رۈآيـۃ .. لآمونـے يوم حييتــہ..}

ţЋề ĀИģĔŀ · #1 09-08-2010, 03:53 PM

رۈآيـۃ .. لآمونـے يوم حييتــہ..}

تْألْيڣ الْڪاتْبهَ : غلا الشارجـہ

هـمسـہ عن الروايـہ }°

شـخـصيات الروايـہ حـقيقيـہ على عكس أحداثها التـے نسجها قلمـے ,, تدور أحداث الروايـہ في مدينۃ أبوظبـے وبالتحديد فے منطقۃ بين الجسرين

هـمسـہ عن بطلۃ الروايـہ }°

اسما: بطلۃ قصتنا ..اسما يتيمـہ يعنـے لا ام ولا ابو مات ابوها وامها بحادث واول ماعرفت ربيعت امها حلفت محد يربـے اسما غيرها معن أهل اسما موجودين خوالها وعمومتها ,,أما عن أخلاقها ماشاء الله عاليـہ وكل الـے حولينها يحبونها الا البعض ((يغارون )) .. أمِا عن جمِالها .. جمِالها رقيق و العين مِشِاء اللهَ العين واسَعۃ و الرمِشِ كثيفَ و الخشِمِ طويل و نحيلَ ، و الشِعر أسَود كثيف و طويييييييييييييييل و الجسَمِ مِمِشِوق و غآويَ

عائلۃ بو أحمد الـے لامين اسما الهم :

بو أحمد: اسمـہ راشد عمره 44 سنـہ يحب اسماواايد ويعتبرها وحده من بناتـہ وهي تعتبره مثل اوبها

أم أحمد:اسمها ريم عمرها 43 سنه تموووووت في اسما وتخااف عليها مثل ماتخاف على بناتها و اسما تعتبرها مثل امها

أحمد: بجر العيلـہ متزوج بنت خالتـہ الجوهره وعندهم ولد وااحد اسمـہ خالد ((خلود))

شوق : عمرها 25 سنـہ ,, وهـے الـے يلجأ الها الكل يوم يطيحون فـے مشكلـہ ماشاء الله عليها تعرف تحل المشاكل

ميره: عمرها 23 سنـہ ,, تكره شي اسمـہ اسما ماتطيقها ابد ,,بس اسما تعاملها بكل طيب

أمل : بعمر اسما يعنـے 15 سنـہ وهـے كانت ربيعـۃ اسماقبل لاتموت امها واستانست واايد لما اسماسكنت معاهم

سالم: توأم أمل بس امل اكبر عنـہ بـ5 دقايق يحب اسما واايد ويعاملها مثل مايعامل اخته أمل

الــباارت الأول :-

أم أحمد وشوق في المطبخ يجهزون الريووق في المطبخ

بو أحمد: السلام عليكم
أم أحمد +شوق: وعليكم السلام
أبو أحمد : الله شو هالزين كله
شوق: هذا كله منو ورى هالويه الحلو
أبو أحمد:أووو حتى من بناتي بغاار
ام احمد ((أستحت ))
شوق: ياويلي
أم أحمد : بسج عاد شوق أستحي
شوق: خخخخخ
ابو احمد : آآه بخاطري اليوم اتريق مع كل العيالي سيري وعيهم يا شوق
شوق: انشاء الله

.
.
.

صووب غرفة ميره دشت شوق الغرفه مالقت اختها على الفراش
شوق: ابيه وين راحت ميره ..[ راحت شووق صووب الحمام ]
شوق: ميره
ميره: آمري
شوق: ابويه يبغي يتريق معانا اليوم تعالي تحت بعد بتطلعين من الحمام
ميره: أوكي
.
.
.

صووب غرفة أمل واسما [فتحت ميره الستاير ] وقامت اسما من أشعة الشمس أما أمل كانت بعدها راقده

شوق: صباح الخير
اسما: صباح النور
شوق: يلا فديتج قومي غسلي ويهج ونزلي تحت ابوي يبغي يتريق معاكم
اسما: انشاء الله
[قامت اسما وطلعت الها ملابس من الكبت وطبعا لبست بنطلون وقميص كويتي دخلت الحمام غسلت ويها وبدلت ملابسها ]

نرجع لشووق الي تحاول تقووم أمل
شوق: أمل
أمل: اممممممم
شوق : قومي يلا أبويه يبغينا نتريق معاه قومي
أمل: بعدي أبغي ارقد
شوق: يلا يا امل قومي
أمل: افففففففف أوكي أوكي قمت
شوق: أعوذ بالله الناس تقووم تقوول صبااح الخير وانتي عافانا الله قايمه تتأففين
أمل: شو اسوي بج ماتخلين حد يرقد
شوق: لا والله انا شو يخصني أبويه مطرشني
أمل: يخصج ترى ابويه مطرشنج
شوق: يلا يلا عن الحشره وقومي بدلي ثيابج ونزلي
امل: آآآآه اوكي أوكي
طلعت اسما من الحمام ودخلت بدالها أمل ]]

شوق: ليش ماتلبسين مخوره أحلى عليج
اسما: لا شو هب حلو
شوق: ههه أوكي على راحتج

.
.
.

