مساعدة الريال لحرمتهـ فـ شغل البيت .!

سلمى · #1 11-17-2008, 07:29 AM

السلام عليكم ورحمة اللهـ وبركاتهـ

موقف استوالي ومانسيتهـ بس ولا مرهـ ناقشت حد فيهـ

حبيت عقب هالوقت الطويل اذكر الموقف ف المنتدى واشوف راي الاعضاء

يوم كنت طالبهـ ف خامس ابتدائي كان عدنا درس عن التعاون وكانت المس تقول لازم الناس تعاون بعض

وتقدم المساعدهـ للمحتاج وانتو واجب عليكم تساعدون امهاتكم ف شغل البيت رديت عليها بكل براءهـ

نحن نساعدها حتى بابا "الله يرحمهـ ويغفر لهـ " يساعدها ويسوي الفطور بدالها مب كل يوم ساعات

حتى انهـ يحب يمشط شعري قبل ماسير المدرسهـ غير انهـ هو الي علمنا نرتب غرفنا عسب ماتتعب امايهـ

ماتتوقعون شو رد فعلها

حسيتها انصدمت وسألتني ابوج متعلم ؟؟ وامج شو تشتغل ؟؟

رديت عليها امايهـ ماتشتغل ابوي الي يشتغل

بس علامات التعجب بدل ماتخوز عنها زادت وتمت مبهتهـ وكأن ابويهـ الله يرحمهـ سوا شي غلط

ومب متعارف عليهـ ف المجتمع الي نعيشهـ ...

الي ابا اعرفهـ منكم

هل مساعدة الريال لحرمتهـ فـ شغل البيت تسبب خلل في نظام الحياة الزوجية ؟؟

او ان هالشي مايخصهـ في النظام لانهـ يعتمد على توافقهم بالدرجهـ الاولى ومدى تفاهمهم وتعاونهم ؟؟

اتريا آرائكم / سلمى __DEFINE_LIKE_SHARE__

الـدانـة · 11-17-2008, 09:16 AM

وعليكم السلام والرحمة

تسلمين أختي سلمى على طرحج للموضوع

وبالنسبة لمساعدة الريال حرمته في شغل البيت

هالشي ما إيسبب أي خلل في نظام الحياة الزوجية

ومثل ما قلتي هالشي يعتمد على مدى اتفاقهم وتفاهمهم

إذا الريال من النوع اللي يحب يساعد حرمته فالبيت فهذا الشي طيب

ويعزز من روح التفاهم والتعاون بينهم

أما إذا الريال من النوع اللي ما يساعد حرمته في شغل البيت فأعتقد أن هالشي مب غلط كبير

و هو مب مجبور عليه

و في مجتمعنا الخليجي والشرقي بشكل عام

أغلب الرياييل يرفضون فكرة مساعده حريمهم في شغل البيت

لأنهم يعتقدون أنه هالشي واجب على الحرمه

وهو مهمته أنه يشتغل ويوفر لحرمته وعياله كل ما يحتاجونه ويضمن لهم الحياة الكريمة

و بصراحة ما أجوفها حلوة أنه الريال يغسل ويطبخ وينظف

المفروض الحرمه هي اللي تسوي هالأشياء

عيل ليش سموها ربة بيت ؟؟ على الفاضي ؟؟!!

وهذا مجرد راي .. والسموحة على الأطالة __DEFINE_LIKE_SHARE__

{., مغرۈرھٌ آلجمآل ۈ۶ـمھٌ --» · 11-17-2008, 01:38 PM

السلام عليكم وحمه الله وبركاته

في البدايه تسلمين على هذا الطرح المميز

شغل البيت يعتمد على المرأة من طبخ وغسيل وتنظيف لكن شو المشكله لو الريال ساعد حرمته في شغل البيت مب شرط يغسل او يطبخ أو شي ثاني عالاقل بس يمسك عياله

وخاصه اذا الحرمه ما عندها شغاله لازم الزوجين يساعدون بعض عشان يعيشون حياتهم عالحلوه والمره

تقبلي مروري __DEFINE_LIKE_SHARE__

مخــ جـرحـه ــاوي · 11-17-2008, 01:57 PM

[align=center]
الـــــســـــــــــــلام عـــــليكـــم ورحمـــة اللـــــــه وبـــركـــاتـــــه ..

