| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
12-27-2008, 11:52 PM
| ||
| ||
 البارت الثامن والعشرين فبيت محمد ظهر سيف من حجرة ساره عقب مارقدت وهو مستغرب ليش جي حال ساره اكيــد سلطان ولا مايد فالسالفه سار حجرته عسب يريح جان تحدر عليه امه عوشه : سيف يماا ماشفت ساره ؟ سيف : هيه يت بس راقده فحجرتهاا عوشه : متى يت هالبنت ؟ سيف : من شوي عوشه : زين وظهرت عوشه من حجرة سيف وسارت اتشوف ساره صوب كلية قوم فاطمه فاطمه كانت توها ظاهره كانت ويا ربيعاتهاا وحده من ربيعات فاطمه : شوفوا شوفوا غرشوب وربي يطيييح الطيــــرر من السماا آآخ ياقلي الكل صد صوب الي كانت ترمس عنه فاطمه انصدمت : ها شو يسوي هنييه وحده من ربيعاتهاا : تعارفينه دخيلج صوبنا صوبناا فاطمه : اييه عن العبط ها راشد ريلي فالمستقبل وسارت فاطمه صوبه وهيه معصبـه ربيعه فاطمه : اويييه والله ماكنت اعرف بس صدق غرشوب عقب ما وصلت فاطمه صوب سياره راشد بطلت الباب وركبت فاطمه : انا كم مره قلتلك لا توقف جدام باب الكليه ؟ راشد : بسم الله الناس يسلمون هدي اعصابج فاطمه : هيه هيه انت ماتدري شو يقولون عنك راشد : وللللل لهالدرجه انــاا خسف عسب تستحين ربعج يشوفوني ؟ فاطمه : سخيـف انزيين ماتظحك راشد : فطيم حبيبتي هدي ما اعرف ارمسج جيي هنيه فاطمه انفجرت تمت تصيـــح راشد : اوييييييه لهالدرجه انا سويت جريمه فاطمه : ........ راشد : وغلاتي ماتزعلين دمعه ثانيه خلاااص فاطمه : انت ليش تحب تعاندني ؟ راشد : والله آســف خلاص ، انزين ممكن تقولين لي السبب ؟ فاطمه : ربيعاتي كلهم يرمسون عنك انت حليوو ويبونك ومادري شووو راشد : هههههههههههههههههههههههههه بــس !! فاطمه : ألحين انا قلت شي يظحك راشد حظن ويه فاطمه بإيده : فديت الي يغارون انــاا فاطمه دزت ايده : هيه هيه قص عليه بكمن كلمه راشد : افــاا والله الحين انا اقص عليج ؟ فاطمه : رشودي دخيلك لا اتيي مره ثانيه راشد : نعــم ؟! فاطمه : لا اتي مره ثانيه راشد : لا قبل هالجمله قلتي شي فاطمه : هههههه رشودي ؟ راشد : ياوييييل حالي مابغت تظحك وفديت اسمي يوم يظهر منج اسمي حلوو والله حلوو عيديها عشااني فاطمه ظربته : بــــس راشد تم يصاارخ : احبــج احبــــج وخل العذال يموتوون فاطمه : بــــس فظحتنااا راشد : احبــــج فاطمه : هههههههههه مينون والله راشد : مينون فيـــج فاطمه : رشوووود بــــس ترى والله انزل راشد يود ايدهاا وين اخليج تنزليين اييه اسمعي رمستي تراني ريلج هااه فاطمه : هههههه انشالله راشد : فديت حرمتي المصون فاطمه : هههههههههههههههه راشد : يعل هالضحكه دوم مو قبل شوي تصيحين جنج ياهل ظربته فاطمه عجتفه : بــس عــــااااد راشد : اشوفج اليوم واايد تضربيني فاطمه : شو اسوي احبك راشد : شووو ؟ فاطمه : هههه ماشي كلام الملوك لا يعاد راشد : اوونه فاطمه : هييه عقب حرك راشد وساروا مطعم من مطاعم العين وتموا يتغدون عالساعه 5 العصر كان سيف كاشخ عالآخر وكان يالس يعدل سفرته حدرت ساره عليه ساره : الله الله اسميها حمده بتذوب اول ماتشوفك تف تف تف مشالله علييك سيف : خخخخخ صدق ؟ حلوو ؟ اخبل ؟ ساره : ههههههههه دامك اخوو ساره اكييد بتخبل سيف : مــــاالت ، انزيين اشعنه انتي هب لابسه ؟ ساره : مافيه اي سيف : ليــش ؟ ساره : مودي هب اوكي سيف : اوكي ليش الصبـح كنتي اتصيحين ؟ ساره :آآآه شو تباني اقلك يعني ؟ يلس سيف ويلست ساره جدامه سيف : ارمسي سيسوو بحاول اساعدج جان رمستي ساره : خلااص انا كرهت العالم كرهته سيف : بسم الله ليش ؟ ساره : بقلك بس بليز هالرمسه بس بيني وبينك محد يعارفهاا سيف : انزيين يلا ارمسي ساره خبرته السالفه كامله سيف : لا حول ولا قوة الا بالله بس تصدقين مايد ظهر ريال والله انه ريــاال ساره : سيف ابا انسى سلطــاان انا ادري سلطان مايحبني حتى لو يحبني احس ماراح نرد شرات قبل سيف : شوفي انــاا ساكت عنج لأنج اختيه وانا واثق منج ومن سلطان وما اظن ان سلطان يقردنج والله سلطان يعشقج قبل ماكنتي تدرين لما كان يمثل عليج ان مايباج وجي عقب مايظهر من بيتناا شو يسوي كان موول مب سلطان الي نعرفه ساره لو سلطان يباج لاتضيعينه من ايدج سلطان ريال والنعم فيه ساره : بــس سلطان دوم يعذبني دوم يجرحني سيف : مرد للجرح يبرى والعذاب يزول فديتج سيسو انسي الي فات وحاولي تبدين حياتج من اول ويديد وتعيشين كل لحظه حلوه الحياه حلوه ترى ساره : ثــاانكس سيفاني والله خففت عليه شوي سيف : ومايد انسيه اعتبري ان ماصار شي مول وعيشي حياتج لحظه بلحظه ولا تخلين شي يضايج بج والله الدنيا ماتسوى شو بتستفيدين لو حياتج كلها عذاب وصياح وزعل ساره : اخســر كل من حولي سيف : انتي روحج قلتيها تخســرين فحاولي انج ماتخسرين من يحبج ويموت فيج بس بلييز لاتخليني فيوم اندم لأني ساكت عنكم انتي وسلطان ساره : ماراح تندم انشالله سيف : يالله نشي اتلبسي ترى مابسيــر اخطب ساره : ههههههههه لا تسير سيف : مينونه انتي انا اترياا من متى واخر شي ما اسير يلا سويره عشاني والله لو لي خاطر تعالي معاناا ساره : خلاص نص ساعه واكون جاهزه سيف : وللللل نــص ساعه تدرين هاي النص ساعه شقايل تمر عليه ؟ ساره : هههههههههه هيه جنها نص سنه سيف : زين يوم تعارفيين يلا بسرعه سيري لاتأخرينا ساره : من عنوني يا عنوني سيف : ياويـــل حالي سيف + ساره : ههههههههههههه عقب سارت ساره ولبست وكشخت وعقب نزلوا كلهم تحت ماحصلوا حد فالصاله غير اليده موزه لابسه وكاشخه كانت يالسه سيف : ياويييييييييل حاالي خلاص انا مابا حمده انا ابا موزه اليده موزه : اصطلــب عن المصااخه ترى والله اخبرها اليوم عن خبالك سيف : لا فديت يدوتي ادريبها طيوبه ماتفتن علييه اليده موزه : مرحبــآآ بالشيخه ساره ساره : هييهييهيي مرحبتيين اليده موزه : انتي وينج اليوم ؟ سيف : كانت تعباانه شوي اليده موزه : انــاا رمستها مارمستك وبعدين ماحطتك محامي عنهاا سيف : شيــــــــت قفطتني آآخ يا ويهي ساره : ههههههههههههههه فديت معرسنـــاا جان يحدر راشد اليده موزه : الحمدالله عالسلامه هاا شبعت من الشيخه فاطمه راشد : وييي طاحــت فييه ساره + راشد : ههههههههههههههههههه اليده موزه : شو قلت ؟ راشد : قلت فديتج انتي اتولهت علييج اليده موزه : هييه هييه قص علييه جايفني عيوز مخرفه هااه ساره + راشد + سيف : فديتـــج والله راشد : افــآآ والله افــآآ يدوه ترى بزعل اليده موزه : ازعــل وانت شو يهمك غير فطيم هاي مالتك سيف : اووووب العيوز تغاار عليك اليده موزه : عيز حيـــلك ساره : سيفااني لاتلعوز يدووه والله حرام عليكم ترى ما ارظى وسارت ولوت ع يدتهاا راشد + سيف : بـــدت تسوي افلامهاا المصريه راشد : قوم بو ابيض واسود الكل : هههههههههههههههههههههههههههههه محمد : يعل هالضحكه دوم بس اشعنه تضحكون ضحكوني معاكم راشد : ماشي بنتك تسويلنا افلاام مصريه محمد : فديـــت بنتييه انــأا ساره تغايض اخوانهاا ساره بدلع : فديــــــت روحك باباتي سيف : يالله عن يطييح نصج بــس راشد : اشدرااني ارمسي عدل ساره : بابا شوفهم يغارون مني محمد : هههههههههههه تعالي يقولون خلصتي راشد + سيف : يقــوولووون ساره : هييه الحمدالله افتكييناا راشد : يالله نتريا النسبه السنعه ساره : انشالله جان اتي عوشه سيف : والله والله ما اعرف ازغرط جان زغرطت واخيــرراا العروس وصلت عوشه : اصطلــــب محمد : هههههههههه تراه اليوم ساير يخطب ماينلاام راشد : هههههههههه وااااك طاحوا فييه سيف : عيل ما تذكر شكلك شقايل لما خطبت راشد : فديتني كنت عاقل هب شراتك سيف + ساره : مـــــررره راشد : هييهييهييي عقب يتهن شيخه ساره : هلا والله بعروستنــاا يقولون عرسج الاسبوع الياي شيخه : هيــه ساره : يالله الله يتمم لج على خيــر الكل : آآمييين عقب الكل توجه للسياره محمد وحرمته وامه ساروا بسياره وسيف وراشد وساره وشيخه ساروا بسياره صوب سلطان سلطان : مييييروووه ميره : نعم سلطان : احس ان ساره فيها شي رمسيهااا ميره : متفيــج انت تباها تزعل مني وانت السبب سلطان : عشااني والله دخيلج لو لي خاطر ميره : اوكي بشرط ماترمس سلطان : اوكي اتصلت ميره بساره وردت عليها ميره : مرحبــآآ ساره : مرحبتيين ميره : شحالج شخبارج ؟ شو علومج ؟ ساره : والله الحمدالله كل شي اوكي ميره : بلااه صوتج ساره : مــااشي ميره : متأكــده انج بخير ساره : هييه بعدين بخبرج ميره : يعني صاير شي ؟ ساره : هييه ميره : اوييه شي جايد ؟ ساره : تقريبا ميره : انزين انتي وينج الحين ؟ ساره : فالسياره جان يسحب سلطان الفون سلطان : ساره شو صاير ساره انصـــدمت سلطان : والله ماتسكرييين ساره : ميرووه بعدين برمسج سلطان : ساره بلييييز لا تسكرين حلفت انــاا ساره : انزين شو تبين ؟ سلطان : قوليلي شو السالفه ؟ والله كنت حاس ان صاير شي ميره : سلطان هات الفون ساره : اقلج ميره قريب وبنوصل ماروم ارمسج الحين بعدين بتصل فيج سلطان : ســااره ساره : هــلاا سلطان : والله احبـــج وبظل طول عمري احبـــج حتى لو انتي ماتحبيني ساره : ....... ميره : هـــــاات اقلك عن المصااخه سلطان : خلاص برايج بس بعدين طرشيلي مسج كتبيلي شالسالفه بليييز والله بتم متحرقص ساره : اوكي يصير خير .. باي سلطان : بااي وسكر سلطان عن ساره ميره : الحين ها وعدك لي ؟ سلطان : شو اسوي ياختي مارمت اقاوم لازم ارمسهاا ميره : سخييف والله ها ويهي ان سويتلك شي مره ثانيه انزيين الحين مابتقلي السالفه ويمكن تزعل بعــد سلطان : مابتزعل وبتقلج ميره : يالله عالواثق سلطان : ميروه شو تبيني اسوي انزيين احبهــاا ميره : حبها بس لاتدخلني فالسالفه مافيه تكرهني اناا بعـد سلطان : قصدج انها تكرهني ؟ ميره : انا ماقلت جيي سلطان : عيل ؟ هنييه وصل مسج لسلطان وكانت ساره كانت كاتبه السالفه لسلطان ، اول ماقرى السالفه تم مصدوم ويفكــر وبنفس الوقت تم مستـــاانس ميره : اييييه سالشالفه ؟ سلطان عطى الفون لميره تمت تقرى وهيه الثانيه هب مصدقه ميره : اويييييه يعني خلاص مايد مابياخذ ساره يوم اقلك ان الزواج قسمه ونصيــب ومحد بياخذ الا نصيبه سلطان : انشالله تكون ساره من نصيبي ميره : انشالله صوب ساره الي ترددت مية مره لين ماطرشت المسج لسلطان راشد : وجـــاان نوصل سيف : يالله فمان الله ( بطل الباب عسب ينزل ) راشد : وين وين اترياا كلنا بنحدر مع بعض سيف : افففف راشد : اعصاابك يارياال شيخه : هههههه خله ترااه مستعيل سيف : ماسمعت تعليق ساره ؟ ساره : هــااه ؟ راشد : لاااه اختي المصون فعالم ثاني سيف : عالم العشق والغرام ساره : شو قالولك سيف ؟! الكل : هههههههههههههههههههههههههههه سيف : ماعلييه اليوم بدال لاتدلعوني الكل طايح فيه راشد : خلاص حبيبي مافيه تصييح سيف : شو حبيبي بعــد ليكون تتحراني فطيم راشد : اتخســي فطيم احلى عنك سيف : طاعواا هااه خيانه اشكره جدامي بعــد الكل : هههههههههههههههههههه شيخه : شو هب ناوين تنزلون ؟ سيف : قولي حق هااه هب مخليني انزل راشد : منوو هااه ؟ سيف : الشيخ راشد بن محمد راشد : ههههههههههههههههههه هيه جي اوك يلا نزلوا جان الكل ينزل عقب حدروا بيت قوم حمده طبعا الحريم كانوا فالصاله والريايل فالميلس فالبدايه تموا يسولفون واليده موزه ماقصرت فظحت سيف وحمده كانت يالسه حذال موزه وهيه مستحيييه فالعين دار الزين تحديدا فبيت مريم كان الكل متيمع تحت فالصاله والجو كان متكهرب مريم كانت محرجه على مايد والكل زايغ وساكت يخاف ينطق بحرف لا الجو يتكهرب زياده مريم : شو انت تلعب تتحرى بنات الناس لعبــه خلاص انا عطيت الناس كلمه ولازم انسويهاا مايد : يامييه خلاص ماباهاا شو الزواج غصب مريم : لا مو غصب ، بس لو انت ماتباها من البدايه اشعنه كنت تحن ابااهاا واباااهااا مايد : امييه تغيرت اشياا والبنت غيرت رايها وانا بعــد مريم : مايخصني خلااص انا عطيت اخوي كلمه واستحي اغير كلمتي مايد : قلتلج ماابااهااا مابخذهاا خلااص مريم : مب بكيفــك انت كل يوم لك رمسه مايد : فطيم ارمسي قولي شي فاطمه : انا مايخصني مافيه اميه تحرج زياده مايد : خموس انت خميس : قلتلك من البدايه ساره ماتنفعلك وانت اصريت وحرجت علييه اسمحلي مافيه ارمس مايد : يعني الحين الكل تخلى عني عسب ساره ؟ مريم : حتى لو اخوانك رمسواا خلاص هاي رمستي ومابغيرهاا مايد : ولو قلتلج ان ساره لسلطان ؟ الكل : شوووه ؟ مايد : هييه بس بلييز الرمسه لاتظهر لحد انا مابا ساره لأن سلطان يباهاا وهيه تباه مريم : استح ع ويهك ياي اتظهر اشاعات عن بنت خالك ؟ مايد : اميييه شو قالولج ياهل ايلس اظهر رمسات لا عن منو عن بنت خالي شو مب صاحي ؟ مريم : خلاص خلاص بنتفاهم بعديين راسي عورني مايد : خلاص صدقيني مابغير رايي انا ساره ماباهاا وسار مايد حجرته وهو ندمان على كل الي صار وعلى كل الي سواه لسااره وهو يفكــر رقــد رقـــاااد من خــاطر جنه هب راقد قبل سنه فالصاله فاطمه : اميه فديتج خلاص هدي اعصابج مريم : انا تبعت يا فاطمه تعبت وينه ابوج وينه عسب يشوف الي اشوفه هنيه فاطمه دمعت : الله يرحمه الله يرحمه ويغمد روحه الينه جان ميثا تلوي على امهاا وتصيــــح وخميس مااستحمل يشوف خواته وامه جي سار صوبهم وتم يهديهم خميس : بــس عااد الله يرحمه يلاا نشوا خل نظهر نسير مكان نغير جوو مريم : سيروا رواحكم خميس : افــاا امايه خميس يعزمج تردينه مريم : هههه فديتك انــاا يلا نشوا سيروا تلبسوا بي معاكم عقب سارن البنات يتلبسن خميس : احم احم الشيخ خميس يبا يرمسج عن ظبيه مريم : عيل هاي الطلعه مصلحه خميس : اميييه بلااج عليه اليوم مريم : ياولدي انا تعبت خميس : خلاص خلاص مابرمس ولا بعرس ولا بتعبج زياده بتم يالس عندج طول عمري مريم : فديتك ياولدي بس خل نخلص من عرس شيخه وملجه سيف وانشالله بخطبلك ايااهاا خميس استانس : انشالله فـ بيت قوم حمده عوشه : هيه يا ام حمده نحن اليوم يايين نخطب بنتكم حمده لسيف ولدييه ام حمده : والله هاي الساعه المباركه بس لازم ناخذ شور البنت ونشوف راي ابوهاا عوشه : ماعلييج من ابوها موافق موافق اليده موزه : حتى حمده موافقه ساره : يعني نقول مبروك ؟ الكل : هههههههههههههههههههههههههه هنيه حمده قفطـــــت من خااطر جان اتنش وتسير حجرتهاا لحقتهاا ام حمده ساره : ههههههههههه وحليلها قفطت عوشه : الفال لـج فديتج ساره اتهدت اليده موزه : اشعنه تتنهدين شو بلاوي الدنيا كلها عراسج ؟ ساره : هههههههههههههههههه يت ام حمده ساره : ها نقووول ؟ عوشه : يابنتي فظحتييناا خلاص اليده موزه : صايره اخس عن سيفاني الكل : ههههههههههههههههههههههههه ام حمده : قولي فديتج قولي جان شيخه تزغرط وتموا الحريم يباركون لبعض صوب الرياايل سيف : رشود رشود جنها وافقت اسمع صوت زغروطه راشد : ههههههههه هيه حتى انــاا جان يحدر بو حمد بوحمده : مبروووك ياولدي بنتنا وافقت سيف شق الحلج : الله يبارك فيك وعقبالك هنيه الكل ظحــك بوحمده : عقب هالعمر كله تباني اعرس مره ثانيه تبى ام حمده تذبحك الحين سيف : لااا مب جي بس تلخبطت محمد : فظحنــاا الولد وقعد الكل : هههههههههههههه عقب تموا يباركون لسيف ومحمد وبو حمده بوحمده : ها متى حابين تكون الملجه سيف : لو اليوم عادي انا ماعندي مانع الكل : ههههههههههههههههههه راشد : فظحتناا الله يغربلك سيف : ياخي كيفي انا الي بعرس محمد : راشد سكت اخوك شكله شفــرر بو حمده : ههههههههههههههههههه محمد : والله شو راي حمده ؟ بوحمد : والله راي البنت من رايكم محمد : خلاص انشالله عقب اسبوعين الملجه سيف : ولللللل واااايد الكل : ههههههههههههههههههههه سيف : عقب 10 ايام اوكي ؟ محمد : يا ولدي اشعنه مستعييل سيف : يبااا دخييلك بو حمده : خلااص عقب 10 ايام الملجه محمد : يالله على بركه الله راشد : اسميييييك فشلت ابويه دواك بعدين سيف : انزين انا الي بعرس هب انتو اقلك عمييه عادي اشوف حمده ابا اسولف معاهاا محمد : رشوووود سكت اخووك فظحناا جدام الريال راشد : ههههههههههههههههههههههه بو حمده : اترياا عقب 10 اياام ايلس وسولف معااهاا سيف : يعني مايصيير الحين ؟ محمد : هههههه يا بوحمده خله يلس ويااهاا ترى سيف اليوم مب طبيعي بو حمده : اخــااف يسوي ببنتي شي بعــد هنيه الكل ظحك ماعدى سيف حس عمره مطنزه جدامهم سيف : خلاص مااباا بو حمده : زيين عيل كنت ساير ازقرهاا سيف : لااا سيــر لو ماعليك امر بو حمده : ههههههههه نش بو حمده وسار يزقر حمده محمد : سيفواا اصطلب غـد ريال ترى نرد البيت وماتعرس سيف : ابوويه حرام خلني اعبر عن مشاعري محمد : خل مشاعرك لعمرك والله فظحتناا راشد ناقع من الظحك مب رايم ايود عمره سيف : انت اظحك شو وراك يا جلب فطييم راشد : جب يا جلب حمده هههههههههههههههههههه سيف : هااهااهاا مايظحك انزيين جان يحدر بوحمده بوحمده : تفضل ياولدي محد غريب سار سيف الصاله وحصل قوم امه هناك سيف ابتسم ابتسامه تعــذب : السلام عليكم الكل : وعليكم السلام سيف وهو يدور بعينه : شحالكم ؟ الكل : الحمدالله بخير ساره وهيه ترمس شيخه : ههههههه عمو عمو شوفي شكل سيفاني يظحك وربي شيخه : سكتي يالس يدور عليها ساره : حمده لين الحين مايت بتنزل بعـد شوي جان مره وحده يسمع صوت هب غريب عليه تعود يسمعه دوم صوت يذوبه صوت يعشقه حمده : السلام عليكم صد سيف صوبها ولأول مره تطيح عينه بعينهااا وتموا ساكتين وواقفين يطالعون بعض حمده حست ان الكل يالس يطالعهم فقفطت ونزلت راسهاا وسارت ويلست حذال اليده موزه وسار سيف ويلس بعـد حذال اليده موزه بس الصوب الثاني ساره : مبرووك اخوي الله يتمملكم على خير سيف : الله يبارك فيج عقبــالج ( وغمز لها ) عقب تم الكل يباركلهم وسارت ام حمده ودخلت سيف وحمده ومعاهم ساره الميلس عسب ياخذون راحتهم بالسوالف سيف : ساروه سيري يبيلي مااي عطشان حمده : اناا بسيــر ايب ساره : ههههههههه ترى هو هب عطشان يبا الفكه مني تمي تمي بسير ايب ماي واي سيف : فديت سسو اناا فاهمتني حمده قفطــــت وزايغه ماتبى اتم روحها ويا سيف مو متعوده تيلس مع واحد روحهاا حمده : بي معااج ساره : ههههه لا تمي وسارت ساره وظهرت من الميلس سيف : واخيــــراا حمده :..... سيف : اويييه بلااه ويهج غادي احمـــر حمده قاافطه من خاطر تبى ترمس بس مب رايمه ولا عارفه شو تقول سيف : حمدوه بلااج ارمسج انــاا ( وجان يتقرب منها شوي ) حمده ردت ع ورى سيف : اويييييه رفعي راسج انزيين وطاحت عينه بعينها مره ثانيه بس هالمره تموا فتره تم يتأمل كل شي فيها وهيه تمت تتامل سيف وتتأمل شكله الغاوي جان تحدر ساره ساره : هههههههههههههههه طاعوا هذيله سيف : ويافيسج حد اي الحين جان تأخرتي شوي ساره : هههههههههه خلاص بظهر وبرد احدر سيف : لا تستهبليين ساره : انزيين يود اشرب مااي وابويه يقلك يلاا بنسير بعـد شوي سيف اطالع حمده سيف : انا ماصدقت احصلها تبيني اودرهاا ؟ ساره : اييه عن الطفااسه يلاا نــش سيف : انزيين ساير ساير ساره : يلااااا سيف : نحسه والله ، ( وهو يرمس حمده ) سي يو بيبي وظهر ساره : هههههههههههه بيبي هــااه حمده : سااروه بــس عااد ساره : ههههههههههه فديت حرمه اخوي اليديده انــاا حمده استحت وابتسمت : فديت روحج صوب سيف الي اول ماظهر من الميلس رن فونه وكان المتصل سلطان سيف : هلااا سلطان : هلا والله بمعرسنااا ها شو الاخباار سيف : اففف هاي ساروه تخرب كل شي كنت يالس معاها مستانس يت وخربت عليه سلطان : هههههههههههههه دواااك عيب مايلسون وااايد عند الحريم سيف : جب جب ، وينك انت ؟ سلطان : فالبيت سيف : اهــأأ سلطان : شكلك بزي يوم بترد البيت اتصل فيه وبشرني وخبرني كل الي يصير سيف : اوكيك سلطان : باي سيف : بااي اول ماسكر سلطان من سيف يت ساره فباله قال بيتصل فيها وبيرمسها شوي اتصل فيها تم يرن ويرن ويرن يا بيسكره ماتوقع ان ساره راح ترد علييه بس ردت له الروح لما سمع كلمة ألــووو سلطان : مرحــب ساره : مرآآحب كـــــاات تسلمونـ عـ المتابعهـ الحلوهـ... والله يوفكمـ فيـ امتحاناتكم سوى كانت ثانويه او جامعهـ ويسهل عليكمـ الامتحان ويسهل عـ اخويـ ميود الامتحاناااات ... وسموحهـ عالقصوره.. __DEFINE_LIKE_SHARE__  |
|
12-28-2008, 12:52 AM
| رقم المشاركة : [ 2 ] |
| عضو جديد  | ثانكس ع البارت الحلو
ونتريا البارتات اليايه باسرع وقت لا تبطون علينا نونو كيوت __DEFINE_LIKE_SHARE__ |
|
| |
| |
|
12-28-2008, 01:40 AM
| رقم المشاركة : [ 3 ] |
| عضو جديد  | يسلموااااااااااااااا لى البارت النايس والتوفيق للجميييييييييييييييع بالانتظار __DEFINE_LIKE_SHARE__ |
|
| |
| |
|
12-30-2008, 02:05 PM
| رقم المشاركة : [ 4 ] |
