ليشّ تتعّمـد تعّـذبنّي ؟..}~* .. - الصفحة 53

Grshoob Albdoo · 01-01-2009, 02:22 AM

حمده : إلي كــاانت عالخط هيه سلطــاان
هنيه سيف وحمده وساره تموا يظحكــوون
وميره وظبيه منصدمات
ميره وهيه تقلد صوت حمده : إلي كانت عالخط هيه ( وترد صوتها الطبيعي ) اييه اخوي هب بنيه انزيين
ظبيه + حمده + سيف : هههههههههههههههههههه
ميره : احــم احــم واشوفها انصدمت
ظبيه استغربت : ليــش يعني ؟
ساره تضرب ميره : عن الاستهباال بس والله ما توقعت
سيف : دوااج حد قالج تاخذين فوني
ساره : والله كنت مقهوره كل ها عسب هاي البطه الي يالسه حذالك
حمده : سااروونه انا بطــه افــاا افــاا
ميره وهيه تقلد حمده : سيفاني وقف وقف اقلك
ظبيه وهيه تقلد سيف : ليش اوقف
ميره : ابا انزل ماتوقعتك جي خاين
وتموا كلهم يظحكون ويسولفون

اما فـ سياره سلطان صدق كاره عمره
كل شوي اليده موزه تتحرطم عراسه والشباب يظحكون علييه

عقب ساعه ونص تقريبا كلهم وصلوا للعين
ونزلوا فالمبزره تحديداا
كــاان الجــوو خبـــــااال بمعنى الكلمه والمكان كان هب وايد زحمه لأن معروف ان فالمبزره دوووم الاوادم يسيرون إلهاا وهيه دومها زحمــه بس هالمره غيير
السما كانت شبه مغيمه والجــوو مب بارد بس شي هواا والمناظر رووووعه
فرشوا حصيرتين عسب يلسون كلهم يلسوا الا سيف الي عرف ان حمده اول مره اتي العين بالذات المبزره فقال بيحوطهاا
تموا كلهم يسولفون ويظحكون وشالنهم الهوا شـل
سلطان : يدووه انا بسيــر
اليه موزه : ويين ؟
سلطان : والله والله بسير ايب اكل
الكل : ههههههههههههههههههههه
سلطان : خيبه مب يدتيه صارت حرمتييه
اليده موزه : اشوو قلت ماسمعت ؟!
سلطان : هــااه ماشي ماشي
اليده موزه : ترى سمعت
سلطان نش : تامرون بشي ؟
الكل : سلامتك
ونش سلطان طبعـا لازم يمر صوب ميره وساره لأن سيارته كانت واقفه هناك
اول ماوصل صوبهم غنى بصوت عالي
سلطان : آآه ويلي محتمل بعدك ثواني
خاف ربك جان ماودك تجيني
هنيه ســااره قفطـــــــت وييهاا احمـر من خــااطر
ومــلااك انقهـــــــرررت

