يا منية الخاطر يالهفةالمشتاق ناطر انا ناطر ولشوفتك اشتاق - الصفحة 65

xX 3aLii MstwaY Xx · 05-12-2009, 06:43 PM

يلا عاااد وينك..

والله انا مودرة الإمتحان و يالسة اقراا

يالله ووااااايد طولت نزل البارت قبل لا تبدا الإمتحانات بلييييييييز

>< __DEFINE_LIKE_SHARE__

ولد العين وافتخر · 05-12-2009, 09:10 PM

part25
<<<<<<<<<<<<<<<<<<<<<<<<<<<<<<<<<<<<<<<<<<<<<<
ومرن اسبوعين وحمد بعده فالعنايه المركزه وكل حد حياته زفت ما عاد وحده لي هي امون فرحانه انا حمد بعده فالعنايه المركزه بس عشان ما يرد هو ويزوي حق بعض وامون ستوت تكلم شباب وما يهمه حد

وصوب بيت ابو محمد :
يزوي كانت تعبانه وما ودوها المستشفى ويزوي كانت يالسه هي وشيخوه فالبيت
شيخوه(طالع يزوي ساكته وسرحانه):شو فيج
يزوي:ما ترد عليه
شيخوه:شو فيج يزوي
يزوي(طالعته بنضرت حزن ):ماشي
شيخوه:اقولج شكلج تعبان سيري رقدي
يزوي:ما اريد
شيخوه:انتي شكلج تبين اذبحين عمرج
يزوي:هيه لو حمد مات انا بنتحر ما اريد اعيش اذا هو مب موجود
شيخوه:لا انشاءلله ما يموت
يزوي:شيخوه احس ادنيا من دونه ما تسوى شي

وفالمستشفى كلهم يالسين يتريون اي شي عن حمد
هزاع:ولله شو هل مستشفى مب زين ودوه مستشفى ثاني يتعالج
ابو محمد:ياولدي المستشفى ثاني شو بيسوله يعني
هزاع:على اقل بيعالجونه ما بيخلونه جيه بس نفس هل مستشفى

ومرن شهرين وحمد بعده فالعنايه المركزه وكل حد خلاص فقد الامل ان حمد عيش كل دكاتره قالو بيموت خلاص ابو محمد وابوسيف يقولون بيسافرونه يتعالج بس دكاتره قالو هنيه وهناك واحد
يزوي(تصيح):حمد بيموت لااااا حراااااااااااااااام
هزاع(معصب ما يريد يسمع حد يقول حمد بيموت):خلاص بس جب روحي عني عن احين اصفعج كف
رشود(يشل يزوي عن هزاع ويلسها عنداله):بس يزوي الاعمار بيد الله يعني ادكاتره يمكن مغلطين
يزوي(تصيح):يعني حمد بيعيش
رشود:الله اعلم
يزوي(تصيح ):حمد جنه ميت خلاص انا ما احس انه عايش احسه ميت
وفجاه دكاتره يدخلون عند حمد
يزوي(تصيح):مات مات حمد مات ليش ادنيا جيه حرااااااااااااااااام
رشود:لا تقولين جيه
هزاع:قوله تصكت ولله تر بصفعها كف
رشود:خلاص بس صكتي
الدكتور (طلع من عند حمد):مبروك المريض اقام من الغيبوبه
يزوي(وقفت وطالع ادكتور مستغربه وهي كانت مب قادره توقف على ريوله من تعب كانت ماترقد كل تصيح وما كانت تطيع تاكل وفجاه يزوي طاعت على الارض وغما عليها
كلهم راحو يركضون صوبها وبعدين الدكاتره قالو ارحاق وسواء تغذيه ورقدوه فالمستشفى