اللـــــه يصـــبحـــكمــــ // يمــــــــسيـــكم بكـــــل خــــير ..

أولا ..

شـــاكـــرين ع المــــووووضوووووع ...

واللـــه يرحـــم أمــــواتـــنـــا وأمـــوووواتـــكـــم .. وأمـــوووووات جمــــيع المــــسلمين يــا رب ..

وثـــانــيا ..

موووضوع .. يمكــن يكووون حساس .. لبعـــض النـــاس .. مــن جهــة انـــه .

(( عـــــــــــــــــــــــــــــــــــــــــــــــــ ـــــــــــــــــــــــــــــــيـــب ))

يشتغـــل الـــريال في بيتـــه .. وشوووو شغـــلة الحـــــــــــريم ....؟؟؟

هـــذا كــلام بعض النـــــــــــاس ...

أمـــا بالنسبـــه ... لــوجهــة نـــظــــري

وبكـــل صراحــــه ..

أقوووول .. ما فـــيها أي شي أنـــه الريال يســـاعد أهــله في البيت .. بالعــكــس

أحــس فــــي هالـــشي متعـــه .. لكـــلا الطـــرفين ..

وشي جميل .. وساعات تستوي .. مــواقف حـــلوووه ..

وأنــا عن نفــسي أساعد .. الــووووالده .. بمــا أنــب عـــززززوبــي لحــد الآن ..

وأسوي الشـــاي أحـــيانا .. ....... الخ ...

.. وبــــــــــث .. ها اللـــي عنـــدي ..

ومـــشكـــوووورة ياختـــي ســـــــــــــلمــــى ..

ع المـــــــووووضووووع الــــحلووو .

وربــيعطــيج ألــــــــــف عــــــــــافــــيه ..

دمتــــــي بــــــــوووووود وفـــــــــــائق الإحتـــــــــرام ...

مخــــــ جــــــرحـــــــــه ــــــــــــــاوووووي ...^^[/align] __DEFINE_LIKE_SHARE__

♥دمعه الشوقـ♥ · 11-17-2008, 07:17 PM

وعليكم السلام ي

بالعكس احسها شغله طبيعيه

انا مادري ليش العــــــــــــآآآلم تحب تعقد الامــــــور يعني حتى العلاقـــــــــه الزوجيه ليش يكون فيه حواجز مابين هالشخصين

ماهمه بيعيشــــــــــــــــــون عمر بحاله مو يوم ولايومين عسب مايساعدهـــآآآ لازم الحنيه متبادله من الطرفين يعني لما اجوف ريلي

تعبــــــــــــــــآآن وكارف لازم اوقفــــ وياه وهو بعد بالمثــــــل <-----------مو بالصريخ والمعاير انا سويت وانتي صفر عالشمال

انا راعي البيت وانتي المربيه وهي تقول انا المدام تلبي لي كل طلباتي <---بنـــــــــــــك -------> النـــــــــد للند

معلمتج هاي <--------جيه عايشه فتقـــــــــول بنفسها بعد في ريايــــــيل يقدرون حريمهم جيه

ولو بدر هالشي من اي ريــــــــــــآآآل هذا يعتبر من شهامه فيه وكرم اخلاق منه --------------> والاهـــــــــــــــم احساســــه بهالمخلوق

كل الشكر لج خيتوو السمووووووحه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعدة ممكن تردد قناة اهل البيت	محروم.كوم	منتدى أخبار المواقع والمنتديات العربية والأجنبية	0	06-26-2010 09:40 PM
البحث في المنتدى عرض المواضيع عرض المشاركات البحث المتقدم أدخل شروط البحث الخاصة	محروم.كوم	منتدى أخبار المواقع والمنتديات العربية والأجنبية	0	03-06-2010 09:11 AM
مساعدة في البحث عن هاك الاهداءات	محروم.كوم	منتدى أخبار المواقع والمنتديات العربية والأجنبية	0	09-02-2009 03:30 AM
مساعدة في خاصية البحث	محروم.كوم	منتدى أخبار المواقع والمنتديات العربية والأجنبية	0	04-26-2009 09:00 PM
شغل الريال في البيت	شــمــ انثى ــو خ	الحوار والنقاش - الرأي والرأي الآخر	9	04-17-2008 01:08 AM