ليـــت الزعل بين الاحبآب ممنوع...اررحبوآ..~ - الصفحة 7

رشفة وفا · 08-26-2010, 11:08 PM

وعليكم السلام ورحمة الله وبركاته ~
بخير ربي يعافيج خويتي

يييييييييها ييتي ع العوق ياختي
هيه والله صدقتي ليش الناس تزعل من بعضها
ترا هالدنيا فانية وماحد بيتم لحد
شو يفيد لو أنا زعلت ع خويتي اليوم وما رمستها
ترا ان خسرتها بندم طول حياتي ع الموقف السخيف(اسمحولي ع الكلمة) اللي زعلت بسبته

صحيح أنه في ناس مزاجيين وهب ذنبهم
والمطلوب منا نحن بصفتنا مخاويينهم وعارفين طبعهم نبتعد عنهم لا عصبوا ونخفف ضيقاتهم هب نزعل ونزيدهم هموم وضيق

بوجهة نظري ياختي الزعل ماله محل بين الخلان الا بأيام الطفولة
لكن له محل عند الكبار لا صار موضوع يمس الكرامة والشرف وفيه خيانة وغدر وبس

انت/ي اذا زعلان من حد..تقوله.؟ ولا تخليه بعمآه لين مآ هو يكتشف.؟

إذا ياني بكلمه وبقوله السبب وبتفاهم وياه عسب تتوضح الأمور ونعرف الأسباب ونوصل لحل ^^

انت/ي لو ياء حد وقآل انآ زعلان/ه منك/ج شو حزتهآ بتسوي..؟ بترآضيه مثلن؟ وكيف بترآضيه..؟

قبل كل شي بسمعها وبخليها تطلع كل اللي بخاطرها وعقب ما افهم المشكلة ببدأ أفسر الموضوع وبشرح لها كل شي ان اقتنعت كان بها وان ما اقتنعت بستسمح منها وبقولها فكري ع راحتج

شو اللي يزعلك/ج وتبطي/ن ترضى/ ترضين..؟

طعنااااااات الغدر خاصة ان تكلم حد عني بسوء من وراي << ما احب هالحركات (تبون تقولون شي قدامي هب من وراي)

هل تفرق عندك/ج كيفيه اذا القريب ولا الغريب زعل منك..وكيفيه ممكن انك/ج ترضيه../ترضينه..؟

ما تفرق بالعكس ترا القريب والبعيد كلهم من بني آدم وكتلة من المشاعر والاحاسيس اللي من المفروض تحترم فلهالسبب ما تفرق عندي بعتذر لخويتي يوم أغلط حتى لو ما زعلت لان الاعتراف بالغلط هب شي عيب وكلمة آسفة تخلي الغير يحترمج هب يستهين بج وتحسس الغير باحترامج لهم ولمخوتهم

في الأخير حبيت أشكرج ياختي نظووووره ع حسن اختيارج للموضوع

واكيد يعني اكيد ردي عيبج هههههههههههههههههههههههه

تقبلي مروري بود غلاي والسموووحة جاننا اسهبنا واطلنا عليج بس الموضوع يحتاج نعطيه حقه هع __DEFINE_LIKE_SHARE__

»روζ طفلـﮧ»® · 08-28-2010, 03:36 AM

وعليكم السلام ورحمة الله وبركاته .,!

حالنا من حالج ياختي نظوره .,!
شحالج انتي.,؟؟ عساج طيبه.,؟؟

احم احم > بدينا :
من القناعات اللي أضفتها لقاموس حياتي:
طنـش تعــش تنتعــش.,!
وصار مبدأ فـ تعاملي مع الغير.,!
ولو كانت أغلى صديقاتي.,!
ما أدري السبب اللي خلاني أتمسك بـ هالمبدأ .,!
يمكن فطره فـ نفسي ., ويمكن يكون مكتسب من مواقفي فـ الحياه.,!
مو مهم المصدر > المهم انه صار مغروس فيني.,!
ومن هنا أبدا بالرد ع كلامج .,!
( ليـــت الزعل بين الأحباب ممنوع ) .,!
كلنا نتمنى ان كلمة الزعل تكون ممنوعه
ولكــن طبيعة النفس البشريه ضد هـ الأمنيه.,!
بس المشكله الكبيره مو بـ الزعل وبس.,!
المشكله بـ الأحبـــــاب.,!
أحبابنا ونزعل منهم ونزعلهم.,؟؟ ليــــش.,؟؟
يا ما زعلنا من ناس ويا ما زعلنا ناس
بس طلعنا بفايده؟؟
أكيـــد لا .,!
ما أدري ليش صار الزعل روتين مجبورين نطبقه.,!
أنا أزعل وأخوي يزعل وصديقتي تزعل .,
وبعدين.,؟؟ لين متى .,؟؟
الحيـــاه ســـــاعه> جم بقى لنا من أنفاس عسب نقضيها فـ الزعل.,!

