لاعاد اعَـرْفك.. ولاعاد انت تعرفني !!

فتنـۂ الـڪِوטּ · #1 09-14-2010, 09:56 PM

ماني بساذج .. وتكــفى غيـّر اعذارك
ولاّ انـت يعني بعينك ويش شايفني؟

أدقّ دايـم عليك .. اسأل عن اخبــارك
تقـول: مشغول وادري بك تصرّفني

مشغول وشّو وانا اللي أعرف اسرارك
واعْرفـْك جدا ..ً وأكثر ممّا أعرفني

تراني افهــم عليك .. وكـــنّ أطـوارك
تقول شكلك زهقْـت وشبْــه عايفني

إذا وجــودي معــك ما يلفت انظــارك
فالأحسن امشي.. ولا أقعد وتنزفني

يجوز لامــن مشيـت .. الحال يتـبارك
أرتاح وانسى ويرجع للكرى جفني

صحيح.. ودي في هـذا العمر نتشارك
لكنّ وضعـي معـاك الحين يؤسفني

أنا طبــاعي كــذا مــن قبـل لا اختارك
ماقـطّ وجهي على اللي ما يوالفني

إمــا تجيــني .. وداري عِـــدّهـا دارك
والاّ على الوهم .. يكــفي لا تكلفني

تعبـــت والله .. ولا يمدينـــي اتـدراك
قطـار عمــر ٍ من اول معك طايفني

قلّي شسوّي إذا استبطــيت مشـوارك؟
الصبر يفني وبعـض الضيم مايفني

أخاف باكر يجي واغـْـدي "سِنمّارك"
ومن فوق قصـرٍ بنيته لك بتحذفني

واخاف تخلـف حـلاوة جنّتك .. نارك
واموت وحدي ولالْقى مين يسعفني

شف عاد لا من بــقالي غير تذكــارك
أحَــنّ مــن هالحيـاه .. بترْبتي دفْني

فارجوك تصْدق معاي وتكشف ْستارك
مـن دون احـلّفـْـك أو حتى تحلّـفني

سؤال واحـد .. وابيــك تجمّـع افكـارك
حتى تجاوب بكلّ وضوح وانصفني

إصـرارك اول علي هو نفسه اصرارك؟
ولاّ تغيّـرت ؟.. ياخي قول واتحـفني

ومن قبـل تحكـــي تأكـّــد إن مقـدارك
ما زال نفســه .. وما زالك تشرفني

واهـمّ حـاجه .. قبـــل تبـدي تِــعذّارك
عشان تسحـب.. وللذكرى تخلّـفْني

أبيك تعرف .. وتـدرك .. إنّ مسيارك
هذا أخيـــر .. وبعَـدْها منت شايفني

( إمشْ بطريقك!! " وانا بتجيني اخبارك " ) .. ..
لاعاد اعَـرْفك.. ولاعاد انت تعرفني !!

__DEFINE_LIKE_SHARE__

الرهيب القطراوي · 10-01-2010, 01:34 PM

يسلمو يا اختييي
فتنـۂ الـڪِوטּ

كلمات روعه صح لسان القائل
وسلمت ايادي الناقل
وننتظر المزيد
&&&
إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور

من لاحمى وجهه قبل طلعـت الشيب
محــــد يعوظــه وجه لاصـــار شايـــب

لاصـار ذكـرك فـوق روس المراقيــــب
خلك على دربـك ترى الدرب صايـــــب
تصير بعيون النشاما كما الذيــــــــــب
وعيـون عـدوانك عطيـب الظـرايــــــب
& الودعاني عاشق الريان القطري &

__DEFINE_LIKE_SHARE__

فتنـۂ الـڪِوטּ · 10-01-2010, 08:11 PM

سلم من قالها . . __DEFINE_LIKE_SHARE__

انسان شاعري · 04-18-2011, 11:44 PM

السلام عليج وعلى يميع اخواني وخواتي ..

هذا اول رد لي فالمنتدى عندكم ) اذا ما خاب ظني) ههه
وهذي اول مشاركه على ما اعتقد بس .... اكيد باذن الله ما راح تكون الاخيره, وان شاء الله اكون اوفي كل الموجودين حقهم وزود
دام الويوه الطيبه والناس الزينه موجوديين,
صح لسان القايل, وتسلمين الغلا على الطرح الجمييل اختيار رائع الصراحه,
نتريا يديج باذن الله,
تقبلي مروري بكل ود ,
اخوكم يوســـــ العازبي ــــــــف __DEFINE_LIKE_SHARE__

فتنـۂ الـڪِوטּ · 04-19-2011, 12:12 PM

مشكورين ع المرور الطيب . . __DEFINE_LIKE_SHARE__