طلعت شوق من غرفة أمل واسما وراحت لغرفة سلووم]]
شوق: الله يعين عاد احين سلووم شو بيوعيه

ميره: هاا قومتي أمل وو
شوق: هيه اسما وأمل قامو واحين بينزلون
ميره: الله لا ايب هالطاري ما ادانيها وععع
شوق:أنا ما اعرف ليش تكرهينها معني اشوف ان الكل يحبها من النظره الاولى
ميره: وعع
شوق: الله يعين
.
.
.

صووب غرفة سلووم

شوق: سااالم ... سلووم ... يلا عااد سلووم قووم ...افف لو موعيه الحمار قاام ... قووم يا سلووم لا تلعوزني ... سلووووووووووووم
[شووق تصرخ بتنفجر وسلووم ولا هامنه لاحيات لمن ينادي ]

شوق: سسلووووووووووووم... سلوم يعلك قوووم حرام عليك تعبتني قوووووم... أنا برااويك

[راحت شوق المطبخ ويابت ماي بااااااارد وعلى رااس سلووم]

سلووم: آآآآآآآآآآآآآآآه يعلج يا الحيوانه
شوق: تستاهل يزاك وأقل من يزاك
سلووم:سم ياربي طلعي بررررع يلا برع
شووق: اسمع سويلم ابويه يبغينا نتريق معاه واللهم بلغت اللهم فشهد
سالم يقلدها : اللهم بلغت اللهم فشهد .. طلعي يلا برررع
شووق: حماار ماتستااهل حد متعني وياي يقومك
سالم: قللللتلج برررررررررررع

[طلعت شووق ودقت بالباااب دقه حليله الباب زين مانكسر ]

.
.
.

صووب أمل وأسما توهم نازلين من فوق
اسما+أمل : السلام عليكم
الكل : وعليكم السلام
بوأحمد: هلا ببناتي حياكم تعالو
شوق توها داخله غرفة الطعام : آه
بو أحمد : ها بنيتي بلاج
شوق: ياربي يا ابويه هذا سلووموو يبغيني انتحر حشى مايسمع هذا ..كل العالم بتسمع الا هوو
أبو احمد : ههه الله يعين
سلووم: احمم سلام عليكم
الكل : وعليكم السلام
سلووم: اوه شووق برطمج طااح طااح ..أووووه خساااااره مامسكتيه
الكل ماعدا شوق : ههههههههههههههههههه
أم أحمد : منو يبغي حليب
الكل : أنا ماعادا اسما
أم أحمد : ماتبن حليب
اسما: لا ما احبه
ميره : دلع بنات
[نزلت اسماراسها ]
أمل : أماايه تحيدين اسماماتحب الحليب ليش تسألينها
أم أحمد: عبالي بتحبه
ميره: أنا ما احيد حد مايحب الحليب
أمل :أمبلى واايدين مايحبون الحليب
أبو محمد: خلاص فديتكم خلونا نكمل الريوق على خير
قاامت اسمامن مكاانها على انها خلاص شبعت ]]

بو أحمد: على وين
اسما: خلاص شبعت
بو أحمد: لا يا اسماانتي ماكلتي شي
اسما: خلاص شبعت
بو احمد: يلسي عشان خاطري وكلي
اسما: انشا الله

.
.
.

[خلص الكل من الريوق واستأذن بو أحمد لأنه بيروح الدوام اما عن الباجين كان هذا آخر اسبوع اجازه وبتبدى المدرسه]

[ صووب الصاله الكل لاهي بشي البنات بالمجلات اما سلووم متسدح حذال لبنات يسوولف معاهم ]

سلووم: هذا الي شايف نفسه ماشي ولا معبرني ..يلا عااد شوق
شوق:............
سلووم:افاااااا والله افااا اهوون
شوق: جب جب
سلووم: شفتو كلمتني يعني ما أهوون
شوق: مااااااااالت
سلووم:خخخخخخخخخخخخخخ

[ رن فوون اسما المتصل(خلفان) ]

اسما: هلا خلفان ...بخير ..أنت شحالك.. دووم دووم ....آمر ...اليوم ..أوكي الساعه كم ...أوكي اوكي بااي

سالم: شيبي هذا
اسما: يقوول خالوه تبغيني ارووح بيتهم
أمل: لييييييش
اسما: مسويه عزيمه أونه ولدها رجع من السفر
أمل: اهاا ... عاد لاتباتين عندهم
سالم: هيه عهود لاتباتين عندهم
اسما: ههه اوكي
ميره:خلوها تبات عند أهلها داام يبونها
اسما:............
سالم:أقووم ميره سكري برطمج احسنلج لأنه محد رمسج
ميره: جب أنت جب
أم أحمد : شو صااير
أمل: اسووم بترووح عند قووم خالتها عشان مسوين عزيمه وبترجع
أم أحمد : الله يحفظج ..حد بيوصلج ولا
اسما: امبلا احين خلفان في الطريج
أم أحمد : يلا عيل فديتج سيري بدلي ثيابج
اسما: أمل بتروحين معاي
أمل : لا لا فشله
اسما: عادي
أمل: لا لا اهلكم متجمعين وجي فششله
اسما: بكيفج
.
.
.