ميره حرجت : اصطلـــب
ظحك جان يركب سيارته وحرك

صوب سيف وحمده
كانوا عايشين الجــوو من خـااطر
شوي يتفداها وشوي يلعوزهاا عقب يرد ويصالحهاا
سيف : حمده احبــج
حمده :...
سيف : وللل انزيين قوليلي كلمه اتجامليني فيهاا
حمده :...
سيف : رمسي بلاااج
ورفع راسهاا الي وحط عينه فـ عينهاا
سيف : تحبيني ولا تحبين الدراهم ؟
هنيه حمده تمت تظحــــــك
وسيف تم يبتسم إلهــاا ابتسامه تعذب
سيف : لالا هالمره صدق تحبيني ؟
حمده ردت وحطت عينها بعينه
حمده : امممممممممممم
سيف : اتفكريين بعد خلاص خلاص مابا اعرف
وسار عنهاا اونه زعلاان
حمده تمت تظحك على حركاته وسارت صوبه
حمده : سيفاني لو ما احبك احب منوو ؟
فـ هاللحظه سيف حس عمره طــاااير من الونااسه فرحــاان مايدري شقايل يعبر عن فرحته ولا حاس بعمره ولا شي
حمده كانت واقفه مستغربه وغارقه فـ جمال عيون سيف ويالسه اتحاول تحلل ملامحه اذا بعده زعلانه ولاا
بس انصدمـت لما همس سيف فـ أذنهاا : والله امووووت فيـج
وماحست الا برقه شفايفه على خدودهاا
فـ هاللحظه حمده حست ويهاا يالس يحترق من كثر المستحى بــس انصدمــــــــت من خــااطر وسيف اول ماباسها شرد لأنه متأكد انها بتحرج ويمكن تزعل منه بعـد لأن حركته هب حلوه كـانت جدام الناس
حمده من كثــر صدمتها تمت واقفه مكانهاا وماتحس الا بالهواا الي يالس يطيــر خصل شعرهاا الي ظاهره من الشيله
سيف رد صوبهاا وهو زايغ من رده فعلهاا
سيف : حمدووتي
حمده :.......
سيف يهمس : حبيبي
حمده : ......
سيف صــااارح :حمــــدوه
هنيه نقزت حمده من مكانها وسيف رد ع ورا انصدم بس تم يظحك لأن عرف انها سرحاانه ماحب يذكرهاا بالي سوااه من شوي
سيف : الي ماخذ عقلج يتهنى به
حمده : قصدك انت ؟
سيف : اوووه فديت الي يسرحون فييه
حمده : سيــف
سيف حس انها بترمس عن الحركه فحب يغير السالفه
سيف : هيييييييه توه سلطون اتصل يقول انه يايب إلناا اكــل بصرااحه انا ميـــت من اليوووع ( يود ايدها وسحبهاا ) يلايلايلا تعالي نسير نـااكل
حمده ابتسمتله ولفت شيلتهاا الي شوي وكانت بطييح وسارت ويااه
اول ماوصلوا سيف وحمده صوبهم
سلطان : الحمدالله عالسلااامه
عبدالله : صيفتواا
سيف : شو تغاارووون ؟ ( ولف صوب حمده ) فديت حرمتييه والله حيااج يلسي
الكل : اووووووووووووب
حمده قفطـــــــــــــت بس كانت مستاانسه على سيف
وفخاطرهاا تتفدااه
كانوا يسولفون ويظحون ويتمصخرون جان مره وحده ميره تذكر شي
ميره : اوييييييييييييييييييييييه
الكل صد صوبها وتم يطالعهااا : بلااااج ؟

كــــــــــــــــــــــــاات
يتبع __DEFINE_LIKE_SHARE__

مزيون راك · 01-01-2009, 03:07 AM

تسلم غرشووـوب

ونتريا البارت الياي

اتوقع في البارت الياي ملاك بتسمع سلطان التسجيل

والسموحهـ __DEFINE_LIKE_SHARE__

روح معقده · 01-01-2009, 10:33 AM

يسلموو ع الباارت النااايس ^^ __DEFINE_LIKE_SHARE__

شيطــونة بــٍس مزيــون ـــه · 01-01-2009, 12:30 PM

تسلم غرشوب البدو على البارت الغاوووي

بــس لو هاي مـــــــلاك تمــوت ويفتكون مــن شــرها __DEFINE_LIKE_SHARE__

بحر_الحب · 01-01-2009, 04:27 PM

يسلمو ع الباارت

نتريا باجي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بَڪٌلْ [ هُدۈَء ] أخَطۈآ خَطۈَآتيْ.ِ~	شذى الحب	تراحيب وتهاني	5	06-13-2010 11:41 AM
أمُوت مرّة لو أحسّڪ تضايقتْ ،/ و مليُـون مرّة لا إختنـق صُوتڪ بـ آه ،! [BB wallpapers	نظرة ودآع	برامج وصور وثيمات والعاب بلاك بيري و IPhone	22	04-19-2010 12:57 PM
ليشّ تتعّمـد تعّـذبنّي ؟..}~*	شوق الريم	قصص و روايات	9	10-07-2008 03:47 AM