قلبي خذاه لي ساكن العيــــــن - الصفحة 11

سماراااا · 01-21-2009, 06:32 AM

يعطيك الف عافيه على البارت روعه

نتريا البارت اليديد __DEFINE_LIKE_SHARE__

Β!Ŋ ṀẪŊŞŐЧŘ · 01-21-2009, 12:20 PM

فحجرة الريم

حموده: الريامي اممم اقووول شواخي علومهااااا؟
الريم: الحمدالله ما تشكي بااااس ما خبرتج خلاص هي بتوااااااافق على نهيان اقتنعت فيه
حموده: صدددددددق؟!!!
الريم: تدريين اخير يوم وافقت والله ما بتلقاااااااااا اخير عن نهيان لانه صدق صدق ريال ونعم فيه انا شفته يوم السفر وهو ويا هله يعني حسيته ريااااال تعتمديييين عليه
حموده: زييين بس اهم شي تكون مقتنعه فيه
الريم: هيه اكييييييد رمستها كم مررررة وقالت لا مقتنعه ونهيان يحبنيه ويبغينيه وحموده اصلن الريال ما طالع بنيه من عقب ما توفت حرمته الا شواخي جذبته احسه صدق يحبهااا ويباهاا
حموده: اها زيييين والله تدريييين فطيم مرتبشه صدق وتدريين دووم نعلق عليها سيف وسيف وهي تعصب منا ههههههههههههه
الريم: هههههه الله يعينها عليكم والله زيييييين سيف مرة دقليه وقال علومها فطيم وهب محتايه شي تحيدين يوم دقيتلج من قبل
حموده: هيه ثره هو الي قالج؟
الريم: هيه هوووو تدريييييين حتى هو مرتبش عرسهم ف الربيييع ونحن ما فصلنا يلا وييين بتفصلون بوظبي والا دبي؟
حموده: ماااااااعرف بس صدق لازم نفصل
الريم: انا بفصل ثنين واحد حق عرررس سيف وعرررس فطامي ترا عرس فطامي امرة عقب عرس قوم سيف باسبوع تقريبن
حموده: صددددددق ونتي ؟
الريم: امممم ماعرف يمكن ف الصيف لانه مستحييييييل فالربيع والله ما طيييييييع هب عكييييييفه
حموده: هههههههههههه هيه اونه هب عكيفه الريييييم انتي مقتنعه فيه؟
الريم: اممممممم هيه واااااااااااايد تبييين الصدق حموووده انا وايد يعيبنيه وبعد لو تبين الصدق انا احبه
حموده فاجه عيوناتها: شووووو تحبيييييييينه كيف ومتى ؟
الريم: اممم مااعرف بس الي اعرفه انيه احبه ويحبنيه
حموده: اهاااااااااا عسب جي ما كنتي مقتنعه فسالم
الريم: تبييين الصدق هيه بس خلاف قلت عادي الين سالم ما رمسنيه وقال لو ما تبينيه خلاص
حموده: اهااااا يحيج امم الريم لييييييييييش ثاااااااني ظهر معصب؟
الريم: ليش هو ظهر معصب؟
حموده: هيه واااايد حتى رويض ترمسه وطبهاااااا
الريم: ايوااااااااا تدرين بس يا مرة ثانيه وقاليه رفضي هزاع وبخطبج انااا واونه اخر مرة اترجاج واقولج ولو ما تبين برايج وانا قلتله لا ما برفض هزاع ماعرف قال رمسه وايد اونه مل يتمرغ فواديه في ثراج وظهر عنيه
حمودة: اهاااااااا
الريم: امممم حموده انتي بعدج تحبين ثاني ؟
حموده: شوو اممممم ماااااااااااااعرف الريم يوم اشوفه احس بحساس غير والله وبعيد عن شوفه اقول ما حبه وعادي عندي بس الي اعرفه اني يوم ابتعد عنه وما شوفه فخاطريه بس اشوفه اتياحد وياااااااه والله ماعرف بشعوريه صوووبه حب والا لا
الريم: اهااااااااا احسج تحبينه بس تدرييييييين ثاني وايد وايد تغير ما لاحظتي انه امررررة ما قاليه رمسه من رمساته الاوليه حتى اسلوبه وياج تغير بس استوا احسن عن قبل والله استاااااااااانست
حموده: هيه لاحظته واااااااااايد تغير بس شو الي غيره؟
الريم: مادري هب مهم اهم شي انه استوا اخير حمووده شو سااااااالي الحيييين؟
حموده: تدريييييييين وايد اوكي حسيتها تغيرت الحييين اناا دوم ايلس عندهاااا وسوولف بدت تتعود ع غياب يدووووه الله يرحمهاااا يعني انا اقولها اشياء ان ختمي القران عنها وترحميلا وتغفريلهااا هالي تسوينه ما بينفعها ولا بيردها للحياه احسهااا خلاص اوكي ويانا تنزل الصاله وتسووولف
الريم: هيه زييييييييييين والله فديتها سالي

