كلمات البوم ::أسيل عمران:: [ الله يهنيني ] 2009 - الصفحة 2

غلا البحرين · #1 12-24-2008, 03:36 PM

السلام عليكم ورحمة الله وبركاته

§¤°~®~°¤§كلمات البوم ::أسيل عمران:: [ الله يهنيني ] 2009§¤°~®~°¤§

قـــويـــــــة

أنا في داخلي بنية ******قوية ما هي شيوية
بريئة وطيبة وحبيبة******بس ماني على النية
صغيرة يمكن ف عمري****بس بعقلي يا كبري
وأساوي منهم مية*******قوية ماني شوية
حكيتوا من ورا ظهري ****وقلتوا اني ما أدري
وهيه ماهي مخفيه******وهيه ماهي مخفيه
حسبتوها علي أسرار ****وصارت كلها أخبار
تجيني عندي يومية*****قوية ماني شوية
وكل اللي تشيعونه*****حكي وأفكار مجنونة
ماهي فيني مو لية*****ماهي فيني مو ليه
أنا امشي ورا إحساسي*****وأسوي اللي في راسي
مادام الروح ذي حية*****قوية ماني شوية

طـــمنــــــــــــــي

طمني إني على بالك *****ماغيري يحلي لك ماتغير شيء
ماتفارق لو لحظة أفكاري*****وانت ترا داري ماغيرك لي
ياليت هالدنيا تحلى *****وتصير أحلى وأحلى ياليت ياليت
ونعيش أغلى حبايب *****والقلب في القلب ذايب ونبني أحلى بيت
كلمني قل لي أنا وحدي*****لا قبلي ولا بعدي في قلبك انت
ريحني من همي وظنوني*****تكفى يامظنوني تكفى لاهنت
ياليت هالدنيا تحلى***** ونصير احلى واحلى ياليت ياليت
ونعيش أغلى حبايب*****والقلب في القلب ذايب ونبني أحلى بيت

الــــمشكلـــــــــــــة

المشكلة بعدك انا ما أتحمله***** من رحت وهمي ماقدرت أتجاهله
كل مايسير طيفك القاسي علي*****ياحبيبي تبدأ معاي المشكلة
سامحني شفتك حتى مارحبت فيك*****قبل التحية قمت أتشره عليك
خوفي تروح وبعدها ما التقيك*****وأرجع أنا واعيش نفس المشكلة
غربة بدونك ياحبيبي دنيتي*****خاويت فيها من همومي دمعتي
إنت الوحيد اللي بقربه راحتي*****على جميع الناس قلبي يفضله
قرت عيوني بشوفتك يا احلى قمر *****يامرحبا بك وبضواك اللي حضر
يحلى النظر لاصرت في وسط النظر*****أهلين بك وبطلتك يامسهله

لا تحـــرمـــــه

قضيت العمر أحبه*****ودوب اجري وراه
وأخاف العمر يفنى*****وأنا اتمنى لقاه
وأخاف الورد يذبل *****وأقنع من جناه
ويا رب من له حبيب*****لاتحرمه من حبيبه
خبير الكف قال لي*****حبيبك ذا أصيل
يحبك مثل منته*****تحبه وأكثر قليل
يحب لكن دمعه*****على خده يسيل
ويارب من له حبيب*****لاتحرمه من حبيبه
كتبت أشرح شعوري*****وأرسلت الخطاب
وجوب لي بدمعة*****على نفس الجواب
وخط الدمع قال لي*****حبيبك في عذا
ويارب من له حبيب*****لاتحرمه من حبيبه
شكيت من جور مابي*****شكيت باسم الحبيب
شكيت يمكن ألاقي*****حبيب يطفي اللهيب
وياربي دعيتك*****لعلك تستجيب
ويارب من له حبيب *****لاتحرمه من حبيبه

اللـــــــه يهـــنينـــــــــي

الله يهنيك فيني*****والله يهنيني فيك
ياعسى تبقى بيديني*****وياعسى أبقى بيديك
إن طلبت أعطيك عيني*****والله ماتغلى عليك
اللي مابيني وبينك *****اغلى من الدنيا ذيك
تتذكرين أول مره نلتقي فيها؟
ايه , ولاتضحك أحلفك*****في لقانا الاولي
لما جا كفي بكفك*****وكانت عيونك علي
ارتبكت من زود لطفك *****وقلت في نفسي اثقلي
رغم إني ما أعرفك*****بس شعرت إن انت لي
وهذا احنه يا حياتي *****نبتدي درب جديد
أوعدك حتى وفاتي*****ما أتركك لحظه وحيد
معاك اشعر بذاتي*****والرضا فيني يزيد
ما أخاف وما أحاتي*****والحزن عني بعيد

