ليشّ تتعّمـد تعّـذبنّي ؟..}~* .. - الصفحة 13

بحر عييمان · 12-05-2008, 01:13 AM

اخويه غرشوب البدو

اممم عآدي اساعدك واحلطهم بارت واحد __DEFINE_LIKE_SHARE__

بحر عييمان · 12-05-2008, 01:17 AM

البارت السابع

ساره خلصت جان اتسير واتيب كوب وتغسله وهيه الحين يايه اتصد عسب اتحط العصير فالكوب ولا ايد وقفتها ولزقتها عاليدار
انصدمت ساره: انت شو تسوي هنيييه ؟!
: الشوق والوله يابني لج

ساره : ميود بلا عبط خوز عني ابا اسير
مايد يتقرب منها زياده : ساروه احبج متى بتحسين فيه
هنيه ساره زاغت وشافته كل شوي يتقرب اكثر وهيه قلبها شوي وبيوقف كانت زااايغه وتبا ترمس وتصارخ بس ماتروم
مايد : ساروه حياتي
ساره وهيه خلاص بتموت مب رايمه ترمس من القهر وفـ خاطرها لو تكفخه بس ماتروم اتخاف يسويبها شي
مايد : ساروووه والله احبج احبـج احبــــــــج ( وكل مايقول احبج صوته يعلى اكثر واكثر واكثر ) .. وهو وخى شوي عسب يبوسها عـلى خدها
ولا مره وحده حد سحبه ويتم يكفخه تكفييخ ومايد يدافع عن عمره
وساره ميته من الصياااح تبا تسير بس قلبها هب مطاوعنها اتخلي حبيبها يتظارب ويا النذل
ساره : سلطاااااااااان .. مااايد خلااص .. والله حرام عليكم ليش جي تسوون فيه ؟
سلطان سار صوب ساره وهو مقهور ومفوول عـ الاخر وبدون لا يحس بعمره : ظهرتي خاينه والله ماهقيتها منج يابنت عمي يا حبي السابق بالخااااينه وبدون لا يحس بعمره عطاها كـــــــف خلاها تظلم الدنيا بعينها وطاحت بدون لا تحس بعمرها حدرت فاطمه وانصدمت من الي شافته وتمت مصدووومه وماتعارف شو تسوي ظهروا سلطان ومايد من المطبخ ، ويلست فاطمه اتصارخ واتصييح جان يمسع راشد صوت وحده اتصيح على طول ركض صوب المطبخ شاف غناته اتصيح على طول سارلها وانصدم لما شاف ساره طايحه
راشد : فاطمه شو الي صار
فاطمه وهيه تصييح وهب رايمه ترمس : مـ ـ ـ ا دريييي
على طول راشد شل ساره وقال لفاطمة اتيب عباتها وبدون لايحس حد
سارت فاطمه ركض ويابت عبات سارة وهيه لبست عباتها
راشد : فاطمه .. انتي خلج هني
فاطمه : والله مارووم دخييلك خلني اي وياكم
طاع راشد وركبوا ساره السياره وطيرااان عـ المستشفى

سلطان تم مصدوم وماتحمل لدرجه انه تم يصييح ماظن فـ يوم من الأيام ان ساره راح تخونه وويا منو ميووود الخايس .. وتم على حالته

