السبب واضح

اسير العذاب · #1 12-27-2008, 12:16 AM

السبب واضح ولا عندي سبب..كل شي راح واتحمل خطاك
لا تحاول تتصل هذا صعب..روح دور عالذي من >> مستــــواك <<
---------------------------------------------------
لا
ما أرضى بالمذله...ولا عاش من قلبي يذله...روح الله معاك...كم لي أتحمل خطاك!!
--------------------------------------------------------------
لا تكثر بحكيك ترى دربك أشواك..يا حافي الرجلين ثمن كلامك
واذكر زمان أول وأيام بلواك..من سنعك للناس وعدل مقامك؟
لا يفلت لسانك على شخص رباك..أنا بنيتك وماني عاجز اهدامك!
----------------------------------------------------
ما يذلني شوق مخلوق للطين عايد..
دامه رضى بعدي
صار بعده "يوم عيدي"
-----------------------------
ان كان قلبك عايف الود يا فلان
ربي يسهل لك دروبك ويحفظك
وان كان قلبك جازى حبي بنكران
ماجبرك انا في الحب يا فلان ماجبرك
------------------------------------
والله لخلي عزتك تحت موطاي

تمشي وعينك ما تعدي مواطيك
ابيك درس لكل خاين ونساي
وافهمك قدك وقيمة مباديك
والله لهينك لين تبكي تبي رضاي
ذليل تكسر عيون منهو يراعيك
------------------------------
لا تحسب اني عقبكم في ندامه
ماني على حب المقفين ندمان
من باعنا بالرخص...نرخص مقامه
نشطب عليه ونتركه دون عنوان
------------------------------
لازم تذوق الذل وتعيش مكسور,,
هذا وعد مني مادمت انا حي
ولو بعت لي عمرك ماقلت مشكور،،،
لانك بعيني كلك ولا شي!!
----------------------------
في هالزمان
اللي يحب انسان
ويعامله بإحسان
يطلع خسران
صح يافلان؟؟
---------------------------
بعد ما صارت دموعي في انهمالي
في النهايه جيت ارسل هالخطاب
اشكرك من قلب عنده كنت غالي
ابتعد ارجوك يكفيني عذاب
---------------------------------
منك نتعلم لعبة الصد ونصد
مدام قلبك والليالي علينا
منك نتعلم كيف مانحفظ الود
وشوف منا ماتسويه فينا
الحيــن لازم تاخذ المسأله جد
علمتنا نقسى و شفنا قسينا

-----------------------------
لا تنصدم لا قلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
وارميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك

-----------------------------
لحظه حبيبي وقف هناك بالدور
ماني بفاضي يمكن افضى لك شوي!!
لازم تذوق المر و تعيش مكسور
واكويك من جمر الهوى لا غدى حي
ولو بعتلي عمرك فلا قلت مشكور
لانك بعيني صرت كلك "ولا شــي"

-----------------------------
سميت نفسي من خيانتك خــــوان .. صرت أكرهك وأحب اسم الخيانه ..
إن كنت تتوقع لك أعود غلطان .. أموت مرجع لك .. أمانه .. أمانه
وتقبـــــــــــــــــــــــــلوا تحياتي

انشالله تعجبكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
YouTube على الآيفون غير واضح	محروم.كوم	منتدى أخبار المواقع والمنتديات العربية والأجنبية	0	07-05-2010 11:00 PM
اللغز واضح , حله الرقم ( 100 ) ؟؟؟	محروم.كوم	منتدى أخبار المواقع والمنتديات العربية والأجنبية	0	01-16-2010 11:10 AM
(( ماش !! العلاقة ما تسر والزعل واضح ! صور ))	محروم.كوم	منتدى أخبار المواقع والمنتديات العربية والأجنبية	0	01-09-2010 01:20 PM
»{ }»»{حب زايد حيل واضح }»»{ }»	{ حامي دار بوسلطان , .	شعر و خواطر	6	02-05-2008 10:17 PM
»{ }»»{حب زايد حيل واضح }»»{ }»	عيناوي حبتين	المواضيع المكرره	5	02-04-2008 11:25 PM