عائلة خالة اسما

بوخلفان: عمره 54 سنـہ ,, متقاعد يعني يالس في البيت ,,يشتغل احيانا بالتجاره ,, يحب أهل بيتـہ ومايرضـى عليهم

أم خلفان :عمرها 50سنـہ ,, تحب اسما واايد ولولا حلفان ام احمد لكانت هـے الـے تربـے اسما

سهيل : البجر ,, مسافر برع للدراسـہ

عايشه:أنسانـہ خلوقـہ ,, مدينـہ واايد ,, وهي تشتغل ابلـۃ دين في مدرسـۃ hslh

فاطمه : توأم عايشـہ ,, بعد تشتغل ابلـۃ دين بس هب فـے نفس المدرسـہ ,, متزوجـہ وعندها بنت وحده اسمها غايـہ

خلفان : عمره 16 سنـہ ,,المحبوب من بين كل العيلـہ له هيبـہ ومحبين ,, الكل يحبـہ ويحترمـہ ,, وأكثر وااحد تتلبى طلباتـہ فـے البيت

سلمى: عمرها 15 سنـہ ,, تحب اسما واايد ,, وتعتبرها مثل اختها

خليفه :آآخر العنقود ,,عمره 7 سنين ,, تحبـہ عايشـہ واايد وتعتره مثل ولدها بما انها ماعرست

.
.
.

[صووب الصاله أمل وميره يسولفون وسلووم بعده في محاولات ارضاء شووق]

أم أحمد : يا شووق
شوق: هلا امايه
أم أحمد: تعالي
شووق: هلا أمايه آمري
أم أحمد : سلطان ومحمد عيال خالج بيون احين تعالي سوي الهم عصير وجهزي الفواله
شوق: انشا الله
ام احمد: ميره
ميره: هلا امايه
أم احمد : تعالي بخري الصاله عيال عخالج بيون
ميره: عيال خالي منو منهم
أ م أحمد: سلطان ومحمد
ميره: صـــــــــــدق
أم أحمد: هيه يلا بخري الصاله بسرعه
ميره: انشا الله

[ بخرو البيت وحطو الفواله ونزلت اسما من فوق بكامل كشختها كانت لابسه عباتها وشيله وقذلتها شوي طالعه ]

سلووم: الله الله شو هالكششخه
اسما:[ استحت ]
ام احمد: تعالي ببخرج
اسما: أوكي
أم أحمد: ماشا الله عليج الله يحفظج
سلووم: آآخ ياويل حالي على عيونج
أمل: خخخخخخخ بسك عااد اسما تستحي

.
.
.

[ دق جرس الباب وكان سلطان عند الباب فتحله سالم الباب]

سالم: مرحبآآآ بولد الخال
سلطان: مرحبتين
سالم: كيف الحال ؟؟
سلطان : تمام والله .. شحالج عموه
أم أحمد :بخيير يسرك حالي تفضل فديك
سلطان: أوه اسما وين راايحه
اسما: عزيمه عند قووم خالوه
سلطان : أوه خسااره يعني مابنيلس معاج اليوم
اسما: انشا الله مره ثانيه
سلطان: هي عااد يابلج أخوي عشان تقولين منو احلى
اسما : ههههه
[ سلطان كان دايما عند قووم خالته وشايف اسما ويعرف عنها كل شي على عكس اخوه ]

ميره: عيل وينه اخوك
سلطان : برررع أحين بيدخل
أم أحمد: وشخبااركم بعد ,, وشخبار امك وخواتك
سلطان : كلهم بخير ويسلمون عليج
أم أحمد: الله يسلمهم ,, سلم عليهم
سلطان : انشا الله
محمد: السلام عليكم
الكل : وعليكم السلام
محمد: شحالج عموه
أم محمد: بخير يسرك الحال ,,أنت شحالك
محمد: بخير داامج بخير
[ لفت انتباه محمد بنيه يالسه معاهم أول مره يشوفها ويالسه معاهم مستحيل تكون ربيعت أمل عيل يمكن تقرب الهم ]
ام أحمد: شوق تعالي شوي
شوق: هلا امايه
أم أحمد : تعالي معاي المطبخ عشان تشلين العصير
شوق: انشا الله
محمد: لا عموه عادي لاتكلفين على روحج
أم أحمد: لا لا لازم نضيفكم
.
.
.
[ محمد يساسر سلطان ]