اليوم الثاني
فبوظبي
بيت عبدالله ( بو خالد)
بو خالد: شعنه انته مستعيل ؟
هزاع: ابا اعرس ما فيه صبر انزيييين ليش يعني ما تخلوونه ف الربيع وييييين الصيف بعده واااااااايد
ام خالد: جييييييييه يا ولديه والبنيه ما زهبت ولا شي ونحن حتى مهرها ما عطيناهااا شعنه جذه متواااااكل
هزاع: انزيييييين بنعطيهم وتتشرى الحين انتوا شاورووهم
ام خالد: انا هب موافقه شقايل هم بيوافقووون هزاع ولديه هذا عرس ويباله زهاب وتشري هب الا جذه مني والدرب
هزاع: والله ما عندكم سااااالفه ياخي يلا انزين انتي دقي شاوريهم
بو خالد: اسمييييك ملوووث ما يسوى علييييك هالعرررررررس
هزاع: يابوي انا اسهر والملا رقود يا بوي انا عفت المنامي يا بوي انا لي قلب مصيود مصطاب من الحال والقوامي يا بوي انا اشكي ناعم العود يالي عليه القلب ضامي لا تلومني يا بوي بالزود انا المتيم بالغرامي لو دون وصله داروا حشود ما همني كثر الكلامي بيني وبينه لزم وعهود موثقه له بحترامي يا بوي احبه حب مفنود والي شراتي ما يلامي وفالروح حبه دوم موجود ويا بوي هايم به هياميمقصود واحن له حن الضوامي
بو خالد: لالا اسميييييك يا ولدي متخشع ورايح بخرايطهاااا
هزاع: هيه والله يا بووووووي حبها خشعنيه تخشيييييييييع
ام خالد: انزيييييين انا بشوووفهم لو اني ادري ما بيطيعووون جيييييه البنيه بعدهااا
هزاع: انزيييييييين هي لا تاخذ واااااااااااايد خلاف يوم باخذهاااا تاخذ الي تبغييييييه
بو خالد: شوفيهم ترااا ولدج امررررة ما يتناغاااا
ام خالد رمست ام زايد بس ام زايد ماطاعت لكن قالت بشااور ابو زايد والريم
فالصاله
ام زايد: هااااا بو زايد شالراي؟
بو زايد يهز راسه: لالالا شو هي لعبه هالعرررررس وغير ان هذا عرررس غنااااااة الفواد الريييييم وزهابهاا اباااااه يكون احلى زهاب انا عني امرررة هب موافق وشعنه بعد هزاع مستعيل
ام زايد: هههههههههههه شدرانيه بعد فييه اونه مافيه صبر يبا يعرررس
بو زايد: انا عني امرررة هب موافق خليه يصبر هاذي بنيتيه الغاليه وابا عرسها اغوى عرس
الريم توها داخله ( يايه من الجامعه): السلام عليييييييييييييكم
بوزايد + ام زايد: وعلييييييييييكم السلام والرحمه
ووايهت ابوها وامهااا : مرحبااااااااا والله بطيووور الحب علومهم؟
بو زايد: عااااااااااش والله امرررة رقيييييص ونتي علومج وعلوم الجامعه؟
الريم: والله امرررررررة طيبه طاب حالك
ام زايد: عيل اليوم ماااا بطيتي فالجامعه جيه ما عندج شي؟
الريم: اووووووووووف ماليه خاطر والله مليييت وجان اطنش
ام زايد: مسودة الويه وشعنه طنشيييييين جييييييه تبينهم يكتبونج غياب؟