| عضو ماسي | سلام ... احـــــــم انا غرشوووب ... تسلمونـ عـ المرور .. وهي البارتاااات... البارت الـ 29 اول ماسكر سلطان من سيف يت ساره فباله قال بيتصل فيها وبيرمسها شوي اتصل فيها تم يرن ويرن ويرن يا بيسكره ماتوقع ان ساره راح ترد علييه بس ردت له الروح لما سمع كلمة ألــووو سلطان : مرحــب ساره : مرآآحب سلطان : شحالج ؟ ساره : الحمدالله سلطان : شو مابتسأليني عن حالي ؟ ساره : شحالج انتي ؟ سلطان : ههههههههههههه يعني حد عندج ؟ ( وهو يرقق صوته ) والله تماام ، وينج انتي ؟ ساره : هههههههههههههههههههههه اقلج مول مايليق انا عند حمده مرت سيف سلطان وهو بعدهه مرقق صوته : انزين ظهري شوي برع ابا ارمسج ساره : ههههههههه ( وهيه ترمس حمده ) حمده دقايق ارمس ربيعتيه واييج مو تشردين حمده : ههههه انزين خذي راحتج ظهرت ساره من الميلس وسارت ورا البيت ساره : انزيين سلطان : ها ظهرتي ؟ ساره : هييه سلطان : ثانكس لأنج طرشتيلي السالفه عالمسج بس بصراحه مايد زين سوى ساره : ...... سلطان : بعدج زعلانه ؟ انتي قوليلي شو تبيني اسوي عسب ترضين !! والله لسويلج ايااه ساره : خلاص استريح هب لازم تسوي شي ، نسيت الي فــاات سلطان : هههه الحمدالله والله لو كنت اعرف ازغرط جان زغرطت ساره : ههههههههههههههههههههه ما اتخيل هههههههههههه سلطان : يعل هالضحكه دوم ساره : سلطان اسمحلي ماروم اطول حمده روحها إلهاا سلطان : ســاره ساره : هـلآآ سلطان : خلاص اتطمن ؟ ساره : هيه طــآآح الحطـب سلطان : ساره ساره : ههههههههه آمر سلطان : احبــج ساره :....... سلطان : يعني ماشي رد مابرد اسمعها منج ؟ ساره : مب جي بس احس عمري وايد تماديت ومايصير اقولها لـحد بـس لمن يباني سلطان : انــاا ابااج والله ابــاج ومستعد اخطبج اليوم ساره : انا ببند سلطان : انزيين ابا اسمع رايج موافقه ؟ ساره : باي سلطان : دخيلج قوليلي موافقه ولا توت توت توت سلطان : شيييت سكرت الفون فويهي مايخصني ساره لي يعني لي وسار الصاله جان يجوف امه ام احمد: كاهوو ياميره رمسيه اقنعيه بالزواج مادري متى بيعرس سلطان : ههههههه اتحشون فيه هــااه ميره : هييه يالسه اقول لـ اميه اشعنه ماتتزوج سلطان : خلاص انا قررت اباكم تخطبولي ام احمد : صدق ياولدي ؟! ، هاي الساعه المباركه ماراح تحصل وحده شرات بنت خالتك سلطان : لااا يامييه ماريد بنت خالتيه اريد ساره بنت عميه ميره : هييه هييه ساروه ام احمد : وبلااهاا بنت اختييه ؟ سلطان : يامييه الله يهداج انا الي بعرس يا ساره او بتم جي عزابي طوول عمري ميره : عاااااااش الحب ( وتمت تصفق ) ام احمد : بــس ، ساره بعـد بنت والنعم فيهاا ميره : احم يعني موافقه ؟ ام احمد : اتريوا شوي ليش مستعيليين هالفتره كله فتره اعراس والكل يبا يعرس سلطان : يعني هم يعرسون وانا اتريــاا ام احمد : شرات ما تريت كل هاا اتريا الحين بعـد سلطان : البنت بطيــر عنيه ام احمد : تطمن ماراح تطيــر سلطان : اميــــه ام احمد : خلااص ميره + سلطان : انزين انزين عقب ياهم عبيد عبيد : عمي سلطان من زمان ماشفتك سلطان : احلف انت بـس عبيد : احبــك اناا ودني الدكان ميره : ههههههه حب مصلحه سلطان : شوف ظحكت العذال علينا ميره تظربه : ألحييين انـــاا العذال ؟ عبيد : لاااا قصده البشكاره ميره : لا والله ؟ الكل : هههههههههههههههههههههههههههه سلطان : يلا عبيدان نش بوديك الدكان ميره : سلطوني حبيبي انا مو اختك ؟ عبيد : ههههههههه مصلحه مصلحه ميره تظرب عبيد ورا راسه : اسكــت انت سلطان : آمري يا اختي العزيزه ميره : بــي معاكم سلطان : يلاا بسرعه لبسي دقايق واشوفج فالسياره ترى بسير ميره : من عيووني صوب احمد وحصه كانت حصه يالسه فـ حجرتها مع احمد يسولفون احمد : ها متى بطتيه ناويه تولد ؟ حصه : هيه هيه اتطنز عليه مو ولدك ولا بنتك فبطنييه احمد : هههههههه فديتــج انــاا كله ولا زعل حرمتييه حصه : خوز خوز عنييه سير عند ولدك احمد : افــآآ ، هااه اشوفج تغارين علييه حصه : ماغاار انزيين احمد : حلفي حصه : مااا اغااار احمد : حلفي حصه : اقلك ماا اغاار احمد : اوكي كم باقيلج عسب تربين ؟ حصه : ألحين انا فالشهر الـ 5 باقيلي 4 شهور احمد : حصه حصه : عيونهاا دق دق دق عبيد : ماااااامااااااااااا حصه : تؤتؤتؤ هالولد مظهرلي قرون احمد : ههههههههههههههه فديته والله حصه اطالعته بنظره احمد : فديت الي يغارون علييه اناا بعـد مرور 5 ايام قبل عرس شيخه بيوم ساره : امييييييه اميييييييييه عوشه : عيون امج آمري ساره : متى قوم خالوه بيون ؟ عوشه : بعد ساعه طيارتهم ميره : قوم خالوتج شما ؟ ساره : هييه ميره : ملاك ووجدان معاهم ؟ ساره : اكيييد ميثا : يــآآس ملوكه يايه شيخه : سااره ساااره ساره : اووه عروستنا تزقرني بسير ميره : بيي معااج وساروا حجرة شيخه شيخه : شرايكم بـ فستاني ؟ ساره + ميره : يــــــآآآي مشالله يخبل عليج شيخه : صــدق ؟ ساره + ميره : هيييه ظبيه : هلــووو ساره : اووه ظبايه وصلت ميره : مرحباا مرحبااا ظبيه : درب درب عبادي يبا يحدر شيخه : اوييه وييت وييت وجان تحدر شيخه حجرتها وتقفل الباب ظبيه : حياااك خيوو وجان يحدر عبدالله عبدالله : السلام عليكم الكل : وعليكم السلام والرحمه ظبيه : عن اذنكم بسير عند يدوه موزه بسلم عليها عبدالله : شحالكن ؟ ساره + ميره : والله تماام عبدالله : عيل وين الشبااب ؟ ساره : فالميلس عبدالله : يالله عيل انا ساير صوبهم وظهر ميره : آآآآآآآآه ياقلبي ظبيه : بلاااه قلبج ؟ ميره : بسم الله من وين ظهرتي انتي ساره : ههههههههههههههههههههه عاد اشرحيلها الحين ميره : جب جب ساره : تعالوا براويكم فستاني البارحه يبته من المصمم صوب الشباب سيف : وييه يالله عقبالنا ماباقي شي راشد : ههههههه مستعييل هالولد سيف : كيفي كيفي راشد : اسكت لاا اخبرهم شو صاار هناك سيف : رشــــــوووود الكل : هههههههههههههههههههههههههه سلطان : يالله ياهزاعواا كبرت وصرت رياال حارب : ليش قبل شو كان ؟ عبدالرحمن : يااهل الكل : ههههههههههههههههههههههههههه هزاع : اييه لا تحشون فييه واايد راشد : منو كــاان يتوقع هزاع ياخذ عمتيه عبدالرحمن : انا انا انا سلطان : لأنك عايش معاه فالبيت ؟ سيف : إلااا تعاااال هزاع : وين فـ حضنك ؟ حارب : ليش تتحراها حرمتك هزاع : حروووب اصطلب الكل : ويووو وييوووو هههههههههههههههههههههه عبدالله : قول يالسيف شو بغيت اتقول سيف : هيه صح زين ذكرتني بتاخذ عمتي معاك جهنم ؟ هزاع : جهنم فعيينك سلطان : آآآ بطنيييي بطنييييي حروب : نقلك مبروووك ؟ الكل : هههههاااااهااااااهههههههههااااي سلطان : حروووب يالهــــرررم عبدالله : منو بي معاي بسير ايب خالوتي من المطار سيف + سلطان : نحن نحن نحن حارب : رزه رزه ، الا وين ميود وخموس ؟ راشد : ميود عنده كمن شغله بيخلصها وبي ويا الاهل وخموس امودي اخته المول جنه ناقصنهاا شي حارب : مشالله العلوم كلها عندك سيف : ماينلااام اقول اقول راشد : سيفووو اصطلب ترى انا بعـد بقول سيف : هههههههههههههههه عقب عبدالله + سيف + سلطان ساروا المطار صوب البنات ساره : يااي وناسه الكل بيتيمع اليوم ظبيه : هييه والله ميره : وناسه وناسه وناسه ظبيه : اوووووبس نسيت ايب شنطتيه ساره : وينهاا ؟ ظبيه : تحت ساره : زيين سيري يبيهاا ظبيه : في حد من الشباب هني هب متفيجه البس الشيله ساره : لاا ما اظن ايون كلهم فالميلس ظبيه : اووكي ونزلت ظبيه بدون الشيله وجان توصل لشنطتهاا وهيه تغني وقف اقبالي دقيقه عطني من عذرك ثواني اعترف قول الحقيقه قول انك ماتباني اخترع اي طريجه شوفلك اي حل ثاني تهت انا وروحي غريقه في بحر ماله موالي ولا تنتبه ان في حد واقف ظبيه رفعت راسها وانصدمت وارتبكت وقلبها تم يـدق اما الشخص الثاني تخبـــل زياده لما شافهااا ودرت شنطتها حتى ماشلتها وجان تربع وتم ها الشخص عينه عليها إلين ما اختفت من عيونه ظبيه تمت تتحرطم: اورييج يا ساروه الدبه اتقصيين علييه هااه بس منوو ها جني اول مره اجوفه شو يخصني في اصلا مايهمني بس فشلـــه ميره + ساره : ههههههههههههههههههه ميره : حووو بلااج تتحرطمين ظبيه : ساروه اورييج انــاا تعالي هنيه ساره تربع : بسم الله ينت البنت ظبيه تربع وراهاا : تعااالي ميره واقفه وناقعه من الظحك عليهم جان اتيهم فطيم فاطمه : ههههههههههه بلااهم المخبل ؟ ميره : اشدراااني فاطمه : شحااالكم ؟ ساره : بخير بخير هههههههههه وجان اتزخها ظبيه ظبيه : شو تبيني اسويبج ؟ ساره : ليش ماسويت شي فاطمه : اوييييه ظبوي بلااج ؟ ظبيه : مافي حد من الشبااب بي هااه فاطمه : ليكــوون ميره : شووو ؟ فاطمه : خموس اخوي كان تحت ظبيه : هييه يا الذكيه الاخت قايلتلي مافي حد من الشباب اي وانا نازله بدون شيله لا و اغني بعــد ميره + ساره + فاطمه : هههههههههههههههههههههههه ظبيه : ظحكن يعلكن بريييل فاطمه : الحمدالله انا عندي ريل فديته الا وينه ؟ ساره : عند الرياايل فاطمه : فديت روحه انــاا ميره : احم احم نحن هنــاا فاطمه : اوووه نسيت انكم ياهاال ميره : فعيينج الكل : هههههههههههههههههههههههههه شيخه : يالحشررره تعاالواا فاطمه : هلا بعروستنا ، شحالج ؟ شخبارج ؟ شو النفسيه شيخه : هههه فطيم شوي شوي علييه زايغه والله زايغه ظبيه : جني اسمع صوت ملوكه تحت ملااك : لاا كاني وصلت الكل سار وسلم عليها ونزلوا البنات تحت وسلموا على شماا وتموا يالسين يسولفون معاهاا صوب الشباب وصل احمد ومعاه عبيد سلطان : هلا بمعرسنااا الصغير عبيد : اويييه انا المعرس عيل وين العروس سيف : ترى وجداان وصلت عبيد : صدق ويين الكل : هههههههههههههههههههههههههه احمد : ويا ويهكم يالسوود لا تلعوزون ولديييه سلطان : الله والولد بــس احمد : تغار لأنه احلى عنك سلطان : دامنه حلوو اكيــد ماخذ جمالي الكــل : يـــــالله سلطان : هههههههههههههههههه فديتني جان يحدرون ( محمد + حميد + يوسف + سالم ) وقاموا الشبااب يسلمون عليهم عقب عالساعه 10 سار الكل تعشى وعقب الشباب والشواب يلسوا فالحوي وبطـلوا اغاني وتموا ايلون وايبسون ومسوين حشره والبنات والحريم اتخبلواا عليهم عقب انظموا إلهم الحريم والشباب من جافوا البنات كل واحد تم يخق شيخه : ابـــــآآ اظهر ظبيه تغايض شيخه ، ساروه شوفي شوفي هزاع شقايل ايول شيخه : ابــــاااا اشوووف الكل : هههههههههههههههههههههه ملاك : تعالوا نسير عندهم شيخه : لاااا ماشي تودروني روحي ساره : طشوونه بس نشوفهم عن قرب شيخه : ماااباااا الكل : ههههههههههههههه عقب ما اقنعوا شيخه قالولها بيصرونه إلهاا ظهروا البنات والشباب تخبلوا زياده عقب يلسوا وتموا يشلون ويغنون سيف : يلا سلطون وخموس سمعونــاا شي سلطان : خل خميس يشــل صوته رووعه خميس : لاا ابوييه مااباا سلطان : يلاا شبااب عليه الكل : خموووس خموووس هييه هييه خموووس خمووس هييه هييه الكل اطــاالع خميس قفــــــط خميس : يعلكم شوو اقوول بــس خلاص سكتوا بــشل الكل : يـــــــآآآس خميس : خل سلطون عقبي يـشــل سلطان : ماعلييه انا بساعدك شوي فـ هالشله خميس : اوكي احم احم لعنبو رمش عينها الذباح خذ العقل والقلب وروح يو اني جايهم جاي مرتاح ويوم اني رايح الفكر مذبوح وش اخلي وش اوصف يا صاح عين خلت صاحبك على الارض مطروح ورمشن من رمش سيد الجماح كيفل يسهرني الليل مجروح سلطان يكمل : ناظرت