علامة ؟ إستفهام ؟ حول مــــــــــجـــــــالــــــســــــنـــــــا......

محروم.كوم · #1 09-24-2010, 02:51 AM

السلام عليكم ورحمة الله وبركاته
مساكم /وصبحكم الله بالخير
متابعي خمية السوالف الشعبيه
في الحقيقه الكل منا يحب السوالف وعلوم الرجال الطيبه ولكن الصراحة انها على وشك الاندثار والضياع -وعلى ماقالوا راحت مع اهلها من الشيبان الاولين-
ولازال هناك من بهم الخير من جيلنا ولكن طغت التطورات الحياتيه على مجالسنا .
من اول الناس بينهم مسايير وتواصل وعزايم لو على فنجال قهوه ,الحين جارك وهوالباب
على الباب يمكن في بعض الاحوال ماتعرفه ولا تقريه السلام ولاحول ولاقوة الا بالله .

وخلونا نجي لصلب الموضوع ونقارن بين مجالس الرجال أول ومجالسنا الحين ,,,ايييه الله المستعان والله فرق واضح للي يحس وينتبه للشئ هذا ..
من اول الشيبان لهم تقدير واحترام مايجلس الشايب الا بصدر المجلس .
والشئ الثاني اذا تكلم رجل في المجلس وجاب سالفه والا قصيد الكل يستمع له ولا يقاطعه
ولا تلقى علوم رديه بالمجلس من غيبه ونميمه وقال فلان والا علان
وتلقى المجلس هادي مافيه لامشاحنات ولابغضاء.
والحين ياساتر يالطيف العكس تماما في بعض المجالس ولا وازيدك من الشعر بيت نسو شئ اسمه مجلس وليتهم يجتمعون ومتى يتجمعون سوا كانو قرابه والا جيران في مجلس واحد بعد طول مدة مرة في الاسبوع والا في الشهر والا بعد سنه والا في مناسبه,, والعالم كلن لاهن باشغاله وبهالدنيا ,,وتلقى المجلس سامج لابعد الحدود لاسالفه ولاقصيده وهذا يضحك مع هذا وهذا ينغز بجواله وهذا يكلم بالجوال ومن هذا القبيل..

وصار الحين زمن التواصل بالجوال وابعد الناس عن المجالس وقليل من يحرص على الزياره ثم جاء دور الاستراحات وحدث ولا حرج .
لا اريد ان اطيل عليكم انما اختصرت قدر المستطاع مافي نفسى من كلام واللبيب بالاشارة يفهم..
وتقبلوا تحياتي .

__DEFINE_LIKE_SHARE__