لقاااااااااء معه اليوبل المبدع بن عيود (جديد)

بنت رأس الخيمة · #1 12-15-2008, 04:40 PM

السلام عليكم و رحمة الله و بركآته

ياريت تعرفنا على بطاقتك الشخصية ..
(سلطان محمد سعيد بن عيود الكعبي)
(من سكان منطقة المزيرع)
(ادرس ف جامعة الامارات فالعين)

شو رايكـ في بطولة الشيخ حمدان بن محمد بن راشد آل مكتوم لليولة ؟

(بطولة هادفة تعّرف الجيل الشاب بالموروث الشعبي وترسخه في عقولهم)

شو رايكـ في التغيير للنسب في هالسنة بحيث انه صار 50% للحكام و 50% للجمهور ؟
(تغير حلو لانه منصف تقريبا)

انا الصراحة اشوف ان يولتك كان ماعليها كلام بس ناقصها الفر ( هل انت راض عن يولتك بشكل عام ) ؟

(مشكوره وماعليج زود)

(اذا على الفر انا ماقدرت افر عشان الخياطه اللي ف ايدي لان مثل ماتعرفين الصحه ابدا من كل شي وفوق هذا كله انا دخلت ويلت واديت اللي اقدر عليه وزياده وبعد ضغطت على نفسي لين ماتبطلت الخياطه عليه وانا ايول لكن الحمد لله تحملت ويلت (سلامات اخوي))
(الحمدلله راضي كل الرضى)

-----------------------------------------

انت راضي بنسبة 30 بالمية اللي عطوك اياها الحكام ؟

(الحكام ماقصرو اقولهم مشكورين (( وهم ادرى استاهل ولا لآ)) انا اقول هذا نصييييب والحمدلله على كل شي)

و نعم بالله ..

احب اقولكـ انك فزت بقلوب جماهير كثير لكن شو كان شعورك يوم ما اتأهلت ؟

(كانت امنيتي افوز بقلوب الجماهير والحمدلله احس هالشي تحقق انا مافكرت ف نفسي فكرت فالجمهور وخذت ف خاطري عشانهم لانهم صوتوا وماقصروا معايه لكن فالبدايه والنهايه هذا نصيب )

منو تتوقع من اليويلة انه بياخذ كاس فزاع لليويلة هالسنة ؟؟

(اللي يستاهله بياخذه)

ابيكـ توصف هاليويلة كل واحد بكلمة وحدة بس ..

1- راشد الخاصوني
(مبدع)

2- مانع الأحبابي
(يويييييييل بمعنى الكلمه)

3- منصور بن وبران الأحبابي
(اخويه وصديقي الغالي)

4- مسلم العامري
(بطل و صديق عزيز)

الحين نطلع من جو اليولة ..

اي نادي تشجع ؟؟

(المنتخب هع هع وأي نادي يأدي صح)

شو اكلتكـ المفضلة ؟؟
(الجوع كااااااااااااااااافر مايعرف اكله محدده كله يمشي حزتها)

شو هدفكـ و طموحكـ في الحياة ؟؟
(احتفظ به لنفسي)

شو هوايتكـ ؟
(الشعر ركوب الدراجات)

نحب انك تعرفنا على شاعركـ المفضل ..
(فخر الاجيال و فزاع الله يحفظهم و كل قصيده تحمل معاني وصور جميله )

كلمة توجهها لكل اللي يشجعونك و يحبونك و لجمهوركـ اللي صوت لكـ ..

(مشكورين الله لاهانكم ع التصويت وماقصرتوا معايه في التصويت واقولكم لاحد يزعل ولاحد يشل في خاطره ترى الدنيا ارزااااق ونصيييب وكلن له نصيب وبياخذه )

(تقبلو تحياتي :: سلطان بن عيود الكعبي)

أشكر اليويل سلطان بن عيود على ان اتاح لي الفرصة اني اسوي معاه هذي المقابلة .. __DEFINE_LIKE_SHARE__

يتيمة قلب زايد · 12-15-2008, 04:46 PM

انا من اشد المعجبين فيك

من السنه الي طافت ومن الكليبات الي
تشارك فيها
والله ما قصرت في يولتك..
على قولتك نصيب
شو بتسوي بعد..
الله يحفظك .. ويوفق في دراستك ...:uae: __DEFINE_LIKE_SHARE__

بنت رأس الخيمة · 12-15-2008, 06:59 PM

المشاركة الأصلية كتبت بواسطة يتيمة قلب زايد

انا من اشد المعجبين فيك
من السنه الي طافت ومن الكليبات الي
تشارك فيها
والله ما قصرت في يولتك..
على قولتك نصيب
شو بتسوي بعد..
الله يحفظك .. ويوفق في دراستك ...:uae:

تسلمين اختي ع المروور __DEFINE_LIKE_SHARE__

~~Pink-Heart~~ · 12-15-2008, 09:09 PM

تسلمين ختيه عالطرح
و نتريا اليديد من صوبج^^ __DEFINE_LIKE_SHARE__

άĻ3ōd.έḻмαчḻї · 12-15-2008, 09:16 PM

لا هنتي ع المقااابله الحلوه..

وربي يعطيج العااافيه..

ونرقب اليديد من صوبج.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديد الفنان المبدع حربي العامري (سلام)	غانم قطر	نغمــات للهــواتف	18	07-02-2010 11:29 PM
شوف عيني شفت ظهره منحني (جديد) 3/2/1431هـ	محروم.كوم	منتدى أخبار المواقع والمنتديات العربية والأجنبية	0	02-16-2010 08:00 AM
Windows Xp Crack 2009 من ((الجنتل 2006)) --Al jNtEeL--	محروم.كوم	منتدى أخبار المواقع والمنتديات العربية والأجنبية	0	06-08-2009 02:40 AM
جديد ( شافتك عيني ) غناء حسين الجسمي فقط ع محروم	الزعيم	نغمــات للهــواتف	44	01-21-2008 07:49 PM