التقــــديـــم الإذاعــــي والتلفــــزيونـــــي - الصفحة 3

النعيمي · 11-20-2008, 02:18 AM

نظره مني تسدك

انا في انتظار مرورج الكريم

0
0

شماني

تسلم اخويه .. عـ الطرح

اممم انا ماعندي مذيع معين بس افضل وهو احسن >>لو يكون >>مذيع مب مذيعه لآن مذيعات هـ الزمن حدث ولا حرج ولا يقدمن فـ برامج وا يخصها فـ شخصياتهن >>امم بس المذيع افضل بوايد يمكن يقدر يخلي هـ البرناامج احلى وتكوون عنده الخبره اكثر >>بس بعد ما اقلل من قدر المذيعاات<<

هذي وجهة نظري وما يخصني فـ غيري >>وهذا اللي انا اشوفه ..

وتسلم .. مره ثانيه اخويه عـ الموضووع

الله يسلمّج مشكورة على المشاركة والتواجد ..

0
0

sleep4ever

1) افضل مذيع او مذيعه فالإذاعة والتلفزيون لديك ؟؟ واذكر لنا في اي محطة اذاعية او قناة فضائية يقدم ؟!!
الصراحه من الي ذكرتهم عبدالعزيز النجار ^_^ .. ما كنت اتابعه بس يتني فتره جريبه وتابعته
2) اسباب اختيارك لهذا المذيع او لهذه المذيعه ؟!!وهل تأثرت بـ اسلوبة ؟!!
الصراحه هيه اتأثرت ف أسلوبة
3) اذكر لنا اسم مذيعه و مذيع تحس انهم محتاجين لخبره واسلوب فالتقديم اكثر ؟ ولماذا ؟ ( لطفا انتقد ولكن بدون تجريح )..
امم محد كلهم عادي اوكي
4)نجاح شخصية المذيع او المذيعه تكمن في ...............( الرجاء تعبئة الفراغ ) ..

شخصيته ودينه << صح؟
5) في رايك ما الأسباب التي ترجع في اختيار المذيع من قبل القناة نفسها ؟
.... مادري والله

6) كلمة تحب ان توجهها لبعض القنوات حول بعض المقدمين (المذيعين ) الناجحين او الذين لا اسلوب لهم ؟!!
اقولهم ( قعـدوا فالبيـت ) < لوولز

يسلمو عالموضوع الطـرررررر بروذر

الله يسلمج وشكرا على التواجد الكريم اختي

0
0

النعيمي __DEFINE_LIKE_SHARE__

النعيمي · 11-20-2008, 02:29 AM

المشاركة الأصلية كتبت بواسطة مس جلكسي

انا من رايي لو الشباب هم اللي يقدمون احسن من الحريم
مع ان الحريم الهم اسلوب يرومون يناقشون ياخذون ويعطون
ويرمسون بنفس الوقت اكثر من موضوع ها شي بشخصية الحريم
لكن الرياييل عندهم ما قل ودل وبس يعني بلهجتنا (( زبدة الكلام )) لوول

الحين بجاوب ع اسئلتك

1) افضل مذيع او مذيعه فالإذاعة والتلفزيون لديك ؟؟ واذكر لنا في اي محطة اذاعية او قناة فضائية يقدم ؟!!
ميره المهيري اللي فقناة دبي دايماً تطلع في الاخبار
والله هاي صدق اماراتيه والله ذربه فالرمسه وكل المواصفات والله فيها
ادب واخلاق و غيره
2) اسباب اختيارك لهذا المذيع او لهذه المذيعه ؟!!وهل تأثرت بـ اسلوبة ؟!!
وايد اتأثرت لانها اماراتيه يعني من بلادي واشوفها جيه ذربه شي يفرح الواحد
لكن هب المذيعات في بعضهم حدث ولا حرج مع احترامي للكل
3) اذكر لنا اسم مذيعه و مذيع تحس انهم محتاجين لخبره واسلوب فالتقديم اكثر ؟ ولماذا ؟ ( لطفا انتقد ولكن بدون تجريح )..
مهره اللي بقناة حواس اسلوبها شوي فيه دلع
لو تكون رزينه احلى بيظهر وارتب
4)نجاح شخصية المذيع او المذيعه تكمن في الحوار والادب ( الرجاء تعبئة الفراغ ) ..
5) في رايك ما الأسباب التي ترجع في اختيار المذيع من قبل القناة نفسها ؟
اممم اسلوب الرمسه واكيد المظهر الخارجي للمذيع او المذيعه

