| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
12-06-2008, 12:19 AM
| ||
| ||
 تابع عقب عـ الساعه 11 ونص الفليل الكل رد لبيته وسلطان بعد رد البيت بس ميره تمت راقده فالمستشفى عند ساره وتقريبا عـ الساعه 1 كل ابطال قصتنا رقدوا الساعه 9 ونص الصبح نشت ساره من الرقاد وشافت ميره وهيه راقده عندها وابتسمت جان تتذكر كل الي صار لها البارحه وغمظت عيونها وبطلتهم ثاني مره وحست ان سلطان صدق ظلمها هالمره وهيه صدق اتحبه بس خلاص من عقب هاليوم بتحاول تنساه لأنه مب اول ولا ثاني مره جي يجرحها ويشك فيها .. واذا هو بيتم جيه هيه مابتروم تستحمله وجان اتصيح عقب مره وحده سكتت وتمت تقول ليش اعذب عمري عشانه خلاص انا بنسااه بنسااه تبغي الصراحه يالغلى منك مليت مليت من طبعك وانا اليوم برحل وجان اترد وترقد .. عقب الساعه 10 نشت ميره وكانت اتحس انها تعبانه شافت ساره كانت راقده اتقرب منها وحبتها على راسها ويلست حذالها .. ساره بطلت عينها ساره : ميروه انتي واعيه ؟ ميره : هيه .. متى نشيتي ساره : مادري .. وين اميه وبويه والكل ؟ ميره : فالبيت اكييد بعد شوي بيونج .. ساروه ساره : نعم ميره : سامحي سلطان هالمره بس هالمره ساره : خلاص كل شي بيني وبينه انتهى الحين سلطان هو ولد عمي بـــس ( وجان اتدمع عينها ) ميره تمت مصدومه من رمسة ساره : انزيين كل حد يغلط هب بس سلطان .. يعني انتي كنتي اترومين ادزين ميود ساره : ميرووه بلييز مابا ارمس عن هاي السالفه ميره : اوكي حبيبتي ساره : ميروه ابا مااي ميره : من عيوني ( وسارت اتيبلها ماي ) عقب عطتها الكوب وشربت ساره الماي ساره : مشكوره فديتج ادري اني تعبتج ويااي ميره : افاا كم سارونه عندنا .. تعبج راحـه حياتي ساره ابتسمت بس الابتسامه كانت مو من خاطرها ساره : ميروه متى بظهر ؟! .. ملييت ابا ارد بيتنا ميره : امممم .. والله مادري فـ بيت بوراشد نشت عوشه الساعه 10 الا ربع وسارت وعت راشد عسب يوديها عند ساره .. عقب سارت وخبرت محمد عن الي صار لساره لأنها ما لحقت اتخبره وهو البارحه كان مشغول ويا الريايل .. عقب ساروا محمد + راشد +عوشه ركبوا السياره عسب يسيرون لساره فـ العين تحديدا فـ بيت مريم نشت ميثا الساعه 9 وكانت ملاانه سارت ووعت اختها فاطمه عسب تيلس وياها فـ البدايه فاطمه حرجت وتمت تتحرطم عقب نشت .. ومريم كانت شوي تعبانه فـ نشت الساعه 11 .. وخميس كان فـ حجرته عـ الساعه 10 ونص كان يالس يرمس حبيبة قلبه عنود .. ومايد الي مفول عـ الاخر كان مسوي طاف لكل حد وموول مايرمس ويا حد كله يظهر ويوم يرد البيت بس يرقد كمن ساعه فـ بيت سالم ( بو عبدالله ) نشت روضه الساعه 8 ونص وزهبت الريوق لريلها ولعيالها و عـ الساعه 9 نشت ظبيه من الرقاد وسارت اتساعد امها واترتب البيت واتنظفه و عبدالله وسعيد نشوا ويا بعض عـ الساعه 11 ونص فـ بيت بو احمد نشت ام احمد عـ الساعه 8 نزلت تحت وتمت يالسه تتريا عيالها ينشون عسب يودونها المستشفى عند ساره .. عقب نش سلطان عـ الساعه 10 ام احمد : سلطون فديتك .. اباك اتوديني المستشفى الامريكي عند سارونه بنت عمك سلطان توهق : هااه .. انشالله انشالله امييه ( وجان يلس حذالها ) ام احمد ظربته بالخفيف على جتفه ام احمد : يلا انزيين نش بدل عسب اتوديني سلطان : انزيين وين احمد ؟ ام احمد : افاا الحين انا اقلك ودني اتقلي وين احمد سلطان : السموحه الغاليه بس تدرين اني ما احب المستشفيات ام احمد : يلايلا بلا دلع زاايد نش اتلبس بسرعه ترى يا ويلك مني يا سلطوون سلطان : انشالله .. ( ونش وتوجه لحجرته وسار تلبس ) لبس كندوره بيضه وتسفر وتعطر ونزل تحت وشاف امه يالسه ولابسه عباتها عقب توجهوا للسياره وشغلها وسار صوب المستشفى فـ المستشفى وصلوا ( عوشه ومحمد وراشد ) وساروا صوب الحجره الي ساره مرقده فيها دقوا الباب جان يحدرون شافوا ساره وميره يسولفون ويظحكون ام راشد + بو راشد +راشد : السلام عليكم ميره + ساره : عليكم السلام والرحمه تموا يتخبرون عن الحال عوشه صدت صوب بنتها : ها فديتج شحالج الحين ؟! .. انشالله احسن ؟ ساره : الحمدالله على كل حال محمد سار صوب بنته وحبها عراسها : الحمدالله عـ السلامه حبيبتي والله اني ماكنت ادري اليوم امج قالتلي ساره : الله يسلمك .. ماعليه .. فديتك ماصار شي عوشه صدت صوب ميره : ها فديتج ماتبين اتسيرين البيت ؟! ميره : لا عادي خالو ساروه بحسبة اختي مع اني ماعندي اخت ساره : فدييتج والله راشد : يلا انا ساير ارمس الدكتور بو راشد : اتريا انا بي ويااك راشد : لا بويه ماله داعي انا بتخبره عن حال ساره وبيكم بو راشد : خلاص براحتك وسار راشد صوب الدكتور وتم يرمسه فـ هالوقت وصلوا سلطان وام احمد المستشفى ام احمد : سلطون اشو ها مافيك مذهب هاي بنت عمك .. يلا انزل تحمد لها بالسلامه وسيير سلطان : امييه .. انا هب فاظي .. وبعدين عيب احدر عليها ام احمد بخبث : وييه وييه .. طاعوا منو يقلي عيب .. اييه انت يلا بسرعه انزل انزل سلطان : اماايه حراام عليج انا مشغول ردت ام احمد وركبت السياره ام احمد : ان مانزلت ماراح انزل ريلي على ريلك سلطان : آآه اوكي يلا اتفضلي جان يبند السياره ونزل ويا امه وصلوا لحجره ساره دقوا الباب جان يحدرون شافوا عوشه وميره ومحمد يالسين يسولفون ويا ساره .. حدروا وسلموا ويلسوا .. ساره من شافت سلطان قلبها تم يدق وتذكرت السالفه ودمعت عينها وميره لاحظت هالشي وهمست باذن ساره : خلاص كل شي بيني وبينه انتهى الحين سلطان هو ولد عمي بـــس .. ليش ادمعين بعد ؟ هنيه ساره مارامت تستحمل لفت وويها ويلست اتصيييح عوشه : بسم الله .. ميروه بلاها سويره اتصيح ؟ سلطان هنيه انتبه وتم يطالع ساره وهو يتعذب لأنه هو السبب الي صار لها هذا والي خلاها اتعاني الين الحين مارام يستحمل اكثر سلطان : امييه انا بظهر خاري بتحصليني يالس برع لاتتأخرين ام احمد : انزيين بس هب تشرد سلطان : انشالله .. ظهر سلطان وجان تلحقه ميره ميره : سلطون سلطون سلطان لف ويهه صوب ميره : هلا ميره : سلطون سامحها والله هيه لين الحين تحبك .. بس الي ....... << وجان تسكت سلطان : الي سويته مو شوي .. ادري والله ادري .. ميروه والله اني احبها لين الحين احبها ميره : تدري اليوم لما رمستها عنك شو قالت سلطان : شو ؟ ميره : اونه خلاص كل شي بيني وبينه انتهى الحين سلطان هو ولد عمي بـــس سلطان انصدم وتأكد من الشي الي كان زايغ منه ميره : سلطوون بلاااك ؟ سلطان : ماشي ماشي .. انزين هيه ليش صاحت ميره : قلتلها اونه خلاص كل شي بيني وبينه انتهى الحين سلطان هو ولد عمي بـــس .. ليش ادمعين بعد ؟ جان اتصييح سلطان : آآآآآآه .. شو اسوي يا ميروه .. اباها اباها ميره : سلطون هالفتره ما اظن انها راح اتسامحك حتى ولو كلنت تموت فيك .. ساروه انا اعارفها عنيده والي فـ راسها اتسوييه سلطان : انزيين انا غلطت وكل انساان يغلط وهني ام احمد ظهرت وقالت لسلطان يلا نتحرك نش سلطان زقرته ميره وقالتله دقاايق لاتتحرك بييك وحدرت الحجره وشافت عوشه وقالتلها انها بتسير البيت وبتتسبح وبتبدل وبترد بسرعه وسارت عند ساره وهمست فـ اذنها : سااارووه لا تزعلين مني والله اني احبج واحب اخوي بعد .. انا الحين سايره البيت هو الي بيوصلني .. ماتبين اقله شي ؟ ساره وهيه هب رايمه ترمس : لا بس سلمي عليه ميره فرحت وسارت صوب سلطان وقالتله ان ساره اتسلم عليه .. مر 3 ايام بس ماصارت فيها احداث كثيره بس الي صار ان ساره ظهرت من المستشفى وردت احسن عن قبل وان سلطان حاول يرمسها بس هيه شاله هالفكره من راسها وحاطه فبالها انها بتنساه .. وان مهره عمة اخت سالم (عمة ظبيه وعبدالله وسعيد) اتصلت بـ حرمة اخوها (روضه) وقالت انها بتي بيتهم باجر عسب اترمسها بموضوع مهم يخص ظبيه يتبع فالبارت الثامن __DEFINE_LIKE_SHARE__  |