صوب حمد الكل عنده
ام سيف:ياولدي ليش سويت جيه فعمرك
حمد(كان يدور يزوي):ما اعرف
هزاع:ولله انك حقير لو ستوالك شي جان انا مت عقبك
حمد:هههههههههههه لهدرجه تحبوني لو دريت انا لحب بيطلع يوم اسوي حادث جان سويت من زمان
ام محمد:لا تقول جيه كلنا نحبك
شيخوه:شتقتلك حمود وااااااااااايد
حمد:حتى انا (يبا يسال عن يزوي بس اذكر قبل الحادث يوم دخل عليه الحجره ولقها تكلم واحد وعصب)
محمد:انا بسير اشوف يزوي
رشود:بيي معاك
هزاع:اصلان احين هي راقده
رشود:عادي يمكن تنش وتبا شي
حمد:ليش شوفيه ؟
هزاع:ارحاق وسواء تغذيه
حمد:هيه
شيخوه:انزين خلوها تولي
حمد(طالع شيخوه بعين شيخوه خافت ):انزين روحو شوفوها انا ما فيني شي
شيخوه:لا انا مشتقتلك وااااااااااااااايد
ريم:انا بروح اشوف يزوي
مريوم:انتي سيري وانا عقب بلحقج
ريم:اوكيه
مريوم:حمود ولله انك مصيبه لعوزتنا
حمد:ما اعرف احس اشكالكم غلط
مريوم:كل منك طالع اشكالنا كيف
هزاع:حتى اخوي قال خلاص ما يبا اختك
حمد:هههههههههههه عاد مب لها درجه
مريوم:يالسين تمصخرون عليي انزين انا سايره عند يزوي
هزاع:حتى بروح اشوف اختي فديته اليوم كنت بصفعها مرتين
حمد:سير فكنا من ويهك
(وكل حد راح عند يزوي وتمت شيخوه عند حمد بس)
شيخوه:انا زعلان من يزوي قالتلي عن لي صار
حمد:خلاص غيري الموضوع
شيخوه:وقالتلي اونه هي كانت تقوله مره ثانيه ما يتصل
حمد:ما تفهمين غيري الموضوع
شيخوه:اوكيه
حمد:شو المدرسه معاج
شيخوه:اروح كنت مرات يعني سبوع وعشره لا ههههههههههههه كل عشان خاطرك
حمد:هيه وانتي مرتاحه ولا على بالج
شيخوه:اكيد
حمد: باجر بداومين
شيخوه:لا ما بداوم بعدين يزوي مريضه
حمد:هي لي مريضه انتي شو دخلج
شيخوه:اوف شو هل حاله حمود قول ابا شيخوه تم عندي
حمد:لا ما اباج هههههههههههههههههههههههههههه
شيخوه:عادي حتى انا ما باك
حمد:يزوي مته بيطلعونه من المستشفى
شيخوه:يمكن باجر
حمد:هيه

وفاليل صوب يزوي الكل عندها
هزاع (يالس على شبريه عندال يزوي):ها بعدج تعبانه
يزوي:لا
هزاع:انتي جذابه يلاه رقدي
يزوي:ما ابا
هزاع:غصبن عنج
يزوي:اوف انته حشره
رشود:شوفيها الحلوه معصبه
يزوي:شلوه عني يقهر
رشود:روح عند حمد وفكنا
هزاع:ما ابا يزوي قمي اروح عند حمد
يزوي:ما ابا
هزاع:على كيفج كنت بطلعج من هل جو
رشود:خلها ترتاح باجر طلعها من هل جو

وصوب حمد
حمد:توكم يتو شكلكم ما تحبوني تحبون يزوي
هزاع:هيه نحب يزوي اكثر منك انته عادي
حمد:مشكور يا ولد العم
هزاع:يور ولكم

واليوم ثاني اصبح يزوي طلعت من المستشفى وردت البيت والعصر كانت بتروح المستشفى يزوي تكشخت بس كانت ما تبا تشوف حمد تحس ما بيسويله سالفه بس غصبن عنه راحت عشان ما يشكون
واول ما وصلو المستشفى :
هزاع:ترومين تمشين ولا اخاف تفضحينا وطيحين
يزوي:كل هل كشخه واطيح
هزاع:لي يشوفج امس يقول خسفه ولا يشوفج اليوم قمر
يزوي:فديت اخوي انا
هزاع:طاعي راحو وخلونا
يزوي:تعالى نشتري حق حمد ورد
هزاع:اوكي
ويوم راحو عند حمد اول شي يزوي دخلت وراها هزاع وكانو يضحكون
يزوي:بس خلاص هزاعوه سلام عليكم
الكل:وعليكم سلام
يزوي(تحط الورد على الطوله):حمد حمدلله على سلامه
حمد(يطالعه وفخاطره يصفعها كف):الله يسالمج
شيخوه(تقم وتلوي على يزوي ):سوري يزوي سامحيني
يزوي:اصلان انا ما زعلت عليج
شيخوه:فديتج يزوي محلوه
يزوي:ثنكيو
شيخوه:يور ولكم
حمد(كان يطالعه ويقول فخاطره ولله انج اليوم طالعه قمر بس انتي خاينه وعصب):هزاعو شحالك