أنا أقولج هالكلام لأني أشوفه عين الصواب .,!
بس وللأسف أنا فـ مواقف الزعل اللي تصير معاي
أنسى هالكلام.,! أو بالأحرى أتناساه.,!
ما يكون ردي غير : طنش تعش تنتعش.,!
إذا أحد زعل مني أطنش > عزة النفس عندي زايده.,! هع
ما ادري ليش انا جيه ., بس حتى لو كنت انا غلطانه
احس شي فـ نفسي يمنعني إني أعتذر.,!
الله يعين أحبابي علي.,! هع
وفـ المقابل لما أنا أزعل أتم فتره طويله ما أرضى إلا بعد عناء طويل.,
>شريره .,ههه

وهذي إجاباتي ع أسئلتج :

انت/ي اذا زعلان من حد..تقوله.؟ ولا تخليه بعمآه لين مآ هو يكتشف.؟
** إذا زعلت من أحد ما راح أقوله وفـ نفس الوقت ما بخليه بعماه لأن بروحه بيعرف من تصرفاتي معاه., يعني يبين علي إذا زعلت .,

انت/ي لو ياء حد وقآل انآ زعلان/ه منك/ج شو حزتهآ بتسوي..؟ بترآضيه مثلن؟ وكيف بترآضيه..؟
** مثل ما قلتلج ( طنش تعش تنتعش) .,
ما براضي أحد وخاصه إذا كنت مو أنا الغلطانه.,
بس إذا أنا غلطانه بفكر شوي وبقرر يمكن أراضيه ويمكن لا.,
يعتمد ع مقدار الشخص وغلاته فـ قلبي.,
يعني مره زعلت من أخوي بس يلست أصيح.,
مب عارفه وشلون أراضيه > مب متعوده لأني.,! هع
بس اتصلت فيه ويلست أصيح وهو يسمع صياحي ويعطيني محاضره فـ الزعل وأنا أصيح أكثر.,خخ
مع انه بيني وبينه فرق 10سنوات يمكن .,
بس لأنه أغلى انسان فـ حياتي لازم وغصبا عن نفسي العنيده براضيه.,
ولا اتم أصيح طول الوقت.,!

كيف ممكن أراضيه .,؟
**أبسط شي > أطرشله مسج (شحالك؟ شحال الدنيا وياك) .,ولا جنه صار شي.,!هع هع
ويمكن بدون مسج أول ما أشوفه أسولف وياه وأتجاهل الزعل.,!
كل هالكلام طبعا إذا كان الإنسان غلاه لأبعد الحدود.,!

شو اللي يزعلك/ج وتبطي/ن ترضى/ ترضين..؟
**اممم أسباب زعلي واااااايده.,!!
لا تعد ولا تحصـــــى .,!
بس السبب الرئيسي انه أحد يتهمني بـ شي أنا ما سويته., وإنه أحد يحرجني ., > مو بس أزعل ., وأنتقم بعد .,هع
ساعدت فلان., عطيت فلان .,
وبالأخيـــر جرحك وما افتكر فيك.,؟؟
طنــش تعـــش تنتعــش.,!

هل تفرق عندك/ج كيفيه اذا القريب ولا الغريب زعل منك.,؟
**أنا بجاوب ع أساس انه قريب وبعيد فـ القلب .,!
هيه والله تفرق عندي وواااااايد بعد .,!
يعني إذا شخص أنا أحبه وأغليه وما أتحمل تمر دقيقه بدون ما أرمس وياه > لازم أصيح وأقتل نفسي لحد ما أرضى أو أراضيه ., ع حسب منو اللي بدا بالزعل.,

وبالأخير بكتب بعض الجمل اللي ذكرني فيها هالموضوع :

إذاخسرت من تحب:
فلا تخسر نفسك...فأجلك لم ينتهي بعد .. وأنت تستحق أكثر من ذلك..!!
> يمكن يكون الزعل سبب فـ خسارتنا ناس نحبهم ., بس أكيد فالنهايه ما لازم نخسر أنفسنا., لأننا لو اهتمينا للزعل وأصحابه ما راح نكمل حياتنا.,
لما تسألين وتقولين ليش الزعل يردون عليج : أنا حر/ة.,!!
وأنا أقول:

اذا خسرت صديق بسبب زعله منك.,
فهالزمن لا تعاتب نفسك تزعل.,!
لكن قوم وروح لصديقك وابتسم واشكره لانه علمك درس مفاده:
انك تحسن الاختيار في المره اليايه.,!

