تأريخ وأصالة ... وحب حتى الثمالة .... ليلة العثورة على مشردة .... تقرير من سرهيد

محروم.كوم · #1 08-05-2010, 07:50 PM

بسم الله الرحمن الرحيم

من شاف العنوان : يقول هذا بيكتب عن ليلى العامرية .. والا لبنى مدري منهي بنتة اللي كان يحبها قيس ... وعلى فكره ترى فيه قيسين ولا تنشودني عن االاسماء ، الا هو صدق قيس والا جميل ... المراد ان اسم ابوه ابن الملوح وبس ... يعني لا تكثرون عليّ .. تراني في كتب الحب من جنبها ....

بس عاد تبون الجد ... عندي منهو مثل ليلى العمارية ... وادري ان بعض الناس اذا قرأ الموضوع بيغير بس ما عليه ، اكيد الغيرة هذي بتكون على دبات علشان كذا بتكون كراسي القلب مرتاحة ....

واللي قال المثل للناس فيما يعشوق فنون عز الله انه مجرب يعشق بريموس قصدي يعشق صدق .

وانا من عشاق البريموس حتى الثمالة ، ليس تعصبا انتهبوا ، تراه والله للجودة التي اراه فيه ، والتي جعلتني ( أخق(1)عند كتبت راجع الهامش لمعرفة كلمة اخق

حتى أن الشعار الحيمراني هذا صار يجذبني من بعيد عند اي سلعة ، والله يهدية ، كم مرة خيشني ويوم قربت لقيت الدعوى اخرطي لا بريموس ولا شيء ...

المهم ... مالكم في الطويلة ..

سالفتي اليوم سالفة العثور على مشردة ، حبيبة القلب دبة SIEVERT سفرت البرتقانية ( برتقالية ) مقاس 5 رطل تقريبا ... والبركة في الاخ الكريم موادع .

بداية الرواية قصيد السالفة :

في مرة من المرارير .. دق علي واحد(ن) اسمه موادع .. وفي قيض قايض حررررررر .. وفي يوم جمعة مباركة واني منسدح في البيت تحت هالمكيف ابي البراد ويالله يالله ينفع رأسي في صباب(2) المكيف حلوة صباب المكيف ، هذي يعرفونها اهل النخيل .... المهم واذا الجوال يرن واذا موادع ...
موادع : الو .
انا : سم طال عمرك .
موادع : ابو عبدالله مساك الله بالخير .
انا : مسيك بمثله ، يالله حيه ذا الرجال ، اقلط طال عمرك القهوة بارزة(3) ...
موادع : الله يكثر خيرك ، بس انا في الحراج ولقيت لك دبة سفرت .
انا : بكم طال عمرك ,
موادع : بسبعين
انا : خذها طال عمرك

بعد يومين ، يجبها الرجال ، واذا الدبة بنت لعجوز عندي وهذي صورة العجوز

قلت جابك الله ... ومغير اصد بها في عايرة البيت واضمها ، وخذ بوووووس وانت وينك فيك وشلون جابك الله ، تقول اكلم بنت

عز الله ان اللي كنتي عنده ما عرفت قدرك ، وجابك الله للي بيعرف قدرك ان شاء الله .

واول الخطوات كان اني انفض غبرتها واروح بها لحقين البوية علشان يزهلقونها (4) ويجددون شبابها .

وانقز بها في اليوم الثاني للصناعية واقرب محل بوية سيارات واعرضها عليه ، قلت ابي بوية فررررررررررن ، يعني بوية زي الناس ..

وافك المحبس حقها وأوديه له وبدأ العمل كما ترون :

طبعا ، قال لي العامل : رح وبعد يوم تعال استلمها .

جيته اليوم الثاني وكانت النيجة كما ترون :

فعلا تغيرت كثير واختلفت ورجعت لشبابها الأول .. ملوم الحريم العجز يسون تجميل وتسحيب خدود وتتفيخ وغيره ، الوحد منهن ثمها واصلن اذنها من كثر ما يسحبون فيه ، اتاريه يعودهن لشبابهن هههه

واشون الرجاجيل ما لهم ولا كان راحو شيبانا وطي ، وصار منخر الواحد حرف U من كبره ومن كثر سحبه .

بس الله حق ترى هذي ما جها لا شد ولا تتفيخ

== يتبع
__DEFINE_LIKE_SHARE__