فـ بيت بوراشد صوب البنات
ظبيه : شو انا قلت حق ساروه تذبحلي ذبيحه ولا اتسويلي عصير برتقال
ميره : افف انا زايغه قلبي ناغزني
شيخه : خير انشالله يلا ننزل تحت وانشوف وينهم
سارن البنات تحت وماحصلن حد فـ المطبخ بس ظبيه حصلت العصير وكوب طايح تحت مكسور
ميره زااغت على طول سارت فوق ويودت مبايلها و دقت لفاطمه بس ماردت وتم تسويلها الين ماردت عليها
ميره : فطووم وينكم ؟
فاطمه وهيه تصيح : فالمستشفى
ميره : شوووووووو
فاطمه : بقلج بس والله ماتخبرين حد
ميره : قولي دخييلج والله مابخبر حد
وقالت لها فاطمه ان حدرت المطبخ شافت ساره طايحه وجان راشد ايهم وشافهم وشل ساره وهم الحين فالدري سايرن للمستشفى
ميره : اوكي انا الحين يايه ويا الدريول
فاطمه : روحج ؟!
ميره : اكييد
فاطمه : يابنت الناس لاتمشكلينا تمي يوم انا برد تعالي
ميره : والله ماروووم .. ساروه حياتي تعبااانه ( وتمت اتصيييييح )
فاطمه : يلا انا ببند بااي
وبندت ميره ومارامت تستحمل اكثر ويلست اتكمل صياحها وجان اي سلطان على بالها دقت لسلطان بس مارد عليها وتمت اتطرش له مسجات

( سلطان رد عليه بليييز ظروري )

بس ماشي فايده

وصل راشد المستشفى وعلى طول دخلوا ساره عـ الطواري ودخل الدكتور عليها واتأخر فاطمه كانت ميته من الزيااغ وكل شوي اتصييح
راشد : فاطمه خلاص والله الصياح ماينفع بس ادعي ان الله يقومها بالسلامه
فاطمه : والله ماروم هاي ساروه الغاليه ( ويلست بعد اتصييح )
ظهر الدكتور من عند ساره على طول راشد سار صوبه
راشد : ها شو بلاها ؟
الدكتور : انت تبأ مين ؟
راشد : شو تحقيق ؟ .. انا اخوها
الدكتور : لاء مش تحقيق ولا حاجه بس عشان اعرف
راشد : انزيين الحين البنت بلاها ؟
الدكتور : الحمدالله مابهاش حاقه بس بتدلع .. هيه اتعرضت لصدمه وباين ان حد ضربها .. دنته ضاربها
راشد وهو محرج : انا لله وانا اليه راجعون .. لا هب انا الي ظاربنها
الدكتور : مالك يابني هد اعصابك وانشالله خيير
راشد : اوكي متى بيظهرونها ؟
الدكتور : انشالله البنت بتصحى بعدين يصير خير
راشد : عادي احدر عليها
الدكتور : دلوأتي لاء
راشد : عيل متى ؟
الدكتور : بعد ماتصحى يابني .. انا ساير ورااي مرضى
راشد : الله وياك
وسار الدكتور وراشد توجه صوب فاطمه وخبرها بالي الدكتور قاله عن ساره
فهالحظه رن تلفون فاطمه وكان
المتصل :
امييه الغاليه

فاطمه : راشد هاي امييه .. شو اقلها ؟
راشد : قوليلها الصدق .. يلا ردي عليها
ردت فاطمه : الوو
مريم : هلا .. فطوم حبيبتي وينج ؟
فاطمه : انا فـ المستشفى
ميره : بسم الله بلاااج بنتي ؟ .. ومتى سرتي المستشفى ؟
فاطمه : ساره اغمى عليها وراشد وداها المستشفى وانا سرت وياهم
مريم : انزين انتو فـ اي مستشفى الحين ؟
فاطمه : الامريكي
مريم : الحين بنيكم .. يلا مع السلامه
فاطمه : مع السلامه

وبندت التلفون وصدت صوب راشد وشافته سرحان فيها استحت فاطمه نزلت راسها راشد حس ان فاطمه حست انه كان سرحان فيها
راشد : ها شو بغت الوالده ؟
فاطمه : الحين بتي وياها الحزب مالها
راشد : هههههه .. يلا عااد مب على عموتي
قفطت فاطمه ويلست
راشد : هب يوعانه .. بصراحه انا يعت
فاطمه : ههههه .. انا بعد والله
راشد : يلا عيل نشي خل ننزل تحت انسير ناخذلنا شي ونيلس فـ الكوفي مره وحده
وساروا راشد وفاطمه ويا بعض