الريم: عادي عادي اميه والله كنت تعبانه وراسيه يعورني
ام زايد: انزيييين عيل باجر رمسيهم قوليلهم لا تكتبوني غياب راسيه يعورني هب الا جذه طنشيييين يلا لازم اوديج الدختر نيب ورقة عذر
الريم + بو زايد : ههههههههههههههههههههههههه
الريم: لا اميه هذي هب مدرسه غيييييييير والله ما يمسحون غيابج لو كنتي مسويه حادث
بو زايد: مشكله الي ما كملت الجامعه ولا تعرف( يغايض ام زايد)
ام زايد: ماعليييييييه ان ما كملت وطلعت دختوووره والله لرويكم ترااااك انته خربت مشتقبليه وخذتنيه وانا تونيه مخلصه اول ثانوي
بو زايد: شسوي عاده حبييييييييتج ههههههههههه لالا خلج جذي هب جامعيه اخير
الريم: احم احم شوف ابويه ترا اميه استحت هههههههههههه خف عليها ياخي هب جداميه اميه حياويه
ام زايد: والله ما عندكم سالفه اقوول الريامي
الريم: يا عووووووونج اميه
ام زايد: عانج الرحمن بس ترا خطيبج هزاااااع امررررة مستعيل ع العررس جنه حد يربع ورااه
الريم استحت: شقايل يعني؟
ام زايد: اونه يبااااااه فاجازة الربيع
الريم : لا والله هب عكييييييييفه هو ريال انا بنيه وما خلصت ولا خذت طشه
ام زايد : ادري ترا نحنا هب موافقيييييين وحتى ابوج هب موافق
بو زايد: صددددددق خليه ما شي عرررررررس الين الصيف بعد شهر 8 خله يتحمل
الريم: صدقه ابويه وشعنه هو مستعيل؟ وهو يدري انيه ما تزهبت
ام زايد: مادريبه اونه امه تقووول ما فيه صبررررر يبا يعررررررس
الريم : هههههههههه
بو زايد: شو يسوي تراااااااااه الريال طااااااح في هواج هب هينه يا بنت حمد ثرج علوم
ام زايد: ونته شدراااااااك؟
بو زايد: والله ذاااااك اليوم يقول يحبهاا ويبا العرس بسرعه ما يبا يبطي
ام زايد: هيه زيييييييييين زيييييييين والله بس انا برد عليهم وبقولهم ماشي عررررس لين الصيف والبنيه تراها له ما بطييييير
الريم ( فدييييييييته والله بس صددددددق هذا فضيحه ما خلا حد ما قاله انه يحبنيه حتى اميه وابويه ما سلمووو ههههههه)

ويوم ردت عليهم ام زايد هزاااااااااااااع تم محتشر خص ان قالوا الريم الي ما طاعت وساااااااار عند فطامي
هزاع: اييييييه شفتي ربيعتج خقااااااااقه انا ما صدقت اخطبها عسب اعرررررررس وبعدها تبا تصبرنيه الين الصيف خييييييييييييبه وايد والله وايد كم شهر بااااااااااااقي لا وبعد الين شهررر 8
فطامي: خيييييييييييييييبه خيبه شعنه معصب جذي انزييييييين صدقهاااااااا انته شعنه مستعيل هي بعدها ما تزهبت ولا شي
هزاع: شو يعني بيكفنهااا شهرييييييين والا ثلاثه ترااااه الا زهاااااااب
فطامي: لا والله يعني تباها تاخذ اي شي عيل شقايل تباااهاااا تتزقرتلك صددددق انك ملغووث على هالعرس