|
12-06-2008, 12:21 AM
| رقم المشاركة : [ 2 ] |
| عضو ماسي | البارت الثامن (مهره : هيه ام يمعه الي يحب ظبيه، وهيه اخت سالم ، وهيه عايشه فـ شارجه وهيه اكبر عن سالم بـ 3 سنوات ويمعه هو وحيدها.. يمعه : ولد عمه ظبيه وهو يحب ويمووت فـ ظبيه ، وهو عايش فـ شارجه ويا امه وابوه ، وهو حنطاوي طويل عيونه سوده شعره اسود وهو عمره 23 ويشتغل فـ شركه عوده ) يا اليوم الي ظبيه ويمعه يتريونه يوم خطوبتهم لـ بعض وصلت مهره و يمعه و بو يمعه .. سلمت ويلست وتمت اتسولف شوي مهره : روضه طبعا انا يايتنج اليوم فـ موضوع يخص ظبيه روضه : ظبوي بنتي ؟! .. اشبلاها ؟ مهره : نحن ياين اليوم نخطب بنتكم ظبيه لـ ولدي ووحيدي يمعه روضه : هااي الساعه المباركه .. ونحن وين بنحصل واحد احسن عن يمعه .. يمعه ريال والنعم فيه .. مهره : تسلمين فديتج روضه : من صوبي انا ماعندي اي مانع .. بس انتو اتريوو كمن يوم نرمس ظبيه وناخذ رايها .. ترى ها ارتباط شخصين هب لعبه وهااي حياتهم .. لازم هم يقرورنها مهره : صدقج والله وعقب حدرت عليهم ظبيه الي كانت يالسه فوق ماتدري ان عمتها يايه تخطبها اليوم .. ويوم نزلت وخبروها انصدمت واستاااانست عقب دخل عبدالله وقال لروضه ان يمعه يبا يرمسها شوي ظبوي استحت اول مره اترمس يموع فيس تو فيس .. سارت اتعدلت واتكشخت وظهر وتمت تسولف وياه شوي وعقب مهره و يمعه وبو يمعه ساروا بيتهم وسارت روضه عند بنتها ظبيه وحبتها على خدها روضه : والله و كبرتي يا ظبوي قاموا ايون ويخطبونج ظبيه احمرررت وسكتت روضه : ها فديتج شرايج بيمعه ظبيه : ريال والنعم فيه روضه : يعني انتي موافقه عليه ظبيه : مادري كيفكم انتو شرايكم ؟! روضه : انتي تبينه ولا ؟ ظبيه : عادي انتو وكيفكم روضه : خلاص عيل بتصل فـ مهره وبقلها ان هب موافقين .. هنيه ملامح ظبيه اتغيرت وانقرت ودمعت وكانت بتصيح جان روضه تظحك : فدييتج والله ادري انج موافقه عليه وبتموتين عسب تاخذينه .. نحن موافقين وبنخبرها بس عقب يومين فكري عدل ترى ها زواج هب لعبه هنيه ظبيه طارت من الفرحه واحمرررررررررت وعقب سارت لحجرتها واتصلت لساره وخبرتها وسارت باركت لها وعقب تمن يسولفن شوي وبندن عن بعض ساره من بندت عن ظبيه تمت متضايجه ومره وحده اتذكرت سلطان جان تقول فـ خاطرها : خلاص انا نسيته خلاص كل شي بيننا انتهى وجان يرن تلفونها المتصل : توأم روحي ساره : الوو ميره : هلا والله ساره : اهليين ميره : ساروه شحالج ؟ ساره : ميروه بخير .. ومن صوبج ؟ ميره : ههه .. يسرج حالي .. الا تعالي ظبوي خبرتج ان يموع خطبها ؟ ساره : اكيييد ميره : الله يتمملهم على خير ساره : آمييين يارب .. والفال لج حبيبتي ميره : ههههه .. الفال لج انتي وسلطون هنيه ساره صخـــــــت ساره : ميروه انا بخليج الحين بااي بندت الخط من عند ميره وتمت يالسه روحها فالحجره تفكر فـ سلطان جان يرن تلفونها عـ مسج يوم بطلته كان وسائط تمت تسمعه كانت اغنيه بصوت سلطان صدقني إنك على بالي لو فرقوا بينك وبيني لو حال من دونك الالي وأبطيت ما شافتك عيني في كل حاله عليه غالي يا سيد كل المزاييني ومع الغلا منزلٍ عالي مفروش ورد ورياحيني القلب عقبك على صالي مشتاق يا أغلى المحبيني ودي بشوفك ولا جالي يا غايتي وأجمل سنيني جان اتحرج وتغلق مبايلها وظهرت من حجرتها ونزلت تحت عسب اتكلم سيف شافت سلطان كان يالس ويا سيف ساره : سيفو ابا اغير رقم مبايلي سلطان هنيه انصدم و رفع راسه وتم يطالعهاا سيف : ليش انشالله ؟ ساره : في ناس ملعوزيني سيف : امممم .. انزين منو هذيله انا بأدبهم سلطان نزل راسه وظهر خاري وتم متضايج .. لانه تأكد ان ساره خلاص ماقامت تحبه سيف لحقه سيف : سلطان بلاك ؟ سلطان : آآه ياسيف .. شو تباني اقلك سيف : خير .. شو الي صاير سلطان وهو يحاول يغير السالفه : ههههه .. انت بعد صدقت ماشي كنت اتمصخر معاك سيف وهو هب مصدق : اشك الصراحه سلطان : هههههههههههههه .. والله انك غبي بسرعه اتصدق سيف : اشدراني عنك اتزييغ الواحد فـ العين تحديدا فـ حجره خميس خميس : عنود وبعدين لين متى جي بتمين ؟! عنود : خموس حبيبي .. سامحني كانت عندي ظروف خميس وهو محرج : ظروف وظروف شو هاي الظروف بعد ؟! .. انتي دومج ويا الظروف ؟! عنود وهيه اونها تصيح : اهئ اهئ .. انت ماتحس يا خميس ماتحس .. تدري ان البارجه ولد عمي خطبني .. اتعارف شو يعني خطبني يعني انا سرت لواحد غيرك .. والكل موافق عليه .. خميس انا مادري شو اسوي خميس انصدم : شو قلتيله عنود : خلاص لاتخاف انا رمسته وقلتله اني ما احبه وما اباه وابويه يبا يجبرني اخذه خميس : وبعدين شو صار ؟ عنود : خلاص ودرني ورمس ابويه وقال انه غير رايه خميس : احسن .. عنود حبيبتي والله انا احبج حسي فيه متى بتفهميني .. انا مشتااااااف متوله ابا اشوفج عنود : انا اكثر ياقلبي .. والله حاسه فيك .. بس شو اسوي خميس : انزين متى اترومين تظهرين ؟ .. عالاقل بس اشوفج من بعييد عنود : مادري اي وقت بظهر بقلك .. اقول حبيبي انا بخليك اختيه تباني .. باي بندت عنود من خميس عنود : افففف .. مالت عليه يقهر اونه يبا يشوفني عليا : عنود حرام عليج الولد يحبج عنود : حبه برص عليا : عيل ليش تسوين كل هااه ؟ عنود : الله يسلمج ها كان يدرس فالشارجه مع انه ساكن فالعين ودوووم خاق علينا .. جيه هو منو .. اتخيلي مره قفطني جدام الكل وتم يتطنز علييه .. الحين انا بأدبه وبخليه يندم عـ الحركه الي سواها فيه عليا : انزيين هالسالفه مرت عليها كمن سنه عنود : حتى لوو انا عنود عبدالله الـ ........ عليا : الله يهدييج بس .. مع ان الولد كاسر خاطري عنود : يوولي .. اصلا انا ما احب حد غير بطوي فديته والله عليا : بس بطي هب حاس فيج ولا يدري انج اتحبينه وحتى لو درى انتي اتعارفين بطوي كله يقردن ولا مره حب عنود : ههههه .. حبيبتي انا عنود .. اعرف اشقايل ايب راسه عليا : يعني وايد واثقه ؟ عنود : هييه __DEFINE_LIKE_SHARE__ |
|
| |
| |
|
12-06-2008, 12:21 AM
| رقم المشاركة : [ 3 ] | |
| عضو ماسي  | تسلم اخوي عالقصه
الصراحه روووعه تسلم اخوك مستر حبوب ^^ __DEFINE_LIKE_SHARE__ | |
| ||
| |
|
12-08-2008, 12:23 AM
| رقم المشاركة : [ 4 ] |
| عضو ماسي | (عنود : هيه الي يحبها خميس وعرفتوا سالفتها كانت فـ السكول ويا خميس ( هم كانوا فالمدرسه خاصه يعني بنات واولاد ) ومره سارت سالفة بينهم عنود انقهرت منها وحبت تنتقم للي صار بس بطريقتها والي هيه اتخلي خميس يحبها وبالفعل خميس حبها ويتعذب كل يوم عشانها .. عليا : اخت عنود اصغر عنها بسنه وهيه واايد ويا عنود وهيه اعقل عن عنود ودوم تنصحها بس ماشي فايده هيه بيضه وعيونها سود ) صوب بيت سالم ( بو عبدالله ) سعيد سمع بالخبر .. سار عند ظبوي