صوب مايد من عقب السالفه ظهر من بيت خاله وسار ركب سيارته وتم يهييت فالشوارع وهو مقهور من حركه سلطان .. يعني سلطان اشدخله ليش يرز ويهه وتم صدق صدق مقهوور

مريم من سكرت الخط من فاطمه سارت صوب عوشه وقالتها وعوشه زااغت على بنتها لبست عباتها وشافتها ميره وسارت صوبها وتمت تصيييح عليها عسب توديها عند ساره طاعت عوشه وسارن عوشه وميره وركبوا ويا الدريول ( عبدالكريم ) وساروا صوب المستشفى

وسارت ميره صوب الرسبشن وسألت عن
ساره محمد الـ ...... وقالولها انها فقسم الطواري وساروا هناك ودقت ميره على فاطمه عسب ايعارفون هم وينهم بالضبط
فاطمه : نحن تحت يالسين فالكوفي الحين بنيكم
وخبرت راشد ان ميره وعوشه فوق عند حجره ساره على طول ساروا عوشه من شافت راشد طاحت فـ حضنه ويلست اتصيح

عوشه : طمني على بنيتي دخيييلك
راشد : الحمدالله الدكتور قال مافيها شي بس بيخلونها كمن يوم لين مايتطمنون عليها
عوشه يلست عند فاطمه و ميره الي ذابحه عمرها من الصياح

فـ بيت بو راشد
سيف تم يدور على سلطان بس ماحصله استغرب ظهر برع ماشاف لاسياره سلطان ولا مايد وتم مستغرب يعني ليش ماخبروه انهم بيظهرون ؟

مريم يلست عند الحريم وقالت لهم عن ظروف عوشه وقالت ان ساره فـ المستشفى كلهم اصروا انهم يسيرون لها بس مريم ماطاعت تخليهم لأن روحها البنت تعبانه ولازم ترتاح شوي

فـ المستشفى ظهرت النيرس تنادي الدكتور وهيه تركض وحاشره الدنيا
راشد وام راشد وفاطمه وميره زاغوا على ساره وحاولوا انهم يحدرون بس النيرس الثانيه ماخلتهم
ويا الدكتور بسرعه وحدر حجرة ساره والكل كان زايغ

صوب سلطان سار صوب بحر جميرا وقف سيارته ويلس مجابل البحر وجان يشل

انا يا سيدي انسان وفا في حبك حسافه كنت لي خوان وحبك كان لي كذبه
خدعت وقلت انا هميان وانت قلبي تعذبه تذكر يوم انا ضميان وجيتك حالتي صعبه
وانت فـ راحتك رويان وفيدك كاس تلعبه
ابكي وسار بي شمتان عجيبه قاسين قلبه
واطلب يالغلى طلبه دخييلك عيش لي نسيان
خيال كنت تحلمبه ياكذبه في شكل انسان طريجي لا تجي قربه
انا يا سيدي انسان وفا في حبك ومن حبه حسافه كنت لي خوان وحبك كان لي كذبه

وهو يالس يشل دمعت عينه وعقب ماخلص من الشله قرر انه يبتعد عن ساره لأنه مول ماتوقع هالشي ومن منو من ساره من حياته وقلبه وروحه وغناته .. جان ينش من مكانه ويتوجه لسيارته وهو ساير للسياره تذكر شكل مايد ويا ساره وجان يهز راسه ويركب السياره وحرك وهو ساير لبيتهم رن تلفونه وكان
المتصل :
حبيب قلبي
سيف : سلطووون وينك ؟
سلطان : فـ الدنيا الخايسه يعني وين بكون ؟!
سيف : سلطان .. انت ويا مايد
سلطان من سمع اسم مايد حرج وصارخ : لااا اتخسي اظهر ويا هالخايس
سيف : بسم الله بلااك ؟ .. شو سوالك ميود بعد ؟
سلطان : المشكله ماسوالي انا سوا لأختك ساروه

