اولا نبدا بالشخصيات واباكم تتعرفون عليهم ف بداية القصه وتحفظونهم عدل
اولا نسير صوب العين
عائلة ام رحمه (سلاف(
الام سلاف تزوجت بو رحمه (عمر) وعقب 13 سنه من الزواج توفى بحادث (الله يرحمه) وهي وحده مسكينه وما يخصها بحد الا انها تموووت ف عيالها وخاصتا ولدها وابدا ما تتدخل ف حياة حد وعندها ولد وبنت
بكرها ولد وهو رحمه وعمره 24 سنه خقاق بمعنى الكلمه يحب يتفيشر عالكل ودارس بزنس بانكينغ واخر همه شغله عايش ع مدخرات شركات ابوه وبتتعرفون عليه اكثر ف القصه
وبنتها العاش عمرها 18 سنه وهي توها ف الثانويه عامة متربيه حبوبه وطيوبه وتنحب بسرعه وما تحب تتدخل ف شؤوون حد تحب تتكشخ لكن تموووت ف امها وابدا ما تحب تفارقها وحلمها انها تكون محاميه لكن الكل يحبط معنوياتها محد يشجعها غير ربيعاتها اللي بالمدرسه وابدا ما تبين همومها لحد

والحين نتوجه صوب بوظبي
عايلة بو سلطان (سيف)
بو سلطان انسان وااايد طيب وله منصب عالي ف الحكومه تزوج واستقر ف بوظبي ومرته امنه توفت بسرطان عفانا الله وعافاكم وهو ووااايد يحب عياله لان ما عنده احد ف هالدنيا غير عياله وغير اخته ام رحمه
وعنده ولدين اكبرهم سلطان عمره 25 سنه سلطان اللي رايح من الدنيا وما يحترم حد ولا يحشم حد اخر همه اهله مافي شي ف الدنيا ماسواه حتى لو كان حرام شرعا عادي عنده وهو منتقل ومستقر ف لندن من هو صغير عشان يعيش حياته براحته ومحد يمنعه من اي شي
احمد عمره 24 سنه اللي سكوته يوضح برائته يحب ابوه ويحترمه وابد ما يخبر احد باسراره ودووومه هادي ويحب الهدووء وما يحب يتخالط ويا حد ما يعرفه ودومه يحب الغشمره وطيب وقلبه ابيض

