*_* حمدووهـ ترمسين منووو ..!!

الأمـ الوطني ـن · 08-23-2010, 08:33 PM

المشاركة الأصلية كتبت بواسطة يا صغر الفرح في قلبي

اولااا اشوووف عادي اني ارمس ربيعتي الفجر شووفيهااا اذا شك في الموضووع الابووو يعني انه هب واثق من تربيته ..؟؟ ولاا شوو يعني النظرات شووفيهاا اذا ربيعتي فاضي و اناا فااضيه نرمس بعض احس الموضوووع مب قوي ..

اختي يا صغر الفرح في قلبي ...

مهما كان الوالدين واثقين من تربية ابناؤهم وبناتهم ... تجدينهم دايما يحرصون على متابعة عيالهم ..
الشك في وادي ... والحرص في وادي آخر ..

بضرب لج مثال:
رغم إن الولد يتزوج وتصير عنده عائلة ويمكن يكون في بيت مستقل .. إلا إنه ابوه دايم ينصحه ويحرص على متابعته
صحيح مش بشكل دايم ... لكنه ما يتركه ابدا .. وهذا مش دليل على عدم ثقة الأب في ولده
وإنما هذا يدل على حرص الوالد على متابعة أبناءه وبناته.. وإنه دايما يبا لهم السمعة الطيبة والحياة الرغيدة.

الام مهما كبروا عيالها ... يظلون في نظرها صغار ..

وبالنسبة إلى حديثكم الساعة 4 الفير .. يعني أنا لو فاضي بروح أطلع وأحوط في الشوارع .. ليش لا ؟؟

يا اختي العزيزة ...
الاتصالات لها وقتها ,,, وعندج طول اليوم تقدرين إنج تتصلين في ربيعتج وتكلمينها بدلا من الساعه 4 الفير ..

المشاركة الأصلية كتبت بواسطة يا صغر الفرح في قلبي

اسمحلي اخوي كم مره حبينااهم ع راسهم شوووفيهاا اذا مره وحده ما سلمناا عليهم دشووو علينااا بسرعه يطالعوون شووو نسوي ما عطوني مجال اسلم اعتقد مب من بااب الاحتراام ..

فيها وااايد اختي العزيزة ...

طاعة أبوج وأمج .. واجبة عليج .. ورضا الله من رضا الوالدين .. وبوسة على رأس أبوج كل يوم ما راح تضر
بالعكس ... تعني الكثير لأبوج ...

وأبوج لو قعد عدالج وسألج عن اللي قاعدة تسوينه .. تراه مب تدخل في خصوصياتج .. أبدا هذا من زود حرصه عليج
وعلى فكرة يحق له إنه يتابع أمرج وهو وصي عليج ألين ما تتزوجين ومسؤول عنج جدام رب العالمين .. ومش تدخل في خصوصياتج

في حديث للرسول صلى الله عليه وسلم .. بما معناه : إن الأب لو احسن تربية بناته دخل الجنة.

المشاركة الأصلية كتبت بواسطة يا صغر الفرح في قلبي

الشك في ها الزمن يا خوي صار كل دقيقه وثانية هب حلوووه .. بس انت خرب شيئ اسمه شك ولاا بترتاح ابد ..

أنا معاج في إنه الشك زاد بين الناس هالأيام .. وصار كل واحد يفسر اللي يباه على هواه ..
لكن إذا تبين الصدق .. تعاملات الناس فيما بينهم أصبحت مثيرة للشك والريبة .. واللي نشوفه من تصرفات بعض الناس
وطيش الشباب وقصص البنات .. الواحد صار يخاف على عياله ..

بس أرد وأقولج لج .. هذا مب شك وإنما حرص من الوالدين ..

وأستسمح منج .. إذا شديت عليج اشوي

وموفقة في حياتج ياربي __DEFINE_LIKE_SHARE__