هزاع: هي مغيره رقمها ؟
فطامي: ليش؟
هزاع: بسسس قولي.؟
فطامي: هيه مغيرتنه
هزاع: اهااااا انزيييييييين كم رقمها اليديد عطينيه ايااااااااه؟
فطامي: والله ماعطييييييك وهي حالفه عليه ما عطييييييك
هزاع لوى ايد فطامي : والله واستوييييييت لعبه بايد البنياااااات هب عكيييييييفج يلا عطينيه؟
فطامي: عيل والله ماعطييييييك اييييييييه بتكسر ايديه بخبر علييييييييك ابووويه ايييييييييييييييييييه منووووووووع حمدااااااااااااااااااااااااان
مانع: شفييييييييييييج تباغمييييييييييييين
فطامي: شووووووووف خوووووووووك حشااا انا عرووووووووس المفرووووض دلعونيه والله بخبر علييييييييك ريليه
مانع: هههههههههههههههههههه تستاهليييييييييين كسرهاااااااااااااا هزاع وظهر عنهم
حمدان: شهالصدعه؟
هزاع: شو بعده ما عورج يلا بسررررعه قلتلج اباا بس اطرشلها مسج ما برمسهاااااااا
فطامي: اااااااااااااااااااااااااااااااااااي عيل والله ماعطيييييييك ادريبك اخوووويه تسوي اي شي حمدااااااااان اااااااي شوفه يبا يكسر ايديه وانا ما باقي على عرسيه الا شهرييييييييين اااااااااااااااااااي الله ياخذك يا هزاااااااااع
حمدان يحاول يبطل ايد فطامي: شفيييييييك انته استخفييييييييت خلهااااااااا ياخي الحين فطامي عروووس
هزاع: هههههههههه شسوي ياخي والله ابا رقم وما طيع تعطينيه ايااااااااااااااه
حمدان: رقم شوووو؟
فطامي: رقم خطيبته المصوووووووووووون يبا رقمهااااا وانا حلفت ما عطييييه
حمدان: هيه لا تعطييييييينه هذا عادي يتم يدقلها ويرمسها اخووووووووويه واعرفه
هزاع: هههههههههههههههههه كيفيه خطيبتيه تراهااااا اقوولج مابا منج شي وقولي حق ربيعتج بتشووووف وقوليلها زعلت منهااااااااااا ولا برمسهاااااااااااا
فطامي: هههههههههههههههههههههه عادي انزيييييييين زعل بو يعل اونك انته زعلان من متى تزعل اصلن انته اذا الريم رمستك بترمسها وبتنسا انك زعلان ههههههههههه
هزاع: جب جب انتي لا تخلينيه احلف انيه ما رمسهااا
فطامي: يلا احللف عادي ماحد غيرك بياكلها هههههههههه
هزاع: ما بحلف كيفيه شو انا ع شووورج والله بظهر اناااااا ويمكن اسير العيييييييين
فطامي: صدددددددددددق عيل ورفجه تشلنيه وياااااااااااك
هزاع: يلا يلا مناك تونيه اتراشاااااج عسب تعطينيه الرقم واصلن اذا سررررررت بسير ويا سعيد ولا تحاتيييين ما بسير صووب بيت قوم الريم بنسييييييير نحوط ف الموول نطالع غراشيب العين يقولوون العيناويات غاوياااااااات
فطامي: والله ياخبر عليييييك الريم تغازل انزييييييين لا تخرب خطيبيه لو سمحت؟
هزاع: ههههههههههه ضحكتينيه وانا مافيه ضحكه لا والله نحنا بنشاوركن يوم نبا نغازل جيييييه بعدنا ما عرسنااا يوم بنعرررررررس ذيج الساعه بنحاسب اقولج واذا بتين تخبريييييين الريم خبريها عادي شو يعني تراهاا مغيره رقمهااااااااااا والا ع طاري سعود ترا حاسبي ع خطيبج امررررررة ما خلا بنيه فحالهااا كل ما شفنا وحده رقمهاااا حتى لوووووووو خاله هههههههههههه
فطامي عصبت: انزيييييييين سير انته وياااااااه شو يعني غازلووووو ما يهمنيه والله
هزاع سار صوبها: اوووه تغااااااار الريم بعد بتغار عليه شراتج لالا اجذب عليج حليله سعود من يوم خطبج ما رقم بنيه بس انا عادي بعدنيه شسوي يا ختيه والله البنات يرقمنيه والا انا من زمااااان عايفنه الترقيم والمغازل
فطامي: ويا راااااااااااااسك مصدددددددددق عمرك اونه البنات يرقمنه سير سير اخررررررط على وحده غيريه ويوم الريم بتزعل وبتعصب منك لا تقووووول ليش لانه علومك بيوصلنهااااااااا
هزاع: خيييييييييييييبه اسميج سي ان ان برايج خبريهاا وانا هب جذااااااااب تخبري خطيبج بعد فديتنيه مزيووووووووون شسوي اصلن الحين الموضه البنيه ترقم وتغال الريال هب الريااااااااال
فطامي: انزين سير سير
هزاع ضربهااا ع راسهااااا: يلا تشااااااااااااو
فطامي: اااااااي يعلك المرررررررررررض

