|..~|| ليـٍـٍـٍـٍـش لابس عبـٍـٍـٍـٍـٍـٍـٍـٍـٍـآة ||~..| - الصفحة 5

ذابحة قطوتهــآ · 10-26-2010, 01:00 PM

السلام عليكم ورحمه الله وبركاته
مساء الخير ,

بصراحه ! برايي الافضل انهن يفصخنها وينسنها و لا يسون كل هالسوات فالعباه !!
لانها رمز الستر والحشمه , مب حق الزينه والكشخه !!!
والوحده يوم تفكر انها تلبسها لازم تفكر انها " تحترم هالعباه " وتحاول كثر ماتقدر انها تحافظ عليها مب تدنس بها !!! وتخليها مهرجان يتفرجون عليها الخلق ,
انا شفت اشكال وانواع فالعبي ولكن ! العباه الي انصدمت منها جد الي هي مثل كندوره صلاله من جدام الين الركب ومن ورا طويله !!! وهذا كله لعيون السكِني !

وغير المصخره الي تصير , ياما بنات عرب وناس وحشمه , جدام اهاليهن شريفات مكه ومن وراهن مستويات .....!!!!
بالذمه ! ليش الوحده منهن تخلي صدرها كله طالع ؟ ليش تطلعه ؟ وحق شو تطلعه ؟
ما احيد الكليه فيها هي وريلها وبس ! فيها بنات واساتذه , يعني واحد من الاثنين يا انها تطلعه للبنات ! او للاساتذه !!
والي تترصرص لي يا شينها وقسسم ان نصهن استغفرالله الواحد ان شافها هي وجسمها وشيفتها بيقول وآآععع !! انا صرت اشك انهن يطالعن عمارهن فالمرايه قبل لا يطلعن من البيت , او ان المرايه تعكس شي ثاني لهن !؟

وقفي جدام باب الجامعه او الكليه وشوفي الاشكال الي تدش , في قمه الحشمه والادب ومن تتعدى البوابه بيزخن العباه وبيبطلنها بقو شوي وبتنطر ويحطن الشيله على الجتف ولا فالشنطه , ويوم يطلعن اشكالهن شرات مادخلن , صراحه احسهن مريضاااات نفسيًا ويبالهن علاج ولا بيروح مجتمعنا وطي فوق ما هو متدني !
وهالكشيش اللهم ياكافي , شلقات مستويه فيها , الي مسويه قصه الاسد وقصه بن عروه وبليس , وين يبن ؟؟ والله ان الاجانب فرحانين بهالشي وراضيين كل الرضا , لانهم صاروا يحسون انهم في بلادهم وماشي فرق عقب اول !

يابنت الحلال اول مادشينا الكليه قالوا لنا " نحن نحرص على اخلاق وحشمه البنت الاماراتيه وعليها المحافظه على العادات والتقاليد والتقييد بها وعدم ارتاء مايخالف العادات والتقاليد " يعني بالذمه اداره الكليه ماتشوف الهرج الي يستوي ! ولا هاللبس وهالاشكال من عاداتنا وتقاليدنا ؟ العتب الاكبر يطيح على الجامعات والكليات لان اذا حطوا ان هالامور من الخطوط الحمرا والي تتعداها يتخذون وياها الاجراءات اللازمه ماشفتي هالاشكال في تزايد مستمر , وعلى فكره بنات الفونديشن هن اكثر شي الي مسويات هالمهرجانات لانهن كانن محرومات فالمدارس ومايقدرن يسون كل هذا هناك , ومن دشن الكليه والجامعه شافن ان كل شي فااالتوه !!!

اسمحيلي طولت عليج فالرمسه ,
بس مهما قلت وقلت مابيعبر عن الي نشوفه نحن كل يوم ,
و الشوف بالعين يسد عن الف كلمه وكلمه , يعطيج العافيه الغلا
ابدعتي في طرحج وامتعتينا بحضورج , لاخلا ولاعدم من هالتواجد .~

وعليكم السلام ورحمة الله وبركــآتة ..~

حي الله جيجي ..~

صح لساانج يا جيجي في كل كلمة قلتيهاا ..~

وليش اوقف قداام البااب .. تعالي عندناا شوفي البنات يوم ينزلن من الباص كيف شكلهاا ... قمة في الحشمة ..~

وشوفيهاا في الكلاس .. قمة في الخيبة .. هع ..~

والله بديت احس ان عندهن حاالة نفسية .. هع ..~

وهالكشيش اللهم ياكافي , شلقات مستويه فيها , الي مسويه قصه الاسد وقصه بن عروه وبليس , وين يبن ؟؟

آشهد انج فناانة .. ههههههههههههههههههههههههههههههههه ..~

وربي انج حاجة ما حصلتش ... صح لساانج والله يا جيجي .. ما شاء الله .. التشبيهاات عندج 10 على 10 .. ههههههههههههههههه ..~

شــآكرة لج تواجدج جيجي ..~

منوورة وربي ..~

__DEFINE_LIKE_SHARE__

غرام الفتك · 10-31-2010, 08:49 PM

عليكم السلام ورحمه الله وبركآته

موضوعج وايييد مهم

طبعا كلكم تشوفون الي يستوي ف المولات والحدايق وكل مكان .... ان البنات (مب كلهم) مايلبسون لا عباه ولا شيلة .... بس انا مستغربه من شي والي هو : يوم تظهر موظة الشعر الي جنه مفجرين فيه قنابل كل البنات يعيبون ع شكل الشعر ومتى هاي تتفييج تسوي جي ف شعرها ، وبعد فترة من هالكلام يسوون نفس تسريحة الشعر ... اما العباة فحدث ولا حرج الحين الوحده منا يوم اجوف حرمه عباتها قصيرة يضحكون عليها ومايخلون شي مايقولونه عنها ( شغلتهم ف التحريات ) ويوم ظهرت موظة العباه القصيرة (عباه مالي بارض ) يعني الي كانوا يرفعون عبيهم يقدرون الحين يرفعون ايدهم وترتفع العباه الين الركبة .