محمد: سلطان منو هذي البنيه
سلطان : بعدين بخبرك
محمد:أوكي
سلطان: اسما
اسما: هلا
سلطان : ها منو احلى انا ولا محمد
اسما : ........[ اسما نزلت راسها استحت ]
سلطان: عادي قولي لا تستحين
اسما : بعدين بعدين
[اسما ترمس عمرها: معقوله هذا اخوه ياربي شحلاته حلو ولا يخصه بسلطان ,, كل شي فيه حلو ,, ملامحه جنها رسمت فنان ,, ياربي بلاني جي بتخبل على الولد ,, يعني حد يشوف هالغرشوب ومايتخبل ياربي شحلاته ]

سلطان: اسما
اسما [فزت] : هاا
سلطان: وين وصلتي
اسما : ليش يعني
سلطان : أقوول كملي كملي وين كنتي
اسما :.................

[ محمد يساسر سلطان ]
محمد: بلاك أنت خف على البنيه
سلطان : خخخ ماقلتلها شي عادي

.
.
.

رن فون اسما وكان المتصل ((خلفان )) ]]

اسما: هلا خلفان.. أوكي ..أحين بطلع ..بااآآآي
سلووم: وصل
اسما : هيه
سلوم: لاتنسين بتنامين هني
اسما : ههه أوكي

.
.
.
ظهرت عهود من البيت ونظر محمد عليها لين ماظهرت ]]

اسما: هآآي
خلفان: هااين
اسما : شحالك
خلفان: بخير يسرج الحال
اسما : وصل سهيل
خلفان: هيه من البارحه
اسما: يا حيه
خلفان : أشوف عيبتج اليلسه عند الناس
اسما :...........
خلفان: ليش ماترمسين ,,أكلمج أنا
اسما: هيه عيبتني
خلفان: مبين ترى
اسما : دام انا مستانسه هناك خلاص
خلفان : بس يتم عيب انج اتمين هناك
اسما: خلاص سكر السالفه
خلفان: دايما جي تتهربين

رن فون اسما كانت المتصله (غلا) بنت خالتها ]]

اسما : هلا والله ... هي بكون موجوده ... خلفان أحين بيوصلني البيت ... أنتي بتكونين موجوده .. زين زين خلاص عيل اشوفج هناك

خلفان: منو هذي
اسما: غلا
خلفان: غلابنت خالوه
اسما : هيه .. بلاه ويهك
خلفان: ها مابلاه شي
اسما: علينا ويهك يتحول من لون للون ومافيك شي
خلفان: بس لا مافيني شي
اسما: هه أوكي على راحتك مافيك شي

.
.
.
نرجع صووب بيت أم أحمد ]]

محمد: يا الله عيل عمووه بنزورج وقت ثاني
أم أحمد: يلسو مايلستو
محمد: لا ورانا شغل
ام أحمد: الله يحفظكم

.
.
.

صووب سياارت محمد]]

محمد: سلطان منو هذي اسما
سلطان: هذي بنت ربيعة عموه
محمد: وشو يايبنها هني
سلطان: امها وابوها ماتو بحادث وعاد عموه واايد تحبها فحلفت محد يربي اسما غيرها
محمد: الله يرحمهم .. بااين عليها انسانه محترمه
.
.
.

صوب بيت خالة عهود ]]

غلااسماااااااااااااااااااااااااا حبيبتي
اسما : غلووي
غلا: وين يا اسما لا حس ولا خبر شكله لهوج عنا الي هناك
اسما: لا تتفلسفين هناك كلهم مثل اخواني
غلا: كللللللهم
اسما: ههه هيه
غلا: انزين خلينا منهم وشخبارج بعد
اسما:ماعندي اخباار
خلفان :هود هود
[ عدلت اسما وغلا شيلهم]

اسما: ادخل خلفان
خلفان: أوه غلا اهني .. شحالج
غلا: بخير يسرك الحال ومن صوبك انشا الله بخير
خلفان: بخير داامج بخير
غلا:........
اسما: تعالي بنرووح نسلم على قوم خالوه
غلا: أوكي يلا
خلفان يرمس عمره: لاااااااااااا تموو اهني
.
.
.
[صووب يمعة الحريم ]
اسما: هلا والله بخاالوه
أم خلفان: اهلين والله ببنيتي
اسما: شحالج خالوه
ام خلفان: بخير يسرج الحال
اسما: دوم يارب
عايشه: السلام عليكم
اسما+غلا: وعليكم السلام
عايشه: شحالكم
اسما+غلا: بخيير
عايشه:أحنا شو تفقنا قبل لاتخلصون مدرسه
اسما+غلا: شوووو
عايشه: هاا الجبل الي على راسكم نزلوه
اسما+غلا سو الها أكبر طااااااف] ]

