غـ ـ ـالي غـ ـ ـ ـلاك فـ ـ ـ ـي فلـ ـ ـبي وسـ ـ ـ ـط الحشـ ـ ـى و اليـ ـ ـ ـوفي

♥ روحي تحبك♥ · #1 01-12-2008, 06:47 PM

بسم الله الرحمن الرحيم

تبتدي بالشخصيات ..
" انا بذكر ابطال قصتي من البنات " << شو هالعنصريه خخخ
هههههه لا بس كل ما يظهر حد بقولكم عنه

اول وحده مهره << بنت ثالث ثنوي يعني 17 سنه ( بنت العم عبيد )
مواصفاتها مهره بنت آيه من الجمال مث ما يقولون ... ماخذه من ابوها الجمال لبدوي لها عيون وساع سوود و شعر طويل اسود ليل و خشم مثل حد السيف

اخوانها <<
الجبير هزاع >> 21 سنه
عقبه مـــايد >> 20 سنه
ســــاره << 15 سنه
خوله << 9 سنين

===================================

ثاني وحده الريم << هي بعد بثالث ثنوي 17 سنه و اتكون بنت عم مهروو ( بنت العم راشد )
مواصفاتها : الريم بنت حبوبة وااايد وادش القلب بسرعه و حلوة واايد جمالها ما ينوصف << بس انا بوقول لكم خخخ
ريم لها عيون فاتحه و شعر نااعم لونه جي ع بني يوصل لآخر ظهرها و حياتها مقرونه

اخوانها <<
الجبير << حمدان 25 سنه
الي عقبه حميد << 19 سنه
والتوأم حمده و عليا << 15 سنه

======================================

امم بنت عمهم الثالثه اتكون المهـــا و هي بنفس العمر 17 ( بنت العم جاسم)
مها بنت حبوبة و ربشه و سوالفه بس مشكلتها الي قلبها ع لسانها و ما تعرف تسكت و جمالها جمال بدوي يعني سمارها و عيونها و حياتهاا و رشاقتا و كل شي فيها حلو يعني باختصار اطيح الطير من السما

اخوانها <<
الجبير بطي << 21
و عقبه سالم << 19 سنه
ومن ثم خالد << 18
و اخر العنقود العنود و عمرها سنتين

==============================================

عايشه وهي بعد وياهن بثالث ثنوي 17 سنه ( بنت العم سيف ) و هي بعد بنت عمه ترا الــ 4 بنات عم

ياويل حالي على عاشه اممم ترومون اتقولون انه الي يشوف عواش و يشوف مهاري ما يصدق انهن مب خواتيعني لهن نفس الجمال

اخوانها <<
الجبير هادف عمره 21 سنه
و عقبه سلامه 19 سنه
و من ثم فطامي << 15 سنه
و خليفه << 13 سنه

امممم بس هاييل البطلات و انشالله بيظهرون الابطال خلال القصه

=========================

البـــــــــــــــــارت الأول

يوم الخميس في عرفة عاشه التلفون يرن ويرن و يرن وهي الدبه نايمه و متعايزه اتشيله
بس بالاخير طفرت و شلته

عواش و بصوت ناعس : الوووو
مهره : يالسباله يالبقر انتي بعد راقد الناس كلها قامت
عواش : الحمد لله بخير
مهره : عافانا الله اقولها نشي اتقولي الحمد لله
عواش : اففف
مهروو : عواش نشي يلااا
عواش مابا يلا مع السلامه
مهروو : والله يا عواش ان ما نشيتي لا اييج واقطع لج كشتج فاهمه
عواش : خيبه اتخيبج من بنيه انزين يا بووج بنش بنش
مهروو : ههههه فديتها الي تسمع الكلاام
عواش : ايي انتي شعندج من الصبح اتنششين خلق الله
مهروو : يزاتي يالدبه
عواش : ههههههههه
مهروو : كنت بقولج انا بنسير اليوم صحارى بعد الظهر اذا بتين
عواش : منو بيوصلنا
مهروو : هههههه عرب
عواش : سخيفه انزين حسبالي حيوانات الي بتوصلنا قولي منو و خلصيني
مهروو : هزاعو بيوصلنا