يتبع __DEFINE_LIKE_SHARE__

بحر عييمان · 12-05-2008, 01:19 AM

تابع

المتصل :
حبيب قلبي
سيف : سلطووون وينك ؟
سلطان : فـ الدنيا الخايسه يعني وين بكون ؟!
سيف : سلطان .. انت ويا مايد
سلطان من سمع اسم مايد حرج وصارخ : لااا اتخسي اظهر ويا هالخايس
سيف : بسم الله بلااك ؟ .. شو سوالك ميود بعد ؟
سلطان : المشكله ماسوالي انا سوا لأختك ساروه
سيف : شووو ؟!.. سلطان دخيلك قلي شو السالفه سلطان : سيف انا ساير بيتنا لو تبا تعرف السالفه تعال هناك .. اترياك لاتتأخر

بند سلطان التلفون وسار بيتهم .. وسيف من بند عن سلطان وهو يفكر يعني مايد شو الي سواه فـ اخته الي خلا سلطان جي يحرج .. جان يسير يدخل الصاله شاف عمته مريم
سيف : عموو .. وين اميه وساروه ؟
مريم : ساره مرقده فالمستشفى .. وامك عندها
سيف انصدم : شووووو ساروه فالمستشفى ؟! .. اي مستشفى ؟!
مريم : المستشفى الامريكي
سار سيف ركض لحجرته عسب يشل سويجه ويسير لسلطان
نزل تحت وهو يركض ولا جان يدعم ظبوي
سيف : السموحه والله ماشفتج

ظبيه : مسموح
وجان يسير سيف ركض ركب سيارته وعلى طوول سار لبيت عمه حميد شاف سلطان يالس فـ الحوي والسفره على جتفه ومنزل راسه جنه يالس يصيح سار سيف صوبه ويوده من جتفه وتم يهزه
سيف : سلطان .. سلطان .. قلي ميود الثور شو سوا بساروه ؟!
سلطان تم ساكت ورفع راسه عسب يشوف سيف
سيف من شاف شكل سلطان انصدم كان امبين من شكله صدق صدق تعبااان وخصلات من شعره طايحه على ويهه
سيف : سلطان وغلاتي عندك قلي السالفه
سلطان تم يرمس ويقول لسيف السالفه كلها
وسيف تم مصدوم من رمسة سلطان : سلطان مستحيييل ساروه اختي وانا اعارفها اكييد ها ميود
سلطان : المشكله انها كانت واقفه ( وجان يتذكر يوم ظرب ساره ) جان يسكت
سيف : سلطان بلاااك ؟
سلطان : ماشي ماشي
سيف : انا ساير عند ساروه فالمستشفى بتي ؟
سلطان من عرف انها فالمستشفى تقطع قلبه : بلاااها ؟
سيف : والله مادري بس يقولون انها تعبانه فـ المستشفى
سلطان : لا سير روحك مالي ويه اطالها
سيف : ليش ؟ .. انت ماسويت شي
سلطان تم ساكت
سيف : سلطان دخييلك قوم وياي
سلطان : سيف خلاص سير انا بتم هني
سيف : خلاص عيل بسير اتطمن عليها وبييك
سار سيف وركب سيارته وتوجه للمستشفى يوم وصل سار الرسبشن وسأل عنها وقالوا انها فـ العنايه المركزه
سأل سيف ليش بس الرسبشن ماردوا عليه وسار بسرعه القسم وشاف راشد + امه + فاطمه + ميره واقفين عاد ميره وفاطمه مسوينها مناحه
( ترى لما سارت النيرس تزقر الدكتور ساره كانت هب رايمه تتنفس ويالها ظيق تنفس ويمكن بتخسر حياتها فـ اي لحظه عسب جي نقلوها للعنايه المركزه )
ومن عرفت عوشه يلست تدعي ان الله يقوم بنتها بالسلامه .. يلس سيف حذالهم ومن سمع الي بـ ساره ما استحمل عيونه دمعت وسار رمس الدكتور عسب يخلونه يدخل عند اخته يبا يشوفه بس فالبدايه ماطاع وعقب الحنه طاع بس بشرط اذا بيدخلون لازم واحد ورا الثاني ومايسون حشره عسب راحه المريض طبعا اول وحده دشت عوشه ومن شافت بنتها صاحت على حالها ويلست حذالها وتمت تقول : شو الي صابج يابنتي .. انتي بس قوليلي منو ها الي جي يسوابج .. ويلست تصييح عقب ياها الدكتور وقال ان وقتها خلص حبت راس بنتها ومسحت عـ يبهتها وظهرت ودخل راشد عقبها ومن شاف اخته دمعت عينه وسار يلس حذالها وحبها عـ راسها وجان يظهر .. عقب ميره حدرت عقبه ويوم دخلت تمت اتصيييح وتقول : سارووه فديتج نشي والله بموت لو شي صارلج .. ساروه انا بدونج ولا شيي .. ساروه حبيبتي لو اتحبيني نشي وتمت اتصييح جان تحدر فاطمه والدكتور ظهر ميره وفاطمه سارت وحبت راس ساره وقالت لها الله يقومج لنا بالسلامه يارب وقرت عليها كمن آيه وظهرت واخيرا جان يحدر سيف .. سيف من شاف ساره مارام يستحمل تم يصيح ويلس صوبها وقال : سااروه حبيبتي نشي انا ادري كل ها من ميود الثور بس والله لو اشوفه مادري شو اسويبه .. ساروه حبيبتي نشي انا محتاج لج شرات ما انتي محتاجه لي .. سلطان يحبج وهو سوه كل ها عشانج .. وجان ايود ايدها و شاف ساره اتبطل عيونها بكسل سيف من شافها فرح
سيف : ساروه الحمدالله عـ السلامه
ساره وهيه هب رايمه ترمس : الله يـ ـ ـ ـسلـ ــمك
سيف : ساره انا دريت كل الي صار
ساره وهي اتطالع المكان وهيه مستغربه : انـ ـا ويـ ـ ـن ؟
سيف : انتي فـ المستشفى
ساره : لـ ـ يـ ـش ؟!
سيف : مب وقته انتي الحين ارتاحي وانشالله خيير .. يلا عااد ترى تولهنا عليج
ظهر سيف وهو مستانس وزقر الدكتور وخبره ان ساره بطلت عينها ورمست ويااه ودخل الدكتور وشاف ساره وفحصها وظهر وطمنهم انها صارت احسن عن قبل وان الحين بينقلونها عـ غرفه عاديه

