السهر في شهر رمضان المبارك .... آراائكم - الصفحة 2

*نظره مني تسدك* · 08-16-2010, 02:04 AM

"

وعليكم السلام ورحمة الله وبركاته

سلمت يا رآعي صوغه ع الاختيآر الطيب

بالنسبه لشهر رمضآن الكل يعرف انه شهر عباده وشهر قرب من الله سبحآنه وتعالى

والوآحد لازم يستغل هالوقت بشي زين..

مثل قرآيه القرآن..زيآره الاهل..اسآمح من اذآني..لمآت الاهل والاصدقآء..

لأن هالشهر الفضيل فيه خصوصيه سبحآن الله غير عن الشهور الباقيه

معروف من نحن ويهال..ان رمضآن جيه وجيه

بس زمآن كآن الوآحد مآ يلهيه شي في هالشهر الفضيل..غير انه كآن يبغي العبادده

الحين..الوآحد من يضوي رمضآن..الحرمه تتذكر السوق

الريال مآ فصل الكنآدير ومآ شرى رآشن رمضآن

العيال اغلبهم..حآطين ورقه وقلم ويلوس عند التلفزيون..يبغون يعرفون اوقآت المسلسلات ووين تييئ..؟؟!!

الشباب المدآومين يطلبون رخصه..عسب السهر طول الليل..ورقود طول النهآر..؟

نحن مآ نقول لا اتعآبعون..بس استغفرالله هالايآم هالسالفه منتشره بكثره

والله سمعت وحده تقول هآآآآآ اي مسلسل اتآبعين..><

في ذمتكم هذذآ سؤال..؟

يعني لين متى ونحن جيه..هو الا شهر وآحد ف السنه..الله العآلم السنه اللي عقبهآ بنصومه والا الله بيآخذ امآنته

بس في نآس تكون حريصه كل الحرص ع الموآضبه ع العباده ف رمضآن..غير عن الشهور الباقيه

كل شي بيكون له وقته

التلفزيون له وقت
النت له وقت
يلسه الاهل لهآ وقت

زيآره الارحآم لهآ وقت..

وعسى ربي يقدرنآ على فعل الخير في هالشهر الكريم

وتسلم يا رآعي صوغه ع الطرح الطيب

المسآمحه جآن طولت ف الرد..~

عسآك ع القوه..~ __DEFINE_LIKE_SHARE__

~» مـآ غرنـﮱ مْــزيِـــﯛטּ ™, · 08-16-2010, 03:24 AM

السلآآآم علييج .. عليييج ألف عآآفييه ع هآلطررح الطيييب ..

موضوع ف قمِـه الروعه .. وف وقته ..!

الصرآآحِـه كلآمــج صح 100 ف 100 .. سهر × سهر ..

انآ عن نفسـِي اسهر صح .. بس الحمدالله الصلآهـ و اقرأ قرأن ان شآء الله اختمه ..

بس بعد انطآلع مسلسلآت و نسهر ..

الله يتقبل صيامنا وطاعتنا ان شاء الله

يعطيييييج ألف عآآفييه .. وتستآهلين احلي تقييم دبوهـ .. ^^

ولآ تحرمينآ من يديدج .. =) __DEFINE_LIKE_SHARE__

ઇ النورس ઇ · 08-16-2010, 04:42 AM

وعليكم السلام ورحمة الله وبركاته

تسلم يالغالي على هالطرح الطيب ^ـ^

..

موضوعك يتحدث عن واقع نعيشه الصراحه

والله يالغالي نحن وااايد مقصرين تجاه ربنا وتجاه دينا

وبالرغم من ان فرمضان لازم نتقرب أكثر إلى الله تعالى

إلا ان اللي صاير العكس الصراحه ,, ><

السهر يكثر .. واللعب يكثر .. والإسراف يكثر ....... الخ

..

رمضان مب شهر مسلسلات ولا شهر لعب وظهرات

رمضان شهر عباده

سابقا ,, كانوا الناس يفرحون بقدوم رمضان ,, لنه شهر صيام وشهر عباده وتقرب إلى الله تعالى

وفرصه لغفران الذنوب ..

أما الحين ,, الناس يفرحون بقدوم رمضان .. لنه شهر مسلسلات وشهر لعب ورقه وسهر

يعني عارفين الجدول الجماعه ><

وأنا مب يالس أقول هالكلام وأحسسك اني أحسن واحد عاد ^^

بالعكس ... فأنا أحوج إلى هالكلام عن غيري ^ـ^

لكن هذا الواقع اللي نعيشه الآن

واللي صدق يخلي الواحد يندهش

انك تشوف عدد الناس في صلاة التراويح مثل عدد الناس في صلاة الجمعه

وباقي الصلوات لأ .. لا الظهر ولا العصر , وما يحتاي نتكلم عن الفير ><

ليش يعني ؟؟

وياليت ان هالعدد في صلاة العشا والتراويح يتم لين بعد رمضان ,,

من يخلص رمضان .. ما بتشوف ربع هالعدد .. !!

صحيح ان صلاة التراويح سنه .. ويجب اتباع سنة رسولنا الكريم

إلا أن هناك أيضا فروض يجب تأديتها معى سنة نبينا محمد عليه الصلاة والسلام

....

بيطول الكلام فالموضوع يالغالي ^ـ^

والله يتقبل منا صيامنا قولو آمين

( اللهم اغفر للمؤمنين والمؤمنات الأحياء منهم والأموات )

..

تسلم على هالطرح الطيب

ومجهود تشكر عليه

واصل معتا بمشاركاتك وتواجدك يالغالي

وموفج ان شا الله

النورس __DEFINE_LIKE_SHARE__

@Wrong waY@ · 08-16-2010, 06:51 AM

شهر عباده وتقرب لله الكل عنده ها المعلومه بس للاسف التطبيق منعدم تقريبا

طبعا اللى متعود على السهر وما يتبعه فى رمضان ما بتفرق كثير عنده الا هي عاده ومتعود يوميا يسهر ويقضى وقته فى اشيا مالها معنى ولا فايده وينتهي الشهر الفضيل بدون مكسب يذكر والله يهدينا اجمعين شو لنا غير الدعاء و يبالها شوى عزيمة نفس على التغير لان مب بس شهر رمضان حق الطاعه وعقب خلاص نرد شرات اول لا كل الاوقات وكل الشهور للعباده بس رمضان له نكه مختلفه ما نختلف والاجر مضاعف وسلمت على الموضوع __DEFINE_LIKE_SHARE__

وحداوي البال · 08-16-2010, 04:41 PM

السلام عليكم ورحمة الله وبركاته

مشالله عليج اختي ع الكوضوع الطيب

عني انا اسهر لين السحوور بس مأكل شيء لني اسوي رجيم

ولا اطالع المسلسلات واقرا ء قران واصلي وانشالله الله يتقبل مني وانشالله اختم القران

ويعطيج العافيه ع الطرح الطيب

وبانتظار يديدج

وحداوي __DEFINE_LIKE_SHARE__