وهني يقرصها هزااااع

هزاع : اصغر عيالج اتقولين لي هزاعوو
مهروو والله يعور
هزاع : ههههه ادري عسب ما اتعيدينها

مهرو لاحظت انه فجأه عواش صخت<< طبعا من سمعت طاري حبيب القلب ذاب قلبها خخخ<< جان اتصارخ في التلفون و اتقول
مهروو : بوووووووووو
عواش : يعلج السحاق و الماحق و الرصاص المتلاحق قولي امين
مهرو : ههههههههههههههههههههههههه خيبه خيبه لا يطيح نصج
عواش : سباله وحده ليش جي سويتي ؟؟
مهروو : ههههههههه مادري بلاج فجأه صخيتي
عواااش : ليش حراام و مافي شي
مهروو : اهااا حسبت انج ذبتي من سمعتي طاري عرب
عواااش : هههههههه لا حبيبتي ما ذبت ولا شياته
مهروو : هههههه الحين شو قلتي بتين او لا
عواااش : لا مارووم
مهروو : ليييييييييييييييييييش يالدبه
وهني يسحب التلفون هزاع
هزاع : عواش
عواش : لبيه
هزاااع : يلااا قومي اتلبسي بمرج الحين عسب اتين ويانا
عوااش : مو توكم قايلين بعد الظهر توها الساعه 12.30
هزاع هني قفط
هزاع : هههههههههههههههههههههههههههه شو اسوي ترا كلـــــه منج انتي الي ماخذه عقلي ميننتيني
هني عواش خلاص بغت اتموووت
هزاااع : عواشي وين سرتي حبيببي
هني سكرت عوااش بويه هزاع

هزااااع : ههههههههههههههه خيبه خيبه خيبه

==============================

اول شي بخبركم عن هزاع
مثل ما اتغرفون هو اخو مهره عمره 23 سنه يدرس براا لبلاد في استراليا و يحب عواش قصدي يموووووووووت فيها و دووم يحرجها بكلاامه الحلوو جدام الناس وكذا مره قايلتله انه ما يسوي حركاته بس هي تظهر من قلبه عفويه مب هو الي يتصنعها عسب جي مراات عواش اطوفله بعض الحركات
بس مشكلة هزاع انه خقاق بس صراحه من حقه لانه مشالله عليه حلو بطريقه حنطاوي عيونه وسااع و شعره طويل يوصل لرقبته و جسمه متناسق و دوووووومه كاشخ و البنات يومتن عليه لدرجه انه هن يرقمنه مو هوو
و بــــــــــــــــــــــس

==================================

امـــــــــــــــــــــــا عن قصته هووو عوااش
فهم يحبون بعض من وهزاع فالاعدادي و كبر حبهم في قلوبهم مع الايام
بحيث انهم ما يروموون يستحملون انهم يكونون بعااد عن بعض
حتى ان عايشه تاثرت وااااااايد وااااااااايد يوم ما سافر هزااع استراليا عسب الدراسه و يمكن مر عليها شهر ما تاكل زين عسب جي ظعفت و لونه اصفر لين ما اتصل بها هزاع و وصاها انها تاكل لانه بيرد و جي يعني

======================================

انرد حق هزاااع و مهره

مهروو : هاا شو قالت بتي ولا لأ
هزاع و هو يتذكرها و يبتسم : امم مادري
مهروو : لا والله
هزااع: هي والله مادري
مهروو : الحين انت خذيت التلفون مني تقنعها والله ما منك فايد
هزاع : ههههههه لا اتخافين بتي انشالله
مهرووو : انزين هزاعي ممكن تطلع برا لاني اريد ارقد
هزاع : لا تزقريني هززاعي ترا عرب بيغارون
مهروو: مسكين يا خوي مسوي حق عمرك سالفه وهي اصلا مب مسويتلك سالفه و عاطيتنك اكبر طاااف
هزاع : هههههههه اونه انتي اصلا غيرانه
مهروو : ههههههههههههههههههههههههههه ومن شو اغار
هزاع : لان ما حد يحبج
مهروو : ههههههه بلا في
هزاع : منو هالاهبل
مهروو : انت ههههههه
هزاع : منو قال
مهروو: سمعت
هزااع : ههههههههه لا فديتج اشاعه اشاعه
مهرو: يالخااااااااااااااااااااااااااااايس يالجلب يالدب اطلع بارااااااااااااااااا
هزاع :ههههههههههههههههههههههههههههههههههههههه
انزين بس لا تنسين اتاكدين ع عرب انهم ايوون
مهروو : هزاااااااااااع اقلب فيسك ايااااا ارقد
هزاع : هههههههههههههه انشالله يلا باي