استأذن سيف وسار ركب سيارته وتوجه لبيت عمه حميد حدر البيت جان يشوف سلطان يالس بنفس المكان
سيف : سلطون انت بعدك ؟!
سلطان رفع راسه وعيونه محمره وتم يطالع سيف
سيف : سلطان بلااك ؟
سلطان : تعبااان ألحقني .. ( وجان يطيح)
سيف : سلطاااان ..
شله سيف وحطه فـ السياره وسار المستشفى وتم يزقر النيرسات عسب يشلونه بسرعه ويو وشولوه وودوا قسم الطواري و حدر عليه الدكتور وتم يكشف عليه عقب ظهر وشاف سيف يالس سار وقاله يتطمن بس هو اعصابه تعبانه ولااازم يرتاح كمن يوم وسار
حدر سيف على سلطان وتم يالس عنده الين ماحس ان سلطان بدا يحرك عينه
سيف : زيغتني عليك يالدب
سلطان : ههههه .. والله كنت تعبان يعني انا شو ذنبي
سيف : تدري ان ساروه كانت بين الحيا والموت
سلطان من سمع طاري ساره لف ويهه بس بنفس الوقت كان زاااايغ على ساره : ليش ؟
سيف : حبيب القلب ملعوزها
سلطان : وشو هيه الحين ؟
سيف : احسن عن قبل
سلطان : الحمدالله
سيف : سلطون اتحبها
سلطان : .......
سيف : انزيين هيه مالها ذنب هذا ميود
سلطان : ترى لما جي صار سرت عندها وصارخت عليها وصفعتها
سيف تم منصدم : احلللف
سلطان : والله وعطيتها رمسه قويه .. ما اتوقع انها راح تسامحني
سيف : حاول مابتخسر شي .. ترى هيه فنفس المستشفى
سلطان : احللللف
سيف : والله .. تبا اتسير عندها ؟
سلطان : والله ودي بس متردد
سيف : خلاص ماعلييه انا بشوف وقت محد يكون موجود فيه وبوديك .. انا الحين بسير اشوفهم وبي
سلطان : اوكي
وظهر سيف من حجره سلطان وتوجه صوب حجره ساره شاف امه
سيف : امييه خلاص انتو ردوا البيت انا بتم عند ساره
عوشه : مايصيير اتم روحها
ميره : انا بتم عندها
عوشه : خلاص عيل لو جي اوكي بس بنرد عقب
سيف : اوكي
وسارت عوشه وخذت فاطمه وراشد وياها عسب يردون البيت وتمت ميره فـ المستشفى
سيف : ميره .. ساره واعيه ؟
ميره : هيه بس الدكتور عندها الحين
سيف : انزيين ترى سلطان بعد هني فـ المستشفى فـ قسم الطواري
ميره : اووونه .. ليش بلاه ؟
وقالها سيف
ميره : اوكي انا بتم عند ساره وانت ييب سلطان بس بسرعه عن حد اينا
سيف : اوكي

