ياجماعة الخير عطونا حل في غسيل السياره

محروم.كوم · #1 10-01-2010, 09:23 PM

السلام عليكم ورحمة الله وبركاته

أخواني انا اعاني من مشكلة الغسالين

كان عندي غسال بنغالي واكتشفت انه يمسح السياره كل يوم من غير ماء وطلعت مخوش على السياره وفيه إجزاء دايم وصخه مايجيها ابد ((وطردته من كم شهر )) وللمعلوميه رفعوا سعرهم بالشهر اول كانوا على 50 ريال يعلم الله انهم يطلبون الان 100 ريال على السياره وللأسف عندي ناس بحارتي موافقين ويغسلون لهم

والان طايح بالمغاسل برا وتوهقت مع هالغسالين الافارقه صح انهم ابرك من الي كان عندي بس والله غسيلهم مايبرد الخاطر ساعات يروح كنه يجيب شيء علشان الماء ينشف ولا يمسحها ماغير مهاوش معهم ومغسلتين تركتهم

والمشكله بيتي مافيه مدخل سياره والا كان شفتوا علووووووم في الغسيل (رياضه/وعنايه)

وكلما طلعت برا عند سيارتي لو معي منديل جالس امسح وصخ بسيط بالسياره ، هالي يمرون سبحان الله كنهم شايفين مصيبه تلقاه يهدي ويطالع بس ((شغل لقافه)) تراي اتعقد من هالطبع معليش

والان الي عنده حل يلحقنا فيه

مثلا صابون نشتريه لهم يغسلون مواترنا فيه مايضر البويه؟

والا وش السوات

اخوياي نصحوني في محطة العربه في شارع التحليه لكن غسيلهم ب60 ريال للسياره الصغيره تقريبا وتوصل الظاهر ل100 ريال للسياره الكبيره ((صراحه مبلغ لين غسلت بالاسبوع مرتين والا ثلاث تخبرون جونا غبار يوم ومتوصخ ناهيك عن يدين هالصغار بهالحاره مايمرون على موتر الا طالين فيها ، دايم القى بصمات يدينهم و بصمات للقطاوه ))

المهم عطونا ارأئكم علنا نفيد ونستفيد جزاكم الله خير:good:
__DEFINE_LIKE_SHARE__