==================================

طلع هزاع من الغرفه و هو يفكر بعواش آآآآآآآآآآآآآآآآآه ياربي متى يا عواااش اتصيرين ملكيملك قلبي والله اني احببببببببج اخ متى اي اليوم الي المج لصدري فيه اليوم لاي اتصيرين ملكي انااا اااه ياني مشتاق لج يا عوااش مووت يا عواش مووووووت

==========================

امــــــــا عند عواااااااااش فهي متيبسه مكانها لان هزاع قال لها فديتج و احبج و و يلست اتقول في خاطرها آآآآآآآآآه يا هزاااااع كم احبك واللاه اني اموووت في حبك والله يا هزاع لو تطلب عمري فدوه لك لافداك به

وبعد جي 5 دقايق راحت عند امها اتخبرها انها بتسير وياهم صحارى و امها وافقة و اتصلت حق مهاري و خبرتها انها بتسير وياهم

=======================
وعلى اذان الظهر قاام هزاع وصلى له ركعتين زياده عن الفريضه و دعى ربه انه عواش اتكون من نصيبه
وبعدها سااار اتعدل و اتكشخ و لبس له كندوره سوده و سفره حمره و طلع من غرفته و دش الصاله لقى مهاري يالسه

هزاع سلامي عليج مهاري
مهاري: هلا والله هزاع اشحالك اخويه العزيز
هزاع : ههههههه بخير يعلج الخير
مهاري يلاا قم بنتأخر
هزاع : ههههه ها الي هامنج انتي لا مشينا

===============================
و سار هزاع بيت عمه جاسم و شل المها و بيت عمه راااشد و شل الريم و اخر شي سار بيت عمه سيف عسب يشل عواش و دق هرن ند باب البيت

عوااش فز قلبها لانها بتشوف هزااااع
و ظهرت عواش من البيت و سارت صوب السياره و دشت

عوااش شحالكن بنااات
الباات << يسرج حالنا و انتي اشحالج ؟؟
عواش < بخير يا مال الخير
هزاع : وانا مالي رب
عواش : ههههههههه افا لا والله اشحالك الشيخ علومك
هزاع : بخير دامني اشوفج و اسمع صوتج
عويش صخت لان قلبها تم يدق بالقوو

===========================
المهم وصلوو المووول و البنات سارن لكن عواش اتأخرت لان بوكها طاح منها و تمت ادروه
هززاع حصل البوك و راح عند عواش و زقرها عواش فز قلبهاا
هزاع : الشيخه
عواش : هلاااا
هزاع : هذا هو بوكج
عوااش : ههههه هيه هذا هو السموحه ع المعثه خذته منه و توها بسير جان يمسكها و تقر منها وايد و همس لها احبببببببببببببببببج يا نظر عيني
عواش تمت تتنفس بسرعه و هزاع كان يحس بها فمشى عنها و هي ربهت صوب البنات
عواش : يالخاينات و وين سرتن
البنات : هههههههههه شو قالج
عواش : سخيفات انزين
البنات : هههههههههههههههه
الريم طاعوو هزاع وقف يكلم وااحد امي على الشباب عاد يا حبهم بسوالف الحين بيخلص الوقت و ما بنشتري
المها << هههههههه قومن بنسير الطابق الثاني
البنات < يلا