ف السيارة هزاع ويا سعيد
سعيد: شفييييييك معصب بعد؟
هزاع: يااااااااااااخي احسدك انته بتعررررررررس الحين جريييييييب وانا عرسيه الا عقب سنه
سعيد: شقاااااايل يعني؟
هزاع: اقوولك كنت ابغي عرسيه شراتكم فاجازة الربيع هذي الي فنص السنه بس ماطاعوا اونه بعدها ما زهبت يا خي ابا اعررررررررس ملييييييييت ولا بعد اونه اميه تقوووول ما شي عرررررس لين شهر 8 خيييييييييييييييبه شووف وانا بعدنيه بصبر عنبووه من عررررررررس
سعيد: انزييييييين وشعنه انته كذيييييه مستعيل هيد طشونه لازم تزهب البنيه
هزاع: يا خي مليييييت كم بصبر ولا بعد تعرررررررررف انها غيرت رقمهااا
سعيد: زيييييين تسوي عسب ما تتصلبها
هزاع: حتى انته ياااااااخي ماقدر اصبر
سعيد: شفيييييييييك هب انته الي تقول ما تعيبك الحرمه الي ترمس خطيبها
هزاع: انزييييييين بس مسجاات عنبووو ولا بعد تخيل انته ما بقدررر اشووووووفها موووول الين العرررررررس
سعيد: اها عادي انزييييييين شوفنيه انا ما شفت فطامي ختك من يوووم النمسااا
هزاع: يااااااااااخي انته غييييير انا ما صببررررررررر والله بمووت ولا بعد انته بتعرررررس شعليييييييك انا الي بتم اليييييين شهر 8 عنوو بخيييييييس
سعيد: ههههههههههههههههه والله انك ملغووث انزييين عسب تتوله عليها وهي تتوله علييك
هزاع: انته تدري شقايله حق فطامي ختيه اونه مستحييييييل هزاع يشوفنيه والا يرمسنيه اليييييين العرررررررس
سعيد: صدقهاااااا
هزاع: والله بشوووفها ما عليه منهاااااا يوم بملج بشوفها غصبن عنهاااااااااا فخاطريه اعرررررف شعنه غيرت الرقم
سعيد: اخير عسب ما ترمسهاااااا
هزاع: هههههههههههه تدري تونيه متواقع ويا فطامي ختيه تعررررررف شقلتلهاااا عنك؟
سعيد: شوووو؟
هزاع: انك ترمس بنات وما خلييييييت بنيه فحالهااا هههههههههه
سعيد: خييييييييييبه يالكلب شعنه كذيه قلتلهااا شو بتقووووول الحين وانته تدري انيه اصلن ما رمس بنااااااات عشانهاا ولا رقمت حد
هزاع: شسوي احب المشاكل لالا اجذب علييييك عدلت الموضووع قلتلهااا انه ما يرقم استوا ولا شي عشانج
سعيد: هيه عباليه بعد الحيييييييين وين بهاااااااااااا ؟
هزاع: شراااااااااااااايك صوووب العيييييييين؟
سعيد: لالا مافيناااااااااا خلهاااااا مرة ثانيه عسب يكون فيانا راشد
هزاع: امممم خلاص شووورك لو انه كان فخاطريه اخذ لفه صوووب فلي هزااااااع
سعيد: اوووهوووو اسميك امرررره طحت طيحه في هواها عقولت ميحد
هزاع : ما هقيت ان الهوى عذب قلوب الرجال........ لين ضاع العقل مني وتفكيري سوى
سعيد: صحححححح لساااانك هيه والله صدقت __DEFINE_LIKE_SHARE__

كلي انوثهـ · 01-21-2009, 05:26 PM

يعطيك العافيه اخوي ماقصرت =)

نتريا البارت الياي __DEFINE_LIKE_SHARE__

ذبحــ الحب ــني · 01-21-2009, 09:20 PM

يعطيك العافيه اخووويه وبانتظار البارت الياي __DEFINE_LIKE_SHARE__

سماراااا · 01-21-2009, 11:25 PM

يعطيك الف عافيه ونتريا الباري الياي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
-{بلاك بيري مني خذاه.,~	porshcia	عدسة الاعضاء , كاميرا الاعضاء	16	07-23-2010 12:34 AM
!!؟..همي من ساكن في قلبي !!؟...	ضحيت حب!!؟...	شعر و خواطر	12	06-24-2009 06:25 PM
النيسان والاستيشن صور تقفيز (في العيــــــن)...	ولد_زعبيل_VTC	سيارات و دراجات	36	03-13-2009 06:18 PM
قلبي خذاه لي ساكن دبي	نبضي صريدية	قصص و روايات	23	02-21-2009 12:25 AM
قلبي خذاه لي ساكن (العيــــــــــن)	الـروح دايـم	قصص و روايات	94	08-18-2008 03:52 PM