وسار سيف صوب حجره سلطان
وحدر الحجرة وشاف سلطان
سيف : ها جاهز ؟!
سلطان وهو مستغرب : جاهز لشو ؟!
سيف : بوديك عسب تشوف ساره
سلطان : لالالالالا .. مابا خلااص
سيف : افااا .. ليش ؟
سلطان : والله مالي ويه اجابلها
سيف : دخييلك .. لو تحبها
سلطان : ماابااا
سيف : مب كيفك .. ( وجا ايب له الكرسي المتحرك وايلس سلطان عليه )
سلطان : انزييه لحظه خل اعدل شكلي
سيف : هههههه .. اصلا انت من يومك خسف يعني لو شو سويت مابتحلوو
سلطان وهو يطالع سيف بنص عين : احلف انت بس
سيف : اتمصخر بلااااك ساير حساس
سلطان : ماشي ( وجان يعدل شعره ويرده على ورا )
سيف :يلايلا بسك والله انك حلوو بعدين اخاف على اختي اتطيح علينا من جمالك
سلطان : ههههههه .. حلوه حلوه
سيف : رقمها
سلطان : ماااالت .. مووول مايخصه
سيف : يخصه ونص ( وجان يدز سلطان وصل صوب حجره ساره )
سلطان كان زاايغ وقلبه يدق ومب رايم يحدر
سيف : يلا ندخل
سلطان : سيف انت ادخل الاول وجيس النبض وبعدين انا بحدر
سيف : اوكي
حدر سيف وخل الباب مفتوح كانت ميره يالسه ويا ساره
سيف : ها سااروه شخبارج الحين انشالله احسن ؟
ساره بحزن : الحمدالله على كل حال .. الا وين امييه ؟
سيف : الحمدالله .. اميه ردت البيت بترد بعديين
ميره : سااروه ممكن اتقوليلنا شو الي صار بالضبط
هني ساره صخت وتذكرت الي صار وتذكرت سلطان وكيف نظرته لها وكيف شك فيها وظربها وجان اتصيح
سيف لوى على اخته : سااروه حبيبتي لاتصيحين
فهاللحظه حدر سلطان وانصدم لما شاف ساره بهاي الحاله عيونه دمعت
وساره الثانيه انصدمت لما شافت سلطان بهاي الحاله وماتوقعت انه بي عندها
سلطان : ساره السموحه والله ان ماكان قصدي اقول ولا اسوي الي سويته
ميره : سلطووون شوسويت ؟
سيف : ميره خلهم روحهم يتفاهمون
ساره زاااد صياحها
سلطان مارام يستحمل اكثر تقرب صوب سرير ساره
سلطان : ساره والله انا آسف يلا عاد سامحيني .. وسوي الي تبينه فيه كفخيني موتيني عذبيني سبيني
ساره : ليش قلتلي خااينه ؟! .. والله اني ما احب مايد وهو الي ياني مارمت اسوي شي
سيف : ساروه خلاص انسي الي صار
ساره : خشت راسها بالمخده وتمت اتصيح : والله مارووم مارووم ظهرواااا برررع ابا اتم روحي (وتمت اتصييييييح)
هني سلطان فقد الامل ان ساره اتسامحه وسار ظهر برع ولحقه وتم يرمسه
سيف : سلطان ماعلييه هيه الحين تعبانه شوي لاتزعل منها
سلطان : انا استاهل كل هذا مني انا
ميره : فهموني شسالفه حراام عليكم جني اطرش فالزفه
سيف خبرها السالفه كلها ميره تمت مصدوومه طبعا سلطان وسيف قالولها ماتخبر حد بالسالفه

