يا منية الخاطر يالهفةالمشتاق ناطر انا ناطر ولشوفتك اشتاق - الصفحة 77

كليـ ـغلا · 06-15-2009, 07:54 PM

ويـــــــــــــــــن البارت ؟؟ __DEFINE_LIKE_SHARE__

ولد العين وافتخر · 06-15-2009, 09:13 PM

part 27
<<<<<<<<<<<<<<<<<<<<<<<<<<<<<<<<<<<<<<<<<<
ويوم الجمعه عقب صلاه كلهم متيمعين
يزوي:ريموه مته بتربين
ريم:بعدني مطوله
يزوي:اوف ابا اشوف الياهل
ريم:هاي بعدها ما عقلت
يزوي:وين رشود ريلج؟
ريم:عند ريايل
يزوي:بروح اسالم عليه
مريوم:بسيرين جيه
يزوي:هيه شوفيها يعني
مريوم:ما لبسه شيله
يزوي:عادي رشود مثل اخوي
مريوم:هاي بعدها غبيه ولا بعد مخطوبه
يزوي:جب انتي وياها شيخوه تعالي معاي
شيخوه:سيري بروحج ما فيني
يزوي سارت دقت الباب ودخلت
ابو سيف:هلا ولله بيزوي تعالي
يزوي(تسلم عليه):شحالك عمي
ابوسيف:الحمدلله وانتي شحالج وعلومج؟
يزوي:تمام دامني شفتك
ابو سيف:سيري سلمي عليهم
يزوي سوت طاف حق سيف وحمدوراحت تسلم علي رشود
يزوي(تلوي عليه):شتقتلك وايد
رشود:حتي انا شحالج
يزوي:تمام
سيف:طالعو سوتلنا طاف
يزوي:لا اصلان انا احين يايه اسلم عليك
سيف:يلاه تعالي ولا شو تترين
يزوي تسير تسلم عليه
سيف:بوسي راسي يلاه
يزوي(تبوس راسه):تامر بشي ثاني يدي
سيف:لا
يزوي:انا بروح يلاه باي
حمد(يطالعها ومعصب مسوتله طاف جنه مب موجود)
سيف:يلسي بنسولف
يزوي:لا ما ابا بروح حرمت محمد هزبتني قبل ما ايي
محمد:شو قالتلج ؟
يزوي:ماشي سامحه عشان خاطري
محمد:ومنو قال اني زعلان منها
يزوي:وانا تحريتك بدافع عني عشان هزبتني
حمد+هزاع:ههههههههههههههههه
هزاع:وايد مصدق عمرها
يزوي(طلعت وصكرت لباب وراها )
وقبل الغداء
يزوي:كل وحده تمسك عياله اوف راسي بينفجر
مريوم:شو يالسين على راسج
يزوي :شيخوه يبيلي بندول
شيخوه:اشتغل عندج
يزوي:اوف تقهرون
وعقب الغداء فحجرت يزوي:
شيخوه:شوفيج معصبه؟
يزوي:ماشي ما فيني شي
شيخوه:لا قولي شو فيج ؟
يزوي(تعطيها الموبايل):قري اخوج شو كاتب
شيخوه(تقرا):يزوي تعالي بروح نتحوط لا تقولين ما اقدر تر ولله ايج فوق ومطج
يزوي:قريتي خبال اخوج ولا
شيخوه:هذا مينون اقولج طنشيه ما بيي ولا شي ما يروم
يدق موبايل يزوي
يزوي:هذا هو داق
شيخوه:ردي قوليله ما بطلع مب على كيفك
يزوي(ترد):الو
حمد:ها شو قريتي المسج ولا
يزوي:اناس تسلم اول مب جيه
حمد:ولله عاد انا غير عيبج عيبج ما عيبج طز
يزوي:اقول ولله تراني بستوي يزوي ثانيه بخليك تترجاني ارد نفس احين وبعدين شو هل الخبال انا ما بطلع اتحوط معاك انا مب غبيه وبعدين خبال يوم كنت صغيره خلاص راح انس خبالي انا احين تغيرت
حمد:اقول يوم دخلتي ليش ما سلمتي هاااااااا؟
يزوي:استحي اسلم عليك جدامهم
حمد:واحين ليش ما تبين تين معاي تتحوطي؟
يزوي:قتلك انا مب مينونه
حمد:ولله ما بكلج انزين نزلي شويه تحت
يزوي:حبيبي ولله ما اقدر
شيخوه:احم احم انا هنيه
حمد:بسم الله هاي من وين طلعت
يزوي:هههههههههه هاي من صبح هنيه
شيخوه:انا احسلي اروح بس تراكم مصختوه ولله ترا بخبر عليكم
حمد:حطي سبيكر شويه
يزوي:اوكيه (وحطت سبيكر )
حمد:شيخوه تسمعيني
شيخوه:هيه اسمعك قول
حمد:ترومين تخبرين اكبر راس تراني مب خايف ويلاه طلعي برا خلينا انا وخطيبتي ناخذ راحتنا
شيخوه:طردني خطيبج لا هاي قويه واااااااااايد انا زعلت
حمد:زعلي يلاه طلعي
شيخوه(طلعت)
يزوي:حراااااام عليك طلعت
حمد:حياتي ابا اشوفج ولله
يزوي:حمود ردينا قتلك لا يعني لا ما اقدر ولله بيذبحوني
حمد:محد بيعرف
يزوي: هزاع نفس هل وقت ايلس فصاله تحت
حمد:اوف من هذا هزاع ملعوزنا فحياتنا
يزوي:حمود يلاه بخليك بروح اشوف شيخوه شكله زعلت
حمد:ولله خطيبج زعلان وتروحين تراضين اخته
يزوي:طز خطيبي اصلان ابا الفكه منه