هزاع:ههههههههههههههههههه ياخي يزوي بعدني مب قادر انسا سالفه
يزوي:هههههههههههههههههههه
شيخوه:شو سالفه ضحكونا معاكم
يزوي:انا ما يخصني ما بقول
حمد:هزاعوه انته قول
هزاع:سالفه بين الاخو واخته انتو شو يخصكم
يزوي:هيه ولله رزت فيس
حمد(طالع يزوي بعين يزوي نزلت عينه فالارض)
موبايل يزوي دق
يزوي:هلا
شموه:انتي وشيخوه وينكم من زمان
يزوي:يعني وين راقدين فالمستشفى
شموه:صح سلامات قالولي رقدوج فالمستشفى
شيخوه:منو هاي لي تكلمينه؟
يزوي:شموه
شموه:هلا
يزوي:لا ماشي بس شيخوه تسالني منو اكلم
شموه:انتي احين مع الاهل
يزوي:هيه
شموه:عيل يلاه بخليج وشتقتلج وايد وانا احبج
يزوي:وانا بعد احبج يلاه باي وتيك كير
حمد(عصب يتحراها تكلم علي)
هزاع:يزوي فديتج ترومين ادقين حق رشود وتقوليله انه حمد فشركه انا ابا اسولف مع حمد يلاه دقيله
يزوي:ما ابا زعلانه منه اليوم ما سال عني
هزاع:ليش ريلج عشان يسال عنج
يزوي:هيه ريل اختي
هزاع:دقيله ولا بكفخج وبخليهم يرقدونج فالعنايه المركزه طول عمرج
يزوي:خيبه خلاص بدقله
شيخوه:دقيله
هزاع:احسن شي سويته فينا انك دخلت المستشفى ولا احين نحن مسافرين
حمد:لا تذكرني بسفر كرهته
شيخوه:بعدكم ما كملتو سنه
هزاع(موبايله يدق):انا بروح اكلم بر
يزوي:ههههههههههههه الحب داقه صح
هزاع:ههههههههههههههههههه هيه هاي الحب (وطلع)
شيخوه:هزاع يحب مستحيل
يزوي:اي يحب حبيبتي اتمصخر معاه كل شباب جذابين
حمد(طالعه):صح وحتى البنات خينات
يزوي(عرفت ان الكلام حقها ):انا بروح عند هزاع احس عمري تعبانه وايد
شيخوه:شوفيج لا يكون احين بيغم عليج ولله بذبحج
يزوي:لا
شيخوه:يلسي انا بروح ازقر هزاع
يزوي:لا انا بروح
شيخوه:جب انا بروح (وراحت)
تمو يزوي وحمد فالحجره يزوي تلعب بالموبايل وحمد يطالع اصقف
حمد:اوففففففففففففففففف شو هل حاله
يزوي(طالعته وردت تطالع الموبايل)
حمد:ها شحاله علي؟
يزوي(طاعته):ما اعرف
حمد:هههههههههههه كيف ما تعرفين
يزوي(دق حق هزاع):هزاعوه وينك تعالى ابا اروح البيت (وبندت)
حمد:شو مشتاقتله ومب قادره تكلمينه عادي كلميه
يزوي:انته ليش مب طايع تسمعني انا احبك ما احب علي
حمد:هههههههههههههههه روحي قصي على واحد غيري
هزاع:يلاه قمي
يزوي(بسرعه قمت )
حمد:هزاع يلس توكم ياين
هزاع:بردها البيت تراها تعبانه وبعدين كلهم روحو وبردلك عقب
شيخوه:حراااام يلسو شويه
يزوي:بروح ما اريد
شيخوه:بليز
يزوي:اوكيه
هزاع:يزوي تعبانه
يزوي:لا لا تخاف انا ما فيني شي
هزاع:اوكي
شيخوه:اليوم يوم داومت كل حد يسال عنج
يزوي:حليلهم شتاقولي
هزاع:باجر بداومين
يزوي:هيه شيخوه شو رايج اقص شعري
شيخوه:ما اعرف كيفج
يزوي:بخليه قصير كرهته
شيخوه:اكثر من جيه احين هو لين جتفج شو بتسوينه كري
يزوي:لا هو مب لين جتفي تحت جتفي بشويه
شيخوه:كل واحد قصير
يزوي:اكره الشعر طويل اوفففففففففففتذكرين يوم كان طويل
شيخوه:هيه
يزوي:يمكن اقصه مدرج
شيخوه:اوكي بروح معاج بقص شعري مدرج بعد
هزاع:يزوي يا ويلج اذا قصيتي اكثر من جيه ما احب البنت شعرها قصير
يزوي:اوكي بس عشان خاطرك ما بقصه بس بقصه مدرج على طوله
حمد:انزين تعرف مته بيطلعوني من المستشفى اكرها
هزاع:لا ما اعرف
يزوي:قمي احين اروح اصالون ما عندنا شغله
هزاع:لا ولله على كيفكن تقررن
يزوي:هيه
هزاع:قبل شويه مريضه
يزوي:انا مب مريضه
شيخوه:هههههههههههههه
يزوي:اوف كل شي يقهر فهدنيا لو اموت احسن
هزاع:وتفكينا منج بعد
شيخوه:حرااااااام عليك