6) كلمة تحب ان توجهها لبعض القنوات حول بعض المقدمين (المذيعين ) الناجحين او الذين لا اسلوب لهم ؟!!
كلمتي الهم اختاروا اللي يستاهل التقديم
ولا تحطون كل من هب وذب حطيتونه المهم شكله حلو و خلاص
لازم تشوفون المواصفات المناسبه ع التقديم

تسلم اخويه ع الطرح الغاوي
ونترقب منك كل يديد

انا شاهدت حلقة الضيف يوسف الضامي اللي على قناة حواس من كم يوم ..( من بعد ماشفت احد الأعضاء محتشر ومربوش يبانا نشوف الحلقة بس تطفل مني قلت بشوف هالمطرب )

صراحه حسيت نفسي يالس مع مراهقين .. يعني بنت ماعرف كم عمرها يمكن بين 16 والـ 18 سنه
تضحك وايد ويا المطرب !! صراحه البنت حلاتها بـ رزانتها وخجلها .. وانا اساسا ارفض تقديم البنت فالتلفزيون والاذاعه ..
والوقت كان متأخر يعني يمكن الين الساعه 1 ونص فجرا خلص البرنامج ..!!

الله يهديها ان شالله ، ونحن نتمنى الفلوس ماتغير ( النفوس ) ولا ينغر الشخص بالدنيا لأنها داء ابتلاء وفناء ..
0

للأسف البعض يسارع الى الحصول على مكان للتقديم التلفزيوني لمجرد الماده ولكن اذا اتينا الى الشخصية فهي
خالية من المميزات نكاد ان نلتمس شي بسيط !!
0

تسلمين يامس جلكسي وانا شاكر لج متابعتج الدائمه لمواضيعي ..

النعيمي __DEFINE_LIKE_SHARE__

*نظره مني تسدك* · 11-20-2008, 10:15 AM

الســــــــــلام عليكم ورحمة الله وبركاتهـ..

يسرك الحال خويهـ...~

الصراااحه شدني الموضوع وااايد واسلوبك فيه

طبعاا وبكل تأكيد الوااحد يوم بيشوف التلفزيون ما بيطالع شي ما يحبه ,, المذيعين سواء ف التلفزيون ولا ف الاذاعه يأثرون فينا بدرجه كبيراا جداا,,

ف الاداء ف الكشخه ف الاسلوب اللي يتعاملون فيهـ,, وانا وحده احب يوم اطالع شي ادقق ف الاسلوب...^^

بالنسبه للأسئلتك خويه النعيمي..

1) افضل مذيع او مذيعه فالإذاعة والتلفزيون لديك ؟؟ واذكر لنا في اي محطة اذاعية او قناة فضائية يقدم ؟!!

الصراااحه قبل سنين وع امارات اف ام كنت وايد احب اسمع دوار الساعه والنص اللي كان يقدمه عبدالله اسماعيل يومياااا,, احب اسلوب هالمذيع وما انكر انه اسلوبه اثر فيني واايد ولكن للأسف هو الحين انتقل لقناه دبي وبعد مميز فيها..

احب مذيعه الاخبار اللي ف دبي "" ميره المهيري " بدرجه كبيـــــــــــره ف لبسها ف انقاتها ف رمستها ف اسلوبها يوم تقدم الاخبار ولنا الفخر ان في وحده تقدم الاخبار ومن بنات البلاد تكون شرات ميره.. ولاقصور ف الباقيين..

امممم احب برنامج خطوه اللي يقدمه خليفه السويدي لأنه انسان راقي ,, احب شخصيه المذيع حسين العامري اللي يقدم شاعر المليون...

2) اسباب اختيارك لهذا المذيع او لهذه المذيعه ؟!!وهل تأثرت بـ اسلوبة ؟!!

الاسباب ذكرتهن بحيث الاسلوب والاناقه والتلقائيهـ..

3) اذكر لنا اسم مذيعه و مذيع تحس انهم محتاجين لخبره واسلوب فالتقديم اكثر ؟ ولماذا ؟ ( لطفا انتقد ولكن بدون تجريح )..