اسما: عيل سلمى ويييين
عايشه: دااخل
اسما: يلا عيل سي يوو برووح عندها
غلا: هي انا بعد برووح معاج
اسما:أوكيك تعالي
.
.
.
[ صووب غرفة سلمى ]

اسما+غلا: هآآآآآآآآآآآآي
سلمى: هآآآآآآآيآآآآآآآآآت
اسما: شحالج سلموووه
سلمى: بخير يسرج الحاال
اسما:تعرفين يليق فيج سلوووم بس المشكله اصغر عنج
سلمى: جب جب أنزين عااد انا ماشفت غير سالم
اسما: خخخخخخخخخخخ
سلمى: قولي اعترفي اعترفي انج انتي تبينه
غلا:كح... تبين سلووم
اسما: لاااااااا والله اني ما ابغيه والله
سلمى: عيل
اسما: والله مب محطيه حد في عقلي بس تدرون اليوم جن اشوف ولد خالهم طرررررررررررررررر يخبل يخبل حلللللللو
سلمى: حلفي
اسما: والله
غلا: جم عمره
اسما: ماعرف
سلمى: الله يخسج لازم تعرفين جم عمره
اسما: بحااول اسأل أمل بس اخااف تششششك خااصه انه ولد خالها
غلا: لا لا عادي اسألي
اسما: بفكر

[ طق طق طق (الباب يندق) ]

سلمى: منو
خليفه : أنا
اسما: فديييته خليفه
خليفه: اسمااا
اسما: عيونها
خليفه: أنتي من متى اهني
اسما: امم من قبل شوي انا اهني
خليفه: انا كنت أصبرج
اسما: حتى انا كنت اصبرك
غلا: عااد بدى الخرييييييييييط
خليفه: انتي بعد هني
غلا: هيه أنا بعد هني
خليفه: هيه تراني شفتج
غلا:خخخخ عيل ليش تسأل

[ رن فون اسما المتصل (ماما )= (ام أحمد ) ]

اسما: اي صخو شوي .... هلا ماما ..هيه وصلت ... لا لا عادي هم بيرجعوني ... لا عادي اذا ماحصلت حد بنام اهني..أوكي ..بباااي

سلمى: بلاهم
اسما: تسأل اذا وصلت ولا لا
سلمى: اهااا

[ طق طق طق (الباب يندق) ]

سلمى:منو
سهيل: أنا
سلمى: سهيل بيدخل
[ عدلت اسما وغلا شيلهم]
سهيل : يلا عاد خيستونا
سلمى:خخخ دش دش
سهيل:أوه أوه اسومتي هني شحاالج قلبوو؟؟
اسما: تماامز
سهيل: دووم
اسما: أنت شحالك وشحال لندن
سهيل: آآه لندن عذااب
اسما : أونه
سهيل: بس بعد بدونج لندن ولا شي
سلمى: اي اي واايد ماخذين الراحه
سهيل:آآه اذا مابرتاح اليوم متى برتااح
سلمى: سهييييييييل
سهيل: وريل قوولي آمين ..انا حذالج ليش تصارخين
سلمى: شو هااي قلت الادب
غلا: هي ماخذ راحتك ولاجنه حد موجود
سهيل: أوه غلا هني
غلا: هاها ها لاتستعبط
سهيل: والله توني انتبهتلج
غلا: لا والله
سهيل: والله
سلمى: يلا انجلع
سهيل: كلا لن انجلع هب البناتات الي يطردوني
سلمى: جب جب .. بنات خالتك وسلمت عليهم خلاص
سهيل: خليني بعدي ماشبعت من القلب
سلمى: القلب في عينك
سهيل: عهووديأحبج انا
اسما: ها ها ها لاصدقتك انا
سهيل: خخخخخخخ يلا البناتات اشووفكم بعدين
سلمى: احسسسسسسسسسسن
سهيل:لاتخليني اغير رااي
سلمى: لا دخيييلك
سهيل : هيه جي ابااج حرمه
[ طلع سهيل من الغرفه ورااح الصاله ]
سهيل: ياعاشقين اسمعوا .. قصة غراام احكموا.. لاتظلمون الغريم ..بالله عن تظلموو ..الحب شي عظيم
عايشه: استغفر اللله العظيم
سهيل : بلاج
عايشه : شو هاا يالس تغني استغفر الله كم مره تبغيني اقوولك الاغاني حرااااام حرااااام
سهيل: سيري زين عويش يالس اطلع مشاعري
عايشه: انزين طلعها بالاستغفار بكلام زين
سهيل: وياعاشقييييين اسمعوووووووو
عايشه: امااايه
ام خلفان : هلا اماايه
عايشه: شوفي ولدج كم مره كلمته ونصحته مايسمع الكلام
ام خلفان : الله يهديكسهوول اسمع الكلام
سهيل: اماايه بنتج ماتبغيني اطلع مشااعري
ام خلفان: ويدي عايشه خليه يطلع مشااعره
عايشه : امايه يطلعهن بشي زين هب بأغاني
ام خلفان: الله يهديه