وعقب كم من اسبوع طلعو حمد من المستشفى وحمد كل ما يشوف يزوي يطالعه بعين
يزوي:شيخوه هاي مب حاله اخوج طاعي كيف يطالعني يعني لو انا سويت شي بقول استاهل بس انا ما سويت شي
شيخوه:اصلان هو يوم ايبله طاريج يعصب
يزوي:اوكي انا بحب علي وخلي اخوج يموت قهر وقوليله
شيخوه:اوكي
يزوي:خلاص انا حبيبته واذا باجر قالي بيخطبني علي بقوله موافقه
شيخوه:ههههههههههههههههههههههههههههه
يزوي:شو رايج فشعري احين احل صح يوم قصيته مدرج
شيخوه:شكلج حلو تعالي بلعب بشعرج
يزوي:ما ابا
شيخوه:قمي بوديج مكان فنان
يزوي:وين
شيخوه:قمي
يزوي راحت مع شيخوه طلعته فالحوش
يزوي:وين مودتني واين لو هزاع يشوفني بدون شيله بيذبحني
شيخوه:جب خلاص انا بعطيج شيله
وعقب دخلو بيت قوم ابو سيف وبعدين ودتها صوب حجرت حمد
حمد كان فالحجره وسرحان وفجاه تدخل شيخوه ماطه يزوي
حمد:نعم شو تبون
شيخوه:انا يايه اسوي خير فحياتي وصالحكم
حمد:دخلو وصكرو الباب وراكم
شيخوه تمط يزوي من ايدها بالغصب
يزوي:فجي ايدي خلاص ولله ما بشرد
شيخوه:اوكي
يزوي:عطيني شباصه
شيخوه:ما عندي فحجرتي
يزوي:بسير ايبلي شباصه
شيخوه:لا ما يحتي شعرج حلو ولله
يزوي:ما ابا
شيخوه:مب على كيفج اصلان
يزوي(تروح صوب المنضره وتيلس طالع عمره):قولي بسرعه شو تبين
شيخوه:انتوالثنين بسكم زعل من بعض
يزوي:انا مب زعلانه من حد
شيخوه:انتي جب
حمد:انزين شيخوه كملي
شيخوه:ماشي اتراضو وخلاصوني
حمد:ليش علي ودرها
يزوي:قوليله ما ودرني وقوليله الكلام لي قتلج ايه توني فالحجرتي
شيخوه:ما اذكر شو قلتي
يزوي:علي حبيبي و لو باجر خطبني انا وموافقه
حمد(عصب وقم وراح وقف عندال يزوي):سمعي ولله لو علي حاول بس يخطبج بذبحج انتي وياه فاهمه
يزوي:لا مب فاهمه فهمني
حمد(معصب):انتي ما تفهمين بالكلام
شيخوه:بس خلاص حشرتونا
حمد:انزين خليها تصكت
وتمو يضاربون وما تراضو

