الدنيا حكايات وعلوم

فتنـۂ الـڪِوטּ · #1 09-01-2010, 03:46 PM

ياصاحبي الدنيا حكايات وعلوم.. قصص عجيبة تذهل الي قراها..

الدنيا لو تضحك معك دايم الدوم.. خلك فطين ولايهمك رضاها..

كم واحد تبنى له أمال وحلوم.. يفني وغيره يهتني في بناها..

ياما أفرحت قوم وأحزنت قوم.. وكم أعشقت عين وخانت غلاها..

ياصاحبي شفت أمس شف حالنا اليوم.. دنيا تقلب يكفي الله بلاها..

اليوم لامنه بغت عيني النوم.. تنكدت روحي وعافت كراها..

ماكل من علا بالأصوات مفهوم.. وماكل روح تلتقي في مناها..

وماكل من يشكي معذب ومحروم.. وماكل من يضحك همومه نساها..

بحرالحياه إن صرت ماتعـرف العوم.. يرميك في غبه بعيده مداها..

من راح يستسلم من أحزان وهموم.. يموت حي وحاجته ماقضاها..

واجه هبوب الوقت بإيمان وعزوم.. لابدماربك يهدي هواها..

وأصبر إذا شمسك حجب نورها غيوم.. الغيم بتفرق ويشرق سناها...

__DEFINE_LIKE_SHARE__

الرهيب القطراوي · 09-01-2010, 10:49 PM

يسلمو يا اختييي
فتنـۂ الـڪِوטּ
كلمات روعه صح لسان القائل
وسلمت ايادي الناقل
وننتظر المزيد
وتستحقين التقيييم
&&&
إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور

انا ابدوي ثوبي على المتن مشقوق
مــثل الجـبال السـمر صبري ثـباتي
& الودعاني عاشق الريان القطري &
__DEFINE_LIKE_SHARE__

فتنـۂ الـڪِوטּ · 09-02-2010, 01:52 AM

سلم من قالها
. . __DEFINE_LIKE_SHARE__