| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
01-23-2009, 07:39 PM
| رقم المشاركة : [ 401 ] | |
| عضو دائم  |  وين البااااااااااااااااااااااارت
__DEFINE_LIKE_SHARE__
| |
| ||
 |
|
01-23-2009, 07:41 PM
| رقم المشاركة : [ 402 ] | |
| عضو ماسي | السلام عليكمـ.. السموحهـ عـ التأخير .. واشكر كل منـ تابعـ القصهـ مع غرشوووبـ واختهـ التوم وهي اخر بارتااات ..وسموحهـ اذا قد يوم اتاخرنا عليكم ... وانا بنسبالي استمتعت معاكم في هل قصه وكسبت صداقتكم مثل غرنوجهـ و مزين وراكـ ونونو اكيوت والغناهـ وامـ كشهـ ودمـ الغزآلـ وغيرهم ...وخويـ غرشووبـ امس رد المانيهـ وقال انزل البارتاات اليوم ..وان شالله راح انزل قصه ايديده من تأليف غرشووب هو من متى كاتبنها بس هب راضي يعرضها بس انا راح اعرضها اخخخ المهم راح اخليكمـ معـ البارتاات ... البارت الأربعين ( والأخير ) ساره : انا برد بيت هلي سلطـان : مب على كيفج ساره انصدمت : شــووو انت وعدتني سلطـان : متى انتي روحج رمستي انا ماقلتج بودييج ساره شوي وبتصيح : مايصيـــرر جي حراام عليك والله انا مابا اعيش معااك سلطـان : مب لعبه اناا كل ماتبيني اتين ويوم اتملين تردين بيت هلج وظهر من الحجرة وقفل عليهاا الباب ساره تمت تصيــح وتضرب الباب وتسب سلطــاان سب وهو حرج وظهر من البيت وما سوالها سالفه ام أحمد نزلت فـ بيت ولدهاا احمد يلست هناك لين العصر عقب قالتله تبى ترد بيتهاا وصلهاا البيت ام أحمد استغربت البيت هادي سارت صوب قسم سلطـان دقت الباب سمعت صوت ساره ساره : بطــل الباااب الله بخلييك ودني بيت هلي ( وردت تصييح ) ام احمد استغربت : ســـاااره !! ساره : خـــاالوه خل سلطـان يردني بيت هلي ام احمد : سلطـان وين وليش الباب مقفول ساره : ماعرف ماعرف كل إلي اعرفه انه قفل عليه الباب هنيه ام احمد : من متى وانتي هنيه ؟ ساره : من الظهــر ام احمد : مسـوود الويه والله لراويه سارت ام احمد الصاله وتمت تتصل لـ سلطـان وكله كان يعطيها مغلق تمت محرجه علييه وكل شوي تحاول وتتصل بس ماشي فايده كانت وااايد زايغه ع ساره لأن عوشه خبرتهاا ان ساره حامـل وسلطـان مايدرون وينه ومبايله مغلق تمت ام احمد واعيه لين الساعه 3 الفير تتريا سلطـان بس ماياا تعبت مارامت اتم اكثر جان ترقد امـا ساره إلي مارامت ترقد وتمت حاضنه روحهاا فـ زاويه الحجرة وهيه تصيــح حست راسهاا يدور وانها حيـل تعبانه ويوعانه نشت عسب تدق الباب وتجوف ام احمد وينهاا وشو سوت حاولت تنش من مكانهاا بس مارامت كل ما توقف تحس بدوخه وتطيح تمت يالسه فـ مكانها كل إلي تسويه تترك لدموعهاا تتسقط من كثر ماصاحت حست بتعب والدنيا اسودت فـ عينهاا استسلمت و طاحت عالأرض فاليوم إلي عقبه نشت ام احمد عالساعه 10 ونص وهيه زايغه ع ساره وع سلطـان ساره صوب حجرة سلطـان دقت الباب ماسمعت صوت ساره قلبها قبضهاا على طول سارت صوب التلفون وهيه كلها امـل سلطـان يرد عليهاا شلت سماعه التلفون وتمت تدق ع رقم رقم وايدهاا ترجف ماتدري ليش !! قلبهاا قابضنهاا !! سلطـان : الــوو ام احمد : سلطــااان سلطـان : لبيه ام احمد : يـااا مسود الوييه هاي سوالفك هااه ؟ ليش قافل الباب ع حرمتك !! ولا حاطلهاا شي تاكله وبعـد البارحه هب راد البيت هااه ، مب زيين عليهاا حرمتك حــاامل سلطـان انصدم : شـــــووووووو ام احمد : شو إلي شوو يالله بسرعه تعــاال البيت وبطل الباب لأكسره ع راسك يالله سلطـان : بس امايه انا فالشركه ام احمد حرجت : اقلك حرمتك حامل ومب زين عليهاا البارحه ذبحت روحهاا من الصياح وألحين ما اسمع إلهاا حس انا خايفه عليهاا يالله تعـــااال بسرعه سلطـان : ان شاء الله امييه مسافه الطريج واكون عندكم سكر سلطـان التلفون وهو مايدري يستانس ولا يلوم نفسه على إلي سوااه ربع صوب سيارته وحركهاا وتوجه صوب بيتهم تقريبا خلال عشر دقايق وصل البيت نزل وهو يربع أمــه هزبته هزااب على إلي سوااه سار وبطل باب الحجرة جافوا ساره طايحه عالزاويه سلطـان وام احمد ربعوا صوبهاا سلطـان : سااره ســااره ام احمد : تستهبل انته شو إلي ساره وساره شلهاا وودها المستشفى بسرعه اقلك حرمتك حامل سلطـان كان وايد مرتبك لأنه انصدم لحمل ساره وانصدم لما جافهاا بهاي الحاله وكــاان واايد زايغ عليهاا شلهاا ووداهاا سيارته وام احمد شلت عباتهاا ولحقتهم وتحرك سلطـان وسار للمستشفى صوب سيف كان توه ساير لمكتب سلطـان انصدم من عدم وجوده اتصل فيه سلطـان خبراه إن فالمستشفى وسأله ليش وجي خبره ان ساره تعبت سيف زاغ ع اخته واايد من سكر عن سلطـان سار لسيارته وحرك وسار صوب المستشفى وصل عقب 15 دقيقه بالضبط سار الرسبشن وسأل عن ساره محمد الـ .... قالوله انها فالحجرة الفلانيه سار صوب الحجرة حصل سلطـان وام احمد واقفين برع ام احمد : سيف !! ليش تعبت روحك سيف : لا ماعليج الغاليه بعـد هاي اختي ، ها بلااهاا سلطـان : والله ماندري لين ألحين الدكتور ماظهر سيف : تعال ابا ارمسك سار سلطان ويا سيف سيف : ألحين انا ترتكتهاا امانه بيدك تخليهاا تحدر المستشفى سلطـان سكت ماقال شي سيف : والله لو ابوي يعرف ليجتلنا نحن الاثنين سلطـان : بــس .. سيف قاطعه : لا بس ولا شياته تحمل إلي بييك انا نبهتك فـ هاللحظه ظهر الدكتور على طول سيف وسلطـان ساروا صوبه وتموا يتخبرونه عن حال ساره قال انها بخير بس شوي تعبـانه ويبالهاا تستريح وألحين هيه راقده ومركبين إلها الجلكوز وسلطـان تخبر عن الياهل والدكتور قاله انه الحمدالله بخير بس ساره متعبنهاا الحمل عقب ما تخبروا عن كل شي سار الدكتور عنهم وحدروا على ساره ام احمد كانت يالسه تقرى عليها قرآن وسيف وسلطـان يالسين يسمعون ام احمد وهيه تقرى القرآن ويراقبون ساره ساره فتحت عيونها تمت تراقب المكان تحاول تستوعب إلي صار وتحاول تعرف هيه وين ألحين اتذكرت كل إلي صار البارحه سيف + سلطـان : الحمدالله عالسلامه أول ماسمعت صوب سيف صدت صوبه ساره : سيــف !! ليش ودرتني ؟! سيف تجرب صوبهاا : السموحه فديتج حقج عليه ساره يودته بالقوو : لا تودرني سيف اطالع سلطـان بنظره لوم : ماعليـج فديتج ام احمد : الحمدالله عالسلامه فديتج ساره : الله يسلمج خالوه ام احمد : اجر وعافيه يلا عيل انا بظهر ألحين بيلس برع سيف : انــااا بعـد ساره يودت سيف بالقوو : وين سايريين تموا مابا اتم روحي هنيه سلطـان حس بالذنب حس بأنه صدق واحد مجرم كرهه اللحظه إلي عامل ساره جيه وإلي سوابهاا جيه سيف : برد فديتج بس بخبر اميه وابويه عسب يتطمنون عليج سلطـان اطالع سيف بنظره جنه يقله لا لاتخبر سيف طنش نظرته وظهر تموا ساره وسلطـان رواحهم ساره مول ماكانت معبره سلطـان ولا مسوتله سالفه سلطـان : انــاا آســف حقج علي والله ماكنت اعرف انج حامل ساره انصدمت إلا انصعقت حطت ايدهاا عـ بطنهااا ساره : انا مب حــاامل سلطـان : شو بتخرطين عليه الدكتور مخبرني ساره : الدكتور مخربط سلطـان تجرب منهاا : شو ماتبيني اعرف تراه ولدي شرات مايكون ولدج ساره دزته بعيد عنهاا : هاا ولدي روحي سلطـان طنشهاا ويلس جريب منهاا ويود ايدهاا : ليش ماخبرتيني انج حـامل ساره سحبت ايدهاا : وين سيف وين ابويه ؟ ابا اظهر ابا ارد البيت فـ هاللحظه حدر بو راشد ويا ام راشد وهم حيــل زايغين عبنتهم ام راشد : ساره بنتي حبيبتي فيج شي ؟ ساره : اميــه ( ويلست تصيـح ) بو راشد : بــس بـــس لا تصيحين البنت ، الحمدالله عالسلامه فديتج ماتجوفين شرر ساره : الشر ما اييك ، ابويه ابا اظهر من المستشفى بو راشد : ان شاء الله فديتج بس خبريني شو إلي صابج شو صاار ؟ ساره اطالعت سلطـان وردت اطالعت ابوهــاا هنيه سلطـان ظهر من الحجرة ويلس برع ويا سيف سيـف : بلاك ماد البوز شبرين تحمل هاي نتيجت اعمالك سلطـان : زين انا غلطت ماكنت اعرف سيف : مب كل مره بيسامحونك ع غلطك لازم تتعاقب عسب ماتعيدهاا ولا بيكون عادي عندك سلطـان : زين ماكنت ادري سيف : حتى لو هاي بشر مب جماد ولا حيوان عسب جي تعاملهاا سلطـان : يعني انت ما اتعرف اختك شقايل راسها يابس سيف : يعني جي بتحل المشكله بالعكس انت عقدتهاا اكثر واكثر الله يعينك على إلي بييك سلطـان سكت ونزل راسه سيف كان واايد زعلان ع حال ربيعه وولد عمه وكان بنفس الوقت وياا اخته لأنه سلطـان غلـط ظهر بو راشد من الحجره إلي ساره راقده فيهاا وسار يلس حذال سلطـان بو راشد : ممكن تفهمني شو إلي صاير ؟ سلطـان بدون تردد خبر بو راشد كل شي لانه كان واثق ان ساره خبرته بو راشد : وإلي سويته صح ولا غلط ؟ سلطـان : عمي اعترف انا إلي سويته غلط وربي شاهد اني حيــل ندمان بو راشد : جوف يا ولدي ساره نحن بنخليهاا عندنا حالياً واي وقت تبى تجوفهاا حياك الله ما نروم نجبرهاا على شي هيه ماتبااه وان شاء الله انت حاول ترضيهاا وهيه طيبه بترضى بسرعه سلطـان : بس عمي مايصير جي انتو واايد امدلعينهاا من خذتهاا كله هيه عندكم بو راشد عصب : شو هالرمسه بــعد انت غلطت وتحمل نتيجه غلطك سلطـان : ساره لازم ترد بيتهاا بو راشد : وبيت ابوهاا هو بيتهاا ام احمد جافت ان سلطـان حرج واايد وان تعب سحبت ولدهاا ويلست تهديه وتصبره وتقله ماعليه هيه حامل ولازم يصبر عليهاا وهو بعد غلط ولازم يتحمل ومن هالسوالف عقب بو راشد رمس الدكتور عسب يظهر ساره اليوم وافق الدكتور بس قاله لازم ترتحاح وما تتعب روحهاا وايد عقب ردوا كلهم للبيت وساره سارت حجرتهاا عسب تريح سلطـان صدق كان محرج وكـان كارهه روحه : مب حاله هااي تعبت انــا والله تعبت ام احمد : عيل شو تتحرى الزواج كله فرح ووناسه لا يا ولدي الحياه كلهاا جي يوم ونـااسه ويوم حزن لازم تعيشهاا بكل لحظاتهاا وتحاول تغلبهاا وتكون دايما انت الاقوى سلطـان : بــس .... ام احمد قاطعته : لا بس ولا شيااته خلاص سير حجرتك وريــح والله كريم إلي الله كاتبه بيصير صوب ساره كانت يالسه فـ حجرتهاا عالشبريه تفكر سمعت دق عالباب عقب مابطلت الباب حدرت حصه وهيه محرجه حصه : هاي سوالفج ألحيين ؟ ساره : بدال لا تقولين لي الحمدالله عالسلامه حصه : ساروه اعقلي انتي مب ياهل شو إلي انتي يالسه تسوينه تخبرين ابويه !! ليش ؟ شو انتي ناويه تطلقين خلااص سكتت ساره ومارمست بـ ولا حرف حصه : يلاا هذا إلي كنتي ذابحه روحج عشانه هذا إلي رفضتي الكـل عشانه ألحين ماتبينه هااه ساره : السالفه مب جي انا ماقلت اني مابااه بس انــاا حصه قاطعتهاا : اوكي انتي ماتبينه برايج مايخصناا فيج بـس فكري فالياهل إلي فـ بطنج فكري فيه كيف بيعيش بدون ابوو لا تستوي انانيه ساره : حصه انا ماقلت مابااه بس انا ابا اعذبه شوي شرى ما عذبني حصه : تفكير ياهاال والله لو انتي تفكرين انج جي تعذبينه عيل ابشرج انه ماراح يرد لج للأبد الريال تعبت هب حاله هااي سكتت ساره وتمت تفكر بـ رمسه حصه حصه : والله اني احبج عسب جي يالسه اقلج هالرمسه ساره انتي واايد مصختيهاا حرام عليج حسي فالريال شوي والله انه يحبج وشاريج والكل شاهد على هالشي ساره : بس هو كله يعذبني كله يظلمني حصه : عادي الحياه كلهاا جي تمر عليناا مشاكل كثيره صغيره وكبيره بس نحن لازم نكون اكبر عنهاا ونعرف شقايل نحلهاا ونكون دايما الأذكى وكل حد فيناا يغلط مب بس هو الي يغلط ، انا بظهر ألحين فكري بـ رمستي عـدل فكري فالي ببطنج ساره هزت راسهاا بمعنى اوكي ظهرت حصه من حجرة ساره وهيه حيل مقهوره من حركات اختهاا و سارت تحت ويلست ويا الشباب واليده موزه إلي كانوا يرمسون عن سلطـان يلست وشارتكهم النقاش صـوب أمـل ومــايد امـل : حبيبي مــايد : همم امــل : اممم افكــر اسير لـساره وارمسهاا واعترفلهاا بكل شي مــاايد : زين تسوين امــل : بــس انـاا وايد خايفه من ردة فعلهاا مــاايد : استحملي انتي إلي يبتي هالشي لعمرج امــل : أوكي اليوم العصــر ودني بيتهم مــاايد : يصيير خير فـ الكويت تحديداً صوب ملاك إلي كانت حيـــل مقهوره ليـش أمــل تخلت عنهــاا كــاانت تفكر تسوي شي بأمـل وتخليهاا تكره حياتهااا عيل هــااي الخايسه تتخلى عنهاا !! رن تلفونهاا جافت الرقم الغريب إلي من كمن يوم يتصل ابهاا ترددت واايد بس آخر شي ردت : ألــوو : هلا والله براعية هالصوت الحلوو ملاك : منو معاي ؟ : واحد معجب فيج ملاك : شنو ماكو شغـل ؟! شتبي ؟ : اقلج معجب اتقولين لي اشتبي ، ابيج انتي ملاك حرجت وسكرت الفون فـ ويهه : قله ادب عقب ردت تفكر شقــاايل تقهر أمــل وشقـــاايل سلطـان خلاص يودر ساره ومايفكر فيهاا للأبد فـ الإمارات تحديداً صوب خميس وظبيه ظبيه : خموس حبيبي الله يخليييك خميس : شوو شوو شوو عيدي الجمله ظبيه احمرت : خميييس يالله عــااد خميس : ههههههه وفديتهم إلي يستحون انــاا زين يصير خير ظبيه : قولي اوكي بوديج عقب برتااح والله حراام عليك من متى ماسرت بيت هلي خميس : زين زين عن تسويلنا فلم هندي ابتسمت له ظبيه خميس : فديـت هالإبتسامه ظبيه : خموس إذا يبت بنوته شو بتسميهاا ؟ خميس : اممممممممم غلاا ظبيه : وإذاا ولد بنسميه يمعه خميس حرج : وليش يعني ؟! ظبيه : خموس حبيبي تعرف عاده ( وهيه تبى تغايضه ) الحب الأول خميس : هيه هيه انتي يلسي غايضي اوكي اصلا انا ما اهتم ( ونش عسب يظهر من الحجره ) لحقته ظبيه وزخته : اونك يعني ما تهتم عيل ليش حرجت ؟! الله يخلييك لا ترفضلي طلب خميس : خل ايي الياهل بالأول عقب نتفاهم ظبيه : زين زين تعــاال كله ولا زعلك خميس رفع حياته : شو سالفتج اليوم ؟ كل ها عسب بيت ابوج ظبيه : ههههههههههههههههههههههههههههه صوب سلطـان كـان يالس فـ حجرته ويفكـر شو يسوي مع ساره ألحين هو حـاول واايد بس هيه كله تصده شو يسوي يحاول آخر مره ..!! ولا خلاص يودرهاا ..!! ولا يخلي الأمور جي مثل ما اهي ..!! على هالأفكاار سمع دق عالباب : ادخــل ميره : هلا والله باخوي القاطع سلطـان : هههههههههههه كل يوم اجوفج ميره : ماالت عليك ، زين شحالك ؟ سلطـان : آآه من حالي لا تتخبرين ، انتي شحالج وشحال حبيب القلب ميره : وااي فديته بخير يسلم عليك سلطـان : الله يسلمه ميره : ساروه ردت بيت هلهاا ؟ سلطـان بقهر : هيه ميره سارت ويلست حذاله : ماعليه فديتك خلهاا فتره تفكر وتقرر هيه إلي جافته منك مب شويه اعرفك يوم تحرج والله سلطـان : زين هم خرطوا عليه امطرشين لي صور وتسجيل ماتبيني اصدق ..!! ميره : ماعليـه ماعليـه مافي شي فت هالدنياا يستاهل هونهاا وتهون سلطـان : ميروه انا قررت اسافر ميره : شــووه ..!! وين وليش ؟! سلطـان : بسير الكويت ابا ارمس ملاك وأأدبهاا هاي الخايسه ميره : سلطـان اصطلب عن حركات الياهاال سلطـان : شو تسوي كل شي وتشرد تتحرى محد يروم يوصلهاا ولا يسويبهاا شي ميره : زين متى بتسير ؟ سلطـان : ما اعرف بسير اليوم احجز ميره : زين ، تروح وترد بالسلامه ان شاء الله سلطـان : مابي احد يعرف دخيلج ميره : اوكي ، بس بشرط تخبري كل إلي يصير أول بأول سلطـان : ان شاء الله عقب تموا يسولفون عن عبدالله شوي وعن ساره وعن ملاك وعن الشغــل وجي عقب ماسارت ميره عن سلطـان تلبس وكشخ وظهرت وسار يحجز له تذكره للكويت العصـر الساعه 5 ونص فـ بيت محمد كـانت أمل توهاا واصله وكل ماتقرب صوب البيت قلبهاا يدق ويدق ويدق آخر شي تشجعت وسارت عقب ما دقت الجرس حدرت جافت اليده موزه وفطيم وحمده يالسين تحت سلمت عليهم يلست تسولف معاهم شوي عقب قالت انهاا تبى ترمس سالفه ظروري حمده : ما اظن ساره واعيه ألحين فاطمه : دقايق اجوفهاا واييج حمده : يلسي يلسي انا بسير سارت حمده صوب حجرة ساره وجافتهاا يالسه وتفكر حمده : الحلوه بشوو تفكر ؟ ساره ابتسمت : مــااشي افكر فـ حياتي حمده : زين امم امــل حرمة مايد تبى اتجوفج ساره : مب متفيجه لـحد حمده : مب حلوه الحرمه يايتنج من بيتهم ترديننهاا ساره : زين زين ألحين بنزل حمده : لا خلــج بخليهاا اتيج ساره : ماله داعي بنزل عادي حمده : سارونه يالدلوعه عن الحركات مب زين لـج انتي تعباانه ساره : افف زيين حمده : ههههههههه تتأفأف بعـــد عقب ظهرت حمده ونزلت تحت وزقرت امــل وساروا لـ ساره حمده ودرت سارت وأمــل روحهم عقب ما امـل سلمت ع ساره وتخبرتهاا عن الحال ويلسوا يسولفون شوي قررت تفتح الموضوع عقب ما تشجعت خبرتهاا السالفه كلهاا وهيه تصيح ومب رايمه تسكت ساره كــاانت حيــل مصدومه من حقاره هالهنتين كل ها مسوينه ..!! امــل يلست تتأسف لهاا وتحلف لهاا انهاا ماترمس ملاك ألحين وجيي ساره يلست تصييح مع امـل ، عقب مسحت دموعهاا وقالت لهاا : خلاص حبيبتي انسي كل إلي صار كل انسان يغلط والحمدالله عرفتي غلطج ويتي واعتذرتي وربي كبرتي فـ عيني وحبيتج واايد امــل : والله يا ساره احس بالذنب مب رايمه ارقد الليل مب رايمه استانس فـ حياتي سامحيني ساره : خلاص عــااد سامحنااج عقب ردوا يسولفون عادي وامـل واايد استانست وارتاحت لـ ساره وساره على كثر ماهي كانت مضايجه استانست شوي مع امــل صوب سلطـان إلي حصل حجز لـ باجر حجز وكل شي عقب مر صوب الكوفي شوب جاف الربع هنااك سار ويلس وياهم وكالعاده سوالف و ظحك وطنازه وتعليقات ع خلق الله واستهبــال مر هاليوم على خير فاليوم إلي عقبه نش سلطـان عالساعه 9 ونص سار الشركه وخذ اجازه يومين ويلس ويا سيف شوي كانو يسولفون خبر عن سفره وجيي وعقب سار عن سيف وظهر من الشركه وسار المول ياخذله لبـس ( بناطلين + تيشرتات + كابات + جواتي ) عقب ما خلص سار وتغدى فالمطعم بعدين توجه للبيت عالساعه 4 العصر ميره كانت عند ساره كانت يالسه تسولف معاهاا جان يرن تلفونهاا ميره توهقت وارتبكت واايد حاولت تكون طبيعيه عسب ساره ما تشك ردت على سلطـان : هلا والله سلطـان : اهليين ، انــاا ألحين ساير المطاار ميره : ألحيين ؟ ، زين تروح وترد بالسلاامه ساره استغربت منو بيسافر معقوله عبدالله مسـاافر ..!! سلطـان : الله يسلمج ميره : زين متى بترد ؟ سلطـان : جي عقب يوميين ميره : دير بالك على روحك سلطـان : ان شااء الله انتي بعد سلمي عالكـل ميره : يبلغ سلطـان : عبدالله عندج ؟ ميره : لا انا فـ بيت عمي محمد عند ساره سلطـان من سمع اسم ساره تثلج صدره سلطـان : فديتهاا فـ خاطريه ارمسهاا بس ادريبهاا مابترضى الموهيم سلمي عليهاا ويلا انا ببند بااي ميره : يبلغ بــااي من سكرت ميره عن سلطـان ساره : عبدالله مســافر ؟ ميره حييل توهقت ماعرفت شو تقول ساره : بلااج يالمسلطه حبيب القلب ودرج إلا تعاالي يايه بيتناا وهو مايدري ؟ ميره : مب عبدالله إلي مسافر ساره دق قلبهاا : عيــل ؟ ميره : سلطـان انصدمت ساره كـانت تبى تسألهاا ليش ومتى واشحقه بس سكتت لو رمست بتيلس تصييح ميره : جفتي شردتي اخوي كله منج ساره شوي وبتصيح : ميــرووه ميره وشوي وبتظحك ع شكل ساره : شو بعـد مب حرام عليج عذبتي اخوي وألحين خليتيه يهااجر هنيه ما استحملت ساره يلست تصيـــــــح ميره حضنتهااا : اتمصخر معااج حبيبتي ساره رفعت راسهاا : يعني سلطـان ماسافر ؟ ميره : ســاافر والله ســاافر ساره : عييل ميره : انج عذبتي اخوي وخليتيه يهااجر ساره : ميروه والله احبـــــه ( وردت تصيح ) ميره : زين ليش جي تسوين رديله والله اخوي تعبــاان ما تجوفين حاله كيف ساره : هو دوم يعذبني معااه ميره : ماعليه فديتج الحياه جيه فيها الحلوو وفيها المر لازم نعيشهاا لحظه بلحظه ساره : خل يرد سلطـان انا بردله ميره انصدمت : شوووه ؟! ساره : هيه والله ميره ما صدقت على طول اتصلت عـ سلطـان بس للأسف تلفونه كان مغلق ميره : مغلق شكـله فالطياره ألحيين ساره : متى بيرد ؟ ميره : عقب يومين ساره : اصلا هو وين ساير ؟ ميره توهقت : ساير الكويت عند ملاك سار يأدبهاا ويهزبهاا على إلي سوته ساره : يأدبهاا ولا ساير يخطبهااا ؟ ميره : تستهبليين سلطـان ماحب ولا راح يحب وحده كثر ما حبج بس انتي حمااره ( وسارت عنهاا ) عوشه جافت ميره وهيه ظاهره من حجره ساره سلمت عليها ويلست تتخبر عن الأحوال وجيي وعقب نزلوا كلهم تحت عند اليده موزه حتى ساره نزلت اليده موزه : ها اجوفج مطوله ميره شكت فت عمرهاا : انـــاا ؟! اليده موزه : لا فديتج انتي اعقل عنهاا بواايد زين لو هيه تكون شراتج ساره : يعني تقصديني انــاا افــآآ يدوه شو ماتبيني اليده موزه : هيه مابااج متى بتردين بيت ريلج بس واايد طولتي ميره : ههههههههههههههههههههههههههه عجيبه يدوه فـ الويه اليده موزه : بس بس ظحكتي بلياا ضروس ساره : ألحين انا من متى هب نازله ويالسه معاكم ويوم نزلت تهزبيني وجدام منو بعــد ( وهيه تطالع ميره بنظره ) جداام العـــذاال ميره شهقت : انـــاا يا مسوده الويه ( سارت ميره صوب يدتهاا ) يدوه جوفيهااا الكل تم يظحك عليهم ، عقب عبدالله اتصل فـ ميره وقالهاا تظهر بس اليده موزه رمسته وخلته يحدر وانضم إلهم ويلسوا كلهم يقطعون ساره عصبت وسارت فوق وميره تمت تظحك عليهااا ساره كــاانت صدق مغيضه جافت مبايلهاا قالت بتجرب وبتتصل فـ سلطـان ترددت وااايد بس آخر شي اتصلت انصدمـــت لأنه رن ما عرفت شو تسوي على طول سكرت التلفون سلطــان إلي جــااف رقم ساره استـــاانس إلا ما استــانس طــااار من الونــااسه توه ياي يرد عليهاا سكرت استغــرب ليش سكرت !! رد واتصل فيهاا هيه كــانت واايد متردده ترد عليه ولااا ترد عليه شو تقول بدون لا تحس دقت عالزر الأخضر وياهاا صوته صوت حبيب قلبهااا صوت إلي دايمـاً يعذبهاا سلطـان : ألــووو ,,, ألــوووو ,,, ألـــوووو ساره بتردد : هلاا سلطـان استـــاانس ردت فيه الحياه من سمع صوتهاا تخبــل جنه أول مره يسمع صوتهاا : شحــاالج ؟ ساره : بخير ، وانت ؟ حس من ان رمستهاا جــاافه : الحمدالله بخير ونعمه لحظــه صمت دقيقه دقيقتين ثلاث سلطـان : بغيتي شي ؟ ساره باندفاع : لا فوني كان عند شواقي تلعب فيه وهيه إلي اتصلت بالغلط سوري من سمع هالجمله اسودت الدنيا فـ عينه يعني هيه ماسامحته بعدهااا هب هيه إلي متصله ، هب مشتــااقه لي معقـــوله ساره جيه قــاسيــه ..!!!! ليـش ياربي ليــش ؟! سلطـان : زين ثاني مره لا تفرين تلفونج عند الياهاال انا ببند ألحين بــ ..... ساره قاطعته : سلطــاان وينك ؟ سلطـان استغرب : انا مب فالبلاد ، انا فالكويت ساره : ليش سرت وودرتني ؟ سلطـان هنيه صدق صدق انصدم ماعرفلهاا مره ماتبى ترمسه ومره تقله وينك ومره تسأله ليش ودرهاا سلطـان : انا عمري ماودرتج انتي معاي فـ كل مكان انتي موجوده فـ قلبي ، انتي إلي ودرتيني ساره صــااحت تمت تفداه فـ خاطرهاا تبى ترد عليه بس ماتروم سلطـان : ألــووو ،،، ساره ساره : هممم سلطـان : حبيبي بلااج ؟ ساره : سلطــان انا وااايد تعبـــااانه سلطـان زاغ عليهااا : حبيبي شو فيج ؟ ميروه هنيه ؟ ساره : كلهم تحت ، سلطــاان تعـــااال سلطـان استـــاانس من خــااطر ظن انه يحلم : ان شاء الله حبيبتي اخلص شغلي هنيه واييج ساره : متى بتيي ؟ سلطـان : عقب يومين ان شاء الله ساره : وااايد بطول سلطـان : بعدتي عني كمن شهر مب رايمه تستحملين يومين ..!! ساره سكتت ماقالت شي سلطـان : مضطر اسكر ألحين ديري بالج ع روحج وهالله هالله بولدي حطت ساره ايدهاا ع بطنهاا : ان شاء الله انت بعـد هالله هالله فـ عمرك سلطـان : من عيوني مع السلامه ساره : مع السلامه سكر سلطـان عنهاا وهو مستغرب واخيــراُ ساره رضت عنه واخيـراً بيردون لبعـــض آآه يالدنياا صدق انج غريبه نزل من الطياره وسار صوب الجوازات عسب يختم صوب ساره إلي من سكرت التلفون وهيه مستـــااانسه حيــل وأخيـرا سمعت صوت حبيب قلبهااا قالهاا بيرد إلهــاا هيه تحبه وهو يحبهاا مافي شي بيفرق امبينهم وعلى هالأفكــاار رقدت ساره صوب ميـره إلي من عقب ماساره سارت فوق سلمت على الكل وظهرت مع عبدالله سار يظهرهاا ساروا المول تموا يتشرون ، عقب يلسوا فـ كوفي شوب طشـونه بعدين ردوا البيت ميره : عبدالله تدري سلطـان اخوي مسـافر ؟ عبدالله : هيه سمعت سيف كان يقول ميره : اهــاا ماتدري ليش ؟ عبدالله : إلي سمعته عنده كمن شغله للشركه هنـاك ميره : أيــوآآآ سعيد : بلاكم تتصاصرون سولفوا معااي والله اني ملااان ميره : ههههه بسير أحط الأغراض فالحجرة وببدل وبيكم سعيد ابتسم : اوكييه بتريااج عبدالله ضربه عراسه : شو تترياهاا بعـد يالله اذلف ظحكت ميره وسارت الحجرة عقب 5 دقايق بالضبط ردت ونزلت تحت ويلست ويا سعيد وتمت تسولف معااه تسأله عن المدرسه وجيي وهو يخبرهاا بسوالفه وهيه ناقعه من الظحـك عبدالله : تدرين اصلا انا اشك ان هالولد يداوم دومه راقد سعيد : اووه لا خلاص كبرناا وعقلناا قمنا انداوم وبعدين ليش حاسدني ياخي خلني استمتع بطفولتي عبدالله : امحق طفوله ميره + عبدالله + سعيد : هههههههههههههههههههههههه فـ هاللحظه حدرت ظبيه : ان شاء الله دوم هالضحكه من جافهاا سعيد عفد عليهاا سعيد : ظبــــوووووي تولهت علييج والله ظبيه : هههههه والله انــاا أكثـر عبدالله : شحالج شقيقي الشقوق ؟ ظبيه : والله بخير وصحه ميره : هلا هلا يا مرحبـااا ظبيه : مرحبتيــن ، هيه صــح خميس واقف برع إلبسي شيلتج بسرعه ميره : اووبــس خليه يتفضل تعالي نحن بنسير سعيد : لحظـه كيف حدرتي البيت ؟ ظبيه : هههههههههههههه صارقه نسخه من مفتاح البيت سعيد : حراااااميـــــه عبدالله : حراميـه حرمتك يلا تعــاال نستقبل الرياال ميره سحبت ظبيه : تعــااالي يالدبه ساروا البنات للصاله و الشباب للميلس ميره : وشحــاالج بعـد ؟ واخبــاارج يالقاطعه ؟ ظبيه : ههههه والله بخير وانتي كيفك شو اخبارك ؟ ميره : الله الله حولت الموجه ظبيه : هههههههههههههههه ، إلا تعالي شحال سارونه ؟ شو ردت لسلطـان ميره : وييييه سكتي عنهااا هااي ماعرف شو أخرتهاا ظبيه : بعدهــم ؟ ميره : هيه الله يهديهاا بـس ظبيه : زين وسلطـان ماسوى شي ؟ ميره : اليوم سافر عنده شغل يمكن يوم يرد ظبيه : صدق ؟! الله يرده بالسلاامه ، متى اخر مره جفتي فيها سارونه ؟ ميره : اليوم ظبيه : شو الحمل معاهاا ؟ ميره : اوكيه امشيه حالهاا ، وانتي شو الحمل معاج ظبيه : هههههههه زين زين بس شوي يتعب عقبالج ميره : لاا وين بعدي خليني استمتع بشبابي ظبيه : هههههههههههههههههههههههه سوالف انتي والله صوب سلطـان إلي وصل الفندق وحط شنطـه وريـح ساعه عقب بدل وسـاار سوق شرق يتمشى شوي هنــااك عقب يلس فـ كوفي شوب تم يفكر كيف يواجه ملاك وين بيجوفهــاا وشو بيقلهاا ؟! عقب قرر باجر يسير بيتهم ظهر تلفونه تم يدور على رقم يوسف ماحصلاه اتصل بسيف وخذاه منه عقب اتصل بيوسف ورمسـاه وقاله انه باجر بيهم عالغدى طبعـا يوسف استانس ورحب بـه عقب ماسولفوا شوي سكر سلطـان عنه وفكـر انه يتصل بسـاره بس غير رايه طلبله عشى يابوه كلاه وعقب رد للفندق فاليوم إلي عقبـه نش سلطـان عالساعه 10 سار الحمـام وتسبح عقب ظهر وكشخ سار صوب فونه جـاف مسج بطلاه و أنآ جآلسَ طرىَ أسّمڪ على بآليَ.، و قلتَ : ليهَ أنآ مقّصرَ بآلوصَلْ فيهَ !* و يومَ تذّڪرتڪ ، أخّذتَ جوآليَ.، خفتَ أتصلْ / تعَآتبنيَ و آلعتبَ مآبيهَ.، قلبيَ قآل } أرسَل مسّجَ للغآليَ.، لجلْ تبينْ لهَ أنْڪ منّتَ بنآسيهَ.، ) كـان هالمسج من ساره ابتسم ورد طرش لهـاا (بفهّمڪ شي / لآ تفّتڪر إذآ طآلْ غيآبڪ بنّسآڪ و بمّحي معَآه غلآڪ .، و بخّبرڪ شي / إذآ روحَي في يومَ جفتّڪ ترىَ بآليَ و فڪريَ يآ خليَ طرآڪ .، و بعّلمڪ شي / إذآ بآلنّفسَ أنتّ عآيشَ ، ترىَ وآللّه بقّلبيَ سآڪنْ هوآڪ .، و بذّڪرڪ بشيَ / أعآهّدڪ أحفظَ شآنڪ و قدّرڪ و لآ آفڪرَ فيَ يومَ أتجآهلْ ذڪرآڪ .، ) عقب حط المبايل فـ مخباه و تعطر ونزل تحت وسار المطعم يتريق صوب سـاره إل من وصلهاا المسـج استــاانست كـانت تيى تتصـل فيه بس كـانت حيـل حيـل متردده كـانت مشتــااقتله واايد تمت تفكر وتفكر وتفكر آخر شي قررت انهاا تتصل فيه دقت ارسـال سلطـان توقع انها تتصل من جاف رقمهاا ابتسم رد عليهاا : هلا والله ساره : أهليين ، شحالك ؟ سلطـان : والله بخير ونعمـه بس مشتاقين لكم ابتسمت ساره وفرحت واايد : تشتاق لك العافيه سلطـان : زين انتي اخبارج ؟ واخبار ولدي ؟ ساره : انــاا بخير ( واطالعت بطنها ) وولدك بعد بخير بـس متوله عليك سلطـان : ولدي ولا ام ولدي ساره بحيا : اممممممم سلطـان : هههههه تفكر بعـد ساره : تولهت عليك وااايد سلطـان : ماعليه فديتج باجر بيي ان شاء الله سـاره : تعـال اليوم سلطـان : ما اروم والله أول شي بسير ارمس ملاك عقب بسير اخلص اشغال الشركه ساره : يعني انت صدق ساير عسب اشغال الشركه ؟ سلطـان : انا ياي لسببين ساره : اهـــاا ، زين شو تسوي ؟ سلطـان : ماشي طلبت لي ريوق اتريا يوصل ساره : زين عيل بخليك ألحين سلطـان : افــاا ليش ؟ ساره : ترى بعد شوي بيبون لك أكلك أكل زيين سلطـان : ههههههه ماباا ان سكرتي ماراح اكل ساره : يالله صاير دلوع سلطـان : حشى عليه ، شحال الأهل ؟ ساره : بخير والله ، يسلمون عليك سلطـان : الله يسلمهم ساره وجنها توها تذكرت شي : سلطــــاااان ..!! سلطـان : عيون سلطـان ساره : شي بنات عندك ؟ سلطـان استغرب : شووه ؟ ساره : اممم أقصد لا تجوف بنات الكويت اخــااف يصرقونك مني سلطـان : هههههههه عندي القمر ادور ع غيرهاا ساره قفطــت سلطـان : ألـــووو شو بندتي ؟ ساره : لا معاك عالخط سلطـان : لا تخافين حبيبي انا لـج انتي وبــس ساره بحياا : وانــاا بعد لك انت وبــس ( وسكرت الفون فـ ويهه ) سلطــان استغرب بالأول وعقب يلس يظحــك عليهاا وصل ريوقه كــله عقب سار يتمشى شوي فـ الكويت سار كذا مجمع اشترى لـ ساره كذا شي و لـ ميره وأمـه وعالساعه 12 ونص رد الفندق جـاف يوسف يالس يترياه سلم عليه ويلس وياها شوي وعقب تحركوا صوب بيته فـ بيت يوسف ملاك من عرفت ان سلطـان ياي استـــااانست حيـــل يلست تتكشخ عالآخر وتمت تساعد امهاا تشيل وتحط معاهاا من وصلوا يوسف وسلطـان ربعت صوبهم سلمت على سلطـان بإبتسـامه حلوه بس سلطـان رد عليهاا السلام وماسوالهاا سالفه يوسف سار عسب يبطل بااب الميلس سلطـان لقاهاا فرصه عسب يقلهاا سلطـان : ملوكه ابــاا ارمسج ملاك استـــاانست : زين اليوم بروح المارينــاا تعـال هناك فالكوفي شوب الـ .... بكلمك سلطـان استغرب منهاا وجنها متعوده على هالسوالف بس لقاها فرصه عسب يأدبهاا : اوكي عقب ماسوالهاا سالفه وسار للميلس تم يسولف ويا يوسف يتهم شمــاا سلمت ويلست شوي وتخبرت عن الحـال وجي وعقب سارت وطرشت لهم الغدى فالعين تحديدا فـ بيت مريم كـانت ميثا يالسه ملانه وماتعرف شو تسوي ملت من النت ملت من التلفزيون سارت صوب امهاا تمت تحن عليهاا تبى تظهــر تبى تسير مكــاان عقب مريم اتصلت فـ مايد وقالت لـه يظهر ميثه شوي لوعت لـه جبده مايد قال دقايق وايي يظهرهاا خل تتزهب عقب 10 دقايق ياا مايد وخذ ميثا إلي ماصدقت وزهبت بسرعه وامــل تمت يالسه عند مريم