حمد:شوووووووووووووووووووووو؟!
يزوي:يلاه باي (وبندت)

وعقب اسبوع فالجامعه :
يزوي:اوف هذا اخوج شوفيه عليي
شيخوه:ما اعرف
يزوي:دقله من اسبوع ولا يرد
شيخوه:دريتي حمد بيسافر الندن اونه عند شغل
يزوي:ادري حتى هزاعوه
شيخوه:وين شموه اليوم ؟
يزوي:ما اعرف قالت بتروح وبعد شويه بتينا
شيخوه:شوفيج زعلانه
يزوي:لانه اخوج مسافر يدورله وحده غيري ما يباني
شيخوه:هههههههههههه شو ستوينا نغار
يزوي(ويها ستو احمر):لا انا ما اغار ولا شي
شيخوه:اوييييييييييييييييييه ستحت (يالسه ادق حق حد)
يزوي:حق منو داقه
شيخوه(طالعته وما ردت عليها):هلا ولله
حمد:اهلين
شيخوه:بسالك سوال وتجوبني بصراحه
حمد:قولي شو
شيخوه:صدق انته رايح ادور وحده غير يزوي فالندن
حمد:منو قال؟
شيخوه:ناس يالسين عندالي
حمد:يزوي قالت؟
شيخوه:هيه منو غيرها ولا بعد تغار
حمد:هههههههههههههههه ساليه كيف عرفت وانا ما قلت حق حد
شيخوه:خطيبج يسالج كيف عرفتي
يزوي:اوف (وراحت)
شيخوه:راحت
حمد:خلها هي قالت تبا الفكه مني

شيخوه:يلاه بخليك عندي كلاس وخطيبك خلتني تر خطيبك عندها واصطات
حمد:لا هاي قويه تخوني
شيخوه:يلاه باي
وصوب يزوي فالكلاس يالسه معصبه وشويه بتصيح

وصوب حمد فاشركه
حمد:هلا حبيبتي
نوره:اهلين حياتي
حمد:وينج ما دقين ولا تسالين
نوره:ولله حبيبي مشغوله
حمد:وين مشغوله حياتي
نوره:شو اسوي عرس اختي باجر وانا اساعدها
حمد:حليلج
نوره:ولله انته من خلاصت جامعه ما شفتك
حمد:حياتي انا مشغول
نوره:شو ها كلنا مشغولين
حمد:شو نسوي هاي ادني
نوره:اخيرن عطيتنا فيس من كم من يوم ايام الجامعه مطنشني
حمد:ولله شو اسوي كنت اعم وما اشوف جدامي هل جمال
نوره(اونه ستحت)

