الناس مخلوقة على الشر و الخير

فتنـۂ الـڪِوטּ · #1 09-08-2010, 06:18 PM

[align=center]ألناس مخلوقة على الشر والخير..
والمشكلة محدن بكاسب رضاها

كم عبقري ضاقت عليه التفاكير..
عاش السنين ولا عرف محتواها

يا مكثر احلامه لكن دون تفسير..
يحلم ولا منه توعى نساها

تقرا على وجه صدوق التعابير..
وتشوف في عينه ما يكشف خفاها

محتار في الدنيا وخلق الله تحير.
.في حيرته ولا عرف إش بلاها

ذعذع علي بارد الغربي عصير.
.النفس معتله وريحك دواها

ولا قضى من ليلك الثلث الأخير.
.تأصل هواجيس الشعر منتها

أروي بمعناها قلوب الجماهير.
.وارقالها بإحساس من هو قراها

أكتب من إبداع الأحاسيس وأثير.
.قريحة الشعار وابلغ مداها

بالله يا اهل الطير في ضيعة الطير.
.كم عين صقار(ن) بكاها عماها

هذي على الضيعة اجل ويش بيصير.
.في فقد من هو فارق(ن) مستواها

قرموشتن جيرية واصلها جير.
.لو شافت ألصيده تبعد مداها

قات وراها تغرف الريح وتغير..
لو انها بين السحابه وماها

إلين تطرحا مثل طرحة الزير..
في حرب جساس هو يلي بداها

تقصها قص الخشب بالمناشير..
صقارها يضحك حجاجه أداها

لو إن تبع,لو إن تبع له على الطير ثأتير.
.اقول دمه مختلط مع دماها

وإن عرضت تشبه على راهب الدير..
لولا صوايدها وريش(ن) كساها

وإن أقبلت نجم(ن) هوتبه مقادير.
.نازل على ارض البشر من سماها

وإن اجبرت جرت ورآها الاعاصير.
.من سبقها كأن الطريدة ورآها

يفرج هددها كل هم(ن) وتقدير..
وتنومس إلي شلها واقتناها

يا بوي شبلك ما يحسب المخاسير.
.لولا غلاك إلها ولولا غلاها

لولا غلاها غير وفراقها غير.
.والله لأعاتب كل طرف(ن) بكاها

قرموشة(ن)تسوى طيور الصقاقير.
.لا تسألوني ليش ربي عطاها

الله يقدرنا على الطيب تقدير.
.ويعيضنا فيها ونقبل عزاها
[/align] __DEFINE_LIKE_SHARE__