عزالله انك للاسف منت رجال..وانك قليل الذوق مافيك شيمه

سَوّافْ · #1 12-23-2008, 09:57 AM

البارحةجاني مـن الحـب مرسـال [/center]

من عقب ما بينـي وبينـه خصيمـة [/center]

وانا ترى في الحـب مانيـب فعّـال
ولا بعـد ولّـع بقلبـي هشيـمـه

ولا بعد غنّيت فـي ساعـة وصـال
ولا بعد ذقـت الفـراق وجحيمـه

ولا جرى دمعي على الخـد همّـال
ولابعـد جربـت مــرّ الهزيـمـة

حتى وردنـي تالـي الليـل جـوال
وانا على شاهي وبسكـوت ديمـة

الرقم بايخ لكـن الصـوت قتـال
كنه مثل صـوت المذيعـة حليمـة

قالت مساء الخير يـا طيّـب الفـال
قلـت ارحبـي ترحيبـةٍ مستديمـة

بالعود والصفـري ودلـة وفنجـال
واجبك يا بنت الأصـول الكريمـة

ردت بضحكة ثم قالت وش الحـال؟
قلت اشهد إن الحال عقبك سقيمـة

قالت وهي تضحك بعد مثل الأطفال
وانـا بعـد كنـي بدونـك يتيمـة

من يـوم قالتهـا تزلزلـت زلـزال
من فجعتي كنـي مسـوي جريمـة

قلت ارفعي صوتك ترى مابه ارسال
كـذاب لكـنّ المصيبـة عظيمـة

قالت أقول اسمع ترى هرجنـا طـال
ممكـن تصاحبنـي ترانـي وسيمـة

واسمي الحقيقي أول حروفـه الـدال
لكـن يسمّونـي البنـات الزعيمـة

صحيح أحب الفخفخة واعشق المال
لكـن ترانـي طاهـرة مستقيـمـة

ما عندي امغازل ولا (لعب يهّـال)
ما عندي إلا في الشرف والحشيمـة

بس الصراحة قلبي لشوفتـك مـال
واصبحت وحدك جالسٍ في صميمه

فكّر بعقلك واترك القيـل والقـال
واحذر تطيع اهل العقـول العقيمـة

وارسل علي الحين خمسميـة ريـال
أشحن بهـا جـوال أختـي غنيمـة

أو طقم غالي فيه خاتـم وسلسـال
أروح بـه فـي عـرس ولاّ عزيمـة

قلت الحقيقة مانيب رجـل أعمـال
ولانـي بتاجـر والمـوارد عديـمـة

أنا الصراحة شبـه عطّـال بطّـال
وعلاقتـي بالفقـر جـداً حميـمـة

والراتب الله يرحم الحـال مـا زال
محـدود والمصـروف ربـي عليمـه

والدين بـالآلاف والبنـك شغّـال
ياكـل فلوسـي بالربـا والظليمـة

والسوق طايح والغلا ضيّـق البـال
والموت والله صايـر اكبـر غنيمـة

قالت تحمّل بـس والحمـل ينشـال
خلك شديد الباس صلـب العزيمـة

ياخي تصرّف جعلك اتصيـر نشّـال
أهـم شـي إن النوايـا سليـمـة

لابد تفهمني علـى كـل الأحـوال
ما دمت من أهل العقـول الفهيمـة

قلت إيه والله فاهم اللي على البـال
لكن تـرى هـذي علينـا قديمـة

يا بنت هـذا صايـر اليـوم مـوال
للي تبي تلعب علـى ابـن اللئيمـة

يا بنت ما تدرين كـم فيـه محتـال

يلعب على الحبلين وانتـي غشيمـة

يا بنت كم من جاهلة دمعها سـال
من عقب ما جات العواقب وخيمـة

والبنت لا اقفى عرضها بيد الأنـذال
والله مـا يبقـى لهـا أي قيـمـة

قالت تبي ولاّ فخلّك علـى جـال
مهوب ناقصـي نصايـح حكيمـة

عز الله إنك للأسف منـت رجّـال
وانك قليل الذوق ما فيـك شيمـة

يا لعنبو اللي مـا يسطّـرك بنعـال
حتـى يعلمـك الغـزل يـا بهيمـة

( تفو ) عليك وصكّت الخط في الحال
مدري ( تفو ) هي مدح ولاّ شتيمـة

وسلامتكم
سواف
__DEFINE_LIKE_SHARE__

ثرا العين · 12-23-2008, 04:09 PM

لابد تفهمني علـى كـل الأحـوال
ما دمت من أهل العقـول الفهيمـة ..~

يعطيييك العافيه أخوؤوؤي ..~
سواف
..~

وما فيييك حيله ..~

ولأ هنت ع الطرح الغآآوؤوؤي ..~ __DEFINE_LIKE_SHARE__

ємαяαтya Kαsн5a · 12-23-2008, 09:58 PM

( تفو ) عليك وصكّت الخط في الحال
مدري ( تفو ) هي مدح ولاّ شتيمـة

روووووووووووووووووووووووعهــــــ
صـــــــح الســــــــان قـــــاايـــلهاـــاا
يســــــــــلموو خيــــــــــوو .. __DEFINE_LIKE_SHARE__

سَوّافْ · 12-23-2008, 10:09 PM

ربي يسلمكم ويعافيكم __DEFINE_LIKE_SHARE__

اسير العذاب · 12-24-2008, 12:03 AM

تسلم ع الطرح الغاوي الحلوووووووووووووووووووووو __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
زحمه زحمه زحمه ادنوك	محروم.كوم	منتدى أخبار المواقع والمنتديات العربية والأجنبية	0	07-03-2010 12:20 PM
عزالله اخطا من مسميك رجال ... حياكم ....	الرهيب القطراوي	الشعر المنقول	9	12-27-2009 02:02 PM
[ بيع تصميم ] : ** أقوى عروض تصميم الستايلات ذات الذوق المميز من دعمي ... تبدأ من 250 ريال **	محروم.كوم	منتدى أخبار المواقع والمنتديات العربية والأجنبية	0	07-01-2009 07:00 PM
•ll• ¨°•للاسف منت رجال•°¨ •ll•.:	محروم.كوم	منتدى أخبار المواقع والمنتديات العربية والأجنبية	0	06-01-2009 09:30 AM
ياما خويت لي رجال والرجال بذا الوقت قليل	ولد333النفيع	شعر و خواطر	19	08-22-2008 10:43 AM