+||.. علمّتني كيف العشم في من تحبه يخذلك ..||+

غرام الليل · #1 12-27-2008, 12:13 AM

السـلام عليكم ورحمة الله وبركـاته

قبل أبتدي عندي طلب ركِّز طلب ماهو " رجـاء " !
ما أبـي تجاوبنـي .. ولا تستغـرب إنـي أسألـك
لا تنصدم من عزلتـي حالـي مثـل : أبـو العـلاء
عندي سبب : ما تستحـق إنِّـي أجيـك و أوصلـك
لا تعتبر جمر الحكي من شاعرك يعنـي " هجـاء "
لو كنت بهجي حضرتك ما خفت منِّك .. قلت لـك !
هذي القصيده مصنِّفه في دفتـري قصـة " رثـاء "
حبٍ يمـوت وتنولـد .. وحـبٍ يعيـش ويقتلـك !
ناديت لك ياما .. ولا لبِّيت لـي , وضـاع النـداء !
مبحوح صوتي والصدى من كثر مـا ناديـت لـك !
أقرب من ثيابي علـي وأبعـد مـن نجـوم السمـاء
ورغم إبتعادك والتعب ..أرسـم طمـوح وأمهلـك ..
ما كنت لي الداء وأنا ما كنت ل جروحك " دواء " ..
ما عشت في دنياي لي !!عايش ولكن عشت " لك " !
علمتك القلب الوفي .., ما يخذلك فيـه " إنتمـاء " !
وعلمتني كيف العشم في مـن تحبـه .. يخذلـك !!
علمتك إن أصل الهوى يرجع ل كلمـة " إحتـواء " !
وعلمتني إن الهوى , مـا عـاش يـوم ب داخلـك !
علمتك إنِّي لك بحر [ مـدَّه وجـزره ] لـك وفـاء !

وعلمتني كيف أنصدم وأغرق أنـا فـي ..ساحلـك !
ما تستحي ,, ودامك كذا ؟ - إفعل حبيبي ما تشـاء !
توِّي عرفت إنِّي كثر ما أعْرِفِك .. كنـت أجهلـك !
ما كان قلبي بس لـك وقلبـك لعـب دور الدهـاء !
وما كنت لك أقرب من أنفاسك وأقرب مـن هلـك ؟!
ما عاد تفرق غيبتك أو رجعتك .. عنـدي سـواء !
كنت إهتمامي ورغبتي .., والحيـن دوري أهملـك !
لا صار قلبي لك وطن .. أبسألك ويـن الـولاء ..؟
وشلون حال المملكه ؟ - دام الخيانه من ( ملـك ) !
إن كنت جاهل ..! " لعبتك قلبي " ومـا فيهـا ذكـاء
حتى الطفل إن جبت له [ لعبه ].. - ولاءه صار لك !
قبل أنتهي عندي - أمر ما هو طلب وإلا - رجـاء ..
لا يشغلك ماضي إنتهى .. ركِّز على " مستقبلـك " !
منقووووووووووووووووووول
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قبل لاتفقد الي تحبه	مجنون بمزاجي	الحوار والنقاش - الرأي والرأي الآخر	2	05-20-2010 05:30 PM
دوم بحبه	خليفةمحمد	أم علايه , دبكات , جلسات	2	01-07-2010 02:28 AM
إن كنت تحبه ، كن مثله‎	السـ BECKHAM ـــميان	الإسلام والشريعة	4	07-06-2009 05:52 AM
((موسسه بلادي لتجاره العسل )) جميع انواع العسل سمر سدر اعشاب خورفكان	محروم.كوم	منتدى أخبار المواقع والمنتديات العربية والأجنبية	0	05-29-2009 10:50 PM
๑ . . ولن يخذلك ربي . . ๑	س™	الإسلام والشريعة	21	04-18-2009 11:01 AM