يعني الصراحة اختاروا شي واحد يا انه يعيبون عليكم او تحافظون على كرامتكم بحجابكم وعباتكم

تسلمين الغلا ع الطرح ^_^ __DEFINE_LIKE_SHARE__

راعـــ الــحــب ـــي · 11-05-2010, 02:47 PM

هااايييل ورااهم ريااايييل بـ الاسم << بلا أفعـآآل ..!!

عيل في وااحد يخلي أخته و لا بنته اتسوي جييه ..؟!

وين الرجوووله ..؟!

ولا انت عــآآدي عندك ..؟!

ولما يصير شي اتسير تضربها وينك عنها من قبل ..؟!

.. وين العادات و التقاليد و أوآآمر الله ..

؟؟؟

بصرااحه انا ما اعرف كيف هـ الناااس عااايشيين ..!!~

... __DEFINE_LIKE_SHARE__

بنوتة من العين · 11-05-2010, 08:08 PM

السلام عليكم

مشكوره اختي ع الطرح

في رآيكم ليش إطورت الاموور على شاان نحصل بنااتناا اليووم وصلوو لمرحلة انهم يفصخوون العبااة والشيلة ..~

والله اهلهن ما يقولولهم شي ولا ان الاهل ما يدرون باللي يصير لهالبنات
يعني من تحت لتحت هالبنت تسوي هالشي

هل هوو نقص في الرقابة من الجامعة .. او في التربية ..~

امـمـم مب جي ما يخصه يعني الجآمعه ولا الرقابه ما بتروم تسوي شي لانهآ حريه شخصيه جي كل حد بيقول صح ولا

وين رااح الوازع الديني ..~

اختفى ههه ما تعرفين يمكن هالبنت بعدها تصلي وكل شي بس تسوي جي عشان ما يقولون انها جديمه وتعرفين من هالرمسه
ما اللي عكس جي فيويلها من ربها الله لا يبلينا يارب

وهل بيي اليوم يلي تصير هالظااهرة عاامة على الكل ..~

مآندري والله كل وحده واحترآمها لنفسها
اللي تحترم نفسها ما بتر‍ظى ع عمرهآ تسوي بنفسها جي وتكون فلسآن الناس
اما اللي عادي عندها فهآي مشكلتها

وهل بيي اليوم يلي تصير العبااة عملة ناادرة ..~

لا ان شاء الله العباه فالخليج وفالامارات بشكل خاص هي اللي تميز بنتنا وان شاء الله ما تختفي

وليش في بناات للحين متمسكين بعباة الراس والشيلة والنقاب .. وبنات وصلو لمرحلة انهم يفصخوون العباة والشيلة ..~

والله ما تعرفين يمكن هالبنت تلبس الغشوه عشان اهلها متدينين مثلا ولا هي لا عادي عندها وصدقيني شفت مثل هالبنات فالمكان اللي انا ادرس فيه

هاي هي الحياه وآيد تتغير بس البنت لازم تتغير معاها بالشي اللي ينفع لها

مب اللي يضرها

__DEFINE_LIKE_SHARE__

ذابحة قطوتهــآ · 11-05-2010, 10:31 PM

المشاركة الأصلية كتبت بواسطة سَوّافْ

السلام عليكم
الواحد صار مايبا يطلع من اللي يشوفه
يسأل,, هذيل صدق عندهم اهل؟
يعني والله الواحد يوم يشوف اجنبية متفصخة يكون متعود ع هالشي
لكن يشوف مواطنة لابسة برموده وعباة مفتوحة ولا ضيقة كنها رايحة عرس
شو بيقول؟
هذا كله من التربية وعدم الرقابة
الله يهدي بنات وشباب المسلمين

وعليكم والسلام ورحمة الله وبركــآتة ..~

حي الله سوااف ..~

اناا وياك اناا هذاا كلة اسااسة من التربية وعدم الرقاابة ..~

لو هالبناات حصلوو احد يربيهن ويرويهن المحنااية يوم انهن جي ما كاان انتشرت هالظااهرة بهالطريقة يلي نشووفهاا اليوم ..~

تسلم على توااجدك

منوور ..~

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نوكيا مابس والساتيو	محروم.كوم	منتدى أخبار المواقع والمنتديات العربية والأجنبية	0	08-17-2010 04:10 AM
اسفسار عن الجوجل مابس	محروم.كوم	منتدى أخبار المواقع والمنتديات العربية والأجنبية	0	05-03-2010 07:10 AM
ليه لابس طاقيه ...!؟	حــالـ الذوق ــي	تصاميم الاعضاء	11	10-27-2009 09:51 PM
شو لابس/ة الحين و شو لونها	بنت الاوغاني	العاب , فكاهه , مسابقات	12	08-23-2009 02:47 PM
ساحرني لابس التلي..>>سوان	,,SwaN}~	عدسة الاعضاء , كاميرا الاعضاء	31	10-15-2008 01:49 PM