هذولا هم الابطل وشي ابطال ثغيرهم لكن بتتعرفون عليهم ف القصه
والحين آن الاوان لنبدا القصه باشراقة جميله وشروق الشمس اللي تشرق ف ارجاء الدوله وضواحيها بنسيم البحر وريحة الزهووور .....
.....:اماااااااايه, يمااااااااااااااااااااااا ’ اففف شو الواحد لازم ما يرتاح ف هالبيت اذا فيها بشر مثل هذيلا يماااااااااااااااااااا
العاش : وصمخ ان شاء الله شو الواحد ما يقدر ينام عل الاحبال الصوتيه مالتك البط ان شاء الله
رحمه وهو يدخل ف غرفة العاش: انتي ما يخص اسكتي لا ايرج كف الحينه اشوفج واايد مستقويه على شو ان شاء الله يبالج ضرب
ام رحمه وهي تدخل عليهم:شو بلاكم يا عيال كل مناقر ما يبتدي اليوم برحمة الله وما اسمع صراخكم
العاش:قولي حق ولدج الجيران نشوو من رقادهم وسبه اهوه كل يوم لازم يوعينا بصراخه اففففف متى نفتك من ويه
رحمه وهو يمط شعرها :عوشوو ليش تبيني اضربج اذا تبيني اضرب ف ماله داعي طيلة اللسان قولي رحمه من زمان ما ضربتني اضربني الله يخليك
العاش وهي تتالم : اييييييييي ودر شعري يالهرم وخر عني امااااااااايه جوفي ولدج
ام رحمه : استغفر الله ودر البنت الله يرضى عليك يا ولديه يوز عنها وقولي شو بلاك اتصارخ شو تبا
رحمه :جوفي هاي حاله جوفي كندورتي قولي حق سونيتا حرام عليج اذا فيه كلور بعد خلها تيي وتكمل شغلها على الكندوره حرام ليش ما كملت شغلها
ام رحمه :ول شو هذا منو مسوي بكندورتك جذا بلاها لونين
رحمه: خدامتج المصون اساليها والله حرام توني يايبنها من الخياط ولا لبستها حتى
ام رحمه:انا براويها ..سونيتاااااااا’يا سونيتاااااا
العاش : اووووووف ممكن تكملون هذربتكم الزايده برع ابييي انااااااااام
ام رحمه :قومي نايمتلي نومة اهل الكهف نشي وراج مدرسه
العاش : حرام عليج امااايه توه الساعه 6 ونص الصبح اطلعووو برع وتعالي عقب نص ساعه ردي وعيني
ام رحمه وولدها طلعو من الغرفه وراحو الصاله
ام رحمه :سونيتا وصمخ ازقرج من الصبح ما تسمعين
الخدامه: انا شو يسوي ماما انا في شغل داخل المطبخ
رحمه:انتي اييي ما حصلتي الا كندورتي تسوين فيها سواتج شو هذا قوليلي شو هذاااااا
الخدامه:والله انا ما يسوي والله ماما انتي اعرف انا شغل انا والله مافي سوي
ام رحمه :عيل منو
الخدامه : لا انا ما يقدر خبر انا خوف
رحمه وهو معصب : بتقولين ولا شوووووووووو
الخدامه :خلاص خلاص يخبر يخبر بس بابا مايضرب اهوه زين
رحمه:سونيييييتاااا
الخدامه: العاش العاش في سوي والله لايضرب حرااام لا يضرب
ام رحمه بصدمه :العااااااااااش
رحمه :ايهااااااا كنت حاس والله
ام رحمه :خلاص روحي المطبخ وانت ولدي استغفر ربك وسم بالرحمن يمكن ما كانت تقصد
رحمه بعصبيه : بنتج هذي من زمان ماغسلت شراعها والله اذ ما كان موتها بيدي اليوم ما كون رحمه ولد عمر ,,العااااااااااااااااااااااش
العاش وهي تحج عيونها : اووووهوووو وسم تقول العاش
رحمه وهو يكسر باب غرفة العاش
رحمه: ايا بنت اللذين امنو انتي ما تيوزين عن حركاتج لازم تبين كل يوم اغسل شراعج
العاش: انت شو تبا فكنا من صدعتك ياخي
ام رحمه تتدخل : فوق شينج قوة عينج
العاش :اهىء اهىء وااااااااااااي ناس متفيجين شو شين وزين بعد شو عندكم
رحمه بتهديد :جوفي امايه اذ ما ربيتي بنتج وخليتيها تيوز عن حركاتها ترى والله اذبحها
العاش :انت هااااي يالخقاق لا تيلس تخقق علينا
ام رحمه: جب ولا كلمه انتي دواج بعدين وانت يا ولدي حقك علي امسحها ف ويهي واختك صغيره ما تعرف تحكم على افعالها
رحمه : افففففففففففففففف مليت والله مليت شو هالحالة وطلع من الغرفه
ام رحمه :وانتي ما تيوزين عن حركاتج شو مسويه بكندورت اخوج
العاش : اي كندوره
ام رحمه وهي تتجرب من العاش : تبيني اقولج اي كندوره
العاش: لا لا خلاص خلاص بس صدق اي كندوره هييييييييييييه هاك الكندوره
ام رحمه : ويعيييييييي
العاش: امايه والله ما كان قصدي
ام رحمه:قولي والله يا حليلج مسكينه من يومج
العاش : والله قويه سلاف تعرف اطنز بعد
ام رحمه :سلاف ف عينج
العاش: هههههههه فديتج والله
ام رحمه: انزين يلا قومي ساعه 7 نشي الدريول يترياج يلا بسرعه
العاش :ان شاء الله وافديت هالام انا
ام رحمه وهي تزهب الريوق ف الصاله و رحمه مار يبا يظهر ويمر عالشركه
ام رحمه: يما تعال تريق فديتك
رحمه :مالي نفس امايه بتريق ف الشركه يلا وداعة الله
ام رحمه:الله وياك حبيبي ف حفظ الرحمن ودير بالك على نفسك ...وتقول ف خاطرها "مادري ياولدي متى بتيوز عن هالسوالف وما تتكابر ع الناس"
العاش وهي نازله ووقفت ورى امها عشان تخوفها
العاش :بووووووو
ام رحمه:وييييي انتي بتذبحيني وانا ناقصه عمر غربلات بليسج قعدي كلي ريوقج تاخرتي ع دوامج
العاش :فديتج يفداااج عمري ولا تخافين المديرة ينقص عليها بسرعه عادي لو تاخرت شو يعني بخرط عليها
ام رحمه: ايا جليلة الحيا تجذبين ع المدرسه كاد المعلم ان يكون رسوول
العاش: هاي طل يطلع من عندها شي هاي مديره وااع وااااع وااااع ما ادانيها بنت الهنديه انتي جايفه ويها تقولين باندا شامه ريحه زباله وراسها راس ثومه تقولين جي ...
ام رحمه تقاطعها: ايا قليلة ادب صدقه اخوج لازم يبالي اربيج مرة ثانيه
العااش: وااااع سديتي نفسي مابي اكل خلاص رايحه الدوام
ام رحمه : ول ليش كملي اكلج ورمستج اللي ما منها فايده
العاش : ليش طريتي رحموووو الخقاق لوعتي جبدي يلا بااااي
ام رحمه :مالت عليج هذا اخوج
العاش :ما عندي اخو "وتبوس راس امها" يلا امي بروح قبل ما راس الثومه تيي تسندر راسي يلا وداعة الله
ام رحمه: هههههههه يلا روحي فديتج
العاش: وافديت هالضحكه يلااا بااااي
ام رحمه :مع السلامه حبيبتي

