-:{ مَ ـآضـِي آلـبَدآوه لـَآ ح َـشى مآنِـملـَه ! ...ّ~*

همس العشق · #1 09-01-2010, 12:10 AM

ـآلـسسٍلآم عليكمْ ورحمة آلله وبركآته

صبحّكم .. مسسآئكمْ الله بالنور والســـــــرور ،
يميــع .*

شــحــالـكم كلــن بـحــالــــه ؟!

ربــكم الــأ بخيــــر .*

عســـأكم مــرتــأحــيـن و مـا تشــكون مـن بــاس

.*

يقـــول :

تاوةٍ ومحمــاس ونجــرٍ ودلــه ،، ودلـــةٍ مـــن الرســلـان ممـــلـاية اقنـــــاد

و بيـــت الشِّعر مبناي من فــوق تــله ،، وحظـــيرةٍ فيهــا معـاميــل وعتــــاد

.*

والضيــف لــي يا فالحظـــيرة مــــحله ،، لـي من لفاهم ضيفٍ عاني وقصّاد

يا مــا حـــلـا فنـــيال ذيك المـــزلّه ،، اللــــي مـــسوّايه علـــى يَمـــر لوقــاد

هـــذي وصـــوف البدو يا فاهم له ،، وصـــف الــــبداوة ليتــــه لنــــا عــــاد

وذبيحـــةٍ للضيــــف مذبـــوحةً له ،، وزقــروا على الضيفان لي قرب الـزاد

.*

يجلس كبير البيت مع خاطــــــرٍ لــه ،، وخــــلـاف يتعشـــون باقيـــن لـــولاـد

وعقب العشا ردوا لحظيــرةٍ لـه ،، وبــدت سوالفــهم عــن رســـوم لجـــداد

.*

راعي البحر يرمس عن ماضيٍ له ،، ولبدوي يسـولف عــن خيــار لجيـــاد

والعيال شلوا ملةٍ فوق مله . . وحلبـــوا مــن الخلفــــات لـــي معهـــم تـــلـاد

يابوه حق الضيـــف في مجـــلسٍ لــه ،، ثـم اغتبــق لنّـــه على نيّـــة رقـــاد

الضيــــف قــــام وطــــاب في مرقدٍ له ،، وكــــل واحد منهم الى منزله عاد

.*

والصبح كلٍ قرّب فوالـــةٍ لـــه ،، وتجمّـــعوا وســـط الحــظيرة على الــزاد

مع ضيفهم ودّوا له اكرامةٍ لـــه ،، ثـــم ودّعــــوه وروّح الضيـــف قـــصّاد

يا زينهم ون ييتهم في المـــــحّله ،، لا واشيـــن معـــهم ولا شـــي حســــاد

لي ييـــت تلقى بو عيـــونٍ مثلـــه ،، يرضّـــف تراحيبـــه مــلايـــين بعــــداد

.*

بــو عيـــونٍ ســودا والهدايب مظلّه ،، والخــــشم ســــلّه بيـــن حياةٍ لـعقاد

امفقــــره عازل عن العود ظله ،، وشــــلت اهــــدابه كنهـــا جيوش بعـــتاد

.*

ما حط هاتف ما سكن وسط فله ،، بيت الشـعر سكنه مــــن تـــراث ليــــداد

يعرف ســــلوك اهله وماضيه كله ،، ويعلّـــم عـــياله مـــن عيـــال لــحفـاد

.*

والبنت تاخذ من العيوز الادلــه ،، وبنت البـــدو تفــرق عـن بنـــات البــــلاد

تحطــــب وترعى وتروي محله ،، وتقــــدم التـــرحـيب لـي رجـــلها عــــــاد

.*

خطرٍ عليــها مـن ذلـــولٍ تشـــله ،، غالــي معـــاها ســـاكن بلـــــب لــــفواد

بـه رحــبت به ســاعة رجع في محله ،، وتبادلواهمس وسوالف على التـاد

.*

وبنــــات هذا الجـــيل لا ما صفـــــن له ،، تركــــنه المــاضي وردن للبــــلاد

تلفــــاز مــع هـــاتف ومـــوتر وفـــله ،، وبشكـــارةٍ متخــصصة حق لـــولاد

.*

حتـــى ولـــدها لي بكــى ما تشــــله ،، ومــــن طــاح ماكل من يديها بعد زاد

يلقـــى اللطافة عند خدامــــةٍ لـــه ،، وان سفّـــروهــا ما هنـــا حــقه رقـــاد

.*

ولــي مــن ضوا الريال قامـــت تذله ،، وتـــريد خـــدامة يـــديدة من البـــلاد

ويقول حاضر وامرها خاضــــع له ،، تكفيـــن بنت العــــم يا لــــب الفــــواد

.*

ثـــم يــــاب خـــدامة عــلى طلبـــةٍ لـــه ،، بـــنتٍ جميــــلة وزعلــت ام لولاد

يا خــوي ياك الجيل رجواك هله ،، رجـــواك وضـــح في تمــاثيل لنشــــــاد

خــــل جيلـــــنا يــــرجع الى ماضـــي له ،، ويتـــرك علـــوم قد وفدت لـلبلاد

ماضي البداوة لا حشــا ما نــمله ،، ولي ما تبــــع ماضــــي يداده فـــلا فـاد

في وداعة الله .. __DEFINE_LIKE_SHARE__

【الهامورة】 · 09-15-2010, 03:11 PM

وعليكم السلام ورحمة الله وبركاته

اختصرتي حياة البداوة بكم من بيت.

هي والله ما نمله..

تسلمين على ما أبديتي وربي يعطيج ألعافية. __DEFINE_LIKE_SHARE__

همس العشق · 09-22-2010, 01:13 AM

المشاركة الأصلية كتبت بواسطة 【الهامورة】

وعليكم السلام ورحمة الله وبركاته

اختصرتي حياة البداوة بكم من بيت.

هي والله ما نمله..

تسلمين على ما أبديتي وربي يعطيج ألعافية.

تسلمين ع المرور الغاوي

ربي لا هانج __DEFINE_LIKE_SHARE__

همس العشق · 09-26-2010, 10:58 AM

المشاركة الأصلية كتبت بواسطة airjorda3lc

thanksJordan Hydro Jordan JAQJordan JumpmanJordan OlympiaJordan Phly

تسلم ع المروور __DEFINE_LIKE_SHARE__

العشق عشقي · 09-29-2010, 03:48 AM

تسلم الايااااادي __DEFINE_LIKE_SHARE__