موضوع المسابقه [ الاختلآط في العمل ] ، مع / ضد ؟

ღ الــــجـــــــــود ღ · 11-02-2010, 04:58 PM

آحترم رآيج عزيزتي =) . . لكن لي مدآخلة بسيطه ً !

آنتي تشوفين دور المرأه فالشرطه شرآت دورهآ فالمستشفى . .

.. ! آنزين لو يينآ ع سبيل المثال ع مجال [ النساء و التوليد ] ..

لآ بد آن الطبيبه هي اللي تكشف ع المريضةُ ، ف يستحيل اننا نقول للمريضه سيري عند طبيب يكشف عليج .. .

فـ .. عندي لج سؤال ً ، . غير حاجتنا للشرطية عن وجودها في الأماكن اللي تتطلب كشف الحريم [ اللي هي محدودة ! ] ..

بنظرج ، ، شو بتكون حآجتنآ لهآ غير عن جي ؟ . .

اتحفيني برايج =]

عآدي , في اطبه للحين يكشفون على الحريم , رياييل طبعا , بالاخص الي يعطون ابر الي فالظهر للحامل !!
حاجتنا لها كبيره واكبر دليل :

وتابع الشرطي: «بينما كنا في انتظار وصول الشرطة النسائية إلى مكان الضبط، تعدت الفتاة بالسب والضرب علينا، وكسرت الزجاج الخلفي، حيث تجلس، وخرجت منه، ثم استلقت على ظهرها، وأنزلت بنطالها مدعية أننا نودّ اغتصابها».

يعني لولا وجود الشرطيات للحين وفي هاللحظه دمرت اشياء كثيره , ولا تنسين ان دوله الامارات في تطور مستمر ,
والعماله الاجنبيه كل مالها وتزداد ووجود هالفئه كثيرررره , فاذا كل وحده ادعت هالادعاء الباطل
فعلى شباب الوطن السلام !!!

آذآ مآ يآهآ النصيب .. . . ع الاقل توسع علمها وتستغل وقتها بالدراسه مب آحسن ؟ . .

همم .. حرمه بدون شهآده وبدون شغل بلآ قيمه ... ؟!!

مب كل الناس ربي عاطنهم نفس مستوى الشطاره والذكاء ..

يعني وحده تييب فالستين والسبعين ، مآنروم نغصبها ونقول لعيون فئة فالمجتمع مايعترفون الا بالشهاده العليا كملي درآستج ؟!

اما عن الشغلً ، فآختلف ويآج شويه ، لآنه من نظري مآ أأيد خروجها لغير الحاجه كثر ما أأيد للحاجه ،

طبعا احسن ,
ليش الشطاره والذكاء مطلوب في كل مكان !!! ليش الدوله ماتطلب الا مهندسين ودكاتره فقط ! لا الدوله تطلب جميع مستويات الذكاء من 0- ماله نهايه !
ومنو هذا الي مايعترف الا بالشهاده العليا ؟!
في وحده بتطلع من بيتها وتقوم من الفير وتكد عمرها الين الظهر او العصر من دون حايه ؟! مافي , الا الي يالسه فالبيت وماياها نصيبها وعافت يلست البيت ,
وانا اشوف تشتغل ابرك من يلسه البيت ,

عزيزتي ، خروج المرأة أيام الرسول ، كآن لدآفع الحاجه / الضروره صح ولآ . .؟

بس هل كل اللي يشتغلن حاليا ، لدآفع الحاجه او الضروره !؟

. . و عن رمسة طويل العمر / وجهة نظر قد نتفق وقد نختلف عليها . .

والحين الي تطلع , تطلع لحاجه شو ؟! مب تطلع بدافع الضروره والحاجه لهالراتب اخر الشهر ؟!
الزمن تغير والاحوال مب شرات اول , الدنيا ولعت من هالغلاء فالاسعار
والواحد مارام يكد على عياله وهم صغار بيكد عليهم وهم كبار ؟! دام هم يقدرون يعتمدون على انفسهم ليش يكد ؟ والبنت تعتبر وحده من هالعيال , ليش تعلمت ؟ وحق منو تعلمت ؟
مب علشان ايي اليوم الي تحتاي فيه هالشهاده وتتوظف وتحصد مازرعته في هالسنين كلها ؟

اتحفيني بأمثلة عن الدوائر اللي وجود المرأة فيها حتمي ولاا جان فسدت الدايره بكبرها ؟

يعني معقولة يشترط وجود المرأة ، يعني الريال ما يروم يؤدي هالوظيفه ؟

نحن بروحنآ نعرف ان في اماكن تتطلب وجود المرأة لكسب الزبآئن ً لآ آكثر ~ . .

هه آصلآ حنآ مآشآلله علينآ من كثر مآ محتلين الاماكن ، قام يصعب ع بعض الريايل انهم يحصلون ع الوظيفة ..

ف من هالجانب ، منو اولى بالوظيفة ؟ الرجل ام المرأه ؟

منو قال انها بتفسد !
امبلا يروم , ولكن الحين مب بس الريال الي يتردد على هالمؤسسات والدواير حتى الحريم صارن يترددن عليهن ,
ويمكن نسبه الحريم تضاعف نسبه الرياييل , فنشوفها صعبه ان الحرمه تروح لدايره كلها رياييل ومحد غيرها حرمه !!! لان كل شي صار مشترك تقريبا !
عيل ليش يتواجدن معلمات في جامعات و كليات الطلاب ؟!!! وليش يتواجدون استاذه في جامعات وكليات البنات ؟!!!
مافيه فرق ,

مافي حد اولى من الثاني , كلهم في نفس المستوى , مثل الريال مايبغي يعيش
حتى الحرمه تبغي تعيش , وهالشي ربي ورسوله مافرقوا بينهم بنيي نحن وبنفرق !
مايحق لنا , لان اذا قلنا الريال اولى فبنظلم الحرمه وحقها , والعكس صحيح !
فنحاول نخلي نظرتنا اوسع عن النطاق الي يحيط بنا , لان اذا تمينا متقيدين فيه فصدقيني
مستحيل نوصل للي نبغيه وبنتم تحت , وبينظلم حقنا !! __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اتقوا الظلم فإن الظلم ظلمات يوم القيامة .. لا للظلم لا وألف لا ..!!	محروم.كوم	منتدى أخبار المواقع والمنتديات العربية والأجنبية	0	06-22-2010 03:30 AM
موقع تزوره دائما وتوقف عن العمل لفترة غير معلومة، سنبعث لك ايميل متى عاود العمل ثانيا	محروم.كوم	منتدى أخبار المواقع والمنتديات العربية والأجنبية	0	06-14-2009 12:40 AM
موقع تزوره دائما وتوقف عن العمل لفترة غير معلومة، سنبعث لك ايميل متى عاود العمل ثانيا	محروم.كوم	منتدى أخبار المواقع والمنتديات العربية والأجنبية	0	06-14-2009 12:31 AM
موقع تزوره دائما وتوقف عن العمل لفترة غير معلومة، سنبعث لك ايميل متى عاود العمل ثانيا	محروم.كوم	منتدى أخبار المواقع والمنتديات العربية والأجنبية	0	06-14-2009 12:21 AM
هاااام : ورشة الجمعيات الست حول / رسوم سوق العمل واثرها فى اصلاح سوق العمل	محروم.كوم	منتدى أخبار المواقع والمنتديات العربية والأجنبية	0	05-28-2009 07:10 PM