وباركلها وظبوي تمت اتلعوزه ظبوي : الفال لك تاخذ ميثو بنت خالو مريم سعيد : اتخسي الا هيه انا سعيد سالم الـ .... اخذ هالاشكال ؟! ظبوي : هههههههههه .. انا ابا اعرف انت ليش تكرهها سعيد : ياربي تقهر خاقه علينا موول ماتعطينا ويه الي يقول سايرين انطر منها ظبوي : عااش سعود عااش بوعسكور سعيد : احم احم .. ظبوي متى بتملجون ؟! ظبيه : مادري والله خل يموعي يحدد سعيد : مااالت سار يموعها ظبيه ظربته : جب مب على خطيبي سعيد تم ناقع من الظحك عاد استانس لقا شي يلعوز ظبوي وكل شوي يطنز على يمعه وظبوي اونها ماترظى فـ بيت بواحمد رد سلطان بيتهم وهو متضايج وتعبااان عـ الآخر شافه عبيد سار ركض صوبه عبيد : سلطون بلاك ؟ سلطان وهو يبا يغير مزاجه شوي : ههههههه .. شو قالولك اني اصغر عيالك ولا اكبرهم ؟ عبيد : لا عمي بعدني ماعرست سلطان : ههههههه .. لا وبعد ناوي اتعرس ؟ عبيد : عيل يعني بس انت الي تبا اتعرس ؟! هنيه سلطان صخ وماقال شي عبيد : عمييه عمييه .. ابا اظهر ظهرني ودني اي مكان سلطان : وين تبا اتسير ؟ عبيد : ودني بيت يدي محمد .. ابا ألعوز ساروه سلطان : هب متفيج .. توني راد من هناك عبيد : امممم .. انزين ودني الشيشه سلطان : انزين يلا بسرعه سير بدل وتعال وان اتأخرت ترى بسير روحي ميره حدرت عليهم ميره : ويين ويين .. افاا تظهرون وماتاخذون دلوعتكم عبيد وسلطان : ههههههههههه سلطان : ماالت واايد مصدقه عمرج ميره : افاا يعني انا هب دلوعتكم ؟! عبيد : اكيييد .. اصلا انا دلوعهم ميره : جب انت .. لاترمس ويااي .. اقول حق سلطون شسويت اليوم ؟ عبيد : لالالالالالا .. ترى مابنظهرج ويانا سلطان : هااااه اشوفكم قمتوا اتسون اشيا من وراي .. عيل خلاص غيرت رايي مابوديكم ميره : لاااااااااا .. خلاص بقلك عبيد : انتي بلاج رازه ويهج .. لما الريايل يرمسون انتي انجبي هنيه سلطان وميره ماتوا من الظحك ميره : منو هالريال الثاني ياحظي ؟! عبيد : احم احم .. طبعا انا ميره : هههههههه .. مااالت سلطان : يلايلا لاتغيرون السالفه قولولي .. شو الي مسويه عبيد ؟ ميره : الله يسلمك عبيد يقاطعها : لااااااااا .. خلاص انا آسف والله انا آسف سلطان : اوووه قولوا ترى ماشي ميره : عبيد اقول ؟ عبيد : انزيين اتريي انا بسير اتلبس وانتي قولي حق سلطون .. ( وهمس فـ اذنها ) عسب مايظربني سلطان سمعه جان يزخه ويشيله سلطان : عبيييييد !! .. اعترف شو مسوي عبيد : خلاص قلتلكم انا آســــــف ميره تمت تظحك علييه ميره : خلاص خلاص نزله وانا بقلك السالفه سلطان نزل عبيد : يلا قولي ميره : عبيد ساير عند امييه وقايل لها ان سلطون يبا يخطب امل بنت خالو مديه .. وانك اتحبها حــب وهب رايم ترقد الليل عشانها سلطان انصدم : شووووووووو ؟! عبيد شرد .. سلطان تم يربع وراه سلطان : تعال يا الخواف بلاك شارد ؟.. جي ولا جي بيودك الحين انا احب اموله هااه ؟ عبيد : هههههههه .. خلاااص انزيين .. كنت امزح ويا يدوو سلطان : هييه هييه دخل هالفكره فراس اميه عقب بتخطبلي اياها .. وانا اصلا ما ادانيها هالدلوعه ميره : هههههههههه .. بس الصراحه انت وامول اتليقون عـ بعض سلطان سار صوب ميره ويود شعرها : حلفي انتي بس ميره : والله اتمصخر والله عبيد : وييي وااااا .. ظربوهااا .. ههههههههه سلطان : اتريا علييه ياينك الدور وجان يربع ورا عبيد الين مازخه وعبيد تم يصييح ويسويله فلم هندي لين ماسامحه عقب قال لميروه انهم سايرين الشيشه لو بتي ولا .. عاد ميره ماصدقت السالفه فيها ظهره سارت واتلبست وساروا السياره وتحركوا وساروا صوب الشيشه صوب بيت بوراشد تحديدا تحت فـ الصاله ساره : رشوود