اليوم ثاني فالمدرسه
يزوي شافت علي ياي صوبها
يزوي:شكله ياي عندي وبتزيد المشكله
علي:الحمدلله على سلامه ما تشوفين شر
يزوي:الله يسلمك اشر ما يك
علي(يكلم شيخه):الحمدلله على سلامات اخوج
شيخه:الله يسلمك
علي:انا سمعت من امون ان انتي وحمد متزاعلين ودقيتلج بس شكلي سويت مشاكل
يزوي:سوتلي الا مشاكل مصايب
شيخوه:يعني امون لي قالتلك تتصل
علي:هيه بس قوليلي شو ستولج
يزوي:حمد يتحراني احبك وعشان جيه سوا حادث لانه معصب مني واحين كارهني
علي:ولله انا اسف كيف اقدر اساعدج تبيني اقوله ان انا كنت داق وانتي هزبتيني وما يخصج
يزوي:قوله اصلان لو صدق
علي:لا اكيد بيصدق
شيخوه:اخوي عنيد خلاص ما يباج بس ما بيخليج فحالج
يزوي:ولله اكبر غلط سويته يوم حبيته اغنيلكم اغنيه
شيخوه:هيه
يزوي:الله يسامح يوم في حقي اخطيت ولا انا ما سامح ادهر كله ما سمحك يوم انته عني تخليت غلطت زماني يوم طعته وحبيت
شيخوه:يحليلج يا يزوي

والعصر علي دق حق حمد
حمد:الو
علي:سلام عليكم
حمد:وعليكم سلام منو انته؟
علي:انا علي
حمد:اي علي
علي:علي ولد خال راشد
حمد:شو تبا داق
علي:داق اقولك شي خطير
حمد:شو قول وفكني
علي:ترا انته ضلام اليازيه وايد انا كنت داق ابا اكلمها بس هي هزبتني ولله ما اقص عليك
حمد:شو يثبتلي كلامك
علي:كل شي واضح اصلن هي ما تحبني ويوم تشوفني تعصب
حمد:اوكيه انا بصدقك بس هل مره ولو طلعت جذاب ما تلوم الا نفسك
علي:صدقني اصلان يزوي بتموت اذا تميت زعلان عليها
حمد:انزين بخليك احين بدقلها
علي:اوكي باي

وصوب يزوي كانت يالسه ترسم بدال ما تدرس وفجاه يدق موبايله حتى ما شافت منو متصل بس جيه ردت
يزوي(من غير نفس):هلا
حمد:اهلين شحالج؟
يزوي(تطالع موبايل تشوف الاسم ما مصدقه ان حمد داق):تمام
حمد:يزويتي انا اسفه
يزوي(تتغل):انا مب يزويت حد وما بسمحك كيف تشك فيني
حمد:اسف ولله اسف شو تبيني اسويلج عشان تسامحيني قوليلي
يزوي:بتسويلي اي شي
حمد:هيه
يزوي:اممممممممممممممممم
حمد(يقاطعها):ولله لو ما سمحتيني احين ايي عندج الحجره
يزوي:لا لا لا خلاص سامحتك
حمد:هيه جيه اباج
يزوي:هههههههههههههه
حمد:شو تسوين
يزوي:اوني ادرس بس انا يالسه ارسم
حمد:يا سلام ولله يبالج حد يصفعج كف شو ترسمين؟
يزوي:ما يخصك
حمد:انزين انا ما يخصني اوكي براويج
يزوي:شو بتسوي
حمد:بتعرفين عقب
يزوي:اوكي ههههههههههه
حمد:يزويتي ليش قصيتي شعرج
يزوي:ليش مب حلو
حمد:لا طالع فنان بس ليش ما ستاذنتي من خطيبج
يزوي:ومنو خطيبي؟
حمد:احم احم انا
يزوي(ستحت وما قالت شي)
حمد:شو مب عيبنج اني خطيبج يعني
يزوي:لا غصبن عني عيبني فديت خطيبي انا
حمد:علني افداج
يزوي:اقولك انا اليوم ما شفت هزاعوه من رديت المدرسه
حمد:شوياب طاري هزاع احين يعني
يزوي:شتقت حق اخوي حراااااااااااام يعني
حمد:شو رايج باجر اخطبج
يزوي:لا يوم اخلاص جامعه خطبني
حمد:ولله وانا اتري ها كله ليش بتريج تخلاصين مدرسه بس
يزوي:وانا مب وافقه عليك
حمد:وانا اذا ما وفقتي بدور غيرج عادي
يزوي:اوكي يلاه باي روح دور غيري
حمد:هههههههههههههههههههههههه خلاص يلاه باي الحبيبه ثانيه تتصل
يزوي:منو هل حبيبه ؟
حمد:وحده
يزوي:منو هل وحده قولي
حمد:ههههههههههههه يا ويلي على لي يغارون
يزوي:انا ما اغار من واحد خاين
حمد:افااااااااااا هاي قويه انا خاين
يزوي:هيه وستين الف خاين يلاه باي
حمد:يزوي شوفيج
يزوي(بندت فويه )

