خبراء الباثفندر الدخول للأهمية الموتر يدق سلف ولا يشتغل

محروم.كوم · #1 08-18-2010, 12:50 PM

السلام عليكم ورحمة الله وبركاته

مادفعني لطرح الموضوع في منتدى مكشات
هو وجود أخوان سخروا وقتهم وجهدهم ومالهم
لخدمة إخوانهم حيث لا أعظم من نفعة المسلم

خير الناس أنفعهم للناس

وقد يتم الأستفادة من الموضوع لمن قد تحصل معه نفس المشكلة لاقدر الله

السالفة وما فيها

موتري إنفنيتي qx4 2003 المكينة 3500 نظيف جداً

طبعاً جميع محركاته هي نفسها محركات الباثفندر

سافر عليه أخوي وكان يشتكي من الحرارة ونقص الماء في الأديتر

فكان يعبي ولا يدري اين يذهب الماء

ووقف مرة يعبي بنزين وبعد ما أنتهى توجه للبقالة

وإذا بالحرارة تقريباً حول النص وإذا بالإنبيرات حقت الطبلون تلعب والمكيف يطلع الهواء فوق وينزل تحت
طفئ السيارة وعبئ مويه وبعد مابردت دق سلف وأشتغلت

ومشى وهو على الطريق حول المذنب تطفي السيارة فجأة
شيك الأديتر لقاه فاضي
عبى مويه ويدق سلف عيت تشتغل لاكنه لاحظ أن الموية تطلع مع الشكمان

شحنها بسطحة للمذنب

شيكوا عليها قالوا له عندك الرأس فيه مشكلة
طبعاً الموتر يدق سلف تدور المكينة لاكن ماتشتغل

فكوا الرأس وأرسلوه لعنيزة وخرطوه
وبعدها تم تغيير الوجيه والتركيب

ويدقون سلف نفس المشكلة المكينة تدور ولا تشتغل
لاكن دوران المكينة سريع ولا فيه ضغط هوا

قالوا له عندك مشكله في الكمبيوتر
دق علي وشاورني قلت له أرسلها علي في الدمام
وكان هدفي أنه مايلعب فيها أكثر من ورشة لأنه زي منتم عارفين الموتر إذا كثروا اللي مشتغلين فيه تضيع المشكلة

ووصل الموتر الدمام
ووديته إلى واحد سوري في الخضرية
شغلته يفحص الكمبيوتر لجميع السيارات ويبرمجها بعد

فحص السيارة وقالي الكمبيوتر سليم وجميع الحساسات شغالة
بس عندك دوران المكينة سريع ومافيه كمبرشن(ضغط)

ونصحني أنه أشيك على شغل الرأس والتايمنق حق المكينة

الأن السيارة في التشليح عند عمي وهو ميكانيكي في أرامكوا يعني فاهم
فهو الأن بيشيك على شغلهم ويوزن التايمنق
لأن وزنة التايمنق حقت الباثفندر صعبة مو مثل السيارات الثانية
فربما أنو الورشة الي أشتغلوها ما عرفوا يضبطونها لنه لها 11 نقطة توزن عليها

بس اللي عيا لايدخل مخي (الخبرة في الميكانيكا موجودة لاكن قليلة ) أنه البوجي مايجيه كهرب مافي شرارة
وش علاقة التايمنق بأنه مايوصل شرارة للبوجي

أسف على الإطالة

أتمنى أن أستفيد من خبرتكم
تقبلوا تحياتي أخوكم الغربي
__DEFINE_LIKE_SHARE__