صوب بيت بو راشد حدرن عوشه و فاطمه الصاله وشافن الحريم يالسات سلمت عليهن وتمن يتخبرن عن حال ساره طمنتهن وقالت انها بخير فـ هاللحظه ظبيه شلت مبايل امها وحدرت حجره سارة وقفلت الباب واتصلت بـ يمعه
ظبيه : هلا والله
يمعه : اهليين وسهلييين .. زين يوم انج دقيتي
ظبيه : ليش ؟
يمعه : بخبرج خبر بتفرحين له
ظبيه : يلا قول اطربني
يمعه : انا وامايه بني عقب كمن يوم عسب نخطبج
ظبيه : احلللللف
يمعه : والله
ظبيه : اويييه .. واخيرا
يمعه : هيه فديتج .. الا تعالي انتي وينج ؟
ظبيه : فبيت خالوتي عوشه .. وانت ؟
يمعه : توني راد من المول
ظبيه : شو كنت اتسوي ؟
يمعه : اغاازل .. يعني شو كنت اسوي كنت يالس ويا الربع
ظبيه : اهااا .. اقول يموعي بخليك الحين بعد شوي بسويلك
يمعه : اوكيك بااي
سكرت ظبيه عنه وتمت مستااانسه ان اخييرا يموع بيخطبها
جان تظهر من الحجره حصلت فاطمه فـ ويها وسألتها وين كانت وجي جان اتخبرها السالفه كلها اتضايجت ظبيه عسب ساره وحاولت ويا امها عسب توديها عند ساره بس الام ماطاعت اونه البنت تعباانه انشالله عقب __DEFINE_LIKE_SHARE__

{ ذلتهـِم ع ـيوني ..~* · 12-05-2008, 01:37 PM

وجـآإن اصـــيح على ح ـآآلهـٍم ..

البـآإرت حلوو بس يعوور القلب بس ان شاء الله سأإره بتسامح سلطـآإن ><"

وننتظر البـآإرت إلي بعــِده على نـ،ـآآآآآآآآآآآآآآآآآآآر __DEFINE_LIKE_SHARE__

بحر_الحب · 12-06-2008, 12:05 AM

يسلموووووو ع الباااااارت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بَڪٌلْ [ هُدۈَء ] أخَطۈآ خَطۈَآتيْ.ِ~	شذى الحب	تراحيب وتهاني	5	06-13-2010 11:41 AM
أمُوت مرّة لو أحسّڪ تضايقتْ ،/ و مليُـون مرّة لا إختنـق صُوتڪ بـ آه ،! [BB wallpapers	نظرة ودآع	برامج وصور وثيمات والعاب بلاك بيري و IPhone	22	04-19-2010 12:57 PM
ليشّ تتعّمـد تعّـذبنّي ؟..}~*	شوق الريم	قصص و روايات	9	10-07-2008 03:47 AM