واليوم ثاني فالمدرسه
امون مرت صوب يزوي وكانت تصيح يزوي طالعته وعقب صدت عنها
شيخوه:شوفيها تصيح
يزوي:ما اعرف ما تهمني
شيخوه:صح خليها تولي
امون(يت صوب يزوي وامون تصيح):يزوي اباج فموضوع
يزوي:قولي عادي شيخوه مب غريبه
امون:يزوي انا رحت فيها خلاص
يزوي:ليش
امون:في بنت قصت عليي وقالتلي اكلم واحد وكلمته واحين قالت بتخبر سعود
يزوي:وشو اسويلج يوم انتي انسانه حقير(وراحت)

واول ما ردت يزوي البيت راحت حجرتها واول ما دخلت الحجره شافت حد منسدح على سريره
يزوي(تتحراه هزاع راحت يلست عنداله وباسته على خده):هزاعوه شو تسوي فحجرتي
حمد(يصد ويطالعه):لان امس زعلت حبيبتي مني فيت اراضيه
يزوي(ويزوي على طول قمت من عنداله ):خيبه انته شو تسوي هني وكيف دخلت هنيه
حمد:شو فيج خايفه انا يت هنيه بدون محد يعرف
يزوي:حمود ولله بتسويلنا مشاكل
حمد:ما بسوي مشاكل انا ياي اعتذر
يزوي:خلاص سامحتك بس بسرعه طلع من هنيه
حمد(فتح الباب بيطلع):صح شكرا على البوسه وطلع
يزوي ستو يها احمر

وعقب 3 سنين
محمد عرس وعنده ولد وبنت ومريوم حامل ورشود عرس وخذ ريم وريم احين تموت فيه وعندهم ولد وريم بعد حامل وهزاعوه وحمد خلاصو دراسه ويشتغلون فشركه وهزاعوه خطب شموه ربيعت يزوي شافه يوم يت عندهم البيت وعيبته وحمد خطب يزوي وشيخوه خطبها علي وشيوسيف عرس وخذ وحده اسمها فاطمه وعنده وبنت ويزوي وشيخوه فالجامعه يدرسون بزنس بعد وميره وخالد بعدهم فالمدرسه

فالجامعه ساعه 12 فالكفيه مالت الجامعه:
يزوي:اوف كم باقي عن الكلاس
شيخوه:باقي ساعه
يزوي:اوف شو هل حاله
شيخوه:اليوم الخميس
يزوي:هيه وباجر كلهم بيون وبيستوي البيت حشره
(ترا كل جمعه يتمعون )
شيخوه:هيه ولله انا من احين راسي يعورني
يزوي:اوف انا ابا ارقد خلاص
شيخوه:امس ساعه كم راقده
يزوي:ساعه 3 الفليل
شيخوه:يا سلام وليش لا يكون تكلمين حمود
يزوي:لا كنت يالسه اسوي البروجكت
شيخوه:هيه
وتي ربيعتهم شموه
يزوي:يا هلا ولله بخطيبت اخوي
شموه:اهلين اقول يزوي تعالي بيتنا اليوم
يزوي:اليوم لا ما اقدر انا ابا ارقد تعبانه
شموه:ولله تقهرين شيخوه قولي حق اخوج يفصخ الخطوبه خلها تتادب

شيخوه:انشالله بقوله عشان يجوتني هناك
يزوي:اصلان هو ما يروم
شموه:وااااااااااايد واثقه الاخت
يزوي:هيه اكيد بكون واثقه