سيفوو .. والله حراام حد يعطف عليه ويوديني الشيشه ولا الجمعيه سيف : قولي حق رشود دووم انا اودييج ساره : اووه .. رشوود حبيبي ودني راشد : هب متفيج .. بوديج بس هب الحين بعدين ساره : اوكي اوكي .. ماعليي يا رشود راشد وهو رافع حياته : حلفي انتي بس .. يلايلا ماباقى الا الياهال يرمسون ساره : حرمتك الدبه هيه الياهل انزييين راشد : هههه .. فديت حرمتي والله محد يسواها عوشه : رشوود انا شاكه فيك الصراحه .. ليكون معرس سيف : ههههههههههه .. الله يهديج يامييه منو بياخذ واحد شيبه راشد نش عسب يظرب سيف بس سيف شرد وتم يقله : يالشيبه يالله الحقني اعترف انك ماتروم وساره وام راشد ناقعين من الظحك على خبالهم عقب ساره سارت لـ حجرتها وجان اتي ميره فـ بالها وسوتلها ساره : هلا والله ميره : اهلييين ساره : ابا اسير الشيشه محد طاايع يوديني ميره : هههه .. جان قلتيلي كنت بمر عليج .. انا الحين فـ الشيشه ( محطه ).. ماتبين شي ساره : ياحيييج .. اممم .. اي شي بتاخذيلج خذيلي ميره : خييبه خييبه .. بتفلسيني ساره : هههههههه .. عيل انتي بنت عم عالفاضي ميره : ههههه .. فديتج والله .. تامرين امر .. غالي والطلب رخيص .. ماتبين شي ثاني بعد ؟! ساره : لاحبي مشكوره ميره : العفوو ساره : يلا عيل بااي ميره من بندت الخط وسلطان يطالعها ميره : سلطون بلاك ؟ سلطان : هااه ماشي ميره : تدري ساروه داقه عليه تبا حد ايبها الشيشه يالسه تحن عليهم .. حليلها محد مسويلها سالفه .. الحين انا باخذلها شرات الي باخذه حقي بنسير بيتهم بوديلها اياه .. اوكي عبيد : وحليلها خالو محد يسويلها سالفه .. هع هع هع سلطان : صخ انت .. اوكي ميره : والحساب كله علييك .. اوكي عبيد : اكيييد اوكي .. عيل بس جي يايبينه ويانا سلطان : هههههه .. ترااكم مصختوها ميره : هههههه .. فديت سلطون والله .. الله يخليك لنا سلطان : ههههه .. يا ام المصالح انتي عقب اتشرت ميره الها ولـ ساره وساروا بيت عمها محمد ونزلت وسلمت ودت الحلويات لساره وعقب ردت السياره سلطان : مييرووه ميره : عيونها سلطان : تسلملي عيونج .. ساره بلاها متغيره عليه .. والله انا اتأسفت لها كل ها عسب هذيك السالفه ميره : والله مادريبها .. ماعليه ماعليه ياخوي .. هونها وتهون عبيد : اوييييه شو الي صاير ؟ .. خالو بلاها سلطان : يااربي رمس فيلسوف زمانه .. ماشي ماشي ميره : هههههه .. قفطوه وتموا على هاي الحاله الين ماردوا البيت ومر الوقت الين ماصارت الساعه 10 ونص المسا سارن بطلاتنا كلهن رقدن لأن باجر دوامات ومدارس وجامعات .. وحااله وعـ الساعه 12 ونص تقريبا كل ابطال القصه رقدوا فـ اليوم الثاني ظبيه نشت من الرقاد وسارت غسلت ويها وبدلت ثيابها وسارت اتكشخت واتعدلت واتعطرت وسارت اتشوف مبايلها حصلت 3 مسجات من يمعه المسج الـ 1 __DEFINE_LIKE_SHARE__ |
|
| |
| |
|
12-08-2008, 12:24 AM
| رقم المشاركة : [ 5 ] |
| عضو ماسي | أشتقت لك يا صاحبي وين ألاقيك؟ محتاج لك بالحيل ودي أشوفك.. أشتقت أسولف معك وأسمع حكاويك.. والضحكة الحلوة وباقي مزوحك.. يا صاحبي من كثر مطريك وأغليك.. صرت أتحلم فيك وأضحى ما أشوفك) المسج الـ 2 (أحبابنا دام على البال تطرون.. والقلب فيكم منشغل حيل مشتاق.. الله كتب في داخل القلب تبقون.. والقلوب الحلوة تخلي "الشوق شواق") المسج الـ 3 ( حياتي اليوم داومي هب اتغيبين ) من قرت هالمسجات ابتسمت جان اترد عليه بمسجين الأول ("جتني رسالة" رمزها يشرح البال هزت شعوري يوم عيني قرتها مشكور يا غالي يا أعز مرسال شفت الرسالة غالية بس "غالي" إللي رسلها) والمسج الثاني ( انشالله حبيبي