[ دخلت اسما وسلمى وغلا الصاله]

سهيل: هلا والله بعيوني
عايشه: سهيييييل
سهيل: أوه نسيت المدينه اهني
عايشه : استغفر الله العظيم شو هالكلام هاا
سهيل : اوه عوييش لاتسوين النا سالفه
غلا: عاايشه ماما ماوصلت
عايشه: لا ماوصلت
غلا: تعالي اسما برووح اتصل لماما
اسما: اوكييك
.
.
.
[ صووب غرفة سلمى غلا بتتصل لأمها ]

غلا: هلا ماما .. متى بتوصلوون .. صدق .. اوكي نتريااكم ..مع السلامه
اسما: متى بيوون
غلا: احين جريب وبيوصلون
اسما: عيل أنتي منو موصلنج
غلا: حمدان وحموود
اسما: اهااا

عائلة قووم غلا

بو محمد : امم كل شي فيه أوكيه بس حسدوه الناس وتزوج على حرمته ام محمد وياب من حرمته الثانيه حمدان وماتت حرمته وهي تولد حمدان و حمدان احين عايش مع قووم غلا والكل يحبه

أم محمد: انسانه رائعه تحب عيالها وتخاف عليهم

محمد: أكبر عيالهم صف ثاني ثانوي ..أسمراني طويل بس هب واايد جسمه حلوو.. ومن احين يبغوله بنت خالته بس هو مايبغيها

غلا: بعمر اسما يعني 15 سنه .. شعرها قصير بيظه بطول اسما جسمها غااوي .. خشمها طوويل .. هب دلاعه بس تدلع يوم تبغي

حمدان : أكبر من غلا عمره 15 سنه صف أول ثانوي ..شاطر بدراسته .اما عن مواصفاته فهو أسمراني وطويل جسمه حلو

.
.
.
رجعت اسماوغلا الصاله ]]

غلا: اسما
اسما: هلا
غلا: اقوول أملووه تعرف انج معجبه بولد خالها
اسما: لا .. وبعدين انا هب معجبه فيه لذااج الزود بس يعيبني
غلا: ويعني بالعقل الاعجاب بعدين لشو يتحول
اسما: الله اعلم
.
.
.
خلفان: السلام عليكم
الكل : وعليكم السلام
[ رن فون اسما المتصله ((أملووه))]

اسما: ألوو ..هلا امل

[ رااحت اسما دااخل الغرفه ]

أم خلفان:آه .. نحن سكتنا عن هالشي واايد .. خلاص عايشه لازم تقولين الها انها لازم ترجع تعيش عندنا
خلفان: امايه انا كلمتها بس ماشي فايده اصلا هي مرتاحه هناك
غلا: خلاص اذا هي مرتاحه خلوها
عايشه: لا مابنخليها لازم نكلمها
خلفان: بس انا متأكد انها ماراح تقتنع لانها اصلا تبغي اتم هناك
عايشه : ماعليه بنحااول

لطيفه: السلام عليكم
الكل: وعليكم السلام
لطيفه: شحالج خالوه
ام خلفان: بخير يسرج الحال ..أنتي شحالج
لطيفه : بخير داامج بخير
أم خلفان: عيل أمج وينها
لطيفه : احين بتنزل من السياره

[ رجعت اسما على الصاله ]

أم خلفان : اماايه اسما تعالي برمسج شوي

اسما : انشاء الله
أم خلفان: اسما حبيبتي شرايج ترجعين تباتين عندنا
اسما : خالوه عشن خاطري خلينا مانتكلم في الموضوع
عايشه : ليش ماتبين ترمسين في الموضوع
اسما : بس .. بعدين انا مرتاحه هنااك خلاص ..اففف

[طلعت اسما من الصاله ورااحت المطبخ]

يلست عهود على الطاوله الي في المطبخ .. حست اسما انه في حد دخل بس كان عبالها الشغاله او غلا

[ غطى الشخص الي دخل المطبخ على عيونها ]

اسما : غلا عن الهبل
...: ......................
اسما : اففف غلا ولاسلمى بس عاد
...: .............................................
اسما : بس عاد
...:................
حمدان : سبراايز
اسما : سخافه
حمدان: ليش ماعيبتج المفاجأه
اسما : .........