يعنــي كـــــــــذا

يعني كذا من غير توديع بتروح
الله أكبر كيف طاوعك قلبك
يرضيك تتركني من جروح لجروح
هذا يسمونه جفا خاف ربك
يللي وداعك يشبه موادع الروح
دنياي ماتنطاق من غير قربك
الروح مجروحة والإحساس مجروح
الله يصبرني على نار حبك
سديت باب للرجا كان مفتوح
وضيعتني الله يكبر ذنبك
ماني بقايل لك اذا رحت مسموح
الله لايسمح اذا رحت دربك

أنـانـــــــــي

طلع وجهك الثاني يا أناني
وبعت قلبي الوفي بحسبة ثواني
أسف مانفع لازادي ولاملجي
بطريق الندم أتعكز بجرحي
علي اثنينكم انت وزماني
أنا بعز الأسى والصدمه والنار
ولا أعرف أجرحك رغم ماصار
أهدي ثورتي وأصنع لك اعذار
لكن مستحيل نعود ثاني

طلع وجهك الثاني يا أناني
بعتني ومن يبيع العشرة بالمال
بالنسيان أبيعه وراحة البال
دمعك ما يغير شيء بالاحوال
تجرحني وتقللي لا تعاني
طلع وجهك الثاني يا أناني

علــــى يدينــــــــك

على يدينك أنا حبيت*****وشفت الدنيا ذي وياك
تبيني بعد هذا الحب*****والعشرة انا انساك
تغلى أقسى وعاند***** محال أقطع ترا رجواك
بأمل ببقى العمر كله*****يارب تحن لي وألقاك

وإذا حسيت فيني بيوم*****ودريت شكثر أنا أهواك
طلبتك يا بعد عمري*****لاتبخل علي برضاك
أنا قلبي على عهده *****عاف الناس ذي شرواك
لأنك مالي عيوني*****ولا به منهم يسواك

موتــونـــــي

موتوني موتوني***** وعن حبيبي أبعدوني
مادروا انه حياتي*****وكل هالدنيا ف عيوني
مادروا عن هالمحبة*****وعن وفى قلبي لقلبه
وانه ساكن في عيوني*****ودنيتي جنة في قربي
موتوني ليه موتوني
تعبوني تعبوني*****ومن لقا الغالي حرموني
وانه من شوقي لشوقه*****خوفي لا أوصل جنوني
مادروا عن هالمحبة*****وعن وفى قلبي لقلبه
وانه ساكن في عيوني*****ودنيتي جنة في قربي
موتوني ليه موتوني
يحسبوني يحسبوني*****اني بنسى يحسبوني
وإنه كل لحظة ألاقي*****حبه يكبر في عيوني
مادروا عن هالمحبة*****وعن وفى قلبي لقلبه
وانه ساكن في عيوني*****ودنيتي جنة في قربي
موتوني ليه موتوني

وراك

تروح يمين تروح شمال*****وراك وراك ما أخليك
بمشي وراك وأتبع خطاك*****وكل ذا عناد فيك
وباشوف أنا آخرها عنادك *****وين يوصلها
الي من ربنا يهديك
عيني عليك في كل مكان *****نصيحتي طيع الشور
وعلى العموم ماله لزوم *****معي أنا تعيش الدور
وباشوف أنا آخرها عنادك*****وين يوصلها
الي من ربنا يهديك
ركز ماي فكر شوي ***وش قصدهم في اللي انقال
والله حرام هذا الغرام** يضيع بنسبة العذال
وباشوف أنا آخرها عنادك** وين يوصلها

ح ــيــآآتــﮯ قبل تــ ح ــيـآآتــﮯ

غلآ البحريــטּ
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلمات البوم ::: انغام :: مهزومة ::: 2009	الفرعون الذهبى	كلمات الاغاني	4	09-24-2009 02:24 AM
كلمات البوم شيرين 2009 - حبيت	الفرعون الذهبى	كلمات الاغاني	9	09-24-2009 12:38 AM
كلمات البوم محمد عبده 2009	غلا البحرين	كلمات الاغاني	6	05-13-2009 10:47 PM
كلمات البوم {نوال} الكويتية 2009	غلا البحرين	كلمات الاغاني	19	12-14-2008 11:18 PM
اسيل عمران -الله يهنيني	لوعتو جبدي وانا اسجل يه	اغاني , شلات , هبان	6	08-24-2008 01:04 AM