الحياه حلوه بس نفهمها صح.,!

مشكوره اختي نظوووره ع الموضوع الكشوخي.,!
وسوري لأن كلامي شوي مخربط بالأفكار.,!
بس أهم شي رايي وصل صح.,؟؟ > أشك فـ قدراتي.,! هع

تقبلي مروري : أختج (اللي هاوشتيها مره.,هع) / شلال الورد.,! __DEFINE_LIKE_SHARE__

*نظره مني تسدك* · 08-28-2010, 10:31 PM

المشاركة الأصلية كتبت بواسطة شذاها غير

السلام عليكم..

والله الموضوع كشخه..
زعل الأحباب شي يحزن..
بس وين اللي يفهم ..> انا وحده من اللي ما يفهمون..هع
يا كثر الزعل ولأسباب مالها معنى..
ما ادري بس أحس لأنه المعظم يبون يلفتون انتباه الغير بزعلهم .. يتغلون يعني.. > عشتوا ..خخ
والحين بجاوب ع أسئلتج:

انت/ي اذا زعلان من حد..تقوله.؟ ولا تخليه بعمآه لين مآ هو يكتشف.؟
انت/ي لو ياء حد وقآل انآ زعلان/ه منك/ج شو حزتهآ بتسوي..؟ بترآضيه مثلن؟ وكيف بترآضيه..؟
لا ما اقوله..بروحه يكتشف لان يبين علي..احم
براضيه بس مو أكثر من مررره وحده .. واللي مايبي يرضى يتم بزعله..هع

شو اللي يزعلك/ج وتبطي/ن ترضى/ ترضين..؟
امممم وايد أشياء تزعلني .. وأهمهم ان أحد يحرجني قدام الناس اللي أعزهم..

هل تفرق عندك/ج كيفيه اذا القريب ولا الغريب زعل منك..وكيفيه ممكن انك/ج ترضيه../ترضينه..؟

لا ما تفرق.. لأن الغريب بتكون صاحبتيه وغلاها من غلا خواتي يعني مستوى الزعل بعد متساوي..هع
كيف ممكن اني ارضيه ؟؟
يعني أفهمه السالفه وأبررله الموقف ومن هالسوالف ..

ومشكووووووره ع الموضوع..
ردي كان سريع بس اتمنى يكون كافي..

تقبلي مروري..

وعليكم السلام ورحمة الله وبركاته
مرحبآبج ختيه شذآهآ غير

تسلمين هذآ كله من ذوقج..^^
اللي يبغي يلفت الانتبآه بزعله هذآ شخص هب صآحي..السموحه ع هالكلمه..
بس محد يزعل من خويه وانسآن غالي عليه الا اذا يبغي يتغلى مثلا

صحيح كلامج
الله يعين رآيج وردج ع العين والرآس

والشكر لج طويله العمر ع الرد الطيب

مقبول مرورج.

حيآج الله..~ __DEFINE_LIKE_SHARE__

✿ ƒ α и с ч ✿ · 08-29-2010, 12:49 AM

[align=center]
[align=center]

๑ .. مـرכبآ oـڷآييـטּـﮯ ۋڷآ يسدטּﮯ ..๑

{

لي عودة ..

}

๑ .. بـכفظﮯ آڷڷـﮧ ۋ رعآيٺـﮧ ..๑ [/align]
[/align] __DEFINE_LIKE_SHARE__

مغرورة بس معذورة · 08-29-2010, 11:54 PM

على حسب الشخص اللي مزعلني والسبب يمكن اقول او لا

واذا حد زعلان مني اسأله عن السبب واتناقش وياه واراضه بطرقتي

ماتفرق عندي لانه بالنهايه زعل وانا ماحب حد يزعل مني ولا يشيل بخاطره علي لاني انا اتضايج

ويسلموووو ع الموضوع واااااااااااااااااايد وربي ابداع

وننتظر منج زود

ثانكيوو..,,,, __DEFINE_LIKE_SHARE__