[ قرب منها حمدان ]

حمدان: ليش مظايجه
[ بعدت اسما عنه ]
اسما :... هم يببوني ارجع هني مايبوني اتم عند قووم امل
حمدان:انزين رجعي هني احسن
اسما : مابا
حمدان: صدقيني هني احسن
اسما : قلتلك مابا خلاص
حمدان: أوكي خلاص لاتعصبين
[ دخل سهيل المطبخ ]
سهيل: حمداانو لا تعصب بحبي
حمدان: أنت شو يايبنك
سهيل: شو بعد شو يايبنك ترى حبي هني
[ قامت اسما من مكانها على انها بتروح الصاله ]
سهيل: على وين
اسما : الصاله
حمدان: ليش
اسما : بس
[ طلعت اسما من المطبخ وطلع وراها حمدان ]

حمدان: اسما صبري
اسما : نعم
حمدان: اسما أنا خاطري اقولج شي من زماان
اسما : شو
حمدان: اسما أنا أحبج
اسما :شو أنت شو تقوول
[ طلع سهيل من المطبخ ]
حمدان: هي اسما أحبج والله احبج
اسما: لا انت اكيد صايرلك شي
حمدان: ليش الي يحبج بيصيرله شي
اسما : لا بس يعني شو تبغي فيني انا
حمدان: محد دخل قلبي غيرج
اسما : أنا هب البنيه المناسبه لك
حمدان: ليش
اسما :بس لأنك أنت مثل اخوي
[انصعق حمدان ويلس يرمس عمره وهي راحت عنه وسهيل الي كان وراه بعد كان منصعق حمدان يحب اسما ]
حمدان يرمس عمره: مثل اخوج بس انا ابغي اكثر
سهيل: أنت من صدقك تحبها
حمدان: أنت من متى هني
سهيل : قبل شوي وسمعت كل شي
حمدان: هي من صدقي لايكون انت بعد بتعترض
سهيل: خخخخ لا لا انا مايخصني
[ دخلت اسما الصاله ولا كأنه شي صااير ]
حمدان : السلام عليكم
الكل: وعيكم السلام

يلس حمدان حذال غلا ]]

غلا: بلاك
حمدان: تعبان
غلا:ليش انت كنت مافيك شي
حمدان ك انزين احين صرت تعبان
غلا: انزين ليش
حمدان: بعدين بخبرج

[ وصلو قووم علايه بنت خالت اسما ]

علايه: بعمر عهوود ومعاها واايد يعرفون اسرار بعض
علايه بنيه جمال وادب ...............الا آآخ

[سلمت علايه على الكل وراحت صووب اسما]
علايه : بلاج
اسووم: مصدوومه
علايه: من
اسووم: خلينا نروح داخل
علايه: يلا
اسووم: يلا

[ راحت اسما وعليا غرفة سلمى ]
علايه: بلاج
اسما: عليا حمدان قالي ..
علايه: قالج شو
اسما: قالي انه يحبني
علايه: شوو وانتي شو قلتيله
اسما: قلتله انه مثل اخوي
علايه: لييييييش
اسما: لانه صدق مثل اخوي
علايه: بس يمكن هو الي بينسيج مايد
اسما: لا
علايه: يمكن هو في الفتره الي اوهمتيه فيها انج تحبينه عشان تخلين مايد يغار يمكن هو صاار يحبج صدق
اسما: بس انا ما اقدر ما اقدر احبه ما اقدر
علايه: آآه
اسما: عليا
عليا: امم
اسما: انا اليوم شفت وااحد
علايه: انزين
اسما: حسيت بس لما شفته براحه حبيت هالانسان
علايه: يعني تحبينه
اسما:ماعرف بس اعجبت فيه يمكن هو الي راح ينسيني مايد
علايه: شسمه
اسما:محمد
علايه: جم عمره
اسما: ماعرف
علايه: وهذا الاعجاب أكيد بيتحول لحب
اسما: يمكن
علايه: تعرفين اليوم شفت احمدووه
اسما: وين
علايه: فمبايل بنت عمه
اسما: علايه احمدووه اهبل مايستاهل حد يحبه
علايه: شرايج نروح السطح
اسما: يلا

[ صووب غلا الي رايحه المطبخ ]
غلا:سلمى
سلمى: امم
غلا: وين الاكواب
سلمى : هناك
غلا: انزين تعالي وين بتسيرين
سلمى: بودي هذا وبيج
غلا : اوكي

[ ظهرت سلمى من المطبخ وراحت عند خلفان ]

سلمى : يلا رووح محد عندها
خلفان : اوكي

[ رااح خلفان المطبخ ]

خلفان: احم
غلا: آآمر خلفان
خلفان: مايامر عليج عدو بس بغيت اقوولج شي خاشه بقلبي من زمان
غلا: قـ وول
خلفان: لا تفهميني غلط بس يا غلا انا

[ دش خليفه المطبخ فما قدر خلفان يكمل الي يبغي يقووله فظهر ]

مر الوقت وصاار المغرب صووب علايه واسوووم على السطح] ]