اصلا خلاص من اليوم ورايح ماراح اغيب وايد ) وودرت مبايلها وسارت صوب امها واخوانها كانوا يتريقون ظبيه : صباح الخير الكل : صباح النور روضه : حياج حبيبتي اقربي سعيد : غرييبه اليوم الشمس مادري من وين ظاهره .. ظبوي بتداوم ظبيه : هههههه .. اسكت انت .. عااد مول مسكت .. اونك كل يوم اتداوم عبيدالله : والله انتو شو حياتكم سعيد : يارياال خلك كول .. شو كله سكول وسكول ظبيه : يالله كله ولا الكول مالك سعيد : سكتي انتي ظبيه : حبيب ميثوه (وتظهر لسانها وتشرد) سعيد : خسي والله خسي .. كم مره اقلج انا ما احبها والله اني اكرها تقهر .. وبعدين سكتي حبيبة يمعو .. اقصد خميسو .. اووه اقصد سبتو .. هااهااهاا ظبيه : لالا دخييلك والله عبط مايظحك انزيين سعيد : جب جب يلا بسرعه كلي وذلفي ظبيه : اووه صدق انك نحس انسدت نفسيتي عن الاكل عبدالله : وبعدييين انتو مابتصخون دقيقه ظبيه : شوف ها سعيدو الدب سعيد : ريلج الدب ظبيه : رديينا بلاك على ريلي ماكل حلالك عبدالله : جب يالله جب .. انتي بعدج ماعرستي وجي .. الله يعين عقب سعيد : هههههههههههههه .. واااك قفطوها ظبيه ومدت البز شبرين : مايظحك انزيين وتموا شوي على هاي الحاله وعقب سارت ويا عبدالله عسب يوديها المدرسه .. لأن دريولهم مسافر كمن يوم فـ بيت حميد نشت ميره وهيه هب متفيجه اتداوم .. بس غصبا عنها .. سارت غسلت ويها واتسبحت وبدلت واتعدلت وسارت صوب حجره سلطان ودقت الباب ميره : سلطوون سلطان : افف .. ماتخلون الواحد يرقد .. نعم شوتبين ؟! ميره : بسم الله .. يالله نش .. شو ماتبا اتوديني السكول اليوم ؟ سلطان : ميروه والله اني مسخن ومحموم ومزجم وحالتي حاله .. خل احمد يوديج .. انا اصلا اليوم بغيب ميره : اوكي .. سلامات حبيبي ماتشوف شر سلطان : الله يسلمج ( ورد ورقد ) سارت ميره عند احمد وقالها انه ياي عقب 10 دقايق .. هيه نزلت وشافت امها يالسه ويا ابوها سلمت ويلست اتريقت وياهم جان اي احمد ويتحركون فـ بيت محمد نشت عوشه وسارت وعت الشباب .. عقب سارت عند ساره عوشه : ساروه حبيبتي نشي ساره : ........ طق طق طق عوشه : ساااروووه ساره : منووو ؟ عوشه : يعني منو انا امج بطلي الباب نشت ساره وبطلت الباب لامها عوشه : سااروه بلاج حبيبتي ؟ ساره : ماشي .. بس البارحه كنت اذاكر حق امتحان عربي فـ سهرت والحين راحت عليه نومه عوشه : يلا فديتج بسرعه اتلبسي وسيري مدرستج لاتتأخرين ساره : انشالله وقفلت الباب وسارت اتسبحت وبدلت واتجحلت وعدلت وحطت كتبها فالشنطه واتعطرت ولبست الشيله .. ونزلت تحت وشافت راشد يالس يتريق ساره : صبااح الورد راشد : صباح الياسمين ساره : رشودي وصلني السكول اليوم راشد : اشعنه ؟ .. وعبدالكريم شو وظيفته ساره : رشوود والله حراام عليك ابا اخبرك بسالفه راشد : يعني لااازم .. انزين شو هالسالفه ساره همست فـ اذنه : عن فطوم راشد فز من مكانه : حللفي ساره : والله العظيم .. تدري هيه مخبرتني السالفه يوم اليمعه بس انا ناااسيه راشد : يلا عيل نشي ساره : اتريا باكل راشد : اوووه .. نشي نشي بوديج الشيشه ولا ستاربكس خذي حق شلتج كلهم على حسابي ساره : احللف راشد : والله العظيم .. بس انتي نشي عاد ساره ماصدقت على طول نشت وسارت وياه وركبوا السياره وجان يتحرك ساره : رشود تدري يوم اليمعه كنا نلعب جرأة وصراحه راشد : شو ها بعد ؟ ساره : ههههه .. هاي لعبه .. المهم .. سألوا فطوم اتحبين حد ؟ راشد وقف السياره مره وحده ولف صوب ساره : شو قالت ؟ ساره : هههههههههه .. بسم الله بلاك زيغتني راشد : ساااروه حبيبتي يالله قولي شو قالت ؟ ساره : همست فـ اذني وقالتلي احب رشود اخوج راشد شق الحلج : اووونه ساره : والله العظيييم راشد : فديييتها والله ساره : احم احم .. رشود اشوفك فصخت الحيا قمت تتفدى بنات الناس جدامي راشد توهق : هااه بالغلط ساره : هههههههه .. ماعيه ماعليه بنمشيها المهم ودني ستار بكس خلني اخذ شي فنان حق الشله الكريمه راشد : ههههه .. والله انكم حركات وحرك السياره وساروا صوب ستار بكس وخذوا كمن شي وعقب سار ووصل ساره السكول .. ساره من وصلت كانت متأخره ماطاعوا يدخلونها سار راشد ورمس المديره عقب تمت تعطيهم محاظره وتتحرطم عـ راسهم بعدين خلت ساره تحدر .. عقب سار راشد شغله ساره من حدرت الصف عاد البنات اونهم يرحبون فيها وحشره والابله محرجه .. عقب مادق جرس الـ 2 سارت ساره وعزمت شلتها وبنات صفها عـ الي شرته من ستار بكس والكل كان مستانس وياكل جان تحدر عليهم ابله رائده مالت الفيزيا ابله رائده : يلايلا كل واحده توقعد في محلها .. ( يلايلا كل وحده تقعد في مكانها ) الكل : اوووه .. ماااانباااا ابله رائده : الي مش عاجبتنها الحصه تتفزل برع ( الي هب عايبتنها الحصه تظهر برع ) ساره : السموحه ابله .. ماعلييه مشيها هالمره ابله رائده : انتي مين قالك تتكلمي .. اوأفيلي فوق اشوف ( انتي منو قالج تتكلمين .. اوقفي ورا اشوف ) مزون : هههههههههههههه .. فوق الطاوله ولا الكرسي ؟ بثينه : يمكن الاثنين الكل : هههههههههههههه الابله : بس بس .. الي بشوفها تظحك بزتها برع ( بس بس .. الي اشوفها تظحك بروغها برع ) جوري : خييبه شو زبااله ؟ مزون : اشدرااني الابله : خلااااص مابدي اسمع ولا نفس سلامه : يلا بنات لاتتنفسون الكل : ههههههههههههههه الابله : يلا اليوم بدنا نوخذ عن القاعد الـ ..... ( اليوم راح ناخذ عن القاعده الـ .... ) بثينه : ولل ولل ولل نوخذ مره وحده مزون : بثوون ترى اليوم بنوخذ عن القاعده الـ .... الكل : ههههههههههههههه عليا : اوووه شله قوم مزون بس انتو ليش جي حشره نحن نبا ننتبه مزون : لادخيييلج .. لالا اميييه بصيييح الكل : ههههههههههههه الابله : شو هااي انتو وين قاعدين في سوق السمك ؟! سلامه : لا سوق الخضار الكل : ههههههههههههههه الابله : يلا نوخذ الدرس .. ساره 20.0 + 604 اكم تساوي (يلا ناخذ الدرس .. ساره 20.0 + 604 كم تساوي ؟ ) ساره : اممممممم هنيه مها بطلت الدريشه جان الابله اتحرج الابله : مهاا .. أأفلي الباب و اوأفي فوق ( مها سكري الدريشه واقفي ورا ) ساره : هههههههههههههههههههههه الابله : انا ما إلت شي بظحك .. أأفلي تمك واوقعدي في محلك ( انا ماقلت شي يظحك .. سكري ثمج واقعدي في مكانج) __DEFINE_LIKE_SHARE__ |
|
التعديل الأخير تم بواسطة Grshoob Albdoo ; 12-08-2008 الساعة 12:27 AM | |
| |
|
| مواقع النشر (المفضلة) |
| الكلمات الدلالية (Tags) |
| ليشّ, تتعّمـد, تعّـذبنّي, ؟..}~* |
« شاب سعودي يتزوج حبيبته رغم بتر ساقيهاقصة حقيقية..ارجوقرائتها بالكامل لتعرف المستحيل...حياكم.....
|
بحضر زفافك يا حياااااااااااتي ( قصة صارت في بوظبي) »
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بَڪٌلْ [ هُدۈَء ] أخَطۈآ خَطۈَآتيْ.ِ~ | شذى الحب | تراحيب وتهاني | 5 | 06-13-2010 11:41 AM |
| أمُوت مرّة لو أحسّڪ تضايقتْ ،/ و مليُـون مرّة لا إختنـق صُوتڪ بـ آه ،! [BB wallpapers | نظرة ودآع | برامج وصور وثيمات والعاب بلاك بيري و IPhone | 22 | 04-19-2010 12:57 PM |
| ليشّ تتعّمـد تعّـذبنّي ؟..}~* | شوق الريم | قصص و روايات | 9 | 10-07-2008 03:47 AM |
الساعة الآن 11:00 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227