قصائد عن البر

محروم.كوم · #1 09-30-2010, 05:30 PM

هذه بعض القصائد عن البر والكشتات

متـى تبـي تـذعـذع هـبـوب الشمـالـي .... وتـبـدا مطـالـيـع الـمــزون الثـقـيـلات
مـتـى يـبــي يـجـنّـا ســـواة الجـبـالـي .... لا عـرّضـنْ مابـيـن صــاره وابـانــات
بروقـهـن مــن تـحـت لـهـن اشتعـالـي ... وحس الرعد فيهن يجلجل بالاصـوات
لا ذكّــروهـــن عـاشـقـيــن الـخِـيـالــي ... وجابـوا خبـرهـن قـبـل هــذا بفـتـرات
ســوّوا لـهـن بالـنـت نـــوع اتـصـالـي .... ومرّوا على الياهـو ومـرّوا بمكشـات
وشافـوا صورهـن قاطعـات المجـالـي .... وحطّوا لهن مـع شيّـة الـرب حـروات
والـى اقبلـن طـاروا لـهـن باعتجـالـي .... على الجيوب اللي مع الدرب عجلات
مثـل المحـب ان جـاه بـالـدرب غـالـي .... يطيـر مـن شوقـه لنصـف المسـافـات
ويـوم اوصلـوا واستملسـن بانهمالـي .... كـــزّوا لـنــا تبشـيـرهـم بـالـرســالات
هــذي امـانـي سقـتـهـا مـــن خـيـالـي ... وارجـي مـن المولـى تحـوّل حقيـقـات
ويسقينـا مـن فضلـه عـزيـز الجـلالـي ....اللـي بحـر جــوده يـفـوق المحيـطـات
يــاالله يـــاربٍّ عـلــى الـنــاس والـــي .... يـاعـالــمٍ كــــل الامـــــور الـخـفـيّــات
نـرجـيـك يـاسـامـع دبـيــب الـنـمـالـي .... تـرسـل عليـنـا مــن توالـيـك رحـمـات
يــمّــك رفـعـنــا صـوتـنــا بـالـسـؤالـي ... يـوم ابتـدا الوسمـي وجالـه عـلامـات
اســق الـديـار الـدارســات المـحـالـي .... واحـي الدعـوب اليابـسـات السنـيّـات
يازيـن لا قالـوا تــرى الــرس سـالـي .... وواد النسا من حدري الجسْر كد فات
هـنــاك ابسـتـانـس ويــرتــاح بــالــي .... واشفق على نظـم البيـوت الجزيـلات
واســج سـجـة دالــه الـقـلـب سـالــي .... ماضاع له في سوق الاسهم فليسـات
لاسـقـت جيـبـك يــم هـــاك السـهـالـي .... شرقـيّ الاريــل بـيـن عـبـلا ورامــات
وهــــي منـاقـعـهـا ســــواة الـلـوالــي ... تبـرق وتعكـس صـورتـك كالمـرايـات
وعقـب التمشـي جيـت فـي دوّ خـالـي .... تسـورب شغيّاتـه كمـا زحــف حـيّـات
واوقــدت لــك بـالـرمـث نـــارٍ تـلالــي .... ريحـة نـدا رمـثـه تـفـوق البـخـورات
وفرشـت مـن حـولـه ثــلاث الـزوالـي .... اللـي علـى الجالـس تفصّـل مقـاسـات
وصـفّـيـت فـيـهـا مـهـدفـات الــدلالــي ... وضبطـت بالبـن اليمانـي لــك اســواة
وفنـجـال شــايٍ خــادر الـلـون حـالـي ... مـثــل الـدعـايـه لاتـذوّقــتْ رشــفــات
ومعـك مــن الـربـع الـقـروم العيـالـي .... اثنـيـن بالحِسـبـه ..وبالـفـعـل مـيّــات
وافـيـن مـاهـم مــن هــواة االـجـدالـي .. صـافـيـن بـالـخــوّه عــلاقــه ونــيّــات
كـلامـهــم مــثــل الــقــراح الــزلالـــي ... لا ذاقـه الظامـي عقـب طـول مظمـات
لحـظـة صـفـا فيـهـا زمـانـي صـفـالـي .... للنـفـس لـــذّاتٍ .. وللـعـيـن مـجــلات
ويـزيـدهـا لا غــــرّد الـطـيــر عــالــي .... وهبّت علينا من طرى النـود نسمـات
تنسـيـك لــو سـاعـه هـمـوم اللـيـالـي .... اللـي علـى مثلـي لـهـا نــوع غــارات

++++++++

انا اليا من شفت طرادة الصيد
على الجيوب محمّلين العفوشي

أجرّ من بين الحنايا تناهيد
وأحسّ راسي بالهواجس يدوشي

ودي بخوتهم ولو راحوا ابعيد
انا غرامي في مخاوى الطروشي

لو لامني بعض الرجال المقاريد
أهل النميم مثلّمين العروشي

ناسٍ تبدّي في قفا الناس ... وتعيد
تدور من كثر الهذاريم بوشي

وانا احمد الله ماعليّه مناقيد
الجيب جيبي والدراهم قروشي

ولا عِلْتْ بالدنيا على زيد وعبيد
مغنيني الله عن خطاة الدحوشي

عذروبي اللي اعترف به هوى البيد
هذا الذي لاطراف جاشي ينوشي

لا هام غيري بالبني المناهيد
هيف الخصاير ضافيات الرموشي

فانا هيامي وسط هاك الجراهيد
من حرة عويرض الى ام الحنوشي

مداهلٍ لو هي وعور وتناكيد
ناطى بها سود الحصا والفروشي

إلاّ انْ حبـــّه داخل القلب ويزيد
حيثه مساريح الظبا والوحوشي

اسلى بها لاجيتها باوّل العيد
مع رفقةٍ للصيد مثلي عطوشي

اهل المودّه ... صادقين المواعيد
ما فيهم اللي لاختلفنا يهوشي

لو جيت أحسّبها سنينٍ سراميد
وانا عليها آسوق غرّ الجيوشي

ناخذ عليها بالخرامس تراديد
ونرمي بها فوق القفوش القفوشي

آثارنا في خدّها والمطاريد
مثل الوشوم الثابته ... والنقوشي

واختامها ياجِعْلها للرواعيد
وعسى عليها ما تكف الرشوشي

+++++++

فكري سرََح صوب الجْمَيلي وسجّيت عقب العصر يومي انا وانت

فيها كبسه على جمر السدر عجل سويت في ظرفنا من جوعنا

نحتريها سِبّتْ خْيالٍ ماطرٍ ما تغديت الا بوسط الجيب نرقب سِقِيها

وأقبل علينا الليل بالخير هليت لحظة وميض البرق سيّل عليها

هذا منى نفسي ولك ما تمنيت عشنا انا وياك رحله نبيها من

فرحتي قلبي انا حَنّ وابديت لك رغبتي ودي بروضه نجيها حِسْنَا

السِّبَق كم ليلةٍ جيت وامسيت فيها جمال الصبح ماله شبيها

وساعة وصلنا جانا كاشت بنا بيت طاح و تشكى قلنا واحد سفيها

يومه يشوف البرق ما ينفعه ليت يرقد براس الضلع يصبح نبيها

هذا قصيدي وقصتي قلت واوفيت وابو عبدالله

وأتمنى بأن تقوموا بإنشاد بعض ماترون من الأبيات ...

تقبلو تحياتي
__DEFINE_LIKE_SHARE__