اسما : آآآآآآه
علايه: تعرفين احس احيانا اني ابغي سالم ومرات ابغي احمد ماعرف منو احب
اسما: انتي خبله
علايه : برووح ايب لنا عصيير
اسما : اوكي

[ رااحت اسووم ويلست على حد السطح ]

مسك حد اسووم من ورى ودزها على الخفيف
اسما :آآآآآآآآآآآآآآه
.....: لا تخافين مستحيل اطيحج
اسما : أنت شو تبغي
.....: هذا سوال
اسما: مايد بطلني
مايد: اذا بطلتج بطيحين
اسما : انت حقييير حقييييييييير

[ رجعها مايد لورى عشان ما اطيح ]

اسما ودموعها في عينها : حقيير ليش سويت جي
مايد:تحبيني
اسما: انت استخفيت
مايد:انت مستحيل تكرهيني
أسما :وبعد مستحيل احبك ,, مستحيييييل انت انسان كريه انت كرهتني بالحب كرهتني حياتي انت صدمتني .. وانا كرهتك كرهتك يا مايد كرهتك كرهت كل يوم قضيته معاك انت اصلا ماتستاهل انت اصلا مب رياال
مايد: جب .. لهني حدج
اسما: هع حراام مايد رووح عند حرمتك تبغيك حراام لا تخليها بروحها

صفعها مايد على ويها وراحت وهي تصيح وفنفس الوقت اتصلت ام امل عشان اذا بتروح احين يصبرونها برع لبست عباتها وطلعت ودعت عليووه ورااحت ركبت السياره بسررعه وقالت

اسما : سلوووم رووح بسسسسرعه

طوول الطريج واسما تكمل صياحها وسالم ساكت
بس فجأه السيااره سررعت
اسما : سلووم خفف السرعه

لفت اسووم ويها صوبهوانصدمت

اسما: انت .. انت محمد
محمد: هي
اسما : عيل سلوم وين
محمد: سلوم انشغل شوي
اسما: بس ليش محد قالي انك انت الي بتوصلني يعني كنت مابتعبك و
محمد: عادي البيت جريب

استحت اسووم وماعرفت شو تسوي وقلبها كاان ينبض بأقوى شي كانت خايفه بنس الوقت مستحيه

[ رن فون اسووم المتصل(( علايه )) ]

كان الفون على السبيكر يعني حموود كان يسمع

اسما: هلا علايه
علايه: اقوولج هذي هب سيارت سلووم ولا سلوم عنده سياره يديده
اسما: لا محمد الي بيوصلني
علايه: منو محمد
اسما: محمد ولد خالهم
علايه: هذاك الي تحبينه
اسما : هاا عليوه بكلمج بعدين بااي
علايه: لييش
اسما: علايه بااي

امااا عن محمد كان مبتسم ماكان يعرف انها اعجبت فيه من اول مره وليش اختارته هو وهي ماتعرف عنه اي شي

ضغط محمد على الريس والسرعه 180

مسكت اسما ايدين محمد
اسما : محمد خفف السرعه
محمد: ليش عادي
اسما: ودمووعها على خدها
اسما : خفف انا اخااف

[ خفف محمد السرعه ]

محمد: سوري ماكان قصدي
اسما :............
محمد: ماكنت اعرف انج تخافين
اسما : لا عادي
محمد: ليش مظايجه
اسما : هب مظايجه
محمد:ليش
اسما: والله هب مظايجه عادي ماصاار شي وومشكوور على التوصيل

توقعاتكم :-
شو الي كان بيقووله خلفان لغلا
ومحمد واسما بيصير بينهم شي ولا لا
هآآآآآآي شحالكم بشرو اشتقتولي هع

هذي قصتي ليديده وانزلت واتمنى مثل ماشفت اقبال على

قصة ياعاشقين اسمعو قصة غرام احكم

اشووف اقبال على القصه اليديده
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غيمـۃ غريبـۃ فيـﮯ سمـآء آڷـأۈرۈغۈآي ..!	مـ » آنسـﮯ هۈآڪ «	عجائب و غرائب	13	07-31-2010 06:50 PM
ليت [ بس مْره ] نتوآجّـۃ ~ صدفـْۃ ۈ \| آلعآإلم ِ صغيّرِ .	›• غَنٍجَ اڷشاُمً ‹•	المسنجر وملحقاته , توبيكات , ماسنجر بلس , msn	8	06-11-2010 12:08 AM
{ .. ۈَعڪۃْ عآطفيۃْ مِنّ ٺخبطْ عآشقْ . . !	Дјறàl Диsǎήһ	الإستراحه العامة	12	03-01-2010 02:50 AM
ۈَعڪۃْ عآطفيۃْ مِنّ ٺخبطْ عآشقْ	قـلب دبـي	الإستراحه العامة	3	08-07-2009 01:11 AM