ف بوظبي
..... :استغفرالله العظيم من كل ذنب عظيم لا اله الا الله وحده لا شريك له له الملك وله الحمد وهو على كل شيء قدير

احمد: صباح الخير ابوي شحالك اليوم
بوسلطان:صباح النور الحمدلله ومن جداك
احمد : دامك بخير انا بخير وسهاله
بو سلطان : فديت هالولد يعلي اشوفك معرس واشوف عيالك
احمد وهو مسحتي : انشالله لكن عقب سلطان
بوسلطان: سلطان يبا سلطان ما يدري الله وين حاطه من بياخذ اخوك بهالافعال ما في شي ف هالدنيا ما سواه موطي راسي ف لندن
احمد : افاا عليك يالوالد ما عاش من يوطي راسك بالارض
بوسلطان :فديتك خشمك "وتخاشموو"
احمد: يلا بو سلطان خلنا نتريق ونتوجه للشركه
بو سلطان : يلا ولدي
وهم يتريقون
بوسلطان :احمد
احمد: امر ابوي بغيت شي
بو سلطان : ما يامر عليك عدو لا بس بغيت استشيرك بسالفه
احمد :امر ابوي
بو سلطان :كلمت سلطان امس وكنت معصب منه وااايد
احمد : من امس وانا اشوفك متضايق بس ما حبيت ارمسك خليتك على راحتك
بوسلطان :كيف ما تباني اتضايق ولدي البكر يرمسني وهو شارب الحرام كيف ما تباني اعصب
احمد: هههههه يبه انت ما قلت شي يديد وانت تعرف سلطان هذا شويه عليه الله يهديه بس والله يهديك تحرق اعصابك على واحد ما يستاهل