هههههههه وااايد الصراحه بس ما اذكر حد منهم بس هم 2 يقدمون في قناه بوظبي "" ف الاخبار""

4)نجاح شخصية المذيع او المذيعه تكمن في "" تكمن في اسلوبه ,, طريقه قراءته للكلام ،، احيانا يوم يكون برنامج مباشر يروم يسيطر ع الوضع وجيه..

5) في رايك ما الأسباب التي ترجع في اختيار المذيع من قبل القناة نفسها ؟

والله الاسباب اكيد بتكون وايده,, وعلى حسب الاذاعه او القناه نفسها وكلن يشوف الطريقه اللي تعيبهـ..

6) كلمة تحب ان توجهها لبعض القنوات حول بعض المقدمين (المذيعين ) الناجحين او الذين لا اسلوب لهم ؟!!

اقولهم بيض الله ويوهكم على ما تقدمونه من برامج هادفه وناجحه ,, وبالتوفيق لكم .. وانتوا خير من يمثل هذا البلاد المعطاء...

واخيراا سلمت يا خويه ع الطرح الطيب منك

والسموحه ع التاخير وما قصرت الصرااحه موضوع فن واسلوب شيق..

يعطيك العافيه

نترقب اليديد..^^ __DEFINE_LIKE_SHARE__

اللؤلؤة · 11-20-2008, 07:13 PM

أولا أنا ضد المرأة اللي تشتغل في مجال الإعلام وعندي تحفظ ع هالموضوع والافضل أن الشباب هم يقدمون

1)افضل مذيع او مذيعه فالإذاعة والتلفزيون لديك ؟؟ واذكر لنا في اي محطة اذاعية او قناة فضائية يقدم ؟!!
المذيع طبعا المذيع جابر عبيد في امارات f.m
والمذيع المتألق خليفة السويدي في برامجه الرائع خطوة
المذيعات ولا حد يعجبني الصراحة...
2) اسباب اختيارك لهذا المذيع او لهذه المذيعه ؟!!وهل تأثرت بـ اسلوبة ؟!!
المذيع جابر عبيد اسلوبه راقي في التعامل والرد على المتصلين وحل مشاكلهم..
المذيع خليفة السويدي اسلوبه متميز في التقديم والحوار مع الضيوف بالرغم من ضيق وقت الحلقة..
3) اذكر لنا اسم مذيعه و مذيع تحس انهم محتاجين لخبره واسلوب فالتقديم اكثر ؟ ولماذا ؟ ( لطفا انتقد ولكن بدون تجريح )..
الصراحة واااايد مثلا مهرة ورشا بقناة حواس شو هالبرامج المسخرة والسوالف اللي بجات والمذيعة وياهم ع الخط..
رزان المغربي (مالها خص بالاعلام )
4)نجاح شخصية المذيع او المذيعه تكمن في ...............( الرجاء تعبئة الفراغ ) ..
مثقف،، أسلوب راقي ومميز ،،شخصية قوية
5) في رايك ما الأسباب التي ترجع في اختيار المذيع من قبل القناة نفسها ؟

في قنوات يهمها المظهر الخارجي ومب مهم الجوهر،، وفي قنوات يهمها المذيع من حيث ثقافته واسلوبه في التعامل ( كل قناة ولها نظرتها)
6) كلمة تحب ان توجهها لبعض القنوات حول بعض المقدمين (المذيعين ) الناجحين او الذين لا اسلوب لهم ؟!!
بالنسبة للناجحين: مكافأتهم للتحفيز على تقديم المزيد بالإضافة إلى زيادة فترة برامجهم (برنامج خطوة جداَ مهم لمجتمعنا)..

بالنسبة للذين لا أسلوب لديهم: اتمنى من أصحاب القناة يهتمون شوي لأن يمكن برنامج تافه يخرب عقول مراهيقن محتاجين لبرامج شبابية بس يكون مذيع مثقف...

بالنسبة للتصويت طبعا أفضل المذيع يكون رجل لأني ارفض المرأة في مجال الأعلام....