=============================
و سارن الطابق الثاني و اول ما وصلو كانو شلت شباب في ويهم و تمو يلاحقونهم و يعقون عليهم رمسه
الريم << اففففففف شو يبون هاييل
المهــــــا << مادري اولله بس صج ما شي مذهب
مهووي : ههههه عطوهم اكبر طااااااااااااااااااااااااف
البنات : هههههههههه اووكي
لاكن الشباب تمو يلاحقونهم لين ما طفرو البنات لانهم ما عرفو يتشرون و السبه هم جان اتصد صوبهم مها

مها : اقووووووووووول انتو شو تبووون
طلال : يا ويل حالي شو هالحلاه
فيصل : هيه والله شو هالزين
طلال : يا حظه الي مرقمنج ويايه كاشخه عشانه
مها : اتخسي والله اكون راعية هالسوالف البطاليه و اقوول جب انت وهو لا تشوفوون شي ما يسركم انزين
طلال اها عيل مو محجوزه هههههه بس مشكله لسانج طويل الله يعني عليج بعد ما اخذج
مها : اتخسي والله اخذ واحد شراتك
طلال : اي انتي مصختيها بلاني ما نقصني شي
مها : هيه ابد مو ناقصك حتى مؤدب مشالله عليك
طلال: عصبن عليج مؤدب
مها : ترا شو قلت لك مؤدب والدليل اتلاحق بنات الناس فسناتر
وسارت عنه

=============================

صحيح مها سارت عن طلال لكنها ما غابت عن باله تم يذكرها و يذكر رمستها
فيصل : طلوووووول اسميك انت رحت فيها
طلال : ياويل حالي شو هالحلاه شو هالزين بمووت فصوول بمووت
فيصل : منقوووود يا مؤدب تمدح بنات الناس و تتفداهم هههههههههههههههههاي
طلال : جب جب اسكت والي يسلم والديك مو متحمل سخافتك

.
.
.
.
=====================================

امـــا مها سارت صوب البنات تربع

مهـــا و هي تتنفس بسرعه : صدق ما شي مذهب
البنااات : ههههههههههه هدي هدي
مها : ههههههه والله غسلته لكم غسيل
البنات : هههههههه ندري بج تراا

المها : هههههههههه خايسات
و كملن البنات تشري و سوالف و ظحك و كل شي
و تمو يتمشوون

وفجأه
.
.
.
.

تشهق مهاري و تربع و يربعن وراها كل البنات

عواش : مهروو صبري مهرو ردي علي

مهروو : تصيح و طااااااااااااااااااااااااااااااااف

الريم : مهروو لا اسوين جي مب زين

مهروو : ..................

مهوي : مهروو اصبري الله يخليح :

مهروو : ...................

=========================

نهــــــــــــــــــــــــاية البــــــــــــــارت
السموحه ادري انه قصير

عواش و هزااع شو بيستوي ؟؟
مهروو ليش فجأه صرخت ؟؟
طبعا البارت الاول احداثه عاديه
انشالله عقب بتبتدي الاحداث و بــــــــــس

===================

ابا ردودكم الحلوة عسب اكملها.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح مرئي لحديث اذكر الله يذكرك للشيخ ا.د. فالح الصغير	محروم.كوم	منتدى أخبار المواقع والمنتديات العربية والأجنبية	0	03-16-2010 03:10 PM
أحـبـﮧ حب هـآلـﮕـنـي سـﮕـن فيني تـمـلـﮕـنـي ◄♥	›• غَنٍجَ اڷشاُمً ‹•	المسنجر وملحقاته , توبيكات , ماسنجر بلس , msn	14	02-07-2010 10:03 PM
لّـيــه مستغ‘ـرب ج‘ـنوني .!؟ يـاّ موصلّـنـي ـالج‘ـنونْ ~mms	ραтсні	هواتف , مسجات , وسائط , برامج , ثيمات , نغمات , بلوتوث	11	01-05-2010 05:53 PM
أجمل بنات وجميلات العرب مستقبلاً ألحق قبل الحزف	محروم.كوم	منتدى أخبار المواقع والمنتديات العربية والأجنبية	0	10-11-2009 06:10 PM
الصقارة وحب المقناص جيل بعد جيل(فايز ابن فالح الشرافي الدوسري)	محروم.كوم	منتدى أخبار المواقع والمنتديات العربية والأجنبية	0	05-23-2009 10:20 PM