بوسلطان : كيف ما احرق اعصابي وولدي يروح من يديني واتم ساكت
احمد : تدري شو الغلط
بوسلطان :شو
احمد :يوم انك طرشته لندن مرة ثانيه
بوسلطان : شو اسوي يبه ما عندي حد غيركم وامكم موصتني عليكم خلنا من هالسالفه انا عصبت عليه واحس اني ورط عمري وياه
احمد :ليش ابوي جي شو قلت له
بوسلطان: عصبت
احمد : وبعدين
بوسلطان: وقلتله بيوزك خلاص وحلفت انه اذا ما رجع يوم الجمعه لا انا ابوه ولا هو ولدي وما راح اصرف عليه ولا فلس وليلة الجمعه بيملج بمحيرته
احمد: انزين
بو سلطان : وبس هاي اللي قلتله المشكله مب هني المشكله اني حلفت اني بيوزه
احمد: انزين روح اخطب له
بوسلطان :من محيرته العاش
احمد وهو يشرب ماي شرق مره وحده: شوووووووووو العاش
بو سلطان : هيه العاش ليش منصدم هي محيره حق اخوك
احمد: ادري
بوسلطان :عيل جي تسوي عمرك ما تعرف
احمد: لا ابويه انا ما قصدت جي بس العاش يوم انا كنت 7 سنوات وهي كانت سنتين يعني من مدة مب جايفنها من متى ما شفناهم ولا زرناهم وفجاة تبا تخطب بنت اختك
بوسلطان: وشو فيها هو صح اني ما زرتهم من زمان لكن ما قطعت عن سلاف كل اسبوع اتصلبها وانشد عن عيالها
احمد: والله مادري شو اقولك لكن تبا الصدق ما اداني رحمه اكرهه
بوسلطان: ليش ولدي عشان انه جايف نفسه علينا
احمد وهو يقوم من مكانه: واايد عليه مب بس جايف نفسه الا يغتر مادري على شو بتخبرك خله ولدك يوصل اول يكون احسن وسالفة الزواج يبه شله من راسك وصوم لك ثلاث ايام على حلفانك وربك كريم ويلا خلنا من هالسوالف ونلحق ع الشركه
بوسلطان : ان شاء الله روح انت وانا بلحقك "وتم بوسلطان يفكر بالسالفه".. صدقه احمد لو ااجل سالفة الزواج احسن خله يوصل البلاد ويصير خير "

