ابا اعرف كل شي عن تخصص القانون>>بليز ساعدوني - الصفحة 2

آم غـلآ · 02-06-2009, 12:34 AM

مشكور اخوويه ماتقصر...

بتخبرك انزين

الحين لو بس اكتفيت بشهاده البكلريوس وين اقدر اشتغل؟؟

لو فمحكمه شو بتكون شغلتيه وكييف الجو هونييك وكم الراتب

وممكن تقولي كم مساق اخذ لو بغيت اتخرج فـ 3 سنوات ونص __DEFINE_LIKE_SHARE__

تحبني ومعذبني · 03-07-2009, 10:01 PM

[align=center]

المشاركة الأصلية كتبت بواسطة آم غـلآ

مشكور اخوويه ماتقصر...

بتخبرك انزين

الحين لو بس اكتفيت بشهاده البكلريوس وين اقدر اشتغل؟؟

لو فمحكمه شو بتكون شغلتيه وكييف الجو هونييك وكم الراتب

وممكن تقولي كم مساق اخذ لو بغيت اتخرج فـ 3 سنوات ونص

السلام عليكم والرحمة

بالنسبة لسؤالج لو بس اكتفيتي بشهادة البكلريوس وين تقدرين تشتغلين :
يا طويلة العمر عقب ما تاخذين الشهادة حسب علمي :
1 - تدورين لج معهد قضائي وتلتحقين فيه تقريبا تقريبا لمدة سنتين وعقبها تتخرجين وكيلة نيابة
2 - تتدربين في مكتب محاماة وتتدربين عندهم لمدة سنتين وعقبها تستوين محامية
3 - تدورين لج شركة او جهة حكومية وتشتغلين كمحاسبة قانونية
في شغلة ثانية بعد اللي هي تفتحين مكتب استشارات قانونية بس مادري هل بالباكلريوس ولا اعلى من البكلريوس

بالنسبة لسؤالج الثاني لو فمحكمه شو بتكون شغلتيه وكييف الجو هونييك وكم الراتب
شوفي بالنسبة لشغلتج في المحكمة على حسب انتي شو تبين تكونين بعد هالشهادة
يعني اذا دخلتي معهد قضائي ترومين تتخرجين وكيلة نيابة ولج حصانة طبعا فراح تكون شغلتج في المحكمة وكيلة نيابة
ووكيل النيابة شغلة مب بسيطة ترى .. وكيل النيابة شخص له مكانته وهيبته
واذا التحقتي لمدة سنتين بمكتب محاماة واستويتي محامية بتكون وظيفتج محامية طبعا انتي عارفة هالشي
واذا استويتي محاسبة قانونية طبعا سوالف الشركات والمحاسبة القانونية مب مثل وكيل النيابة او محامي
يعني في المحاسبة القانونية اقل علاقة مع المحكمة شوية من وكيل النيابة والمحامي
لها الشغلة علاقة بس اقل شوية يعني ما بتروحين كل يوم المحكمة مثل وكيل النيابة والمحامي
اما بالنسبة للراتب لا تسألين . . . أنتي شوفي المكانة اللي بتكونين فيها وقدري كم الراتب
طبعا راتب كبير كبير
بالنسبة للجو هناك بيكون حار صيفا بارد شتاء .. يعني كراااااااااااااااااااااااااااف

بالنسبة لسؤالج الثالث كم مساق تاخذين لو بغيتي تخلصين في ثلاث سنين ونص
شوفي بالنسبة للمساقات تجمعين عدد المساقات وتقسمينهم على ثلاث سنين ونص بيظهر لج كل كورس كم مساق تاخذين
على فكرة يوم بتقسمين لازم تحددين هل انتي بتدرسين صيفي ولا بدون الصيفي
يعني اذا مثلا مثلا 35 مساق وانتي مب ناوية تاخذين صيفي بيكون عندج 7 كورسات
يعني كل كورس او يسمونه سمستر 5 مساقات لازم تاخذين عشان تخلصين في ثلاث سنين ونص
اما اذا كنتي ناوية تاخذين صيفي بيكون عندج 7 سمسترات عادية و 3 سمسترات صيفي
في الصيفي ما ترومين تنزلين اكثر من مساقين
فأنتي اقسمي مجموع المساقات او المواد على السمسترات العادية والصيفي وشوفي كم بيظهر لج
شوفي .. بخبرج عن نفسي
انا لين الحينة مخلص 4 سمسترات عادية وسمسترين صيفي وكل سمستر أنزل 4 مساقات بس
تقريبا او خلصت نص المواد اللي علي وتقريبا باقيلي 4 سمسترات عادية وسمسترين صيفي أو بالكثير
5 سمسترات عادية
يعني انتي اذا حبيتي تدرسين صيفي وتبين تخلصين في ثلاث ونص بيكون لازم تاخذين في كل سمستر عادي تقريبا 5 او 6 مساقات والصيفي طبعا مساقين بس

أتمنى أني أفدتج بشي
واذا لقيتي في المعلومات التي عطيتج اياها غلط بسيط او شي فالسموحة منج
هذا على حسب معلوماتي اللي اعرفها واللي سمعتها من زملائي في الجامعة
وبالتوفيق ان شاء الله
تحبني ومعذبني[/align] __DEFINE_LIKE_SHARE__

راعـــ الــحــب ـــي · 03-08-2009, 02:14 AM

ما قصر اخوويه تحبني ومعذبني .. قاال لج كل اللي تبينه .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بليز ساعدوني ابغى اعرف جهازي مهكر ولا	محروم.كوم	منتدى أخبار المواقع والمنتديات العربية والأجنبية	0	05-05-2010 11:00 AM
مساعدة كيف اعرف اذا جهازي مخترق او فيه ملفات تجسس	محروم.كوم	منتدى أخبار المواقع والمنتديات العربية والأجنبية	0	03-08-2010 04:00 PM
تداعيات حرق الأطارت ومفهومها حسب شرعية القانون ببلد لا يحكمها القانون	محروم.كوم	منتدى أخبار المواقع والمنتديات العربية والأجنبية	0	03-06-2010 04:10 PM
تداعيات حرق الأطارت ومفهومها حسب شرعية القانون ببلد لا يحكمها القانون	محروم.كوم	منتدى أخبار المواقع والمنتديات العربية والأجنبية	0	03-06-2010 03:50 PM
بليز ساعدوني ابي اعرف جهآآزي مهكر ولآ لآ	محروم.كوم	منتدى أخبار المواقع والمنتديات العربية والأجنبية	0	02-23-2010 09:40 PM