وصوب حمد فالشركه :
حمد:انزين خلاص تقدر تروح احين
الريل:اوكيه (ويطلع)
حمد:اوف شو هل حاله (ويدق حق يزوي)
يزوي:هلا ولله
حمد:اهلين انتي وين احين
يزوي:فالجامعه
حمد:اوف ولله شتقتلج بمر احين بشلج
يزوي:لا سوري خبال يوم كنت صغيره خلاص انا ما بعيد اتجربه مشكور
حمد:يعني تحرميني من شوفج
يزوي:لا ما حرمتك اذا تبا تشوفني تعالى البيت بتلقاني
حمد:ما ناخذ راحتنا
يزوي:حمود ولله انته بتودينا فستين داهيه
حمد:هههههههههههههههه لا عاد انا حبيبتي ما اسويله مشاكل
يزوي:انته وين ؟
حمد:يعني وين بكون غير فشركه
يزوي:هيه وشو شغل ؟
حمد:الله يا خذ اشغل قوليلي كم باقي عن نعرس ما اقدر اصبر
يزوي:باقي سنتين يوم اخلاص الجامعه
حمد:اوف يعني انتي احين لزم تخلاصين جامعه
يزوي:هيه لزم
حمد:اخاف اموت وبعدنا ما عرسنا وكل من هاي الجامعه
يزوي:لا بسم الله عليك
حمد:وين شيخوه ؟
يزوي:شيخوه يالسه مع شموه وانا يالسه بعيد عنهم
حمد:تعرفين انا خلاص كرهت اشغل مب حاله هاي
يزوي:هههههههههههه توك بادي تشتغل
شيخوه:يزوي يلاه علينا كلاس
يزوي:يلاه بخليج احين عندي كلاس
حمد:هههههههههههه تر انا حمد مب وحده
يزوي:اعرف مب غبيه انا بس يلاه بخليج احين وتيك كير حياتي
حمد:اوكيه غناتي باي

وصوب امون امون قبل سنتين اهلها زخوها تكلم واحد اسمه سالم ويوزوها اياه وكل يضربه ويعامله جنه شغالته
سالم توه داخل البيت وشاف امون تكلم حد علي تلفون وعلى طول اول ما دخل بندت
سالم:منو تكلمين؟
امون:اكلم امي
سالم:ههههههههه وايد صدقتج اكيد تكلمين حبيب القلب
امون:سلوم انا ولله كنت اكلم امي
سالم:جذابه نفس ما كنتي تكلميني اكيد تكلمين غيري(يزاعج)قوليلي منو تكلمين
امون:ولله امي ولله اكلم امي
سالم(يضربها ):قولي منو تكلمين قولي
امون(تصيح):ليش خذتني اذا تشك فيني
سالم :غصبن عني خذتج عصبن عني ولا انا ما اخذ هل اشكال
امون(تصيح):حرااام عليك انزين اذا خذتني غصب طلقني ما اباك
سالم:هيه عشان تزوجين لي كنتي تكلمينه
امون:حراااام عليك

كت
#شو تتوقعون بيستوي؟
البارت الياي بنزل عقب شهر وسموحه منكم __DEFINE_LIKE_SHARE__

النيادي مجنون · 05-13-2009, 12:06 AM

مرحبا الساع
شحالك اخوي ولد العين وافتخر

الصراااحه البارت طررونتريا البارت اليديد __DEFINE_LIKE_SHARE__

كليـ ـغلا · 05-13-2009, 12:10 AM

يسلمووو ع البارت ... __DEFINE_LIKE_SHARE__

ذبحــ الحب ــني · 05-13-2009, 01:06 AM

يسلمووووووو بصراحه البارت روووعه وبانتظارك الشيخ بالبارت الثاني __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا منية الخاطر يال هفة المشتاق ناطر انا ناطر ولشوفتك اشتاق	ولد العين وافتخر	استراحة قصص وابداعات الاعضاء	3	01-25-2010 01:53 AM
مونتاجي ... موفي يا منية الخاطر ....اهدآآآء لـ { فرعون لندن	كيلوبترا الامارات	الكليبات الخليجيه	4	10-20-2009 08:33 PM
[مجله] : ناطر عيديتكم	محروم.كوم	منتدى أخبار المواقع والمنتديات العربية والأجنبية	0	09-20-2009 02:10 PM
يا منية الخاطر	غانم قطر	نغمــات للهــواتف	11	10-06-2008 08:11 AM
منية الخاطر _ توقيعي اليديد ^^	دمـ العين ــع	تصاميم الاعضاء	15	08-08-2008 02:35 PM