لكل مكشاتي..وراعي فتك..واهل القصيم خاصه لايهونون..عونكم وشوركم

محروم.كوم · #1 10-05-2010, 06:21 AM

السلام عليكم ورحمة الله وبركاته مساكم/صبحكم الله يالخير جميعا
انا من مبطي وابي انزل موضوع اشاوركم فيه لانه ماشاء الله عليكم ماعليكم تعدي من مراقبين ومن المكشاتيه كلهم فيهم الخير والبركه وحب الفزعه وتوفير الفايده والنصيحه...
ماودي اكثر قرقي عليكم وهذا اللي خلاني اجمع كل >>مهو عاد "كل"لاتصدقون نشدتي ماتخلص.... اسالتي بها الموضوع
سلمكم الله انا معي فتك قير عادي 2005...حائل:good2:
واولا..ابي اركب دبة يوكن عليه يقولون انها تزيد عزمه وانا بصراحه متضايق من دبة الوكاله لانها تعبانه شوي...واذا احد عنده يبي يبيعها انا شراي
وبالنسبه للهدرز وش رايكم اطقه واستانس بس الخوف من الظرر على المكينه لانه مثل ماسمعت انه يحرق الزيت بسرعه وانا رجالن ماغيره الا على ال5000
ثانيا..تكفون ياهل القصيم خاصه تعبت وانا ادور مساكات بيبان نيكل للموتر لاني بقلبه 2009 ومساكات البيبان عندي نفس لون الموتر>>لانه 2005&2006 يجن نفس لون الموتر

او اي شخص عنده خبره لايبخل علينا مع العلم اني سالت بكل مكان عن تنكيلهن يقولون مايتنكلون..>>لانه بلاستيك؟؟
واللي قزهن بالتشاليح او يعرف كم سعرهن لايقصر معي..
ثالثا ...بالنسبه لمسامير الثلاجه انا اعرف كل شي عنها ماقصروو الشباب بالمنتدى نورونا وفهمونا ..بس بالنسبه للقير العادي لازم نسويها ولا بس التماتيك؟؟؟
رابعا..بالنسبه للمراتب يقرشن>>""يعني يرقلن"".. وش رايكم فيه لهن حل ولا اطول المسجل واتصيقه واشطف الموضوع
خامسا..امزح خلاص قضيت والله يطول بعماركم مقدما والمعذره والسموحه كاني طولت عليكم ....مشكورين

متى يجي شتيان ذبحنا هالقيض؟؟؟:f:f __DEFINE_LIKE_SHARE__