نرجع للعين التوقيت 2 ونص ظهرا وتوها العاش تنزل من السياره ودخلت البيت
العااااااااش : اناااااااااااااايييييييييت
رحمه وهو نازل : وخير يعني ملكه اليزابيث وانا مادري
العاش : لا فديتك انا بنت بابا زايد الله يرحمه والشيخه فاطمة بنت مبارك
رحمه: انزين سويلي تلفون عقب عشان اجوف سالفتج
العاش تمت اطالعه بتكابر وتقول ف خاطرها "مالت عليك وعلى اللي يعطيك ويه"
رحمه: نعم اختي في شي قلتي شي
العاش بتوتر : "ليكون سمعني" هاه لا مافي شي سلامتك "وراحت غرفتها "
رحمه : اماااااااايه شو الغدا
ام رحمه :مجبوس دياي فديتك
رحمه : شو تتريين يلااااااا يوعااااان
ام رحمه :انشالله ولدي
نتوجه عند العاش فوق ف غرفتهااا
العاش:هلا حبيبي
.......: هلا عيوني
العاش: فديت صوتك بعدك راقد حبيبي
..........: هيه توج وعيتيني
العاش:محلات صوتك وتوك ناش من الرقاد قم حبيبي يلا تغدا وعقب ما تخلص اتصلبي اوكيك حبيبي
.........:ان شاء الله حبي
العاش :بااي حبيبي
..........:مب جنج نسيتي شي
العاش:لا ما نسيت اموووووووووووح هذي بوستك يلا حبيبي بااي
..........:بااي
بعد ما صكرت
وافديت هالانسااان شقد احبه وربي العالم اني اموووت فيه يالله متى احصل هالانسان يارب ادعولك يارب يكون من نصيبي يارب اجمع بيني وبينه واتمنى انه يحبني مثل ما احبه الله اتذكر يوم اول مره كلمته فديت صوته
.........:انتي شو تبين وينها ندى
العاش : صدق انك قليل ادب صدقها يوم ندى قالت انه لسانك متبري منك
........:والله
العاش :والله مليييييق واحد بس تدري ما تقدر تتحداني
........: لا اقدر اتحداج بتندمين اذا انتي تحديتيني
العاش :وااااااااااع مليييييييييييييييق بمعنى الكلمه
.......:ليش تبيني اسبج
العاش :ايخسي انت تسبني
..........:وينها ندى
العاش: هاج ندى خذي رمسي المليق
ندى : الوو
.......: والله ربيعتج فنتك طرطريشن والله عطيني رقمها
ندى:لااا قول والله عواش يبا رقمج
العاش :قوليله ما عندي هالسوالف البطاليه
ندى :سمعت شو قالت
.........:يلا عاد
ندى :لا صدق هي ما عندها هالسوالف والله احلف لك موول ما عندها
........:اففففف
ندى:هههههههه انزين شو قلت انك تباني بسالفه عن الشغل
..........:هيه تعالي منو بيكون ويانا ف المداهمه
ندى :انا وانت وابراهيم ومحمد وحسن وفاطمه
..........:انزين بس حاولي وياها ابا رقمها ابا ارمسها
ندى :اوكي
.......:ولا اقول اساليها مرة ثانيه
ندى:عواش يقولج يلا عاد
العاش:قوليله ما عندي سالفه اغازل واحد مليق وما عندي هالسوالف وما عندي فون اصلا
ندى :هيه ما عندها فون
........:كيف ما عندها فون انا اول مره اجوف انه وحده ما عندها فون
ندى :والله رمستها وشفت شو ردت
.......:انزين برمسها من فونج بتصلبج يا تشبكين وياها يا ارمسها من فونج
ندى :عواش يقولج انه بيرمسج من فوني بيتصل بي يا اشبك او ترمسينه من فوني
العاش : متفيج قوليله يصير خير يالمليق
..........:ههههههه والله انها تحفه
ندى:يلا انزين
........:يلا مع سلامه
ندى:يلا باي
........:ندى
ندى:هااا
........:حاولي
ندى : اوكيك زين يا احمد زين عورت راسي تراك
احمد :الله يخليج
ندى :اوكي
احمد :يلا باي
ندى :باي
العاش: وااع هذا وياج ف الدوام
ندى:هيه وياي فالدوام
العاش:ملييييييييييييق حده
ندى:بس ينحب
العاش :واااااااااااااي وايد مليق
ندى:ههههههه بس تبين الصدق طي
العاش:واااااع تراني شو اقولج مليييييق لاقوى درجه
وافديته هاي اول مره كنت ارمسه وبعدين رمسته من فون ندوي وكنا دوووم نتضارب سوالف ملاقه وبعد ف يوم من الايام ما رد عليه خفت عليه واتصلت به من فوني وتمينا جي وحبيته وياترى هو حبني ولا لا يا ترى معزتي عنده كم تسوى لكن انا اعشقه فديته انا ولد عبدالله الهاجري

.................:العااااااااااااااااااااااااااش العاااااااااااااااااش
العاش بخوف :واااي خرعتني هلاااااااااااااااااا امايه
ام رحمه :تعالي يمه الغدا زاهب
العاش :انشالله امااااااايه يايه

ونزلت تتغدى
"عالغدى"
رحمه :لازم نترياج يالشيخه تشرفين يالهانم جان تقوليلي كنت فرشت لج رد كاربت
العااش :اوه انت بعدك عايش مامت
ام رحمه: غربلات عدوينج اسكتي
العاش:جوفي هذا هو بدا يتحرش فيني
رحمه:لا قولي والله ليكون اتونس وياج بعد
العاش :اتونس بيك وانت معاي طن مالت مالت علي مالت علي يالله متى تفكني متى افتك من هالعيشه
رحمه :حصريا عما قريب انشالله يترياج الجهنم
العاش:لا تخاف افاا عليك رحمووو باخذك وياي حجزتلي ولك سويت هناك ما يستووي رحموو الخقاق يسكن بغرفه لازم سويت في اي بي
رحمه:بتسكتين ولا شو وهاي اخر مره اقولج طرار عندج تقولين رحموو رحمه لو سمحتي لا ايرج كف وانسيج كل اللي ف الدنيا وما فيها
العاش :زين زين كل بالاول عقب ارمس عن ينط لك عرج بس


هذا كان بارت الاول وياترى من بيرد على سوال العاش هل احمد صدق يحبها وشو تكون هي بنسبه له بتعرفون الجواب ف بارت الياي انشالله

وانشالله عيبكم البارت واتريا ردودكم