عيونها يوم الكحل ساح اثر عيونها غرامن على القلب مسموح اشهد ان حبها في قلبي طاح وانا ضيعت قلوبن ماتروح خميس : يا صاحبي الفكر في عيونها شاح يوم ناظرتني ودمعها على العين مفضوح انا افدى عيونها لاجل ترتاح ماهمني لو حبها في حياتي فاح دامني لها ابني لحبها صروح عقب قالوا الـ 2 ( خميس و سلطان ) : لعنبو رمش عينها الذباح خذ العقل والقلب وروح وسلامتكم الكل : اووووب اووووب صح لسانكم سلطان + خميس : صح بدنكم سيف : عشتوا والله الشله شي شي وكلماتهاا حلوه سلطان + خميس : هييه والله خميس : ماهمني لو حبها في حياتي فاح دامني لها ابني لحبها صروح الكل : هاااه خموس شكلك عاشق خميس : حليلي لاتظهرون عليه اشاعات الكل : اوووب اوووب اووووب صوب البنات ساره كانت متخبله لما تسمع سلطان وهو يشل صوته بصراااحه روووعه وميره مستاانسه واايد اتحب تسمع شلاات من صوت اخوهاا اما ظبيه الي مو كانت عارفه شو هالمشاعر الي تهزها لما تسمع صوت خميس وتسمع الكلماات وفاطمه حبت الكلماات واايد بس كانت تبا راشد الي يشــل اما البااقي كــاان عادي عندهم عقب عالساعه 12 الكل سار يرقد الشباب توزعوا نصهم فحجرة راشد ونصهم فحجرة سيف بـس هزاع كان حاجز بـ فندق اما البنات كلهم رقدوا فحجرة شيخه فاليوم الثاني اليوم المنتظر يوم عرس شيخه وهزاع نشت شيخه الساعه 8 وكـاانت زايغه وايد عسب اليوم عرسهاا شافت البنات كلهن رقود قالت بتوعيهن شيخه : يلا حبوبات نشوا الكل طــــآآآف شيخه : اييييه نشواااا الكل طـــــآآآف للمره 2 شيخه : انزيين ( وسارت وبطلت الستاره ) محد حس طــأأف للمره الـ 3 شيخه : انزيين اوريكم يالنحوس سارت الحماام وشلت كوب ترسته ماي جان مره وحده تصبه عالكل كلهم نشوا من الرقااد إلي تصاارخ والي تصييح والي مفوله وشيخه يالسه تظحك عليهم صوب الشباب سلطان وسيف نشوا من وقت فقالوا بيلعوزون الشباب عسب ينشون سلطان : سيفوو يب المسجل وخل على اعلى صوت سيف : هييهييهيي اسميهم بيسفروناا سلطان : هــآآع وجان يخلي سيف اعلى اعلى صوت ومره وحده شغلوا المسجل على طول الكل نقــز من مكانه وسلطان كان مشغل الكيمرا ويصورهم وهو وسيف يظحكووون كانوا عبدالرحمن + سعيد + خميس + مايد خميس : ياحميـــــــــرر مايد : ابـــــــااا ارقد عبدالرحمن : وينهم الهرووم وينهم سعيد : شووو هاا يالسين بدسكوو اباا ارقد سلطان + سيف : هههههههههههههههه سلطان : نشواا بسكم رقااااد خميس : سلطون سكر المسجل راسي عورني سلطان : يلااااااا بسرعه نشواا سيف : ههههههههههههههههههه جان مره وحده الـ 4 هجموا عليهم وسلطان وسيف بطلوا الباب وربعواا خميس : والله اوريكم ما اهدكم فحالكم سلطان + سيف : هههههاااي ان رمت وتموا يربعون والـ 4 وراهم نزلوا تحت اليده موزه جافتهم تمت محتشره وتتحرطم عليهم وهم طــآآف اصلا ماكانوا منتبهيين نزلوا البنات وكل وحده محرجه اكثر عن الثانيه اليده موزه : اعوذ بالله بلاكن ؟ ملاك : شوفي بنتج ماتخلينا اناام ميثا : هييه والله ميره : ههههههههه ساروه شوفي الشباب ساره + ظبيه : ههههههههههههههههههههههه اليده موزه : بلاكن تظحكن على هذيله المخبل الكل : هههههههههههههههههههههههههههههه خميس يود سلطان سلطان : يدوووه يدوووه شوفيه يبا يضربني جان اتطيح عينه فعين ساره هو ماكان منتبه انهم موجودين اليده موزه : دوااك تستاهل سلطان : افــآآ اخون علييج هنيه ساره استحت من خــاطر نزلت راسها وسارت يلست مع البنات سلطـان : سيفوو يالثور ساعدني سيف : يلايلايلا مايخصني فيك سلطان : نذل والله جان عبدالرحمن ايود سيف والكل يالس يظحك على اشكالهم عقب ماظربوهم وكسروهم اليده موزه : بـس بـس ذبحتوا عيالي خميس : هذيله اواادم مايخلون الواحد يرقد البنات تمن يظحكن عبدالرحمن : ظحكن ظحكن الكل : ههههههههههههههههههههههههههههه اليده موزه : قولولي شو سووبكم هالاثنين ؟ خميس : الله يسلمج كنا راقدين جان ها الثورين ( وصد عسب يأشر عليهم ) جان عيونه اتطيح على ظبيه الي كانت تظحك عليه وعلى اسلوبهم جان اتم يطالعها سلطان : احم احم الي ماخذه عقلك تتهنى بـه جان سيف يظره عراسه وشرد وردوا يظاربون سيف وخميس اليده موزه : بــس بــس فهموني السالفه ميره : ظبووي قمت اشك فيج ظبيه ارتبكت : شو تشكين ما تشكين ماسويت شي ساره + ميره : هههههههههههههههه ساره : عيل ليش خميس لما صد اطالعج وسكت ظبيه : وانا اشدراني سألوه هوو ميره : اتخيلي يحبـج ظبيه : انا ما احب ولا راح احب خلاص إلي حبيته راح الله يرحمه وحبي بيتم لـه طول عمري ميره + ساره : الله يرحمه عقب سكتوا عن السالفه عن ظبيه تتأثر وتيلس تصيح وتنجلب الوناسه نزلت شيخه راشد : حيالله عروستنااا شيخه ابتسمت : الله يحييك سيف : فديت عموو والله بتروح عناا شيخه : افــدااك ساره : اقول عمو عزمتي حمده لعرسج ؟ شيخه : اكيــد وانا اروم انساهاا سيف : صدق صدق صدق بذمتج حلفي الكل : هههههههههههههههههههههههههههه سيف : مايظحك انزييين سلطان : ياخي سير طالع شكلك انت ويه زواج سيف : قلي تغار تغار سلطان تنهد ونزل راسه سيف همس فإذنه : اييه اصطلب عن يشكون بشي سلطان حب يغير الجوو اطالع ساره وتم يغني __DEFINE_LIKE_SHARE__ |
|
| |
| |
|
12-30-2008, 02:11 PM
| رقم المشاركة : [ 5 ] |