وفـاطمه وراشد كانوا يايين بنفس اللحظه يلسوا شوي كلهم عقب مايد وميثا ظهرواا وتموا راشد + فاطمـه + مريم + امــل يلسوا يسولفون مريم كانت تخبرهم عن ميثا وسالفهاا فالمدرسه وفالبيت وعن ربيعاتهاا والكــل يظحك عليهاا شوي يحرج عليهاا ويستانس على خبـالهاا ... صـوب ساره إلي سكرت الفون ع ويه سلطـان نت المستحى وصلهاا مسج استــاانست على طول بطلته ساكن قلبي غلاكم .. ما يتسع للغير .. متعلق في هواكم .. يا عل مساكم خير ) لما جافت المرسل ( مزون ) شقت الحلج ورد طرشتلهاا ( مسـاء الشوق ياللي من العسل أصفى.. و لو بيدي علاج الناس لاخلي شوفتك وصفة ... تولهت عليـــج يالدبـه ) عقب رن تلفونهاا وكانت مزون ردت عليهاا يلست ترمسهــاا تتخبر عن الحـال ويذكرون سوالف قبـل وخبرتهاا ان مزون انخطبت وعقب اسبوع ملجتهاا وتباها اتي وساره خبرتهاا انها حـامل ظحكت مزون عليها ويلست تعلق عليهاا وساره تظحك شوي وتحرج شوي فالكويت صوب سلطـان عالساعه 4 سلطـان قال بيظهر بيرد الفندق وهو طـالع صادف ملاك إلي كـانت حيل حيل مستــاانسه قبل لا يظهر من الباب ملاك همست لـه : الساعه 4 ونص بكون هنـاك إطالعها سلطـان بنظره اشمئزازيه وابتسم بخبث عقب ياهم يوسف عسب يوصل سلطـان من المكان إلي يابه منه طـووول الوقت سلطـان يفكر شقـايل يبدى وياها بالرمسـه ..؟ شو يقلهاا ..؟ وهيه شو بتكون ردة فعلهاا ..؟ وهيه كيف عادي تيلس مع واحد ..؟ عقب وصل للفندق شكر يوسف ويلس وياه يسولف عقب ترخص عنه يوسف وســأار لبيته وسلطـان سـار فوق حجرته جــاف ساعته كانت الساعه 4 وربع يعني بعـد ربع ساعه بيجابلهاا رد نزل تحت خذ له تكسي وسار الماريناا عقب ما وصل سـار للكوفي إلي قالتله عنه ويلس فيه وطلب شي ياكله وتم يتريااهاا توصل عالساعه 4 ونص بالضبط جافهاا يايه استغرب كيف هيه ملتزمه بأوقاتهاا ، وكيف هيه جيه متكشخـه ابتسمت لـه ابتسـامه حلوه وهو رد الإبتســاامه يلست جدامه : قوه سلطـان : الله يقويج ملاك بدلال : ان شاء الله بس ما تأخرت عليك ؟ سلطـان : لا ما تأخرتي انـا إلي ياي من وقت ملاك بدلع مصطنع : وييه كل ها لأنك بتقابل الشيخه ملاك سلطـان اطالعهاا بنظره خلت ملاك تظحك ملاك : شو الكويت معااك ؟ سلطـان : حلوه ( توه ياي بيرمس ) ملاك بغرور : طــووول هالفتره أنــاا ألحقك وانت ماتسويلي سالفه ، بس ألحين انت إلي تلحقني ويايني الكويت يا ترى اسويلك سالفه ولاا ؟ سلطـان إلي عصب : انا مب يااي لسواد عينج انا ياي ارمسج فـ موضوع وانجلعي فـ ستين داهيه ملاك انصدمت : اشفيك عليه زين اعصابك شوي شوي فـ هاللحظه رن تلفون ملاك وكـاان هذاك الرقم الغريب ارتبكت واااااااايد سلطـان لاحظ هالشي قال فرصه ولازم مايضيعهاا سلطـان : اشعنه ماتردين ملاك : هــااه ، هذي امي تبي تسألني انـا وين سلطـان : جيه انتي ظاهره بدون لا تخبرينهاا ؟ ملاك : امبلي خبرتهاا بس تتأكد اني وصلت ولاا سلطـان : زين ردي عليهاا وطمنيهاا ملاك إلي حييل توهقت : لالالا عادي بعدين بكلمهاا من شكلهاا سلطـان عرف ان وراهاا سالفه بس طنش هالسالفه حاليـاً سلطـان : ليش سويتي إلي سويتيه معااي ؟ ملاك : عقب كل هااه ياي تسأل ليش ؟ ، انت لي انــأا وبس فــااهم وهااي ساره صرقتك مني سلطـان : انا عمري ماكنت لج ولا فكرت فيج ، ساره هاي إلي تقولين عنهاا هاي حرمتي وحبيبتي وام ولدي وكل شي بدنيتي ملاك انصدمت يوم سمعت ام ولدي : ساره حـــاامل ؟ سلطـان : مايخصج سمعي ياملاك حياة النــااس هب لعبه فـ ايدج وهب غصب تخلين الكل يحبج ويلحقج فـ هاللحظه رد تيلفون ملاك يرن سلطـان حرج : اوووووه ماتردين على هالزفت ملاك استـانست تتحراه يغار عليهاا : هاا لالالا مابي اتكمل فالتلفون بعدين بعدين وحطته عالسايلنت ملاك : بسألك سؤال ؟ سلطـان : سألي ملاك : انت مافيك قلب ماتحس ياخي انا سويت كل هاا عشانك آخر شي جي تسوي فيني سلطـان : ملاك سمعي مب متفيج لحركات الياهاال اكبري واعقلي انا عمري مافكرت فيج ( وشد عالكلمه ) عمـــــررري ولا اظن إني راح افكر فيج ، فـ احسن لـج بلاا حركات غبيه ملاك شوي وبتصيح : بــس سلطــاان سلطـان قاطعهاا : انتي وحده مراهقه تبين تحبين وبـس ومالقيتي احد غيري وحلت لج القصه من ظهرت ساره عسب تصير اكشنات صـح ؟ سكتت ملاك حست روحهاا حيــل سخيفه لأنهاا حبت واحد شرى هااه سلطـان : جوفي انا واحد ابا استقر بحياتي هب متفيج لحركاتج لو سمحتي لو سمحتي ابتعدي عناا وخلينا نرتاح شرى النـــااس ، والله والله يا ملاك ان عدتيها مره ثانيه ماتلومين إلا نفسج ونش سلطـان وسار دفع الحساب وظهر من الكوفي ملاك تمت يالسه شوي إلا ويرن مبايلهاا مره3 ردت وكان صاحب هالرقم الغريب يلست ترمسه وجيي اصلا هيه كانت مواعدتنه فالكوفي ياهاا ويلس مكـان سلطـان ويلسوا يسولفون سلطـان قبل لا يظهر من الكوفي تذكر انه نسى تلفونه رد للكوفي وانصدم من إلي جــــاافه سار حذالهم : اخخخ عليج بس اخخخ جفتي ما اقلج ياهل ومراهقـه ملاك حيييل انصدمت شوي وكانت بتصييح : ملاك منو هذا ؟ سلطـان : انت إلي منوو ؟ : ملاك نشت من مكانهاا وهيه تصيييح مو مستوعب إلي كانت تسويه وسلطـان يلس يضارب هذاك الغريب عقب شل تلفونه وســاار كان متوقع وحده شرات ملاك تكون عندها هالسوالف سلطـان من ظهر من الكوفي ملاك كانت تلحقه عسب تخبره وتبررله بس هو ماكان مسويلهاا سالفه آخر شي وقف لهاا ملاك : والله والله اول مره اواعد فيهاا سلطــان : جب مابي اسمع ولا كلمه كنت شااك والله ملاك وهيه تصيح : سلطـان لا تظلمني سلطـان : ماظلمتج انــاا انتي إلي ظلمتي روحج وســاار عنهاا رد للفندق جـان برن تلفونه كان سيف يلس يسولف معاه عن الكويت وعن ساره وعن الشغـل وعقب ماتطمن عالكل سكر عنه صوب سيف إلي كان واعدهم اليوم ياخذهم البحر كانوا كلهم زاهبين ساره وحمده و فاطمه وميره سيف : لو سمحتوا اي وحده حامل ماتركب سيارتي ساره : طـــاعواا النذاله سيفـــااااني فاطمه : ههههههههه الحمدالله انا بسير مع ريلي فديته والله ميره : بس بس اصطلبي الكل : ههههههههههههههههههههههههه حمده : سيفاني حرام عليكم خلهم كسروا خاطري ساره : طاعوا هذيــله دام السالفه فيها مذله عيل هب يايه معاكم يعني هب يايه معاكم سيف : برااايكم يلا حمودتي يلا نسير قبل لا يغيرون رايهم ايوم معاناا ميره : اخييييييه قفطـــه خلاص مانبا انيي ، ساروه حبيبتي ولا يهمج ألحيين بتصل فـ عبدالله ايي ويوديناا فاطمه : لا ليش فديتكم انــاا تعالوا معاناا ألحين رشودي بينزل راشد : سمعت اسمي انــااا ساره : ألحق فطوم تقلك رشوودي بدال راشد راشد يغايضهاا : عااادي هاي حرمتي فديت روحهاا تزقرني بإلي تحبـه فاطمه استــانست يلست تغايض ساره ساره ابتسمت لهم وكـان خاطرها ان سلطـان يكون موجود بس ماعليه هو باجر بيي رن تلفون ميره سارت بعيد عنهم يلست ترمس وجي عقب ردت وهيه مستـــاانسه حيل فاطمه : هههههههههههههههه ميره : بلاج تظحكين ؟ فاطمه : ع شكلج كيف الإتصال خلج تشقين الحلج ابتسمت ميره عقب تحركوا كلهم وساروا صوب البحر كــاان الجوو عجيـب وشكـل البحـر خبـــااال ساره يلست مع ميره كانوا يسولفون عن عدة مواضيع مر الوقـت بسرعه صارت الساعه 8 المســااا سيف كان يالس ويا حمده شوي يتغزل ابهاا وشوي يلعوزهاا امــاا راشد كان يقول لـ فاطمه إلي فخاطره وفطامه تظحك عليه وهو يحرج عقب تراضيه واونه يتغلى وميره وساره ساره كــاانت فـ عالم موول مايخصه إبهم وميره إلي كل شوي ترمس بالتلفون ساره استغربت شو ورى هالبنت يعني ؟ ساره : انتي ايييه بسج التلفون بينقع ميره : هههههههههههههههه كيفي ساره : انتي بعدج خبله اعقلي اعقلي ميره : هههههههههههههههههههههههههههههههه لا تخليني اعصب واكنسل كل شي وارد البيت ساره استغربت بلاها ميروه اليوم مول مب طبيعيه ابتسمت لهــاا ولفت وييهاا صوب البحــر وتمت تطـــاالع كيف الموج ياي صوبهم بس مره وحده حست الدنيا اظلمت فـ عينهاا استغربت ساره : ميروه عن الحركـات ماتسمع صوت احد زااغت وايد ساره : سيفاني متى بتعقل ؟ بعــد محد رد عليهاا تمت ساكته للحظه شمت ريحه عطره ظنته انهاا تحلهم تنهدت ساره : ميرووه عن حركات الياهاال شلي ايدج وحطت ساره ايدهاا ع ايد إلي مغطيه عيونهاا وهيه قلبهـــااا يدق عقب ما شلت الايد عن عيونهاا تمت تمت ميوده الايد صدت صوبه انصدمــــت للحظه ظنت انها يالسه تحلم ابتسم لهااا وهيه عقت روحهاا فـ حضنه ويلست تصيــح ميره : احم احم احم نحن هنـــاا ساره عقب ماهدت شوي : سخيفـــه ميروه ليش ماتخبريني ميره : كيفي ابا اسويلج مفاجأه ساره رفعت راسهاا عسب تطالعه : الحمدالله عالسلامه سلطـان : الله يسلمج ساره : متى ييت ؟ سلطـان : اول ماوصلت دبي على طوول ييتج ساره : سيف وراشد يدرون ؟ سلطـان ابتسم لهاا : هيه الكل يدري ساره دزته : يعني انا إلي ما ادري هااه سلطـان ظحك عليها ويود ايدهاا وسحبهاا : تعــاالي يلسي سولفيلي عنج اشتقت لـج ميره : اوووووه ابا ريلي انـــاا ساره + سلطـان: ههههههههههههههههههههههههههههه ساره : سلطـان سلطـان : عيون سلطـان انتي ساره : شو سويت فالكويت رمستهاا ؟ سلطـان خبرها كل إلي سواه هنااك وإلي عرفه عن ملاك ساره انصدمت : اوييييييه ماتوقعت والله ميره : اشكره ينباان هالاشكال معروفه بس انتي الطيبه سلطـان : ماعلينــااا ، بسير اسلم ع سيف وراشد بيكم ساره يودت ايده : لا تودرني سلطـان ابتسم لها ابتسامه تعذب : لو غبت عن عينج انـاا موجود فـ قلبج ميره : الله الله الله ما اروووم انـــاا سلطـان ضربها بالخفيف : اصطلبي ساره : هههههههههههههههههههه دوااج ميره : بشوت كرشتج ألحيين سلطـان اطالع ميره بنظره : انتي ايييه مب على ولدي هااه ميره : وااااااي احبــك والله ساره : ايييييه اغااار انـــاا سلطـان ظحك : مخبــل انتو الله يهديكم وســاار صوب سيف وراشد و سلم عليهم ويلس وياهم عقب انضموا ساره وميره إلهم ويلسوا كلهم مع بعض وعقب ياهم عبدالله وميره استــأانست ويلسوا كلهم يسولفون وبعدين ساروا مطعم وتعشواا و عقب ساروا صوب بيت محمد سلطـان كان مصر ان ساره ترد معاه اليوم يقلهاا اذا مارديتي بزعل ساره تظحك علييه قررت انهاا ترد معاه والكل استــاانس لهم مر هاليوم على خير فاليوم إلي عقبـه نشت فـاطمه وهيه ميته من العـوار وعت راشد عسب يوديها المستشفى حـس راشد انها بتولد كــاان متوهق مايعرف شو يسوي لبس كندورته بسرعه وساروا للمستشفى ودخلوا فاطمه لحجرة الولاده وعقب مرور وقت طويل ربت فـاطمه ويابت توم بنوته وولد راشد كــــان مستـــــااااانس حيل حيـل خبر الكــل ، الكـل يالهم وبارك لهم راشد قال بيسمي البنوته آمنه ، والولد حميد على اسم عمه فالكويت صوب ملاك عقب السالفه إلي صــاارت ندمت حيل على كل إلي سوته وصطلبت وعرفت أن كل إلي كانت تسويه غلط مارامت تستحمل اكثر اتصلت فـ أمل وتأسفت منهاا واتصلت بساره ورمستهاا وطلبت انهاا تسامحهااا وتنسى كـل إلي صــاار وتغيرت ملاك وااااااايد وصــاارت احسن عن قبــل بواايد فـ بيت قوم سلطـان سلطـان واقف تحت عالدري : ساااااروه يلاااا نقعتييناا ساره : سلطـــااان اترياا عليه ما اروم اركض سلطـــاان : بسرعه بسرعه ساره حرجت : سلطـــاان فـ هاللحظه حدر عبيد ووياه شوق عبيد : عمييي سلطــــااان اشتقت لـك والله سلطــان : حبيبي انت وينك ؟ عبيد : كاني موجود سلطـان : ههههههههههههههه بلاك محول الموجه للكويتي عبيد : عندي ربيع كويتي عجييب سلطـان : عطني شواقي الدبــه ( وباسهاا ) فديت الحلوين انـــاا ساره تضربه بالخفيف : بـــس بـــس اغاار انـــااا عبيد : ساااااااااارووونه ساره : حبيبي انت ( وحضنته ) سلطـان : كح كح كح ساره : ههههههههههههههههههههههههههه سلطـان : وين امك وابوك ؟ عبيد : ابويه ألحيين بيي واميه سارت عند خالوه فاطمه وفـ هاللحظه حدر أحمد وسلم عليهم ويلس يسولف معاهم سلطـان : يلا عيل نترخص نحن عندناا موعد بنسير نتطمن عالبيبي خذ راحتك ترى البيت بيتك أحمد : هههههههههههههههههههه غصباً عن راااسك ظحكوا سلطـان وساره وعقب ظهرواا سلطـان وهو يلعوز ساره : بسرعه بسرعه افف سايره بطه ساره حرجت : سلطــــــــاااان سلطـان : ههههههههههههههههههههه احبج والله ساره : اففف كله تعذبني والله سلطـان تذكر اغنيه فيصل الجاسم وتم يغني : ليش تتعمد تعذبني ليش زادت منك اطعونك ما كفاك جروحي وهمي ما يكفي سيل غلطاتك تدري انك حيل سالبني تدري انك في الحشا مبونك كم على عتابك بتجبرني كم اداري زود هفواتك ساره تكمل عنه : دمع عيني غالي وغالي ما تهله غيبة عيونك يا عديم احساس يا قلب قد ملاه الغدر من ذاتك كنت الأول في نظر عيني كنت عيني وكنت انا اصونك بس خسرت عيوني وحبي ثم غرقت في بحر اهاتك روح عني روح لا تجيني روج وانساني من شجونك لو تلف الكون ما تلقى مثل قلبي بس ذا فاتك ميره إلي توها كانت حادره سمعتهم يلست تصفق لهم وهم الاثنين ضحكواا ميره : واخيـــراً رديتوا لبعض عذبتوا القرااء واااااااااالله سلطـان : جب جب انتي شو ماعندج شغله كل يوم طايحه فـ بيتناا ميره : افــاا افــاا يا اخوي تطردني من بيتناا ساره : ماعلييج منه حيااج الله بأي وقت البيت بيتج ميره تبتسم : ادري ادري ، شو وين رايحين الحبايب ؟ سلطـان يطالع ساره : هالبطه عندهاا موعد ساره تضربه ع جتفه : لا تقوووول بطـه ميره : اتضاربوا اتضاربوا عسب القراء هالمره يكسرون راس غيوورة سلطـان + ساره : هههههههههههههههههههههههههههه ميره : يعل هالظحكه دايمه يارب سلطـان : آآميــن يلا نحن نترخص ميره : فمــاان الله ربي يحفظكم من كل شر ديروا بالكم ع روحكم ساره : هههه بلاج صاير جي عيوز ميره : انجلعي صدقه اخوي لما قالج بطـه ساره حرجت : ميرووووه سلطـان و ميره نقعوا عليها من الظحـــك عقب مرور شهرين مــاايد وأمــل : كانوا عايشين حياه حلوه الكـل كان يحسدهم عليها مع انه صادتهم واايد مشاكـل بس حلوهاا بـ عقلهمم .. ميره وعبدالله : إلي كل يومين يضاربون ع سالفه الحمـال عبدالله يباها تحمل وميره ماتبى بس اخيرها اقتنعت وهيه ألحين حامل فـ الشهر الاول .. ظبيـه وخميس : كــانوا حيـل مستانين مع بعض ، خميس خبر ظبيه عن سالفه عنود ، ظبيه مرات تغايض خميس بـ يمعه وخميس يغايضها بـ عنود ويابوا ، باقي شهر ع ولادة ظبيه خميس يباهاا بنت وظبيه تبى ولد وكل يوم يتناقشون فـ هالموضوع .. فـاطمه و راشد : إلي كــانوا حيل مستانسين بالتوم كل يوم عن يوم حبهم لبعض يزييد .. ملاك : اصطلبت وتغيرت وااايد للأحسن وقالت بتكمـل دراسهاا برع الدوله وتييب لاهلهاا شهاده ترفع راسها ابهاا ، وتأكدت ان الكـل سامحهاا وارتااحت واايد وندمت على كل السوالف إلي سوتهاا .. سيف وحمده : إلي دوم يقهرهاا ويغايضهاا وعقب يرد ويراضيهاا ويستهبل عليهاا ، كل يوم عن يوم يحبون بعض زيااده ، من اسبوعين تقريبا سافروا ساروا باريس .. سلطـان وساره : إلي كل مايلعوزهاا وهيه تقلها ليش تعذبني يغني لهاا اغنيه فيصل الجاسم ليش تتعمد تعذبني وهيه تظحك علييه ، عقب الفحص إلي سووه لـ ساره عرفوا ان الجنين ولد سلطــاان استـــاانس حييل وقال بيسميه زايد ، الكــل كان مستانس لهم انهم عايشين براحه ومستانسين ، سلطـان كل مايبا يغايض ساره يقلهاا بسافر ولا يعلق عليهاا يالبطـه كانت صدق تنقهر منه وتقلها : اسكت ترى برد بيت هلي .. واخيـراً ميثا وسعيد : إلي كانوا يموتون فـ بعض بس كل واحد يكابر ع الثاني اونه مايحب الثاني سعيد تقدم لـ ميثا وهيه وافقت وعقب شهر ملجتهم الكـل استاانس لهم بالذات ظبيه استانست وااايد لسعييد وبــس ها هيه كـل الأحداث إلي صارت النهـــــــــاااايـه سلطـان : ويت ويت ع كيفكم تنهوون القصه ؟ ساره : شو تبى بعـــد ؟! سلطـان : اتريوواا خلوني اضارب مع ساره وننهي علاقتنــاا للأبد عسب القراء شوي يصيحون عليناا ساره ضربته : يعني اهوون عليك سلطـان : فديت قلبج انــأا ، فديت بطتيه الحلوه ساره : وبعديـــن ..!! سلطـان : ولا قبلييين ، مو جنه عيبتكم السالفه ؟ غيوورة خلاص انهي غيوورة : من عيوني كم سلطون عندناا ساره : غيوورة ماتستحيين تغازلين ريلي جدامي غيوورة : اوووبس السموحه الغاليه ساره : خلاص مسموحه النهــــــــاايه عاد ان شاءالله عيبتكم النهايهـ...وسموحهـ تحياتيـ تومـ غرشووووويـ البدو __DEFINE_LIKE_SHARE__ | |
التعديل الأخير تم بواسطة Grshoob Albdoo ; 01-23-2009 الساعة 07:43 PM | ||
| |
|
01-23-2009, 08:56 PM
| رقم المشاركة : [ 403 ] |
| عضو جديد  | تسلم ايدك غرشوب ع هاي القصه الرووعه والسموحه اذا ازعاجنك يوم وان شاءالله الياي احلى
والسموحه ع القصور __DEFINE_LIKE_SHARE__ |
|
| |
| |
|
01-24-2009, 12:19 AM
| رقم المشاركة : [ 404 ] | |
| عضو دائم | حراااااااااااااااااااام مابي القصة تخلص ماشي تكملة  والله من يوم الامتحنات انا كنت اقراء من اخلص المذاكرة على طول على اللاب عشان اقراء القصة  اهى اهىلو يسون مسلسل عنة في رمضان جان ما بظهر لين ماجوفة هع هع هههههه صدق هع تسلم غرشوب البدو على القصة الطررررررررر  .gif "121") اختكم غرنوجة
__DEFINE_LIKE_SHARE__
| |
التعديل الأخير تم بواسطة غرنوجة ; 01-24-2009 الساعة 12:23 AM | ||
| |
|
01-24-2009, 01:12 AM
| رقم المشاركة : [ 405 ] |
| عضو جديد  | تسلمون (غرشوب البدو + توم غرشوب ) ع القصه الروعه والصراحه انا وايد عيبتني القصه ونتريا قصة غرشوب والسموحه اذا حشرناكم
نونو كيوت 
__DEFINE_LIKE_SHARE__
|
|
| |
| |
|
| مواقع النشر (المفضلة) |
| الكلمات الدلالية (Tags) |
| ليشّ, تتعّمـد, تعّـذبنّي, ؟..}~* |
« شاب سعودي يتزوج حبيبته رغم بتر ساقيهاقصة حقيقية..ارجوقرائتها بالكامل لتعرف المستحيل...حياكم.....
|
بحضر زفافك يا حياااااااااااتي ( قصة صارت في بوظبي) »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بَڪٌلْ [ هُدۈَء ] أخَطۈآ خَطۈَآتيْ.ِ~ | شذى الحب | تراحيب وتهاني | 5 | 06-13-2010 11:41 AM |
| أمُوت مرّة لو أحسّڪ تضايقتْ ،/ و مليُـون مرّة لا إختنـق صُوتڪ بـ آه ،! [BB wallpapers | نظرة ودآع | برامج وصور وثيمات والعاب بلاك بيري و IPhone | 22 | 04-19-2010 12:57 PM |
| ليشّ تتعّمـد تعّـذبنّي ؟..}~* | شوق الريم | قصص و روايات | 9 | 10-07-2008 03:47 AM |
الساعة الآن 04:39 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227