآلفه درآستهم فآلخآرج , فكيف تبآهم يتقبلون درآسه آلبنت فآلخآرج ؟
آنآ تحسفت يوم آبويه رفض بعثتيه , لآن آذآ بتقآرن شهآده آلبلآد وشهآده لندن آو آمريكآ فطبيعي آلسوق بيطلب شهآده برآ ,
وغير آلتسهيلآت وآلمعآش وآلآمور آلثآنيه آلي آقدر آلآقيهآ بشهآده برآ ولآ آقدر آلآقيهآ بشهآده آلدوله ,
بطرح لك مثآل بسيط , جآمعه آلآمآرآت تكد فيهآ 5 ولآ 6 سنين , وتطلع بشهآده بكآلريوس , آمآ بعض دول آوروبآ في هآلسنين تقدر تطلع بمآستر , آو دكتورآه !!
يعني آذآ آنآ سآفرت ودرست برآ بكون درست في فتره بسيطه مآتتعدى 5 سنين + آملك شهآده قويه توظفني في آرقى آلمنآصب !!
حد يبآ هآلشي ويرفضه ؟ آلبنت دآمهآ حآشمه عمرهآ ومآشيه سيده صدقني محد بيقول لهآ شي , لو آن كل بنت طآلعه تدرس برآ وبتتعرض للمضآيقآت مآبنشوف هآلكم آلهآيل من آلبنآت يدرسن لهآلسآعه في بلآد برآ !!
ولآ تنسى , آن آي بنت تروح تدرس برآ مآبتكون بروحهآ , آكيد بتتعرف على بنآت من دولتهآ ودوله عربيه , وبيعيشن ومآبيلقن آلآ كل خير , دآمهن مآشيآت سيده ,
لو نحآول نخلي نظرتنآ للآمور آيجآبيه بنحصل آلآيجآبيه آلمطلوبه , آمآ نحن للآسف ننظر لجميع آلآمور بآلنظره آلسلبيه وهذي هي آلمشكله ,
آنآ آعرف بنآت درسن برآ مآشآء الله عليهن ويآبن آلشهآدآت ورفعن روس آهلهن وبلآدهن وسمعتهن طيبه وتوظفن ونصهن عرسن !
مآصآر لهن شي !
خلآصه آلحديث , آن هآلموضوع كله متكي على آلبنت نفسهآ , آذآ هي كآنت آوكي آو لآ , وآلبنت آلحشيم بتم حشيم ولآ حد يروم يغيرهآ , آلآ آلي تبآ آلشي ومآتروم تسويه جدآم آهلهآ وبتسويه من ورآهم هذي شي ثآني ,
وهذي هي آلنقطه آلرئيسيه وآلمهمه لهآلموضوع ,
ويعطيـك آلعآفيه خيي , آمتعتنآ بهآلمشآركه آلطيبه
لآخلآ ولآعدم آن شآء الله .~

اول شي تسلمين على المشاركه الحلوه والطيبه

ثانيا كلام حلو وكلام جميل ومنطقي للغايه
يمكن اقول كلامج صح ومنطقي وهذا الي صاير بالفعل

لكن نحن شفنى الاجابيات وشفنا السلبيات

خلينا انقول شو الايجابيات
1 شهاده من برع وبتكون اقوى من شهادت الابلاد
2 مثل مااتقولي ممكن تختصر سنين على نفسها
3 شغل ممتاز براتب ممتاز

شوفي السلبيات
السلبيات انها البنت لو اتروح بروحها بتتعرض لمشاكل سواء كان حشيمه او غيره
انا ادرس برع وقاعد اشوف الشباب كيف يتعرضون لبنات الابلاد الحشيمه وغيره
يمكن هي اتكون حشيمه بس خبريني منو الي يساعدها منو الي تتكل عليه عشان يحميها من هالشباب
الشباب برع الابلاد ماخذين حريتهم على الاخر وقادرين يسون اي شي وماحد يقولهم شي
يعني غير لما يكونوا في الابلاد وبتعرضوا لبنت او غيره

بتتعرف على ربع وبتروح وبتسكن وياهم وبروحون ويردون مع بعض
بس هل انمتي ضامنه هالربع
يمكن اتكون الاشجره حلوه وطيبه بس فيها غصن خربان ومعفن يخرب على جمالها كله

وبعدين ربعها مب قادرين يحموها مثل مابسوي ريلها او اخوها او ابوها

اذا تكلمنا عن الايجابيات فهي فعلا امتيازات للبنت بس خلينا انفكر بالجانب السلبي بيكون خطر عليها اكثير

وابي اقول شي

انا مااقصد كل البنات البعض منهن
يمكن انتي اتقولي ربعج راحوا وردوا وهم بخير والحمدلله
بس يمكن هذا قبل
اليوم الامور تغيرت واصبحت اسوء من قبل

تسلمين الجود على مشاركتج وماقصرتي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صـور نتيجة الخروج بدون محرم((ياساتر))	محروم.كوم	منتدى أخبار المواقع والمنتديات العربية والأجنبية	0	07-14-2010 04:20 AM
موضوع .. احترافي .. فن .. علمي ..دراسة .. ابداع .. اشتهادات شخصية ..(المحترف للصيد ))	محروم.كوم	منتدى أخبار المواقع والمنتديات العربية والأجنبية	0	02-17-2010 02:10 AM
موضوع علمي .احترافي .فن . دراسة. ابداع (( المحترف profesional ))	محروم.كوم	منتدى أخبار المواقع والمنتديات العربية والأجنبية	0	02-10-2010 12:20 AM
موضوع علمي .احترافي .فن . دراسة. ابداع (( المحترف profesional ))	محروم.كوم	منتدى أخبار المواقع والمنتديات العربية والأجنبية	0	02-10-2010 12:10 AM
شلة بصوت حربي العامري للحب مجرم وحتى الحب له مجرم	abdelillah	اغاني , شلات , هبان	6	10-23-2009 04:49 PM