وعقب اسبوع قبل ما حمد وهزاع يسافرون باليله
يزوي كانت تتمشا فالحوش وشافت حمد وراحت صوبه وكان يكلم نوره
حمد:فديتج ولله
يزوي كانت واقفه بعيد شويه وتسمع
نوره:حبيبي لا تسافر ولا بشتاقلك
حمد:حياتي انا امس شايفنج ولله انا احين مشتاقلج
نوره:حمود كم تحبني
حمد:واااااااااااااااااااااااااااايد تعرفين احبج اكثر عن اي شي فدني
يزوي عيونه دمعت وصاحت وكانت بتروح بس حمد صد وراه وشافها
حمد(يطالعها وما يعرف شو يسوي)
يزوي:اكرهك اكرهك يا خين تقول تحبني و تموت فيني وانته تكلم غيري ولا وبعد تقوله احبج
حمد:وانتي ليش يايه تراقبيني
يزوي(تصيح):ما كنت ارقابك كنت اتمشا فالحوش وسمعتك يا حقير شوف انا ما اباك اكره
حمد:ولله فكه منج
يزوي(تصيح):اكرهك حرااااااااام عليك خليتني احبك واخر شي فريتني (وراحت تركض داخل )
اول ما دخلت البيت
هزاع:يزوي تعالي يلسي معاي
يزوي(سوتله طاف وراحت)
هزاع:شوفيها هاي
مريوم:ما اعرف ولله
هزاع:وين محمد ؟
مريوم:طلع مع ابوك
هزاع:اوف ملل
مريوم:انزين اطلع روح تحوط
هزاع:شو تطرديني
مريوم:لا تراك تقول ملان
هزاع:لا ما فيني اطلع عقب كم يوم مسافر
مريوم:اي كم يوم باقلك يوم
هزاع:هيه ادري بس اجذب على نفسي شويه

وصوب يزوي فحجرتها
اتصيح وتزاعج
يزوي:اكرها اكرها
وهزاع ومريوم سمعوه وراح هزاع يركض
هزاع اول ما دخل حجرتها لها يالسه وعلي الارض ما سكه ريوله وتصيح
هزاع:يزوي شوفيج
يزوي(تلوي على هزاع)
هزاع:فديتج شوفيج ؟
مريوم:يزوي شوفيج
يزوي(تصيح):هزاع ما اريد حمد خلاص اكرها
هزاع:شو سولج حمد
يزوي:ما اباه اكرها اكرها

وصوب حمد معصب
حمد عند شيخوه
حمد:شوفي بنت عمج انا ما اباها خلاص ما تقولي هي ما تباني وبعدين انا اغازل على كيفي وهي ما يخصها
شيخوه:حمد انته اهبل حرااااااااااام عليك ليش سويت جيه
حمد:كيفي

كت
*شو تتوقعون بيستوي؟ __DEFINE_LIKE_SHARE__

عسوله_ad · 06-16-2009, 12:32 AM

لووووووووووووول

البارت وااااايييييييييييد حلوووووووووو

نتريا اليديد

لا تتاخر علينا __DEFINE_LIKE_SHARE__

ليتني قلب زايد · 06-17-2009, 03:51 AM

تـسلم خيــوو ~ع~ البــآآرت الغــآآوي^^

ونترقــب البــآآرت نيـــــــــــــــــوو~ْ} __DEFINE_LIKE_SHARE__

شموخ الكتبي · 06-17-2009, 02:23 PM

تسلم خويه ع البارت الغاوي .. يالله انتريا البارت ... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا منية الخاطر يال هفة المشتاق ناطر انا ناطر ولشوفتك اشتاق	ولد العين وافتخر	استراحة قصص وابداعات الاعضاء	3	01-25-2010 01:53 AM
مونتاجي ... موفي يا منية الخاطر ....اهدآآآء لـ { فرعون لندن	كيلوبترا الامارات	الكليبات الخليجيه	4	10-20-2009 08:33 PM
[مجله] : ناطر عيديتكم	محروم.كوم	منتدى أخبار المواقع والمنتديات العربية والأجنبية	0	09-20-2009 02:10 PM
يا منية الخاطر	غانم قطر	نغمــات للهــواتف	11	10-06-2008 08:11 AM
منية الخاطر _ توقيعي اليديد ^^	دمـ العين ــع	تصاميم الاعضاء	15	08-08-2008 02:35 PM