مواضيعك جدا متميزة وراقية والأهم أنها تتكلم عن مشاكل المجتمع

بانتظار جديدك أخوي والله يكثر من أمثالك

أختكم/ اللؤلؤة __DEFINE_LIKE_SHARE__

النعيمي · 11-20-2008, 07:47 PM

المشاركة الأصلية كتبت بواسطة زهور 2007

وعليكم السلام ورحمة الله وبركاته

بخير و سهاله ومن صوبك يا اخوي ؟

1) افضل مذيع او مذيعه فالإذاعة والتلفزيون لديك ؟؟ واذكر لنا في اي محطة اذاعية او قناة فضائية يقدم ؟!!
صراحه فى واايد مذيع انا يعجبني اسوبلهم و شخصيتهم ... فى منهم على سنجل .. احب برنامجه لانه عن الطب و وااايد احب اسمع معلومات جديده عن الطب .. و حتى عبدالعزيز النجار ...و ابوي واايد يمدحه هالرجال..و اكثر شي يعجبني مذيع و مذيعه للقناة العربية و عن بوظبي طارق الزرعوني .. و فى الرياض اول واحد مصطفي الأغاء و برنامج صدي الملاعب .. واايد احب اتاابع ..ولا انسي محمد نجيب و يعقوب السعدي .. هع و عن الأذاعه صراحه اتابع برنامج الى أكثر شي ينقاش المجتمع و مشكلة الواقعي .. فى ام بي سب ام ام .. بس ما اعرف اسم المذيع .. لووول ...

2) اسباب اختيارك لهذا المذيع او لهذه المذيعه ؟!!وهل تأثرت بـ اسلوبة ؟!!
صراحه ما حد معين عندي ..بس فى منهم اتاابع برنامجهم لانه يعجبني اسلوبهم فى طرح و نقااشه لى مواضيع الحساسه و شخصيتهم ..

3) اذكر لنا اسم مذيعه و مذيع تحس انهم محتاجين لخبره واسلوب فالتقديم اكثر ؟ ولماذا ؟ ( لطفا انتقد ولكن بدون تجريح )..
صراحه فى واحد فى قناة سما دبي .. والله ما اعرف اسمه واايد يحتاج للخبرة ... لووول

4)نجاح شخصية المذيع او المذيعه تكمن في اسلوبه و شخصيته و اهم اختياره للبرنامج .. ( لانه صراحه مذيع او المذيعه الى فى برنامج أغاني صراحه ما احبهم أبد .. كلهاا يضحكووون بس .. )
5) في رايك ما الأسباب التي ترجع في اختيار المذيع من قبل القناة نفسها ؟
امم.. صراحه بي ضبط ما اعرف .. بس فى قنوات يفضلون مواطنين ..و فى منهم يشوفون شخصيه و اسلووب للمذيع او المذيعه ..

6) كلمة تحب ان توجهها لبعض القنوات حول بعض المقدمين (المذيعين ) الناجحين او الذين لا اسلوب لهم ؟!!
صراحه ما حد معين .. بس كان فى مذيع فى القناة بوظبي .. ما أذكر اسمه بي ضبط .. كان جابر جاسم ام جابر عبيد .. والله ما اذكر زين .. اسلووبه و كلااامه و شخصيته صرااحه وااايد تأثرت منه .. بس الحين هو مب فى قناة بوظبي ... ما اعرفه عنه ..

وعن تصويت صراحه .. انا احب أكثر شي يكون مذيع .. ما اعرفه ليش .. بس أحس انه رجال يكون افضل عن المرأة ..

أشكرك يا اخوي على الطرح المميز .. ربي يعطكيك صحه و العاافية

نعم يازهور جابر عبيد هو اللي كان متواجد في تلفزيون بوظبي ، اما جابر جاسم الله يرحمه فنان الإمارات الشعبي ، الله يرحمهم ويغفر لهم جميع ...

بالنسبة لـ طارق الزرعوني كان يقدم في قناة الجزيرة الإخبارية على سنة 2003 وهو اللي غطى النقل الإخباري حول الإجتياح الأمريكي على العراق بس فجأة انتقل وبتحفظ الى قناة ابوظبي بدون ذكر اسباب الإنتقال
بس ماشالله عليه اتوقع له مستقبل طيب ان شالله ..

0
0

تسلمين ع المشاركة يازهور بارك الله فيج

النعيمي __DEFINE_LIKE_SHARE__

مشاهدة نتائج الإستطلاع: هل تفضل التقديم الإذاعي والتلفزيوني من قِبَـــل
الرجــــل	18	56.25%
المـــرأه	2	6.25%
الإثنــان معـاً	9	28.13%
لا يهـــم	3	9.38%
المصوتون: 32. أنت لم تصوت في هذا الإستطلاع