عضو جديد يبي فزعتكم

محروم.كوم · #1 08-18-2010, 01:40 AM

السلام عليكم السالفة باختصار انه معي سيارة يوكن اكس ال م2008 عندي لمبة المكينة مولعة رحت للوكالة الجميح بريدة وطفوها وبعد كم ساعة ولعت ثانية ورحت لهم وطفوها وولعت ثانية ويوم قلت لهم وش السبب جاك الفلبيني مدير الورشة يدربي راسه ويقول غطاء البنزين ماهو راكب كويس قلت له طيب هالحين ابي افتح الغطاء ونشوف قال لاتفتحه ترى تتولع اللمبة وبعدين ندخل السيارة مرة ثانية ونطفيها.. المهم دريت ان ماعندهم سالفة ..المهم خرب عندي 3من اقفال الابواب ورحت لهم قالوا ماعندنا شي نبي نطلب لك مدري من وين ..طفشت ورحت ليماني عندنا بالديرة وقال لي لايهمك ابي احط لك اقفال تويوتا وارهمهن لك وتجلس معك اربع سنوات المهم بعد ماركبت الاقفال كانت لمبة السقف ماتطفي الابعد عشر دقائق ..ونسيت اقول لكم وهو شغال في السيارة اتصل علي يقول البطارية فظت قلت له عطها اشتراك عطاها اشتراك ومشت الامور وبعد كم يوم سافرت بالسيارة الى تركيا ولم وصلت فظت البطارية ولازم اشتراك عطيتها اشتراك وتجلس يوم ممتاز واذا تركتها تقريبا يوم ما شغلتها لابد من الاشتراك قلت يا ابو الفوارس مالك الا تغيرها المشكلة انت في بلاد الترك ماعندهم اسي ديلكو ولا عندهم وكالة للامريكي اصلا ..دورت على بطارية ولقيت عدة انواع سالت عن احسنها وركبتها .عاد جانا مربط الهورس طلع لي في الشاشة يقول غطاء المحرك مفتوح ابو الشباب يقصد الكبوت نزلت وشوف الرجال صادق والا لا لقيت ما عنده سالفة الظاهر انه شارب شيء تالي هالليل او ان الجو اختلف عليه امطار وانهار ..وبعد ازيدكم من الشعر بيت الشنطة اللي وراء معاد تفتح ابدا والقزازة كذلك ماتفتح الا بالريموت وايضا لمبات السقف ماتولع الا الى اذا فتحت باب السواق فقط وكذلك الاشارات والفليشر ما عندك احد وبعد الانوار من يوم تفتح الابواب بالريموت تشتغل ولا تطفي الا بعد ماتطفي السيارة وبالريموت فقط وبعد موية المساحات ماتشتغل ..طبعا فصلت السالب من البطارية كم ساعة ثم حطيت السوتش على onبدون تشغيل لمدة 10 ثواني ثم على of عشر ثواني ثم دقيت سلف 5 دقائق وطفيت السيارة ثم دقيت سلف ومشيتها ربع ساعة ولكن لاحياة لمن تنادي ...ابي فزعتكم يالنشامى ولكم دعوة في ظهر الغيب في هذا الشهر الكريم بس رجاء خاص لاتهملوني تراي انتظر ردودكم على احر من جمر الغضى ..ومشكورين مقدما. __DEFINE_LIKE_SHARE__