| عضو ماسي | قم قم قم علم الصبح ويش البارحه قلنا خل يقول لعواذلنا تصافيناا حتى يعارفون يوم ان تزاعلنا نبغي نزود قهرهم لـ تراضينا خميس : بـس بـس طبلتي بتنطر سيف : تغــاار لأن صوته حلوو سلطان : هههههههههه خلاص بسكت عبدالله : احم انا بكمل خميس :دخييييييلكم ابا طبلتي انــاا الكل : هههههههههههههه عبدالله جب يلااا كح كح حنا شربنا الغلا حتى تمايلناا من نشوة الحب تدفعناا خطاويناا نكسب تعاطف هل الحب بـ تعاملنا وهروج حسادنا ما أثرت فينا سلطان + راشد + عبدالله + سيف ردوا وغنوا المقطع الي غناه سلطان قم قم قم علم الصبح ويش البارحه قلنا خل يقول لعواذلنا تصافيناا حتى يعارفون يوم ان تزاعلنا نبغي نزود قهرهم لـ تراضينا راشد كمل : ياما ياما وياما حكوا لكن تجاهلنا تلامس احساسنا يسبق خطاوينا من من من بدهم فالوفا حنا تأهلناا كسرة ادين التجافي من تسامينا خميس كمل : يا بحر كان انت في مويك تساهلناا في الحب نبحر ونمسيك في موانينا روض المحبين محمي في مداهلنا وزهور الاشواق تنبت في مراعينا سيف كمل : روض المحبين محمي في مداهلنا وزهور الاشواق تنبت في مراعينا حنا الشرف والنقى وانشرف اهلنا عن الرذيله على النايف تعلينا جــان كل الشباب يغنون مع بعـض : يا ضامي الحب اروتنا مناهلنا اذا طوانا هجير البعد تسقينا والسالفه كلها يومن تزاعلنا كله علشان يقهرهم تراضينا ميثا + ملاك : اسميييه راشد الماجد بينتحر لما يسمعكم تغنون اغنيته الكل : هههههههههههههههههههههههههههههه وعقب يلسوا يسولفون وعالساعه 2 ساروا وتغدوا بعدين سيف و راشد وصلوا البنات ويا شيخه الصالون مر الوقت بسرعه وعالساعه 8 ونص الكـل خلص وتجهز مروا الشباب ووصلوا البنات الفندق كلهم نزلوا تحت الا ساره وميره وظبيه وفاطمه تموا فالحجرة ويا شيخه الي صدق صدق كانت مرتبكه وخايفه شيخه : اميــه زيااغ والله فاطمه : الله يعيينج ههههههههه شيخه : ظحكي ظحكي ياينج الدور فاطمه : وييي لا تذكريني عقب نزلن ساره وظبيه وميره وتمت فاطمه ويا شيخه ( ميثا وملاك كانوا مطقمين مع بعض لابسين فستان فوشي حرير قصير وفي حركات تحت الصدر وشعرهم كانوا الـ2 رافعينه كله ومنزلين خصلات مموجه .. اما فاطمه فكانت لابسه فستان رصاصي ناعم وبسيط من فوق ضيج لين تحت الصدر وياي ع شكل فرعوني صوب الرقبه كله حركات وكانت مسويه بشعرها شكل غريب بس وايد حلوو .. اما ظبيه كانت لابسه فستان احمر الي مظهر بياضهاا كان حلوو وناعم وكله فيه ربطات يعني شكله غريب و شعرها كانت رافعته كله .. وساره كانت لابسه فستان كحلي وااايد حلو تحت الصدر في خطين كرستال فظي وكانت رافعه نص شعرها ومنزلتنه بطريقه غريبه بس كانت واايد محلوه.. ميره كانت لابسه فستان شرات فستان ساره بس اللون كان اسود حتى التسريحه كانت مسويه شراتهاا .. وشيخه الي صدق صدق اتغيرت هاليوم كانت لابسه فستان اف وايت وذهبي وااايد حلوو وراقي وكانت قاصه شعرها طشوونه وقاصه قصتهاا فـ مغير شكلها واايد وكانت حاطه ميك اب روووعه يعني صدق الكل انصدم لما شافهاا ) عقب مانزلن البنات تمن مرتبشات وحاله الي ترقص والي تصفق والي تعلق على فلانه والي والي سارت اليده موزه ويلست حذال البنات اليده موزه : يلا سويره وميره نشوا ارقصوا ساره : شــــووو !! لالالالا ماعرف اليده موزه : عن المنكر يلا نشن ميره : يدوووووه ميثا : انا بسير ارقص ملوكه تعالي معاي عقب ساروا البنات وتمن يرقصن وعقب ردوا مكانهم وحدرت شيخه والكل انصدم لما شافها ماتوقعا جييه بتظهر كــاانت صدق صدق تخبــل عقب مر الوقت صوب الشباب كان هزاع متحرقص وحالته حاله عقب ان بيخلون يحدر ماصدق نــش وحدروا الشباب معاه <~ طبعا بعـد ماغطوا العرروس تموا ايولون الشباب والبنات تمن مرتبشاات فاطمه : شوفوا شوفوا راشد فديته يقطــع ميره : يلايلا منااك سلطون يفرهم كلهم بصوب ملاك : اييه اييه سلطان يولته حلوه ميثا : لالالا خموس وبــس فاطمه : اقلكم رشودي اما ظبيه الي كانت فعالم ثاني ماتدري شو الي يجذبها فـ هالانسان ويخليها تطالعه وهو بعـد الثاني انتبه إلها وهيه تطالعه وغمز إلها وابتسم ظبيه استحت ومارامت تستحمل حست عمرها تخون حبيبها اصلا هيه ماتحبه بس شخصيته يمكن تعيبهاا على طول نزلت راسها وسارت ويلست اما هو تم يطالعهاا وماكان هامنه حــد ميــثاا شهقت : شفتوا شفتوا شفتوا ؟! فاطمه : بسم الله بـلاااج ؟ كـــــــــــــــــــــــــــــــــــــــاات __DEFINE_LIKE_SHARE__ |
|
| |
| |
|
| مواقع النشر (المفضلة) |
| الكلمات الدلالية (Tags) |
| ليشّ, تتعّمـد, تعّـذبنّي, ؟..}~* |
« شاب سعودي يتزوج حبيبته رغم بتر ساقيهاقصة حقيقية..ارجوقرائتها بالكامل لتعرف المستحيل...حياكم.....
|
بحضر زفافك يا حياااااااااااتي ( قصة صارت في بوظبي) »
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بَڪٌلْ [ هُدۈَء ] أخَطۈآ خَطۈَآتيْ.ِ~ | شذى الحب | تراحيب وتهاني | 5 | 06-13-2010 11:41 AM |
| أمُوت مرّة لو أحسّڪ تضايقتْ ،/ و مليُـون مرّة لا إختنـق صُوتڪ بـ آه ،! [BB wallpapers | نظرة ودآع | برامج وصور وثيمات والعاب بلاك بيري و IPhone | 22 | 04-19-2010 12:57 PM |
| ليشّ تتعّمـد تعّـذبنّي ؟..}~* | شوق الريم | قصص و روايات | 9 | 10-07-2008 03:47 AM |
الساعة الآن 11:21 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227